鮨一 (厚福街)

营业中

休息中

放假梗係又係食我最鍾意嘅日本嘢啦，今日嚟到鮨一，我哋被安排坐bar枱，可以睇住師傅整壽司😆值得一讚公眾假期都有lunch menu👍🏻首先都係上啲基本嘢，沙律、茶碗蒸同埋麵豉湯🤣都係正正常常～而前菜係一個醃白蘿蔔，入面竟然仲有幾粒瑤柱😯我叫咗個五品刺身定食 ($98)🤤佢有三文魚、八爪魚、帶子、白身魚同赤蝦，每款刺身都有兩件～個人覺得帶子係最好食，好鮮甜！飯方面，佢本身係配白飯，如果想跟返赤醋飯就要加$10喇～佢亦有一個優惠價，$6可以有三片三文魚刺身🤤咁抵我梗係加咗啦！今次係第二次食呢間餐廳，我覺得質素唔錯，尖沙咀嚟講性價比都算高，推介☺️

呢排突然想食日本野，之前一直見到啲人話呢間好高質，亦有出名嘅海膽飯所以提議食呢間坐位少少迫是日只有日本海膽要加＄100，加完100，價錢有少少貴囉但都係要咗個大size, （貴但都照要，口不對心）哈哈～個飯到咗，海膽山高高，正！！！鮮甜仲要咗生蠔，好大隻呀，仲賬卜卜卜creamy呢～甲羅燒有點鹹，夾包食就岩岩好鮨一沙律，沙律算大份亦都好足料仲有其他燒三文魚壽司，雞泡魚干.....正常咁整體來講，食物質素唔錯，人均要400～500左右，特別日子可以黎慶祝，開心吓

黎到尖沙咀，想食日本野，醒起好多人係ig打卡嘅鮨一，因為仲未試過就黎試下啦😋見最多人post嘅係千層海膽飯($298)黎到緊係要食啦海膽超級多，味道鮮甜，2個人食都好足夠另外仲會配有紫菜，咁就無咁單調啦😋另外仲嗌左d壽司同特上錦繡刺身($488)不過其實食完海膽飯已經好飽啦😆係好滿足嘅一餐飯呢

The sashimi was very fresh and delicious. We have ordered salmon, shrimp and scallop which are ultimately excellent. Other cooked food such as eel has very high standard as well. Among all, my favourite is the urchin rice. You can even taste the sea water freshness and it was a perfect match with the seaweed and rice. All in all, the rolls and sushi were superb and recommended.

食飯記得book位 次次都幾full 是次order左一個千層海膽飯🤣如圖一樣 爆多海膽 好新鮮🥰一開始以為份量好少 但一上到黎有種爆丼感推介 下次會再encore👍🏻整體滿意

呢間地點方便，但都幾嘈，師父介紹每款食材基本都要講兩次先聽到，同埋食完發現成身油煙味🥲口味真係人人唔同，覺得食材方面應該係新鮮的，但剛好今晚無我喜歡既蝦，有啲美中不足，而且比較多淡味既魚，無果種：嘩！好味呀！既時刻出現，但呢個就係廚師發板既特點，比咩食咩。睇到之前既食評同食物相都好吸引，可能其它食物會比Omakase出色，如果一心想試Omakase既朋友，以呢個價位有好多其它選擇。😅題外話，唔知係我手殘定師父擺位出咗事，有啲壽司擺到好似就黎跳樓咁，定還是係藝術黎？🤣😂

想同朋友靜靜地傾計嘆日本菜，呢間都可以一試！.秋刀魚刺身是日精選刺身之一，原條秋刀魚刺身，見到條魚骨就知師傅刀工好好！.鮫鰈薄切薄到透光既鮫鰈刺身，因為魚肉味偏淡，配搭酸酸地既醬汁一齊食好夾.石恆貝刺身好鍾意食貝類刺身，因為新鮮既話會又彈牙又鮮甜，呢個石恆貝就係咁既口感啦！.日本白粟米係北海道食過一次新鮮白粟米，一試難忘，估唔到呢度都有得食！一咬落去就爆出清甜粟米汁，粟米粒又爽脆，好好食.鮮帶子海膽手卷海膽控既我，呢個手卷必點啦，新鮮海膽仲有鮮帶子切粒，配埋醬油漬飯，無得輸.吞拿魚牛油果手卷我朋友就好鍾意吞拿魚，所以就點左呢款手卷，又估唔到牛油果同吞拿魚都夾喎.軟殼蟹天婦羅炸粉又薄又香脆既軟殼蟹，香口野配清酒就最好.辣味噌煮和牛腹呢款熟食都好出色！蘿蔔吸收晒香濃味噌汁，和牛腹亦燴煮得好林

鮨一海膽杯，超吸睛😍係呢度餐廳嘅招牌菜，必點海膽杯我地就叫咗個迷你份量今次佢用咗加拿大膽， 都有四. 五嚿唔好睇佢細細份，其實都飽肚感呢個海膽杯味道同賣相👍👍👍

鮨一日本料理 (厚福街) 📍尖沙咀厚福街12號藍馬商業大廈18樓小編食過2次(相會mix埋一齊)，都係比海膽飯吸引到😋好鮮甜，不過就偏貴同細件，要草多d子彈先會再尼既餐廳 ▪️ 千層海膽飯(大) $298海膽新鮮清甜，份量多，啖啖都海膽勁滿足，食過返尋味，推介👍🏻▫️ 千層海膽飯(小) $198一尼到都真係幾細碗，食完唔夠候勁後悔無叫大size，多$100寧願叫大碗▪️ 秋刀魚刺身($168) 好新鮮既刺身，賣相都好靚▫️三文魚親子芝士壽司卷 ($85) Cream cheese更突出三文魚油香，好味▪️牛油果加州反卷 ($75) 相對上呢個就比較普通，不過都食得出蟹子好新鮮▫️鹽燒油甘魚鮫($98) 燒到岩岩好，魚皮唔乾，肉嫩有肉汁▪️日本真蠔 ($98) 生蠔大隻肥美，上面有柚子啫喱、蔥花🥰好creamy ▫️十貫目 (HK $238)第二次先試壽司set，每款得一件，種類普通唔吸引，性價比低，有少少失望，唔似呢間餐廳嘅出品🥲唔建議——————————————————————-🤍環境舒服，食物新鮮🤍壽司飯是赤色，採用赤醋打壽司飯，味道更濃郁💔壽司方面就有小失望，唔夠新鮮同大件，性價比低總括食物新鮮

上次食完荃灣分店一直念念不忘，一個月後適逢周年紀念就帶女友去左尖沙咀厚福街既分店🥳尖沙咀分店一共三層，比起荃灣分店大得多。餐廳設有吧枱同適合多人聚餐既普通座位，我地選擇吧枱，因為可以近距離欣賞師傅既功架😎- 特上十貫目上次係荃灣食左十貫目，大部份壽司質素唔錯👍🏻，今次試左特上十貫目，壽司可謂全面升級，包括海膽壽司、拖羅壽司等等。醋飯加上新鮮嘅魚生，每一件都好味。- 鮨一沙律材料以沙律嚟講非常豪華，包括三文魚、八爪魚，而且切成一粒一粒，每一啖都食到所有魚生，另外中間既蕃茄甜到入心🥰- 日本白粟米原來粟米可以生食，自己亦第一次見到白色既粟米🤤。一咬落去爆曬汁，甜度比一般粟米更高👍🏻- 甲羅燒甲羅燒以蟹膏、蟹肉加上蛋黃為主。首先將蟹膏同蛋黃攪拌，然後再塗係香脆多士上面，味道非常濃郁。- 辣酒煮廣東蠔廣東蠔外表飽滿，酒完全帶出蠔既鮮甜，而且辣勁十足。- 鮨一手卷鮨一手卷包括海膽、吞拿魚蓉、三文魚籽同少少金箔，材料多到幾乎滿瀉。手卷並非一般雪糕筒形狀，每一啖既食材比較均勻，食到最後唔會只剩下紫菜跟壽司飯。- 香蔥吞拿魚腩手卷吞拿魚腩非常細膩，入口甘香，每一啖都充滿香濃既魚脂，非常滿足😝

第四次黎食#鮨一 呢間日本餐廳真係要book枱記得第一次黎walk-in等左兩個鐘🥲自此之後每次黎都一定book定枱！呢度的刺身好新鮮 今日食左鮫鰈 鰹魚 彩檜貝另外熱食叫左味㬝煮牛舌 燒子持香魚牛舌咁大碟都只係$68 相當入味烤魚入面超飽滿魚春 烤得香口另外叫左時令的日本白粟米🌽基本每逢on menu都會order甜度就 夠爽脆 好似食緊水果咁仲叫左穴子壽司🍣厚切啖啖肉 但記住襯熱食整體係keep到水準的居酒屋 會再訪🎌

日本蘋果沙律 蘋果爽脆甜度十足 重加上海量嘅蟹子 蟹柳同沙律菜日本白粟米 估唔到粟米都可以就咁食 好似食緊生果咁 爽口甘甜特上錦繡刺身 有八款唔同嘅刺身每款兩片兩個人食就啱啱好 勁大堆頭嘅海膽好似唔使錢咁牡丹蝦超巨型 蝦頭入面有滿滿嘅蝦膏 巨型鮮帶子 金目鯛等等 全部都十分新鮮甲羅燒 勁多蟹膏 入面仲有一絲絲嘅蟹肉配埋蟹子同鵪鶉蛋成個口感更加豐富 再淋上多士上面食 好夾鮨一手捲 材料豐富 包括晶瑩剔透又爆漿嘅三文魚籽 鮮甜嘅海膽 同埋口感綿密嘅呑拿魚蓉 鮮帶子海膽手捲 同樣有非常甘甜嘅海膽再加上鮮甜無比嘅原隻帶子 下面係少有嘅赤醋飯

呢間長期book到full哂嘅日本餐廳竟然有日俾我walk in等15分鐘食到首先梗係要試最出名嘅海膽飯啦鮨一海膽飯 $298呢個超澎湃嘅海膽飯睇相成日以為會唔會係好細碗架原來份量真係唔細喎 海膽都真係好多唔會食到落底就冇哂海膽 而且都算幾新鮮特上十貫目 $348十款壽司 魚生肥美新鮮 質素比想像中高甲羅燒 $98又一邪惡之選蟹蓋裝住滿滿嘅蟹膏再連埋細細塊嘅多士一齊食真係超好味 呢個超推介什錦天婦羅 $92正常嘅什錦天婦羅有蝦 有菇 有菜 冇咩特別免治雞肉（自家製）$35雞肉好軟腍 醬汁味道香濃鹽燒牛舌 $38燒得非常香 非常煙韌明太子雞翼 $45好多明太子 啖啖滋味鮨一係一間比想像中高質嘅日本料理不過係坐得窄少少 啲枱都排得都幾密但都值得一試

為食姊妹話好耐冇食日本嘢，相約放工去尖沙咀食我哋至愛的日本菜，一坐低先點一支清酒，揀了這支入口比較淡而帶甜的清酒再來一點同清酒配搭的菜式，店員推介尼隻時令生蠔仙鳯趾蠔，比手掌還大隻的蠔色澤新鮮，肥美肉厚，入口非常鮮美和十分creamy質感爽口，真是值得一試銀雪魚刺身，平時食的多是熟的銀雪魚，估不到生的銀雪魚一點也不腥，反而入口充滿銀雪魚獨有的魚油香味清酒煮蜆，淡淡的清酒湯底，更能吊出蜆的鮮甜，淸新可口鹽燒三文魚腩，燒得外層脆口，內裏肉質滑溜，燒過的三文魚，魚油的香味發揮得淋漓盡致海葡萄蕃茄沙律，很久沒有吃個海葡萄，難得餐廳有提供，海葡萄粒粒爽脆，加上新鮮沙律菜和小蕃茄微酸的醬汁，十分開胃日本白粟米，生粟米咬落爽口多汁，非常鮮甜，健康之選

近排忙於搬屋，都要食下好野氹下自己開心的，今次就同朋友來到這間位於尖沙咀的日本餐廳食日本料理!我們安排座於bar枱位置，可以見到師博切刺身的好刀功!鰹魚刺身，鰹魚刺身都算厚切，刺身下面放有柚子醋啫喱，食的時候只要連埋一齊食，不過點醬油已經很美味!鰹魚魚味香濃，帶有甘香!薄切池魚王刺身，池魚刺身師傅切到非常薄，望上去有點晶瑩剔透，點上附有的酸汁，更能帶出魚的鮮味，很適合夏天享用!石恆貝刺身(兩隻) ，石恆貝口感爽口，點上醬油令味道更鮮味!宮崎白玉粟米，這款粟米可以生食，第一次生食粟米，口感爽脆，味道非常鮮甜而且多汁，很特別!鮨一手卷，鮨一手卷用上三文魚籽海膽吞拿魚蓉!海膽好鮮甜，三文魚籽脆卜卜，三者一齊食原來好match，好美味!香蔥吞拿魚腩手卷 ，吞拿魚蓉味道香濃，帶有魚的甘香，亦有蔥花既香味!味噌煮牛舌，味噌湯味道濃郁，牛舌煮得好腍，而且都幾厚切，每舊都吸收了味噌湯既味道，十分惹味!軟殼蟹天婦羅 ，這裡的軟殼蟹都好大隻，天婦羅份量都好多!用上椒鹽作調味，所以不用再點上醬汁!軟殼蟹多肉而且肉質鮮甜，估唔到咁好食!