魚鱻魚湯專門店

营业中

休息中

今日一行7人去食LUNCH特登打的過黎架!我要左魚鮫魚湯米線同同事交換左個大魚頭魚湯米線大家叫左炸魚皮同椒鹽九肚魚我麻麻地鍾意炸魚皮椒鹽九肚魚好好味好脆,O岩O岩炸起魚鮫魚湯米線好好味,俾我飲晒D湯;原來平時鍾意食果個係魚鮫!好滑好好味!魚頭夠滑,好大個食完之後好飽啊滿足! 不過地方就細左D囉!終於明白點解冷氣要咁凍!!

叫左個魚滑米線+吉列豬扒魚湯幾鮮甜~唔覺有味精~魚滑都幾滑, 吉列豬扒都幾好, 唔會好厚粉~

今日叫左一碗魚餅米線加魚滑, 外賣拎走!好開心, 我叫他們幫我全部分開, 他們願意!而且雖然人很多, 但都幾快走得!回到家後, 食完真係想再食!雖然感覺米線真的少了, 但都足夠一個男仔的食量!(推介)

去咗細舖試咗個蕃茄肉碎魚湯米線,真係好大碗,好多料,d湯以蕃茄味為主,有些少魚湯味,飲咗大半碗湯都唔覺口渴,阿叔阿嬸服務都ok,可能係星期日三四點鐘既關係,唔係好多客,成班伙記仲雞啄唔斷!見到隔離枱既魚腩米線,d魚腩好飽滿,下次要試試

我係聽完朋友推介先去呢間餐廳食野，叫左個古法炸豬扒魚湯米線。我覺得湯底唔錯，因為好少米線o既湯底會咁清(如果食開米線都知，通常d 湯底會好多油，而且以濃味為主)，豬扒和米線都無乜特別，唔似得坊間d 人話咁好味。價錢一般，要搭檯，環境好迫，如果其他食家想食得舒適d，我不recommand 呢間餐廳。

去過3次, 魚餅好味, 豬扒好香及唔太多油. 魚腩米線好味, d湯飲晒都唔口渴.

出名後第一次返舊店食,雖然在隔離開咗間小分店仔,但係都要等,而且小分店仔面積細小峽窄.要咗魚腩米線,魚滑米線,炸魚餅.等咗好耐,同枱的比我更耐,問他攞胡椒粉,問咗兩次先攞嚟,米線份量比舊時少得多,而魚湯淡到不得了,一睇就知溝水,食完仲要好口渴,就圍放雜物,又污漕又臭,總之而家就唔得喇!!!

今日同左老豆同妹妹去食由於大家都唔係話超級大食，放是就叫左一個桂魚球湯米($39)加木瓜($5)同一個斑球湯米($39)再加一個明太子魚肝($20)魚肝再先到，果然如前面的食評所說，明太子只係一個gag，唔係真係有入面的雖然係咁，不過個魚肝真係好好食蒸得剛剛好，好嫩滑，加上味道真係好甘鮮簡直令我地驚豔，連平時唔食肉臟ge妹都食左好多平日鍾意食焗魚腸ge一定唔可以錯過!!!之後到兩碗米線，應該係因為我地叫ge係是日精選即係餐牌後手寫那些推介，所以真係超級大碗比起普通米線大碗好多三個人share都好飽魚湯唔係好濃種，不過有魚味，都幾鮮甜兩碗ge魚球都幾好味勝在清清淡淡同埋d木瓜切得細細粒其實都有幾多同都幾甜爸爸話d魚湯米好好食又好抵以後一定會再食我就覺得全餐最正ge係個魚肝，真係無得彈!!!

在南豐返工,大多數也來過吧Q.Q炸魚餅/魚滑米線加埋咁大碗魚湯,唔食飯都飲飽,D湯真係好有魚味!但最好冬天吃,夏天真係又迫又熱

本身住荃灣，睇住呢間舖仔越來越旺。講味道，的確一絕，湯底有鮮味又夠清，配料多花款，成日都有新魚。不過講環境就真係一蟹不如一蟹，總店已經逼到傻，開多間分店係旁邊係好事，不過揀間又窄又細既，坐得重唔舒服，同埋坦白講，真係要執一執，近幾次去都覺得張好Dirty，用紙巾抹完即變黑色，所以最好都係買外賣。

初初開店時, 真係差唔多一個星期食一次, 但自從越來越多人食後, 我就變到最快都一個月先食到一次. 最近一次去食應該係十一月中, 兩個人食左個蕃茄肉碎加西洋菜餃加魚滑泡飯. 炸豬扒同埋九肚魚. 湯底既蕃茄明顯比以前淡左好多, 相信係滾得唔太夠時間既關係, 西洋菜餃係非常之苦, 而其他都算保持到.但店裡面既衛生情況真係越來越差, 地板永遠有層"積"咁, 裝豉油既樽係油淋淋, 有好多"積". 亦見到d人抺枱時好順便將d碎垃圾掃埋落地. 雖然老闆依然咁好傾, 同埋當你同佢講d野食有問題時, 佢都會肯同你跟, 但係d地方咁唔乾淨, 我真係唔想坐係到食.相信日後就算真係想食, 我都寧願買外賣, 起碼唔洗同人迫得咁緊要.

上星期四又和老公去荃灣，在路德圍街口我們不約而同提出要試試這間魚湯店。我們路過此店很多次了，只是每次都去了附近的食肆。昨晚可能時間比較早，不用等位，我們想了5秒就進去了。舖頭地方比較狹小，不過食肆最重要是食物美味地方清潔。我們看著餐牌，什麼都是魚魚魚的，然後又看看對面食客們吃什麼，就點了潮州炸魚片魚湯泡飯和雜菌魚湯米線加豬潤。炸魚片米線一來到，老公便說好像同相片差很遠!炸魚片的做法原來是將每片魚片用油炸，由於魚片很薄，都給炸至彎了，另還有三數件豆卜。魚湯只有很淡的魚味，卻帶有炸魚片的油味，而且偏咸。我寧願魚片切得厚些，會減少了油膩感。($20)雜菌魚湯米線加豬潤比較好，雖然魚湯的味道不太突出，有豬潤的鮮甜補足，雜菌的份量多而且新鮮，米線的口感也算好。($20 + $5豬潤)整體而言，以這個價錢來說的魚湯米線泡飯，算是OK!

已經係第2次來,今日食晏唸唔到食乜同同事來左呢到食...1點令鐘好多人...我叫左魚餅米線22元同事叫左炸魚片米線20元+魚皮10元,,,,個樣都幾大碗, 我個魚餅ok啦夠熱,不過硬少少會更加好,魚湯冇驚喜希希地......濃d我唸會仲好..同事既魚片..炸到好似食薯片咁. 魚皮唔太好味....d野一般..不過都算平食得過既

「和味」了一星期，打開眼後想到的是喝一碗暖和的魚湯。已一段時間無來了，是日精選上多了些新點子，是明太子魚肝，朝早吃魚肝也真的是挑戰膽固醇的極限，但這類限量供應的佳品，是可遇不可求的，抱著一吃而後快的心情來一客。想喝清一點的魚湯，來了招牌魚滑拼魚春、魚卜、魚扣．．．及喜歡的勝瓜。魚肝是即叫即上的，魚肝連著魚血，沒有加陳皮及多椒蒜等多餘的調味料去腥，吃落卻沒帶半分腥味，即日留起的新鮮魚肝輕焗的魚肝，夠濃又帶著軟潤的質感，真箇是地道的佳品。又問問大叔魚肝有了，但明太子呢？答案原來同明朝有關的，又是地道小店獨有的幽默小品，朝早聽了，較之咖啡更為醒神。魚湯又是即叫即做，吃得新鮮熱辣，也不介意等十來分鐘，是日沒有加上原條魚來煮，湯底明顯地更為雪白，少了點金黃的魚油味道自然清新輕盈一點，也恰如其分地鮮而甜。魚滑是鯪魚肉打的，帶著軟而微微彈性的質感，中間存著微細的氣孔，濃郁而不腥，也是行認真的製作，是下回打邊爐必買的「手信」。喝了大碗魚湯，轉涼後的清甜魚湯感覺是說不出的窩心，總算回家了。題外話：魚肝在十二點左右已售罄，有吃請早／小店租了附近的舖位，地方較老店企理一點。

第一次去食,叫左個魚鯇魚湯米線,d魚既鮮甜..湯底一般..$22/碗都ok..唔算太貴..但間舖其中有個女侍應,貌似TB,帶住附眼鏡,男仔頭,木無表情,個咀好似'xo'個咀咁..本應我唔應該以貌取人既..但佢既態度另到我唔會再去幫襯..我同朋友坐係門口位,果條友又係負責企係門口既,有個呀婆入黎話一位,咁條友就以抵8度同好似死人既語氣講'一位有一位'個呀婆問'有冇飯食架'咁間野係sale 米線+泡飯..條友就答'無',個呀婆就走左...但成個對話係條友一路都無望過呀婆,只係望住個天花板咁..我個人覺得佢好無禮貌...到臨走時我叫多左隻炸雞翼打包,佢包完比我一野掉係我張枱度..我望住佢..佢又係行返原位望住個天花板..走時我經過佢側邊..佢一句'多謝'都無...我真係未去過一間野侍應既態度係咁..