魚鱻魚湯專門店

营业中

休息中

第一次去食,叫左個魚鯇魚湯米線,d魚既鮮甜..湯底一般..$22/碗都ok..唔算太貴..但間舖其中有個女侍應,貌似TB,帶住附眼鏡,男仔頭,木無表情,個咀好似'xo'個咀咁..本應我唔應該以貌取人既..但佢既態度另到我唔會再去幫襯..我同朋友坐係門口位,果條友又係負責企係門口既,有個呀婆入黎話一位,咁條友就以抵8度同好似死人既語氣講'一位有一位'個呀婆問'有冇飯食架'咁間野係sale 米線+泡飯..條友就答'無',個呀婆就走左...但成個對話係條友一路都無望過呀婆,只係望住個天花板咁..我個人覺得佢好無禮貌...到臨走時我叫多左隻炸雞翼打包,佢包完比我一野掉係我張枱度..我望住佢..佢又係行返原位望住個天花板..走時我經過佢側邊..佢一句'多謝'都無...我真係未去過一間野侍應既態度係咁..

荃灣有很多食米線地方, 但有些店名過於實. 知道有一檔食魚的米線, 決定找找來試. 沒有記地址, 最後很幸運地找到這間店. 一坐低給多款魚的menu 弄得眼花瞭亂. 我不是識食魚的人, 決定選少骨的黃立倉泡飯. 見到整條黃立倉, 真的有“嘩”一聲, size 大過手掌, 真的不錯! 然後, 喝一啖湯, 很清和鮮.而魚則很嫩和鮮, 比家裡蒸魚還要鮮美. 跟著不客氣地開餐. 泡飯份量太多, 只吃了差不多一半的飯, 浪費食物真的不好意思. 但我實在太飽了…. 老細與伙計態度親切, 與食客打成一片. 下次一定再幫襯.

除左一般既多款時令魚類可選擇外, 還有一些市場上比較少吃到的, 例如不同的魚扣, 即魚胃, 吃過桂花扣及烏頭扣, 另外還有田雞扣, 想試多d新意思, 是不錯的選擇.不知是否我要求高, 我覺魚湯可以更鮮更濃更香, 此店越食覺佢既湯底越來越淡, 米線如果可以煙硬一點就更好, 我覺比較林口了.

我這兩個月轉了荃灣做健身,食黎食去都係茶餐廳。所以就去搵食...見到這間幾多人話好食,就去試下。我已經同我朋友食過兩次,這兩次都係幾好。我第一次食豬扒泡飯,第二次係扎肉炸魚皮泡飯。兩次都係幾好,我特別喜愛吃泡飯。這間是不錯的,而且價錢都不貴。而我朋友食左兩次都係一尾魚加泡飯,可能我對魚唔係好大興趣...我就覺得還可以的。食得都幾迫,..,.,.,不過都ok~

今日入開去荃灣登高拜山, 見呢間咁多食家讚, 於是就來試下. 間舖真係好細好迫, 但都好乾淨. 我地叫左魚餅米線, 魚腩米線, 原條黃腳立泡飯, 同吉烈豬扒米線. 除左黃腳立泡飯外, 其他各碗的魚湯都較淡味, 但魚餅,魚腩同吉烈豬扒食味都ok. 條黃腳立真係有成隻手咁大, 魚肉很鮮, 很多魚肉, 碗湯魚味很濃又很鮮甜, 食完條魚,泡飯同飲埋d湯之後, 飽到行唔郁!!!o係果度聽到老闆(原來就係樓面個顆計!!)講, 原來大角咀果間係分店, 地方大好多. 下次去開果頭要試下先!!

男性朋友CK四個月前已經推介呢間,但一直冇機會試,尋日(13-10-2007 Sat)趁去做義工前o黎食個午飯先.12:30pm到,已有8成滿,由於我未o黎過,所以唔知有咩食同價錢,我一直抬頭睇掛o係牆上o既list良久,男侍應話唔好意思就遞上佢o地o既餐牌畀我睇.我要o左個個都讚o既$10.00一件古法吉列豬扖同$39.00 o既原條筍殼魚湯米線.等o左一陣,吉列豬扖先上.薄薄o既麵包糠包住約有7mm厚o既豬扖,豬扖算大件,表面唔覺好油.食落,熱騰騰o既,但內裡o既豬扖好鬆軟且仍有肉汁,而且表裡如一,真係唔油,唔錯.食完再等多一陣,大大碗o既原條筍殼魚湯米線o黎到.好熱好熱,魚肉好滑,唔鯹又夠鮮,米線幾淰,米色偏黃o既魚湯可以再濃啲,不過佢o地係冇加味精.服務:算好禮貌,但緊守崗位做收銀o既妹妹仔真係只會做佢o既職責,叫佢落單佢唔係落單o既,OK冇問題,但都可以幫我叫人o掛?到付款時,佢就好稱職咁講聲多謝.環境:唔算太迫,OK o既.其他:由於坐o係門口o個張枱,隔鄰就係廚房,裡面o既廚師講o野我o地會聽到,講粗口都算,但希望佢o地唔好咩食X呢啲說話,好嘔心呢.後記:其實當時畀過呢條

妹蛋想食米線,我就想清清地,所以就去試試,餐牌魚款選擇有好多,及有魚的不同部分選擇珍珠立魚鮫米線:湯底吾夠魚味,濃d就仲好,魚鮫夠肥,夠滑有魚味,魚鮫數量都算多,不過仲有dd魚鱗,未打清,米線軟硬適中油金魚尾米線:湯底吾夠魚味,濃d就仲好,條魚尾好大條,好多肉,有鮮味

尋晚去試食! 點知要排隊! 都好快有位! 地方迫d同熱d ! 今次叫了(自己怕魚骨, 因曾經哽骨要去睇醫生,所以唔會叫多骨魚) 魚滑魚湯米線$22 - 魚湯似自己屋企煲個隻....應該 堅料冇味精!米線唔會淋曬ok ! 魚滑普通左d !魚餅魚湯米線$22 - 魚餅係煎o既, (分開上) ok ! 白灼魚皮$20 - 冇腥味! 但有次响葵芳食有d麻油味及 脆口(但仲有d腥味) ! 如果佢可以做到 脆口就perfect 啦!墨魚蝦卷$20 - 好味! 好彈! 老公鐘意佢用付皮包住 炸....有口感喎! 但我話如果做餅形式 去煎應該仲好! 油菜+ 汽水$10 整體ok ! 如果d人鐘意食魚o既有好多魚類選擇! 但如怕骨o既就要小心d ! 因d魚放在米線面而唔係分開上!

之前食評提過,一次ok一次偏淡,原因是一次在晚飯時間食原條,一次則在lunch食魚腩,今日lunch再去,試吓lunch食原條魚上,結果係原條魚上好味好多!今日同同事一點鐘去到,大約等咗5分鐘左右有位.分別叫咗:魚腩米線+粟米+蕃茄(28蚊): 同事說湯今天很鮮味,加了粟米蕃茄湯更好,魚腩也新鮮,不俗!黃腳立米線(39蚊):湯很鮮味,魚雖然有點o鞋,但很新鮮啖啖肉,很好!我以後去呢度食嘢,都會食魚條上,我自己覺得湯比較濃郁及鮮甜,39蚊,絶對ok!

老豆回港短, 期間都盡量陪他吃晚飯, 做下孝順女!! 他是食魚怪, 本想帶他到大角咀分店, 貪其地方(相對)較四正寬敞. 但為遷就細佬放工, 結果再回主店!一行五人, 坐得較迫, 沒法! 來此只為吃魚, 於是分別點了:大魚頭米線: 魚頭開邊上, 眼凸凸好新鮮, 老豆吃得啜啜聲;山班魚米線: 山班魚肉質較實和鞋, 但亦不失鮮味;馬頭球泡飯: 我的. 雖不知是何魚, 貪其已起肉不用擔心有骨. 魚肉比山班魚滑, 有魚味而且啖啖肉, 份量亦頗多;黃花魚泡飯: 老豆的. 肉質是最滑的, 而且頗大條, 見老豆吃過不亦樂乎, 最後全條魚只剩下一堆"渣"....炸魚片米線: 媽子的. 因她知道無能力消滅整條魚, 於是決定只點魚片, 另每碗也抽點"佣". 炸魚片是薄薄的, 據報炸得頗香口卻不太油膩, 眼見她的米線也沒充斥著油份.這裏亦標榜以魚湯作湯底, 的確, 湯底是有魚鮮味, 而且亦沒有太重手的"師傅"協助(吃完沒有口渴的反應). 見老豆吃得抱著肚子, 我也覺得很滿意呢^^

以前行過呢間鋪都唔知佢食咩,連個名都睇唔明,所以就一D想試既意欲都冇. 但最近放假,唔知自己入o左D乜keyword o係Openrice,突然見咁多好評,又係我一直想試既類型(好多魚),於是就特登走去試,一試就一星期食兩次,真係好鱻味.第二次去,入到去,老闆古古怪怪咁好似唔想做我地生意,叫我地等下先(唔係因為冇位),擾攘完一輪先放我地入去,又問我地要食幾多碗,之後就好有禮貌咁解釋話原來佢地生意太好,只剩兩碗魚湯,又強調佢地唔會溝水,咁o岩又有人食食下又話要打包一碗返去,所以要傾好耐先至放我o地入去.入去點o左原條桂花米線,男友則點了吉烈豬扒湯飯加蕃茄加肉碎(原先係叫蕃茄肉碎湯飯加吉烈豬扒,但呀姐話咁叫會唔同價錢,咁我地就叫佢幫我地併個最平o既組合).米線o黎啦,水準依然,我條桂花雖然有d d 泥味,但鮮味依然十足,啖啖肉之餘d肉仲好嫩,真係正. 男友個蕃茄魚湯好家庭feel,大家都好滿意,全部清晒連湯都一滴不留,只剩一個字:正. 差d忘記件吉烈豬扒,都十分不錯,難怪我地坐親係度食都不停聽到d人叫親order 都硬係要加件吉烈豬扒.

評分只給-----魚推介：　紅魚尾，黃骨（少有），笋殼加木瓜更鮮味！

好奇怪,明明出名食魚,點解叫人食豬扒?係真係幾好味,每次都想飲埋啲湯,但最後都冇,因為驚有味精.荃灣總店坐位很少,所以轉咗去大角咀分店,因為啲人靜係知荃灣店唔知大角咀店,可能唔就腳啦,其實由旺角行入去或者搭地鐵奧運落行過去都算方便.

琴晚收工,一個人既晚餐,係附近收工,行過去食吓,原因OR食評及身邊友人好評如潮,本著一試無訪既心態. 叫咗"黃立倉漁湯米線"+一碟通菜全走+一罐汽水...通菜同汽水先嚟,無咩特別,跟住到米線嚟啦,好大碗,賣相都幾好,成條魚喺裏面,仲有3舊豆卜,飲啖湯,小小腥同魚味,加小小胡椒粉就ok啦,食得出魚好新鮮,食到最後魚同湯都飲晒,剩番半碗米線,飽飽好滿足.今日,同事叫出去lunch,又話去呢間,心諗都好,琴晚食過番尋味,lunch去到,要等一陣位,都好快,今次叫咗"魚腩米線"+蕃茄,飲啖湯,同琴晚差好遠,湯好淡之餘仲要無魚味,唔知係咪因為lunch人地溝淡咗,定係我今次叫魚腩,無成條魚煮咁鮮味,今日食完只係覺得ok,無琴晚咁滿足!我諗下次去食,要避開飯市同要諗吓選咩餸!

話說閃閃有一次病左，只可以食魚同粥同埋米麵之類，男朋友就帶左我黎呢間鱻啦！第一次因為唔知有咁多野食，只係叫左魚腩米線食，但已經覺得好好味，見到男朋友食魚尾米線，覺得好吸引，下次再去就叫左魚尾食啦！一碗大約都有四條魚尾，好好味呀！我連個尾都食埋咁濟，最鐘意食魚尾d 骨中間滑滑既肉呀！好正好正，食完個四條魚尾都要用好多時間，碗米線都唔少，食完好飽肚架！($33定$39呢，我唔記得價錢了，總之就係抵食)，不過我覺得湯底係差少少，唔夠鮮甜！唔知點解梗係差少少，不過成碗魚尾都已經好鬼正咯！我地食既係鯇魚魚尾，有時夜得濟好多時都已經冇晒！次次去都要囉number排隊，店仔細細冷氣又唔多夠，有時都覺得幾熱下！但冇計啦！佢實在係好食，點都會去食的！對上一次我九點幾去到冇晒鯇魚魚尾，唯有叫一樣好似係尾咁既魚鮫(我同事叫佢做魚手！哈哈)都幾好味喎，但我都係最愛魚尾！！大大條好味好多呀！佢仲有好多好味既小食，而且好多種類既魚同不同既部份位食，值得推介喲！((附圖係魚鮫米線))