魚鱻魚湯專門店

营业中

休息中

18:30----入到去,叫野食18:45----等野食19:00----開戰!!!!!首先圖一)吉列朱扒米線+魚春------好老實個句,魚湯比之前淡左,不過幾好食我老婆叫左什菌米線+魚咀----什菌唔多講,但係個魚咀真係好新鮮大戰之下,我碗野如圖二所見.................

對上一次來已經是大半年前的事，生意好，於是租了另一邊的舖位應付客量。都是喜歡坐返舊舖，五點左右人不算多，來了多次基本上每次來都是問問大叔（或靚女）是日返到什麼魚，想啜骨就要了銀珠尾米線，再加魚膘、魚扣，只可惜新推出的魚春售罄。老樣子即叫即煮，傾了十分鐘電話後就有得吃，大叔怕料多過湯，建議將米線另上，很細心。魚湯看樣子唔多對路，依稀如水不夠奶白，湯面沒有與魚尾同煮出來的淡黃「魚油」，心涼了一截。湯溫溫吞吞的，下了不少薑絲卻去不了腥味，對比起從前大為失色，而大條魚尾同樣帶腥但吃落夠彈性，對換返條魚應該有兩斤重，大魚的魚骨很美味，吃個一格不剩。配角魚膘、魚扣質素卻是不錯，前者夠新鮮無經油爆亦同樣鮮味不腥，後這是桂花魚扣，個性不及烏魚扣，但細細粒夠嚼口也不錯。皺著眉頭喝了半碗湯，質素確是大幅下跌，收七十三元一碗，質素應該要更好。事後跟食友談起，唔來亦非損失，是日失準希望只屬意外吧。

最近吃魚湯米線，魚湯越來越淡味，鯇魚腩又越來越薄，如果是將貨就價的話，我寧願佢地再調整價格囉！唔好搞到唔湯唔水！另外，冷氣真係好唔掂！吃熱辣辣魚湯，冷氣一點要好勁先得，佢地真係要好好改善一下！座位雖然坐得不太舒適，但服務態度算是唔錯的！

唉～～～我一向都好鐘意食ｄ間野．．旦係我前幾日去過．．發現真係月黎月差．．ｄ湯呀＼”／　同一開始個時比．．．．真係差好遠以前好清甜．有魚味．．而家．．．加左好多水．．唉～～我想佢整返以前既水準．．／ｕ＼

昨晚大約7點去到只係等了大約10分鐘就有位，舊舖環境比較差，坐門口第二張枱，食嘢時冷氣唔係幾夠．要了一個魚腩米線，一個枇杷豆腐，一個椒鹽九肚魚．先來米線份量唔係太大碗，魚湯唔夠熱，魚味唔係太濃，再來九肚魚，＄25得大約6-7條都幾貴，不過唔知點解無椒鹽味，枇杷豆腐＄20得6粒，雖然兩樣都係即炸出來，不過豆腐就好味d．d待應好有禮貌，唔該前唔該後，真係好少見到．

每次幫襯都係先打電話落單，15-20分鐘就可以去拎原本想食魚骹，不過佢地話果日既魚骹係好細隻果啲，所以要左：魚腩魚湯米線+蕃茄，啲魚腩薄左啲，不過仲好滑黃立倉魚湯米線+蕃茄，啲個魚湯比魚腩果個更鮮，黃立倉手板咁大條，正炸蝦卷、魚餅、吉列豬扒、枇杷豆腐、油菜每樣一份，番到屋企食都仲好好味~~

日期：2008年9月6日黎開荃灣當然要諗下有ｄ咩一定要去試既食店，終於諗到哩間鋪頭．地方雖然有ｄdirty，又有ｄ熱，點都要試下既．魚餅魚湯米線：鯪魚肉整既魚餅，湯有ｄ鯹鯹地．潮州炸魚片魚湯米線：已經炸左既魚片再炸，所以碗野好油．墨魚炸蝦卷：好彈牙．

好少短時間內... 係同一間食肆打兩次食評 ~ 就算去左幾次都唔會寫咁多... 不過今次真係要係一個月內再比多個笑面魚鱻先得 ~ 今日帶媽子去食，叫左一碗米線，一碗餃子同三個小食。 蕃茄湯肉碎米線: 魚湯比起上次果個原條魚去餚的就當然爭少少... 但都很鮮甜，飲晒 d 湯都唔覺得口乾 ~ 而蕃茄唔算係好酸，但煲得好溶.. 而且佢又好多椰菜絲，食起上黎好清。 媽子唔想食米線，就叫左個魚湯餃子: 佢係椰菜、冬菇豬肉餡，同北方既正宗餃子有少少分別... 好大隻但皮簿餡靚，因為佢 d 餡係素菜多，所以唔溜同埋好清甜。 古法吉列豬扒: 豬扒好好好軟熟呀﹗夾住佢既時候，即使塊豬扒包左脆槳，但仍然可以好似張紙咁，飄下飄下... 層麵面糠均勻得黎又好簿喎，食落去非常鬆脆而且非常 juicy !!! 一定要試啊 !!! 自家製墨魚蝦餅: 用腐皮包着墨魚蝦膠，好彈牙... 但又唔油膩，都值得一試架﹗ 油菜: 同出面既差唔多水準啦，志在食多小小菜咁囉。又是很滿足的一餐，第日都會再入去荃灣食 ~

前幾日唔知食乜好,上嚟見咁多人讚,就去試.原以為喺一般麵店,想叫碗魚鮫麵,點知無,不過都有好多選擇,最後叫咗: 古法浸魚皮,魚骹魚湯飯+魚鰾.古法浸魚皮(爽滑魚皮) - 其實Order 時都有一段內心掙扎,好想食,但又怕唔乾淨,尤其是現今嘅水質.... 點都好抱住人一世,物一世,想食就叫嘅精神,終於叫咗!上菜後,見有日本子薑, 生蔥, 花生伴碟。子薑酸甜開胃,花生爽脆可口!魚皮就......又淋又軟!無牙都可能好食!我就覺得.... 魚骹魚湯飯+魚鰾 - 魚湯好飲,飯夠多,不過成三十幾蚊,如果唔大碗就死喇!內有三個魚骹+三個魚鰾. 無鯹味,如果鐘意食魚同魚骨嘅朋友就無得頂!值得一試!

主人與奴隸獸已經很久沒有吃魚湯米線，所以此食店對我們頗有吸引力，一於光顧，點了：1. 招牌炸魚餅米線＋炸魚皮（HK$24 +HK$4）：看見奶白的魚湯，已覺得很美味，怎知喝了一口，完全嚐不出魚鮮味，只覺得『師傅駕到』，真是失望。炸魚皮香脆可口，惹味而不肥膩，好正呀！炸魚餅就沒有那麼香口喇！不過頗有魚鮮味，口感亦算彈牙。2. 自家製枇杷豆腐（HK$20）：嚐到真材實料的枇杷豆腐，有濃濃魚肉及豆腐的味道，炸得金黃，加上椒鹽，認真好味，下次光顧的必食之選。此店自稱魚湯專門店，但其魚湯卻令人失望，希望下次再光顧時，魚湯能有所改善喇！

夜晚同男朋友諗左好耐﹐最後黎左呢度食米線 ^ ^ 嗌左魚腩魚鮫米線同埋古法吉列豬扒米線﹐不過可能人手有D唔夠﹐阿姐實在太忙﹐所以聽唔到魚鮫﹐最後試唔到呢樣﹐不過無所謂啦﹐主要都係諗住試下D魚湯﹗D魚湯好好味呀﹐好甜﹗唔肯定有無咪精﹐但至少飲完無口喝既感覺﹗我地兩個差唔多飲晒成碗 ﹕) 又有D我鐘意既黃芽白係入面 古法吉列豬扒都好味﹐尤其係趁熱食果陣﹗D豬扒好淋呀﹐炸得幾好﹗分開上唔會俾D湯浸到淋晒﹐GOOD﹗ 反而覺得D魚腩就好似好一般﹐D肉都甜既﹐但係肉質麻麻地0甘。男朋友發現落少少豉油落去會好味D架﹗見到後面檯食魚尾﹐唔知會唔會好食D呢﹖整體黎講味道偏清淡﹐都幾健康呀﹗不過我地都係鐘意濃味既酸辣米線多D﹗

三個女朋友去左荃灣專登食佢～去到唔洗點等～入到去環境好　ｕｐ　得,好迫...要答枱...枱好笠...=.=不過夠冷氣~夠光孟~點野食啦~ 1 個招牌魚滑米線 ~ 1 個招牌魚餅泡飯 ~ 1 個古法吉列豬扒米線 ~＊招牌魚滑米線 = 唔係魚滑係零魚肉!!! 米線就好普通 , 味道就真係好淡......＊招牌魚餅泡飯 = 魚餅又係零魚肉不過煎,好味d~泡飯就唔夠好~＊古法吉列豬扒米線 = 吉列豬扒好好味呀!!米線又係好普通 , 朋友仲話香港仔魚蛋個間仲好味過佢~~ 聽講我係去左大個間~不過都係覺得好細.....真係好迫 /.\不過都會再去食 , 因為好多野都未試~^^琴晚冇帶相機影相TIM~下次下次~~^^

食左好好好多次，都係覺得好好味~食完都想再食～魚餅魚湯米線：首先，魚湯米線仍然好味，魚湯仍然鮮甜，無落味精～魚餅即叫即炸，熱辣辣，味道岩岩好～古法吉列豬扒魚湯米線：古法吉列豬扒好味，好鬆軟（唔知係唔係咁形容，總之就係一定唔會ｕｎ）．好香，炸得岩岩好，唔會油～加＄６要支綠茶～好味！！每次都會飲曬ｄ魚湯！！！但係ｄ米線好似少左少少，成日食完都唔夠飽．．．（平時食其他鋪頭係好飽）

0係荃灣做野時.. 成日都好想試這裡的魚湯米線 ~ 但到現在離開了，才有機會踏進此店。叫了碗魚鮫米線加魚卜 & 木瓜。嘩﹗d 魚湯真係好鮮甜呀 (見佢咁白就知啦﹗)~ 真係用原條魚淆出黎同埋冇加味精 ~ 加埋木瓜... 就係一碗好好味既木瓜魚湯，係咁飲咯。小食試左炸魚餅 ~ d 魚肉好彈牙.. 再點香辣而唔拿喉既辣醬就 perfect 了﹗而佢既明太子魚肝又係好香好好味，佢都幾足料，最好多幾個人 share，膽固醇高啊... 以荃灣既米線黎講，最喜愛既... 係呢度同埋雲貴川了. 好回味 ~~~~~

話說我都大半年無去過荃灣了直到上星期我突然好想好想再食呢度既魚湯泡飯就決定專登出黎荃灣度食出黎前睇左呢度既食評好似突然多左幾個唔好既食評個心都有少少怕係咪真係差左不過出到黎親身食完就知道完全無變過同以前一樣咁好味、咁正！我同我朋友兩個人點左一個吉列炸豬扒魚湯泡飯加墨魚丸、一個牛肉魚湯米線、一碟炸魚皮、一罐可樂墨魚丸好鮮味炸魚皮好脆好香口炸豬扒分開碟上唔會比魚湯浸淋晒食落口感到外脆內軟真係超正超好味魚湯方面．．．碗泡飯既魚湯真係好正好香碗米線既魚湯可能因為米線灼完後D水無隔清因而令到魚湯好似被溝淡左少少咁不過整體上我都仲係好滿意！