魚鱻魚湯專門店

营业中

休息中

上星期三晚剛巧經過，就順道一試。晚上八時多，門口都布成十人在等位，我一個人就比較快有位，不過一定要搭「木台」。同桌是一家五口，有三名小朋友，全是三歲以下。看著那母親餵他們吃飯真是一場災難，他們不願吃飯，又坐不定，不斷爭玩具。因為地方逼，我多次被他們的腳踢到/ 玩具撞到，令我完全無心吃飯，只想離開。為怕吃魚麻煩，最後只點了雜菌魚湯米線。魚湯味道偏清淡，可能水多了點，材料都算新鮮。$30 有此水準都可以，不過實在太逼了，或只可在非繁忙時間光顧。

魚鮫湯米線既都係30蚊~ + 3蚊番茄另叫左一個牛肉炸魚卜米線27蚊~~再叫左個魚餃米線~~~再加左個炸豬扒~ & 炸餃子~~~~4個人埋單都係130~ 好味!湯都唔錯幾清有魚味~~~~ 其他炸野都好好食

今天找到機會來這區,做完正經事後,便可來試吓匆忙中做咗小小功課,來到都喺唔知叫咩好。只見到如要加1條條魚的話,真是有好多選擇。但我對佢哋認識唔多,唯有問吓亞叔嘅意見。1開口就問他邊隻魚無咁腥,亞叔就知道我是魚外漢同第1次嚟啦。他建議如怕腥,不如食淡水魚,例如殼荀,.....(唔記得仲有咩)。再問如最鮮味又是邊種? 他就改為介紹鹹水魚,例如XX尾,火點,黃腳魚立等。他順道也略略提吓其他魚比我知，攪笑地問我黃花你知喺咩啦,真的了解我的水平。haha真是難為了他,因講咗咁耐我都喺鎖定唔到目標,但隨意點咗1)黃腳魚立泡飯(因同事說飯好似好味d)-個泡飯好大碗,無欺場,有4"舊"豆卜,蔥花,薑絲。條魚有手掌咁長。先試個湯底,鮮,好夠味,但鹹咗小小,好奇怪,食吓食吓又唔多覺鹹。都喺淡番d,味道會來得更自然。條魚嫩滑,鮮味可以啦,多肉。2)墨魚蝦卷-又知道自己很少來這區,故都叫碟試吓-幸好唔大碟,有4小條,已切開1半,可以1口1啖-用腐皮包住炸,內有小小青豆粒,粟米粒,蝦粒,味道是鮮但質感上唔夠膠,比較微微散d,所以都相信是自家製-最後當然好飽,剩下d泡飯-服務無得頂,咁有耐性,值得比滿分-地方唔大

可能本人喜愛魚..所以成日專登來食真係好好味..好鮮...無味精我好鐘意..但男友認為太淡最好味係魚餅...墨魚蝦卷魚湯既..我最鐘意係魚腩..豬潤...木瓜好鮮甜..又唔鯹...推介!!

聞名呢間魚魚魚已久嫁啦~亦上過黎睇食評...星期六放左工就黎一試呢間野啦~因為唔係好識叫野食, 淨係知呢度食魚夠鮮...我就叫左魚扣飯+魚片....朋友p就叫左吉列豬扒米線...魚片仲以為好似食粥果d魚片咁放係湯入面, 點知原來係炸魚片....搞到黎左都唔知原來係自己叫既...早知係炸就唔叫啦....一上木台見到d魚片仲有"滋滋"聲都真係幾新鮮, 諗住等埋個泡飯先一齊食啦....點知d魚片凍晒都唔黎= =朋友既豬扒反而賣相好好, 食落都好香口好好味, 但略嫌好似肥左少少塊豬扒...見到好多人都食魚較飯...睇黎我叫既魚扣飯真係另類d下次都係試魚較好...雖然呢度標明不加味精, 但食完之後個口真係好咸要飲好多水...唔知係湯既問題還是係魚片既問題呢?嗯...總括而言,都係有少少失望。

見到呢店名有四魚字, 就知全店賣魚啦. 以魚湯, 原條魚出名, 再配以湯飯, 米線. 款式好多, 任意配搭.餃子米線$22 加魚腩加$5, 估唔到, 呢度賣魚, 餃子又幾好食wo, 餡入面菜好鮮甜, 食落幾清. 魚腩都新鮮. 魚湯比想像中差啦, 雖然係奶白色, 唔腥但無魚味wo! 好就好在係無咩味精lor.荀殼魚米線$39所有原條魚都係呢價錢, 魚款又好多揀, 似係菜牌日日唔同日日新鮮, 但賣多數都係比較平魚...講番條荀殼魚, 真係原條上, 無多無少, 足料! 平時多數蒸食, 依家煲過, 無咁滑, 但都好有魚鮮味, 唔錯. 米線都幾好啦, 夠淋, 可能係用魚湯煲過關係, 米線都幾滑.最大問題係舖環境比較差, 衛生麻麻之外, 店舖太細太迫啦. 好彩有好服務補番...

平時我成日去,一個星期去一至兩次到啦~貪佢冇味精,我仲會飲哂d湯今次叫左紅魚鮫泡飯,湯底依舊一流~不過紅魚鮫唔係咁抵law~早之叫番普通魚鮫算啦...仲有呢度除左魚同吉列豬扒好味之外,餃子都好好味架...可以試下

係呢間舖頭食過好多次, 講款式都唔少, 不過坐位就的確麻麻, 左迫右迫..... 我最鍾意呢到D湯夠晒熱, 呢樣野我覺得好緊要, 最怕D湯又唔熱又唔凍, 平均我十日左右就去一次!!

到仁濟洗牙, 順道來試荃灣美食.衛生環境比較惡劣, 吃完未洗的碗筷距離坐位少於1米. 廚房看上去只有3-4 平方米, 3個師傅擠在裏面我看轉個身也非常困難...點了招牌魚滑魚湯泡飯. 首先試湯, 味道一般, 非常清淡, 沒有甚麼魚味和鮮味. 魚滑是普通貨色. 再點了知名的吉列豬扒. 豬扒厚薄剛剛好, 挺香脆, 不過老實說沒有大家講的那麼神奇...就是一塊豬扒而己.綜合來說, 是一間普通的街坊小店, 不值得特地跑來吃.

o係海壩街同大河路之間行左一個圈先搵到，原來路得圍唔係一條直路。叫左魚滑魚湯泡飯（男友）＋荀殼魚湯米線(我)。食物好大份，我同男友分左條魚都只係食到半碗米線。魚湯好清好好味，同坊間其他魚湯唔同，適合我等吃清淡的人。荀殼魚好滑好鮮，好耐無食過好鮮味既河鮮。鋪面細細，被安排入最入既一張木台，食完碗熱騰騰既麵出番黎幾乎有頭暈既感覺。不過為左淡鮮味既魚湯都係值得的。

難得今日紅日就梗係訓到成兩點先起身，但不幸的我又要返公司做野，不過都要醫左個肚先。之前食過一次"魚鱻"，覺得超正，決定返啅﹗去到三點左右，唔駛等位，正﹗店入面都有十幾個食客，我就坐左入去最入果張圓枱，叫左招牌炸魚餅米線+魚腩+蕃茄。係等果陣，聽到隔離枱班師奶同個老闆講「今日個湯唔夠濃，無魚味﹗」個老闆即刻話會同廚房反映再跟進，真係唔好意思咁﹗咁出名的食店都唔會囂，真抵讚﹗等左五分鐘炸魚餅先上，再等多五分鐘米線都到埋﹗比我上次晚飯時間去快好多﹗今日個湯的色水真係比我上次稀好多，上次真係好似鮮奶咁架，希望只係今日一時失手啦﹗不過如果同坊間其他魚湯米線比，仍然係超班﹗魚餅香口，無碎骨，唔腥，鮮味仲要彈牙。魚腩好鮮，無泥味，真係難得，非常感動﹗由我坐低開始，個老闆已經勁好口，「慢慢睇下食咩啦﹗」拎魚餅比我果陣就話「魚餅到，食住先﹗」再拎碗米線過黎就叫我「慢慢食」﹗做你二，三十蚊生意都有咁既服務，加上咁的食物質素，仲可以去邊度搵呀?

魚湯淨餃子有六隻($22)，魚湯鮮美，碗邊還帶點魚油，餃子皮厚度適中，餡料新鮮，到最後加點辣油，一飲而盡，痛快。題外話：無論做人處事，按照自己的長處去發展，已達致成功的一半，總好過不倫不類地弄至高不成低不就。

見網上全是笑臉，便走去試試，星期五大約8:30pm到達，門口已經是長長的人龍～拿了號碼牌，等左大約半個鐘先有位...入到去，七個人要坐一張細圓木台，環境十分迫狹！！！和男朋友一同點了吉列豬排魚湯米線首先喝了一口魚湯唔....好淡完全唔濃...比起媽媽煲的魚湯實在相差太太太遠!!!倒是那舊吉列豬排幾好味～炸粉不多～不錯一心想喝濃濃的魚湯，可惜失望而回....這家店，未必會再去了

偶然上網亂按, 發現荃灣路德圍有一間食店,幾乎有讚冇彈, 身為荃灣人, 怎會未幫趁過?終於找到這間其貌不揚的小店，一試，嘩，果然好味，要盡快試多次，再上來跟大家分享．　

腸胃有問題時，寧死也不吃藥，搭程車來吃碗魚湯，自然湯到病除，萬試萬靈。例必叫三寶，偶的定義是魚湯米線配魚膘、魚扣做膽，再隨心的配多款材料，今次試試魚鮫。可惜魚扣售罄，最後變成雙寶，叫灼魚皮又無，大叔話咁刁鑽的材料好快售罄，諗落偶其實都幾煩的，但數手指又刁鑽又做得好的魚湯小店，好似又無幾間喎，來到自然會多少少要求。無加胡椒處理的魚湯依然鮮甜無渣，帶微微奶質的感覺，鮮與甜能清楚分辨出是兩種獨立的味道，交織一起，產生出層次感，如舊的吃剩大半碗米線，但湯是喝個一滴不留。同場加映潮式自家製魚片，入口似吃蝦片，吃真點，中間是通空的魚肉，幾特別，若好以換些新油炸會更好。趣聞：－每次來都有笑料，今次是大叔問點解會有咕嚕肉味，其實只係佢無睇到切豬扒阿姐身邊有碟「過海」的咕嚕肉飯。－靚女見偶左影右影，問是否post上網，又拿出彩色印察的OR食評，時為20個笑面（現在是25個）。－問大叔，吉列豬扒同炸豬扒同一樣的嗎？曰：「價錢一樣，亦同樣好味，只是吉列豬扒多層了麵包糠」，之後再加多句：「吉列好味o的」