魚鱻魚湯專門店

营业中

休息中

常常都會去魚魚魚魚魚吃...我自己都覺得魚湯的味道比以前淡了點....有點不開心....但我主動向老板提出了我的意見.....希望他可以慢慢改善...老板很樂意接受了我的意見....他還叫我主動提出意見....最近...我也有去吃...覺得魚湯的確好了很多...有了以前的味道.......昨晚又去吃了...吃了鮮魚片魚湯飯+牛肉...魚湯確實好了....棒^^

很久沒來到荃灣逛街，和朋友來到久違了的魚鱻，點了沙鯭魚尾$43和原條星鱸$49，沙鯭尾是朋友必選，肉多湯帶海魚鮮味，而星鱸是首次嘗試，肉質軟滑湯底和沙鯭又截然不同，鮮甜濃郁又不帶腥味，和好久之前吃沒有原條魚的魚湯米線，感覺是另有截然不同風味，不過消費卻高了一截，不過下次還會選原條魚

之前睇到咁多個好評, 諗住去一次啦.點知唔試仲會有期待, 一試就完全失望左..........我地叫左個魚腩泡飯同埋蕃茄肉碎魚鮫泡飯.初時飲左幾啖湯, 都覺得唔錯; 但係當食完哂d飯(連湯), 俾完錢之後就開始出事了(我就要即刻去7仔買野飲解渴)仲要當晚同第2日仲有口渴既感覺 我都未試過食味精野, 食到連續第2日仲有口渴感覺架!!!其實點舖名取其"鱻", 故名思意係"鮮"既意思;但點解"魚湯"會變成"味精湯"???除左d配料真係用鮮魚各部分之外, 魚湯唔係用魚煲出黎架咩???

因為有次係yahoo見到e間食店, 一直都想去試下係咪真係咁正.但得知原來有2間同名但不同老闆的店,今次就試下荃灣e間先.等左5張台到,算ok啦,大概十幾分鐘,係等既時間就睇下點咩食.叫左幾樣野.1)炸魚餅 2)炸魚皮 3)潮式魚片米線 4)魚腩魚標米線1)還可以 2)好大油益味,但算幾脆 3)因為切左片先去炸,而又炸得乾同咸4)魚腩好一般,$8加魚標得果2舊(查實魚標係下難野.... 真係幾姑寒下)所以同topic一樣, 一次貨仔之後搵一庚去旺角果間希望好d啦!

呢件事發生在2008年6月16日,時間是夜晚6點28分。 好唔開心囉~本來一心諗住再食d新鮮既魚湯米線,點知.... 有好大既陰影~就係被鎖左冼手間50分鐘多久….身為一間服務性行業,竟然發生事既危機問題,原來可以這樣...其他人聽到都說應該果時要報警搞大去,困左3個字應該報警,在舗頭鬧佢地,我地果時又冇諗到,又急住要去考試…就係同舗頭講要call消防,但魚鱻冇做到…就係話會好快整好的,唔駛call。我本來唔想搞到咁薑,但我覺得唔可以唔投訴,情況是這樣,當我同d 朋友叫完要d咩野食後,我人有三急咁咪去廁所囉,點知大概2分鐘後,開門出去,開極都開唔到門。果d侍應知道,我d朋友過左黎安慰我, 但d侍應開極都唔得,就比左個螺絲批叫我試下在入面整下旁邊果鎖,大家都叫我要咁咁咁, 但都唔得。d侍應就話應該得架,因為之前都試過,上次都開得番...嗱~呢個就係重點了,即係間舗頭處事有問題啦~明知本身對門有問題,又唔整番好把鎖,而家就咁様搞到d客被困。第二個問題,就係呢間舖d人搞極都搞唔掂,應該立刻calll開鎖佬,但佢地浪費左好耐時間先叫,之後,等等等大概6點50分先黎到,最後個開鎖佬話要整甩個鎖換

唔知係唔係自己叫錯食物，味道比想像中差好多，勁失望！！！豬排魚湯米線 --- 魚湯清澈到差D見底，飲落更是無味，唔講都未必知係魚湯...米線煮得淋左D無彈口感，反而豬排係新鮮炸起就幾軟幾香口。豬肝魚湯米線 --- 豬肝放過入魚湯煮過，起碼有番D鮮味，米線當然都係淋patpat。下次唔會特登黎食，除非經過行開啦，因為見有兩枱上年紀嘅熟客一坐低就話要叫原條鮮魚煮既米線，好似仲有好多魚選擇添，下次經開我要再試多次先得。

每次來這裏都是為了那碗魚湯。因為在荃灣工作的關係, 常會光顧。見証了那碗湯的倉桑轉變, 最濃最好的是新開張的時候, 鮮甜的魚湯, 淡淡的薑及胡椒味, 葱花的清香...又軟又脆的吉列豬扒, 鮮滑的魚滑, 確實一流。每次都會飲盡所有的湯, 亦不會覺得口渴。時光飛逝, 不幸地, 它亦犯了大多數食肆的通病 - 名成利就之後就質素下降。新張一月之後就在湯裏滲水, 每光顧一次, 就發覺一次。一年之後, 雪白不見碗邊的湯, 已稀薄得不成樣子。自此以後, 身邊的朋友及同事們都很久沒有再光顧了。雖然如此, 它的生意卻沒有下滑, 反而開了旁邊的新店。昨天中午放早, 見店裏不擠就再試一次, 來了一個魚片米線。沒有很大的期望, 只是沒想到湯固是淡了, 沒有了胡椒和薑味, 卻多了味精！令人口渴。魚片有淡淡的腥味, 這是以往所沒有的, 湯卻令人極之失望。望望招牌, 魚湯專門店嘛, 幹嗎變成了魚水味精專門店？米線是吃完了, 但湯卻不能下嚥。結帳時跟店員說了意見便走了, 應該再不會光顧了, 又死了一間食肆, 實在可惜。如果物價上漲引致質素下降的話, 那麼請加價吧！我寧願它調高價格，請變回以前的魚湯米線啊！

** 此 食 肆 的 第 五 十 八 個 笑 **尋日(3-5-2008 Sat)11:30am同女友人CK做義工前o黎個lunch先.其實開頭我同佢去荃灣港鐵站o個間唯一麵家,點知座位太凍,CK都好好禮貌咁要求關一把風扇,亞姐態度極惡劣話唔可以關,就咁我o地就走出去,帶佢o黎呢間食.唔記得幾點lu,只知好彩仍未好多人,我o地去返舊o個間,兩個人坐門口,我推介古法吉列豬扖同魚餅畀CK,於是佢就叫個$24.00 o既古法吉列豬扖米線,我要$24.00o既自家製餃子魚湯米線,同$12.00一碟有兩件o既魚餅.不一會,一碗淨米線到來,年輕人放底時話古法吉列豬扖,CK覺得奇怪冇古法吉列豬扖o既?年輕人答豬扖另上.又不久,豬扖都到來,我o地都影一影相先.之後魚餅o黎o左,最後到我o既餃子魚湯米線,由於CK好少會o黎荃灣,所以我畀o左一粒餃子佢,我先食飲啖湯,唔夠濃.再試魚餅,好熱,內裡全部都係鯪魚肉,OK啊.再食餃子,嘩!重有三粒o係裡面,真係多,餡係菜同豬肉,都OK o既,而米線淰o左啲.最後食吉列豬扖,CK話幾好喎,肉好腍,係油o左啲.我就覺得水準依然,外脆,肉亦入味.衛生:今次比之前乾淨啲

病左成個月, 係時候去幫襯一下此類健康美食.昨日一行2人19:08到達, 即時入座之後又滿座了...本想試下西洋菜餃, 但短髮男仔頭姐仔說已沒有做西洋菜餃了, 只有一種餃子:東菰.我點了魚滑+東菰餃子米線友人點了筍殼米線另點了腐乳通菜今次個魚湯底比平日特別鮮甜(2人都覺得!), 好正!係就係坐得迫D, 不過因為好滿意D食物, 也絕對不敢多埋怨了...又是抱著脹脹的肚子離開...沒法子, 忍不住要飲哂D湯, 走時也自然地成肚水了

聽朋友話發現分店開後魚湯無以前今濃!!!竟然淡了很多!!!!所以我就即晚去吃一吃!!去到點左個西洋菜餃+蕃茄米線，吃一口西洋菜餃依然好吃﹗但湯底就真係無以前今濃!! 想不到只是相隔二個月再來,竟然吾同得這麼大. 可能因為要分開2店用, 所以淡左今多, 我以住一星期最少要吃一次，現在已經吾會像以住哪麼想去吃啦!!!

蝦爸爸有應酬,剩番蝦媽媽同蝦蝦食晚飯,想請媽咪食火鍋,不過好多酒樓都話新年前9點後先有,所以決定放棄於是乎就帶媽咪嚟試吓荃灣呢間魚魚魚魚米線魚腩魚湯米線(HKD24)米線同大角咀個間口感差唔多好彈牙,不過D魚湯就唔及大角咀個間濃,魚腩得幼幼四小條,講質素當然係大角咀個間好食好多魚鮫魚湯泡飯(HKD35) 比魚腩魚湯米線貴HKD11但魚鮫有三大個,湯底亦是一樣不太濃魚湯味道食後感: 間舗入面幾凌亂有D污穢,好一般簡陋的麵檔FEEL,一D裝修都無既舖頭,一坐底就係咁吹你叫野,坐底左之後又叫你迫埋D,留番個位比其他客人,想坐底食餐安落飯既人千祈唔好揀呢度,總之就係要快D食完快D走既感覺,想食砵仔焗魚腸又無><P,以後唔會再嚟而大角咀個間係有D裝修坐得都算OK,感覺舒服,可以慢慢傾吓計,食真D味道,唔會咁樣吹住你,若果再食魚米線都會選擇大角咀個間,另一個原因係呢度有我最愛既砵仔焗魚腸

尋晚去左呢度食野啊~ 上次經過見到好多人排隊, 今次去食之前就上黎睇下有咩好介紹.9點去到都無咩人啦, 唔使排隊就有得坐. 睇左個餐牌無耐, 個阿姐就係咁問我地食咩, 我地叫左個鯇魚片魚湯米線, 仲有個古法炸豬扒魚湯米線. 本來想叫個魚肝, 不過無晒, 就叫左個墨魚卷炸蝦.黎左D米線, 飲返啖湯先. OK喔, 都叫有D魚味, 清清地, 有無味精就要等陣先知. 我個米線OK啦, 我覺得D魚老左D, BF就話好有魚味=.=ll 啫係咩味??不過bf個份豬扒好好味. 即叫即整, 熱辣辣又夠脆, 仲好香, 唔知佢地既古法係咩法呢~ 之後個墨魚卷炸蝦都係熱辣辣, 有d粟米, 有咬口又香香甜甜. 正!! 呢2樣搭救, 呢餐都係正!! 哈~

想不到只是相隔一星期，我倆又來這裡吃午餐了。我還是像上次一樣，點了炸魚片米線，依然好吃﹗這次男友點了魚腩+炸魚皮米線($27)，也是十分不錯。魚腩很滑，放在口中幾乎不用咀嚼就可以下咽了，而且怕腥的我也不覺得腥。炸魚皮和平時吃到的好像有一點分別，平時吃的都是下了很多調料的，而這裏的味道不濃，簡簡單單的，卻又十分香脆，男友就十分喜歡了。我卻一般啦，可能魚味太重了吧。午市很多人等位，只有一小時的lunch hour就有點趕急。

本來沒預到可以與男友吃lunch的，但卻又配合到時間，加上和一位朋友一起吃，雖然見面時間只有那麼一會，也覺得開心。炸魚片米線($21)︰我吃的，覺得很好吃呢。第一次吃這種炸魚片，很薄，很香口。只不過覺得魚湯的味道是淡了一點。古法炸豬扒米線($23)︰男友吃的，炸豬扒的炸漿不多，而豬扒又很腍，真的很不錯呢﹗炸魚餅米線($23)︰朋友吃的，魚餅份量多，不過我覺得味道只是一般而已，我更覺得有點像鯪魚肉呢。不過這種做法也不錯，起碼不會令我覺得熱氣。一直都有點抗拒來這裏，因為怕魚的腥味。試過以後又覺得不錯，還頗好吃的。雖然坐得逼逼的，又要和別人share桌子，不過味道卻不差，可以一試的。

昨晚由灣仔山長水遠去荃灣試下呢間! 結果係…好味啊!4個人叫左魚腩魚湯米線x2、豬潤泡飯、炸豬扒米線+ 另叫魚餅同墨魚卷我食果個係魚腩魚湯米線–好味、夠熱, 湯好香, 魚又新鮮, 米線又好味.好似真係無味精喎! 我食完完全無口渴.share食的豬扒唔錯, 寫住古法, 但我唔知古法應該係點, 所以無得比較. 魚餅ok, 墨魚卷ok啦! 但又唔係好特別.各位減肥中的朋友要小心, 佢地d炸都好油下, 碟底有油.好多人等位嫁, 我地6:30去到都要等15分鐘. 坐得好迫, 老細又成日催你叫, 我都明架, 唔好阻住人地翻麻!一定有下次.