魚鱻魚湯專門店

营业中

休息中

呢間米線一路幫襯開，阿姐態度不嬲唔多好。話說呢排餐廳出午市套餐，叫碗米線，包一杯野飲。天時熱係食慢左d，食完碗野先飲杯野，飲飲下，個阿姐行黎話：「你飲完未呀！？我出面仲有大把客等緊!」當下O哂嘴，咁咪急急腳飲埋走去俾錢，誰知門口一點友都無！仲有吉位剩，咁急趕客你話過唔過份！ 遲早間野敗係服務！再點好食都唔會再幫襯呢間垃圾！俾錢買難受！

這是讓我感覺極為糟糕的一次試吃。原因有三：食物，衛生和態度。作為魚湯愛好者，看見這家店便進入一試，我點的是鯇魚片米線。第一口的魚湯沒有帶來驚喜，雖然可以吃出鮮味，但是湯底的酸菜不能與魚相輔相成，反而帶出嚴重的魚腥味。米線，配菜均無亮點，湯喝的多反而滿嘴的魚腥。這家環境並不整潔，廚房地面衛生堪比街市，再次降低食慾。比食物和衛生環境更差勁的是服務態度。服務員大姐不斷催促下單，拿走菜單，但當時店內並無什麼客人。讓人感覺噁心的是，我們做的是六人桌，大姐將個泡沫箱擺在鄰桌，絲毫沒有顧慮食客的感受。以上是在未吃午飯和晚飯的情況下試吃，後來還是買其他小吃才填飽肚子。

在附近返工，中午想快食時就會來吃碗米線，貪佢價錢公道，又清清地健康d。但近幾個月，d湯底冇以前咁好魚味唔在講，食完仲會口渴，仲試過一日好咸過幾日再食又好淡，好奇怪。呢排又推出了套餐 ($49) 包一碗米線，小食同飲品。但每次落單時如果不是叫這套餐，而另外就咁叫一碗米線的話，必被其中一個戴眼鏡的阿姐歧視，然後態度勁差咁亂落單，明明叫魚餅都可以覆你單時變成炸豬排。以前就話好多人排隊，現在人少左好多又坐唔滿，但呢位阿姐仲會要客人有咁逼坐咁逼，逼埋一枱連野都唔俾擺。明明有位都唔俾人去第二個位坐，或者唔俾人用多張椅放野，明明坐唔滿，都會一食完就執左你個碗同望住你，抹個嘴都唔俾咁。你咁既食物水平同服務態度，仲點黎幫襯你呀？

行完山，同成班山友仔去左呢間魚鱻魚湯專門店，聽佢地講就講左好多次，不過今次都係第一次黎，環境比我想像中差少少，行入去感覺非常街坊小店，地方比較窄同埋簡陋。不過如果唔講環境，只講魚湯黎講佢地又真係唔錯，入口完全無個種味精感覺，個湯睇落係自然既魚湯白，唔係加入奶個種假白，清清又帶有魚味，好似屋企自己煲魚湯咁，我果個係加左魚尾，原來都放左4大條魚尾，只能夠話真係用足料，睇得出係真材實料，如果下次黎荃灣一定要過黎食！

今日介紹一間牛牛食開嘅小店。舖頭環境、裝修同服務都係行街坊路線。舖頭主要係食新鮮魚，亦有其他肉類，例如古法炸豬扒。魚類每日唔同，每日朝捕即嘗，限量供應。牛牛次次黎都一定會食原條魚魚湯米線。今次亦唔例外試咗原條黃立倉魚湯米線都係65蚊。有跟過阿媽去街市買嘢嘅朋友都應該知靚嘅鮮魚唔平！抵過你買餸返屋企煮。（睇相就知物超所值）魚湯無腥味無味精，絕對對得住佢地舖名 - 魚鱻（讀音：鮮）。推介：古法灼魚皮（$27）口感爽口彈牙，以少量麻油作調味，再夾埋生姜一齊食，絕配！味道 ☆☆☆☆☆環境 ☆☆價錢 ☆☆☆☆☆抵食指數 ☆☆☆☆☆

炸雞翼米線，雞翼外層脆卜卜，入面又有肉汁，正！而生炸豬扒都係外脆，入面就鬆軟～好好味！其實魚湯先係重點，就算米線食唔哂都要飲哂d 湯～😋魚餅都非常香口，但我個人覺得沾埋醬汁就更好味～少少豉油+大量胡椒粉！辣辣地～朋友們試過甘食都覺得好好味！大家不防試一試👍🏻

由咀食到荃灣，一間變兩間。食物質素尚可以保持，但 d 阿姐嘅服務態度真係太差，可能生意唔休做，已經差到接受唔到，唔齊人唔比入都唔，但唔駛寸人 「5 分鐘先到，我做左好多野！」，落單叫漏左句多芫茜又要比人話！ 幾好食都唔會再幫襯⋯ 唔想受住氣食

附近見完客見肚餓。通常一個人食飯好處就係唔駛等位。點了招牌鯇魚腩湯飯，魚湯鮮甜飲完唔口渴但L覺得如果鱻魚湯再濃點就最好。鯪魚球外脆內軟，再加個蠔油時菜。食完湯飯，查閱中華語文知識庫，「鱻」本義為新鮮的活魚。由於語音相同，鱻的形構又過於繁複，便以魚名的鮮取而代之。這令L想起《老子》的名言「治大國如烹小鮮」，意思是治國要像烹一條小魚那樣小心，「不去腸，不去鱗，不敢撓，惟恐腐爛也」。我們經常急於追求卓越或扭轉劣勢，但作為一個好的領導者更應順勢而為，小心翼翼。

復活假去荃灣行街，係openrice search到係路德圍既呢間魚湯米線評價唔錯，就行左黎試下。一入到去職員就叫我地去前面舖位拎飛先，點知行到去唔洗等即刻入得，佈局似普通茶餐廳，冷氣夠大，，但成間野都好大陣魚味最後我地叫左一個魚滑米線，一個炸魚餅米線。先講湯底，一d都唔油，好清，但無想像中甘濃郁 ，同埋勝在無味精配料方面，魚滑就無咩特別啦，炸魚餅幾好食唔會話好油，但就咸左少少，如果兩個人黎食，其中一個可以試下其他配料，如果唔係都幾悶淨係食鯪魚肉😂😂overall黎講如果要專登入荃灣食就唔建議，但經過想食清清地可以一試

同事住開荃灣，推介我食呢間魚鱻米線，因為佢地會用原條魚熬制魚湯，將一條魚嘅精華龍濃縮係一碗米線之內，聽來相當吸引！結果一試失望😞佢哋嘅魚質食得出用鮮魚唔係雪藏魚，但係湯底太浠唔夠濃烈，飲落去只不過係有少少魚味嘅清湯，可能我太mean，阿媽煲開嘅魚湯起碼係奶白色，魚味豐腴，對比起來佢哋嘅湯底清澈見底，完全唔合格👎🏻我起碼試咗2次，試咗4種唔同魚湯米線，鮮魚嘅質素係OK，但係間店嘅賣點係魚湯，咁就可以好肯定唔值得再幫襯⋯

屹立多年的小店，米睇門面咁樣樣，星期六晚黎都係要等位，不過好快就有位啦。正常小店座位格局，係速食型。餐單主要食魚為主，配泡飯或米線，都好抵食。8點黎好多都賣晒啦。椒鹽九肚魚($33)好大條魚，脆卜卜，魚肉鮮嫩，椒鹽味道剛好，不會太鹹，真材實料。招牌炸魚餅魚湯米線($37)的魚食餅不俗，魚肉味濃，反而魚湯味道偏淡，米線彈牙，份量適中，配料仲有娃娃菜和豆卜，都幾健康。想食鯇魚腩都賣完，就要左生炸豬排魚湯米線($36)，薄切豬排，冇炸粉，蠻好吃。

荃灣路德圍嘅餐廳普遍都好好味，今日揀左魚魚魚，期待左好耐。招牌炸魚餅魚湯米線 $37魚餅炸得香脆，米線份量都夠飽。湯底好鮮甜，淡淡鮮魚味，飲左幾啖都無口乾，證明無落味精。正正正環境方面少少逼，落單上菜都好快速。

作為魚湯愛好者，試左好多好多間坊間既魚湯米線，大部份都係鮮魚味掛帥，然以味精作結。今次黎試下顧名思義鱻湯。叫左份古法豬扒，同埋魚餅湯米線。講真上咗嚟有少少失望，雖然佢真係冇咩味精，但係個魚湯鮮味唔突出，唔係試過最好味嘅一間。甚至唔算得上好味。加上環境10分擠迫，所以食完就草草離去。丫，反而個古法豬扒又幾好味，但應該唔會再坐咁遠車過嚟食了

三個魚究竟係乜嘢字呢？我都完全唔識，但係就覺得佢個名同佢間餐廳好夾，個名改得好好，因為呢間餐廳係用魚湯做米線嘅湯底，送都可以選擇好多種唔同的魚類。之前食過一次就係用雜菌來做送，個感覺就係湯底冇咁鮮甜，普通湯底。今次再試就揀咗一條叫做山斑魚做餸，再飲返個魚湯底，發現個味道濃左，同埋甜咗，有魚鮮的味道道，整個湯底唔係濃，適中，所以下次食都要配魚食。本身唔係好識揀應該食啲乜嘢魚，問咗老細話呢一條山斑無咁多骨，啱晒我呢啲唔識食魚的人。另外佢大概仲有10幾種嘅魚款式可以揀，鍾意食魚嘅人就啱晒。但係呢度嘅人大部份除咗揀魚，仲會揀呢一個炸豬扒米線，本人就覺得豬扒唔算好特別，係中規中矩嘅中式炸豬扒，但勝在份量都唔細。我推介食呢度嘅魚餅，我個人就10分中意食魚餅，口感好彈牙，魚味充足，但我就略嫌唔夠厚，不過最緊要係熱辣辣煎出黎。呢度嘅米線係冇得揀辣嘅程度，亦都冇得揀什麼麻辣，酸辣，係統一嘅魚湯米線湯底，辣味米線嘅另外一種唔同嘅選擇。

呢間魚魚魚唔經唔覺食左好多年 係好多街坊既推薦黎架我今日就叫左枇杷豆腐魚湯米線 再加肉碎 魚湯唔會好像出面味精湯咁 而係好濃魚味 好新鮮既感覺 幼滑到好像牛奶咁 豆腐唔會炸到好油 有點像魚腐但又保留到豆腐獨有既口感朋友叫左鯇魚米線加蕃茄 鯇魚份量好多 好抵食 而且好多人都會加蕃茄 因為貪佢好像會變到蕃茄魚湯咁既味 令甜味倍增 大家都不妨試下呢個配搭啦！差d唔記得左 大家如果6-7點前去到 應該都可以叫到炸魚皮 記得叫一份 浸落魚湯真係一流呀