魚鱻魚湯專門店

营业中

休息中

好耐冇食，今日唔係好肚餓就黎食魚湯泡飯。黎得呢度食都係為飲佢個魚湯。之前食過幾次，都覺得好有魚味！ 原本睇食評見到其他人寫個魚湯淡左都唔信，照食喇！兩個人黎到嗌咗琵琶豆腐泡飯同魚片泡飯。但一飲魚湯，發現個魚湯淡左好多！冇味似清湯！最招牌既魚湯不再，所以下次未必會再光顧！

試過幾間唔同既魚湯米線, 此終覺得魚魚魚係最好味既, 米線加了不少娃娃菜, 古法豬扒啄過才炸, 又香又林又夠味, 就算將整碗魚湯米線既湯底飲晒都唔會覺得口乾, 應該不是味精貨豬扒有分古法炸及生炸兩種, 個人較喜歡古法，古法炸起來肉質比較鬆軟

今日經過荃灣，決定一試呢間，次次都排長龍，今日都唔例外，但好食既野就真係值得等既點了鮮鯇魚片泡飯，個湯絕對唔係味精，真心係魚湯煲出泥，好清甜，岩晒而家呢種天氣飲。食了一啖鯇魚片，每一啖都好爽口，好滑，而且真係無味精的。但可能因為人多關係，鯇魚的份量好似有點少，又可能係我太想食多D，好似泡飯仲多過魚片咁不過整體都係正，值得推介

下著大雨的中午，走左入這間店平日好多人排隊，今天可能早，店剛剛開，好運地不用排隊已有位我好喜歡食魚，叫左個特別的咸水魚米線，係紅歌利球紅歌利球d肉質和班肉差不多，冇班肉咁實，入囗都滑嫩，魚味比我想像中淡口湯底魚味濃厚，我成碗湯飲曬而芫茜辟左魚味，豆卜及菜吸埋湯味，好好味

中學在附近返學，總喜歡這間食米線久別來幫襯，叫番炸魚餅米線湯底魚湯清甜，魚味清清地冇腥味米線滑囗，不糊口，少少煙刄有口感配上豆付卜、黃牙白，好入湯味魚餅炸得脆面，肉質爽口彈牙，有魚香，加左少少胡椒仲惹味

荃灣堪稱覓食之地，有不同的美食，但我和女朋友最鍾情的還是魚湯米線，它已不知不覺間成為我們的默契，我不能不為它寫一寫食評！我們點了吉列豬扒米線和炸魚餅米線，都是要多蔥的，我們一致認為只有蔥的青嫩配上魚湯的鮮滑，才是完美的！豬扒分為生炸和吉列，我們之前兩款都試過，最後還是覺得吉列較好，因為女朋說即炸豬扒外面脆卜卜的炸粉很有口感，再加上內裡的豬扒鮮嫩多汁，真令我們百吃不厭！這次，我們還點了之前看見別人點的炸魚片，魚片的口感很有趣，咬落去固然脆卜卜，但到最後卻有小小煙煙靱靱，真特別！最後吃完，卻發現盛著魚片的碗底多油了些，令減肥中的女朋友有很大罪惡感哈哈，幸好魚湯米線很清淡，可以中和一下！

友人說這間魚湯米線堅好食，於是來了。我們點了推介的炸龍脷球、炸魚餅魚湯米線和蟹子包包魚湯米線。先讚一下，雖然地方唔大，但牆上有好多勾俾客人勾袋，香港地，真係好正嘅設計！先來了一片碗湯米線，有菜、豆腐泡，又來了一客炸龍脷球。因炸龍脷球的外表是塊而非球，第一次幫襯的我十分迷茫...花了點時間了解。咁問題係...說好了的炸魚餅呢？原來要等。起初諗，反正我怕熱，等一陣都好，但等等下，熱變涼，但見周圍都有人等，就無再催。試下啲魚湯先啦⋯⋯點解？點解淡如水？真係好淡，我最後加左鼓油撈湯，否則成碗野真係無味。我唔明，點解四圍啲人好似食得好滋味咁？係味我有問題？但問以前來過的友人，他是覺得變了。再者，再好食的特色炸魚餅，跟原配的米線分開左，一個熱，一個卻已放涼了，情何以堪⋯⋯這餐因滿懷期望後食，所以特別覺得失望......仍在懷疑係味淨係我地呢枱係咁......太迷茫，無影相

去親荃灣睇牙, 之後一定去魚鱻整番碗魚湯米線, 因為洗完牙牙肉酸酸軟軟都唔想食太硬既野食~成年無黎, 又加左價........不過一場黎到, 都整番碗琵琶豆腐魚湯米線, 其實魚鱻有好多魚同魚既唔同部份食, 基本上成條魚都唔會浪費, 好鍾意食魚/食得雕鑽既, 不妨試下呢到既魚, 而且怕食濃味精既隊長, 好放心係呢到食, 因為佢既湯係無乜味精的.嘩! 碗米線一拎埋黎都覺得走左樣, 個魚湯一睇就覺得好稀, 而且唔夠奶白色, 飲一口..........好淡喎, 無乜味精, 但亦都無乜魚味, 失望! 而且跟湯既菜都少左, 以前好多菜, 成碗米線滿一滿架喎!? 至於個琵琶豆腐就無走樣既, 即炸, 不過就豆腐多個魚肉.總之以前食完食覺得好飽, 而家係食完都覺得唔夠飽, 都知百物騰貴, 不過你都加左價, 碗麵反而縮左水!? 連招牌既魚湯都走樣, 好失望囉~

 中學時代經常都會到荃灣上補習班，還未夠鐘上堂的時候，我都會與一班同學到處覓食，這間位於路德圍的魚鱻魚湯專門店是其中一間我們會光顧的餐廳。離開中學後再次踏入魚鱻，它已經在旁開多了一間分店。  魚湯米線 ($32)。魚湯米線的配料不多，分別有：娃娃菜、豆腐卜、葱。再次回來吃這個魚湯米線，我認為魚湯的味道不夠濃，只可以稱得上是普通清湯。米線軟硬度方面，煮得適宜，不會過軟或過硬，有口感。  吉列炸豬扒。這個吉列炸豬扒依舊好吃！我喜歡吃薄薄脆漿的炸豬扒，能夠吃到脆卜卜的吉列感覺之餘，還減少油膩的感覺。豬扒肉質鬆化，不韌、不肥，一啖炸豬扒一啖魚湯米線，是口感上的享受！  可樂 ($9)。可樂要賣9元實在有點貴，提提大家魚鱻是沒有茶吧，所以喝不了凍檸茶或凍咖啡等飲料，所以只好喝罐裝可樂，說實話真的不抵。  總而言之，魚鱻勾起了我中學時代的回憶，味道變化不大。魚湯米線的魚味不夠濃；吉列炸豬扒好吃；價錢合理，比起市場上的米線便宜；但是在飲料方面有點貴呢。

野食價錢都算ok，不過地方唔多衛生，有d位置係廁所旁，同大排擋無分別，我試過食食吓有小强，真係想走咗去。d阿姐，態度勁差，睇你想食飯，定係食面色！等位有耐，等到位有迫，吹你落order，食完見你停手，就好快收野，好似叫你快d走！

今晚本來想食平時食開果間米線, 經過見到平時排長龍出名魚湯底嘅舖頭冇人排隊, 咁就去試下佢有幾出名。魚肉魚湯米線, 份量較小, 魚肉鞋同有唔少細骨, 要食得好小心, 魚湯偏淡。因為唔夠飽, 所以叫多一客炸魚餅。 炸魚餅炸得幾好, 熱辣辣, 皮脆。但魚肉比較林, 唔夠彈牙。係食野途中一對情侶入黎坐係一張吉枱, 店員同佢地講果張係四人枱, 要佢地坐埋一邊。果時舖頭重有其他吉枱, 同埋間舖頭都差唔多收舖。店員服務方面有待改善。佢既特色係可以食魚嘅唔同部位, 食物質素比較一般, 名過於實。

今晚約咗朋友係荃灣等。朋友話有好食介紹，於是跟佢走一趟。到了路德圍，朋友極力推介此店，就試吓啦。我兩人都點咗鮮鯇魚骹(我揀了湯飯再加魚標)。食物上檯了，呷淡湯試試味先。一飲之下，能感覺到係用新鮮魚淆製出來。試埋啲魚骹魚標先，肉質鮮嫩，有魚味。比起所謂魚米之鄉嘅嗰間魚X家，呢間先係真正嘅魚米鄉囉。容許我有些少挑剔，魚肉帶點血紅色，感覺上未熟透😐，但魚肉係實色啲，唔係透明就可以了。

專登過荃灣食佢，叫左碗鮮茄肉碎魚腩米線，唔覺有味精，淡淡地但好味。亦有叫佢地嘅招牌菜炸魚餅，味道ok . 但唔係最愛，最中意係吉列豬扒，味道有少少重，可能碗米線有啲淡，配吉列豬扒就岩岩好

魚魚魚喺荃灣都算幾出名，幾年前試過一次覺得名過其實，今日朋友提議先再黎多次。魚湯係全間舖既賣點，冇味精鮮甜，沒有腥味…米線就普普通通，我嗰碗就偏淋，朋友嗰碗就偏硬，直程有成條硬屈屈既米線我地叫左琵琶豆腐同炸魚餅米線，仲有份小食炸龍脷球…um，魚餅同龍脷球都炸到好膿，好油，怕熱氣要浸左湯先敢食。炸漿偏厚，肉質都ok 嘅。豆腐就普普通通，好似有點酸味，冇乜魚味…成間舖最正都係個湯底

又是假期前的一天，心情特別興奮和期待，遂跟team一起到荃灣team lunch。之前去過一次魚鱻(鮮)，吃過覺得好吃便提議再來一次。午餐時間也頗多人，等了15分鐘才入座。來魚鱻當然要吃魚啦，這裡有魚的各種不同部位吃，例如魚鮫、魚頭、脆肉鯇、魚皮等等。選了一碗生魚球湯飯($52)，魚肉厚身而少骨，真的啖啖肉。魚肉極為鮮甜，嫩滑，真的不愧為魚鮮。湯底鮮甜，多喝也不會膩，這樣的湯飯真的很棒。放大量的白胡椒粉會更香的。