魚鱻魚湯專門店

营业中

休息中

大學時期已經很喜歡的一間魚湯專門店❤️"鱻" 字跟據朋友所講，係讀"鮮"字，新鮮的魚呀😍必點係炸九肚魚 ~$39，我有留意我ig story既朋友，可能會記得我係"幾經辛苦"至食到咖😂 話說，我三月既時候都黎過，嗰時大嗌"我要九肚魚米線!!"，之後我嗌錯左，佢上左淥九肚魚比我😂之後我再去食既時候，終於識叫"我要炸九肚魚!!" 之後，阿姐話"宜家休漁期，無九肚魚呀!"😶到左尋日終於食到啦😭😭外脆內嫩，熱到辣到條脷既感覺我真係好鐘意😭😭係就係油左少少，但係我下次都會再點!另外，古法豬排都幾出名，蕃茄肉碎都好好味🤤魚湯鮮得黎唔腥，又唔口渴😍👍🏼LIKE!!

其實這食肆係我既摰愛，每次來荃灣，首選都係食佢，還有每次都叫（原條黃花魚米線）雖然平日佢地d女侍應態度真的一般，但為了美味的魚湯米線，每次都幾乎低聲下氣地幫襯。今天如常入內，叫了原條黃花魚，聲明是細的，他們其實價錢也不平宜，細黃花魚己足夠自己食量，但最後上枱是大條黃花魚米線（75元）跟他們理論，他們只管說，今天沒有小的（沒有細條又不通知我，我可以考慮改叫其他的嘛）於是加多其他兩個女侍應，她們一唱一和，全無道歉意思，就是他們認為我喜歡給什麼你吃，就是什麼。自己氣上心頭，可能從此我會絕足這食肆，雖然他們的魚湯米線真的好好味，唉！

突然又想食米線，又想清清地，無咁重口味，所以又再次光顧依間，每一次都想跟人地食d 無魚既米線，但次次入到去都係揀左魚😂😂😂成日見到旁邊既人食既係叫其他野食，但我次次都忍5到😅😅😅今次好多球類既魚已經賣哂，所以今次就try try 小骨既章紅尾加木瓜米線條尾大到美人魚咁，由於佢係紅色，外觀有d......anyway 多肉小骨既，木瓜同魚真係perfect match ,不過我都係鐘意食立球多d,賣相無咁古怪丫嘛😅今次魚湯個味淡左，定我重口味左呢🤔💁🏻‍♂️叫左生魚球，有小小鞋，都係另外嗰d好食d😂吉列豬扒，都幾脆既，5錯希望下次可以下定決心，跟下人地try try 蕃茄肉碎湯米線丫，雞翼米線丫，等等

好幾年前，以前的同事帶我黎食的，一試便愛上😋😋😋鮮味的魚湯，配上香味的炸魚餅和炸豬扒，宜家打緊字，都想再食多次😋😋😋平時黎荃灣，因為太多好野食，變左食唔落碗米線，但今日點都要留肚食魚鱻嫁了🤣🤣終於坐定定叫野食$38 鯇魚腩米線，加左8蚊配蕃茄有7至8塊魚腩，好鮮味因為加左蕃茄，湯底多左份蕃茄的甜味$37 炸豬扒米線豬扒，薄薄地，炸到啱啱熟，好鬆化，有咸香，如果大塊d就好啦🤣🤣e碗係原味魚湯底，飲落濃郁d.但相對加左蕃茄的就少左份甜味另外加左份$17 炸魚餅小食魚餅厚身，識落好彈牙，落少少胡椒粉就更惹味👍🏻👍🏻👍🏻下次要再留肚，見旁邊食椒鹽龍利球，好似好好味，一定要快d再黎食😁😁😁

家住荃灣，經常經過這間食店，睇個名就知係食魚，仲要出名係魚湯，幾年都未試過，終於一嘗。首先叫左個爽脆魚皮，份量唔多，魚皮一點也不爽脆，質感好似煮左好耐既公仔面咁!!配料就頗多，有子薑，薑絲，蔥粒，花生等....但最失敗既係完全無味，無落麻油，無鼓油，得d水以為自己調味，但枱面又無調味料。之後叫左個吉列豬扒魚湯米線，抵讚之處係會分開上，但d亞姐又唔同你講，先上左個米線，等左成5分鍾先上塊豬扒先試魚湯，淡如水，掛個魚湯招牌出來，個魚湯竟然係咁，佩服佩服!反而塊豬扒有驚喜，不如改做豬扒店啦!服務唔好諗啦，d姨姨唔鬧你都要還神。加埋杯飲品$73，一肚氣，大伏!

魚魚魚位於荃灣嘅魚湯專門店，此店最出名是湯，特別係魚湯。每款湯約$75蚊，加飯或米線要$5蚊。湯有鱷魚肉，牛鰍，水魚，响螺，王鱔等等。蟲草花鱷魚肉湯，呢款湯唔係度度地方有得賣，要飲呢款湯多數要自己煲，自己買，幾麻煩。依家好彩啦，想飲可以嚟魚魚魚啦，不過要早到，七點後多數冇得買。推介指數：9/10淮山杞子水魚湯，呢款湯都有其他地方飲到，但係煲水魚都有啲難度，唔係間間都煲得好。推介指數：8/10除了湯外，呢度嘅椒鹽九肚魚，炸得好好味，炸到連骨都可以食，非常之鬆趣。推介指數：9/10其餘的炸豬排，炸雞亦就普普通通⋯推介指數：5/10

午飯時間黎到路德圍....間間鋪都坐滿晒人..........呢間魚魚魚魚就特別多西裝友OL食~門口仲好多西裝友OL等咁唔爭在我都等埋啦....反正我未齊人就黎2點先食叫左個招牌魚滑米線魚滑偏黑 同街市買既一樣色明顯用雜魚肉整成但就比街市的新鮮一點.....因為有少許既彈性彈性......魚湯沒有想像中鮮甜....應該係加左好多水煲出黎...但奶白色都會呃到人既友人食過幾次必食既蟹籽丸米線友人比左粒蟹籽丸我...D蟹籽又真係幾新鮮...比起出面急凍鋪賣既新鮮彈牙好多~可能自家制?唔知係咪蟹籽甜既關係...食完蟹籽飲魚湯都甜番D這才是招牌吧....總結:鋪頭細~人多~價錢唔算平~行多幾步可以食越味皇生牛河我自己應該唔會食多次魚魚魚魚=X=想飲魚湯除外畢竟家人好少會煲魚湯...

今天晏晝來左食間都幾出名的餐廳食魚湯面，和期代有點距離，魚湯顏色雖然不錯，但冇咩味，咸味又唔夠，所以對湯底的感覺真心痳痳，而魚片又不太新鮮，哀啲講句，魚冇魚味，真陰公，面炸雞翼呢，都炸得幾好的，不過一食落去就覺得好似食緊茶餐廳我炸翼一樣味，即係咩？雪味囉😂不過價錢都可以，加埋飲品都係49蚊，ok la

今日下午肚餓，想食米線就諗起呢間好多人推薦嘅魚魚魚魚🐟4點幾去到冇咩人，位差不多任揀。我一坐低就叫左個魚餅魚湯米線，但係好似多人叫豬排米線多d。環境就差唔多啦，始終都係出名食物而唔係環境。所有米線應該都係即煮嘅，等左10分鐘左右碗米線終於黎。一放低就已經聞到好大陣煎魚餅味，真係好香👍🏻 試下個湯底先，um...比想像中嘅有d出入，可能我食開重口味小小，個湯底似魚湯溝左水咁🤔d米線煮得太耐，開始有小小發漲。但係個魚餅就真係幾出色，熱辣辣又外脆內軟，仲好濃鯪魚肉味添😍值得推介!!佢仲有套餐架，$49一個麵加2餸加野飲幾抵!

今次試下荃灣好出名既魚湯米線，呢間米線可以叫唔同既魚做餸，而魚係會以原條上，但我怕食骨，所以只叫魚滑，炸豬排同龍利球試下，魚湯好香好濃，好想一飲再飲，豬排一d都唔淋，而且冇好油既感覺

假期與他在荃灣區spend time, 佢話上次食過好食，所以想再食，點知哩度招牌係食魚，魚湯出名，但其實一入黎就覺成間舖好腥，5係咁開胃，諗住如果食物okay都算，不過佢個魚湯米線係堅腥，真係5明點解咁多人排隊仲要我屋企成日整魚湯，都無試過咁腥😑 碗嘢男朋友點的，我食小小都覺得啲米線比平常硬，點知佢真係有啲都未煮熟5係講笑招牌炸魚餅都好腥，仲要都唔係好好味，又唔彈牙，仲有碗麵同叫嘅其他小食黎，佢最後先黎，真係唔知點解上菜速度咁慢椒鹽龍利魚，炸得其實幾唔錯，哩個係無咁腥，不過係因為龍利柳唔係用新鮮魚做咖嘛，不過佢個椒鹽堅無胡椒味，得個咸字。哩個係無乜味，仲有佢啲豆腐都好似變變地，不過佢啲嘢食都唔太好食，所以食左幾舊唔食就算了

經過見個牌寫有午餐，諗住舒舒服服入去食，入到去已經俾個冷氣吹到頭都痛，剛坐落要調位都算，舖頭仔張就下俾個方便啫，落單果陣已經攞住個餐牌話叫午餐，之後一見張單水蛇春咁長梗係問佢點解啦，豈又此理！佢大聲夾惡話個餐無魚皮，咁究竟個餐牌寫「魚皮」係乜呢？不過我都嬲到廢事再問佢，咁我指住個餐牌落單又唔同我講，衰到另一個落單阿姐仲話「你有睇過個餐牌，有俾你睇過喎」2條友一齊話我，唔怪得知呢間野越來越少人幫襯，真係有原因以後唔會再幫襯

鱻是我曾經很喜歡的一間食店，以前經常去的，最近比較忙昨天終於有機會再嚐。點了生炸豬扒，魚腩和雞翼。由於一段時間冇去抱著十分望期待的心，但可惜是失望的。以下是個人意見：湯底：一淡再淡，咁多年前已不一樣，現在更是沒有什麼鮮味米線：和以前不一樣，現在的太淋，不對胃豬扒 ：比以前更薄，更淡，就是覺得不一樣魚腩：差不多但更細塊雞翼：味道已經不一樣了沒有什麼特別或許會再給他一次機會，看看是否昨天失手。荃景圍食肆很多希望店方向上爬而不是向下走。

上次試過原條魚既魚湯米線後念念不忘，今次戴左我去另一間再試試。嚟到魚鱻度，外面已見人龍，好彩等左一會就有位由於店內太多選擇，我對魚既認識不多，所以就揀左少骨d既珍珠立球米線俾我加左琵琶豆腐，珍珠立球魚質肉滑，完全無骨既，個魚湯好清，相對上次食嗰間，我鐘意上次食嗰個既湯底多點麵線內都有好多菜，配料足夠，又好大碗揀左連魚球，都係無咩骨，不過肉質相對上較鞋。。不過勝在啖啖魚肉另外，叫左雞翼，雞翼炸得香脆，新鮮，調味剛剛好，賣8元1隻全翼絕對抵食一碗62元既連魚球，另一碗65元既珍珠立球，價錢尚算可以哦總括而言，如果各位朋友鐘意清清既魚湯，依間適合你哦，要注意，店內預左坐得5舒服，如果要坐得舒服又慢慢食既朋友要注意一下哦

一個字鮮！ 唔似出面啲味精湯， 冇胃口嘅時候清清哋食一碗係一個唔錯嘅選擇， 佢哋嘅魚肉餃子皮好薄， 反而肉好多而且好大隻， 米線中中等等，吸收咗魚湯味， 食埋無骨嘅炸魚滑真係大滿足