魚鱻魚湯專門店

营业中

休息中

天氣太熱冇乜胃口，唔一定要吃冷的東西，食個無加味精的魚湯米缐都是個好選擇。我叫了一個鮮鯇魚骹魚湯米線，大大碗有二個魚骹，魚骹剛剛熟，好滑好新鮮，魚湯一點也不腥，當然他們把魚處理得好好，湯底又加了薑、胡椒等去腥味。吃一碗便飽飽了，盛惠$59.00

今日放工之後嚟咗荃灣，都知荃灣係好多好野食㗎喇！周圍行下睇下有咩好食啦，點知星期六周圍都好多人。經過路德圍，見到呢間魚湯。佢門面雖然唔太靚，都有人等下位，又唔算多，就入咗去食。我地叫咗個魚餅魚湯米線同吉列豬扒魚湯米線。本身對個吉列豬扒都冇乜期望，點知食落先發現原來佢個豬扒都醃得好入味！唔同平時連鎖店咁落重鬆肉粉，乜味都冇。而個魚餅都炸得唔錯，好有魚味，但略嫌唔夠咸。講番今次嘅主角-魚湯，佢嘅湯底冇落味精，唔會淨係得陣死咸味，而有一種清清地嘅鮮魚湯味。果然係魚湯專門店！而米線就正正常常啦，吸咗魚湯嘅味道，都非常唔錯！

呢間都算久仰大名，長期經過路德圍都見到多食甚至排隊。咁啱天時熱唔知食乜好就入去try一try🤔想試下奶白色魚湯呀。搭枱坐低牆上痴左好多相同餐牌，同朋友一人點一個米線，懶人怕食骨就決定嗌個炸魚餅米線啦。五分鐘左右就有得食。魚餅唔錯，炸得香口惹味，食落仲好彈牙，本身好怕會好似酒樓d鯪魚球咁又落呢樣又果樣，食落九唔搭八，好在唔係😌可惜最緊要最期待嘅魚湯好淡😞好失望，個湯我同食三哥個清湯差唔多咁，無味嘅程度係情願加辣椒油落去有d味食下算。嗚啊邊度會有濃郁奶白嘅魚湯比我J下呀！！！

鍾意食米線嘅我，難得今日經過荃灣，就梗係要食喺荃灣非常之出名嘅魚湯米線啦，系呢一個食飯時間要等位係必須的，但係勝在都唔駛等好耐，等左大約15分鐘就已經安排到一個位俾我啦。今日叫咗嘅係魚尾米線，佢嘅魚好新鮮，係每日新鮮運送過嚟嘅，而且份量都好大會有四條魚尾，最重要嘅係佢嘅魚湯，飲完唔會覺得口渴，而且十分之鮮味,唔會覺得佢有味精。佢個雞翼係新鮮炸起嘅，所以好香口，而且仲配上左少少華鹽，令到個雞翼錦上添花但係可能因為食飯嘅時間特別多人，侍應嘅態度就一般啦，問多佢兩句有啲乜嘢好食都好唔耐煩，可能今日呢個侍應係新黎嫁啦。

這間專食魚/魚湯專門店，在荃灣區已經好多年，但我一次都未去過，因為我實在怕魚腥味，不過朋友極力推薦，我就試一次啦！試完報告：魚湯湯底有魚味，不覺腥，但比較淡，好聽啲講就係比較清反而炸豬扒同埋炸魚餅就幾好食

幾年前還住在荃灣的時候，一個月裡有三分之一的午餐我都選擇魚湯泡飯啊！這久違的味道在今天我又想起了，經過時看見有位子，立馬想都沒想就進去了！（因為平常都大排長龍），一坐下來就有兩份餐牌，一份是什麼都有單點的那種；另一份是套餐！所以想都沒想就直接來個套餐吧！選了一份生炸豬扒魚湯泡飯+肉碎+生魚片+凍檸檬茶！清爽魚湯味道又有厚度再加上粒粒分明的肉碎，口感真的相當不錯！豬扒份量不少之餘，滑嫩肉質上包裹著醇香的豉油，和魚湯搭配起來真的是平價的享受！

呢間野真係食到一肚氣一入到去啦坐低冇耐 明明同圍仲有大把位 佢係都要人坐入角落頭 張檯同埋牆得唔夠10cm距離 唔同你想我一路食一路練縮骨功？好啦咁我移一移張檯等自己入到個角位啦 佢仲大大聲喝我 喂你唔好移我啲檯啊！心諗痴線架我唔移點入去坐 咁我當然唔理佢照移 所以佢就啤住我。睇餐牌唔夠1分鐘佢就走嚟收餐牌，仲話你諗咁耐冇咁多餐牌啊，咁你攞走咗我仲點諗啊大姐，谷鬼氣唯有求其叫個炸豬排泡飯。好啦等到嚟啦，點知成隻蒼蠅係個湯上面，咁我咪叫佢換過碗，點知佢一路拎走碗湯飯一路口upup 麻鬼煩有蟲有乜咁奇，到換到嚟佢走晒啲蔥同菜，竟然話：走晒啲青啦同你廢事你又話有蟲，我即刻話我冇話要走咼你做咩要走晒佢，佢夠膽話唔係係怕你又話有蟲姐，我就問佢即係你成間鋪啲菜都有蟲啦，佢仲敢話 唔係係怕你果碗有姐 串串貢咁走咗去。真係明明自己啲野唔乾淨有蟲，仲可以賴係菜，仲賴係我嘅問題，完全不負責任之餘仲要咁差嘅態度，野食方面，個魚湯完全冇魚味，完全係味精，豬排連埋炸粉都係得0.2cm厚，又貴又串又唔好食，冇心做就唔好做啦。果日好後悔冇係落單前就走人算，浪費金錢貼錢買難受。

難得的假期經過荃灣，總會忍不住去再吃這間鮮魚湯米線，附近雖然也米線店林立，但如此新鮮的食材實是難能可貴。就因為是假期沒了套餐，點了一客魚滑米線。那清湯滿滿的鮮魚味，不時加點葱花菜又是另一番鮮甜，魚滑份量十足，而且魚味濃及滑沒有骨，所以不時會經過再吃

我真係唔係好識點樣讀佢個店名（魚魚魚）叫咗碗招牌魚滑魚湯米線試下先，以魚湯來講味道都算幾鮮味，我本人唔識魚滑，但見佢有招牌兩個字即管試吓啦，魚肉彈牙，完全冇魚腥味。食完之後冇乜口乾嘅感覺，證明個湯底冇乜放味精，整體來講唔錯

荃灣實在太多野食。每次來食兩間。都吾知几時先食得晒。今次試下呢間出名既魚湯米線專門店。好钟意食魚既可以叫原條魚既魚湯米線/湯飯。好多种類魚選擇。不是小編吾好太好。怕腥。叫了其他魚製品。炸魚餅魚湯米線。魚湯好清。配上紹菜同豆卜好夾。魚餅4件大大嚿。口感味道不俗。吾腥。略嫌吾夠咸。蕃茄肉碎魚湯米線。用上鮮茄。不是茄膏。配魚湯也清。椒鹽魚球。滾熱辣即炸。炸粉薄身肉嫩。好食。但咸左D。潮州炸魚片(小)。我以為系魚片頭D魚片添。原來系好似蝦片既魚片。卜卜脆好味。味仲有d似豬油渣味香。較油左D。可以翻兜👍😁#魚湯米線 #魚湯泡飯 #魚湯專門店 #原條魚米線專門店 #荃灣美食 #粉麵店 #foodstagram #hkinstargram #instargram #instagood #instafood #hkig #相機食先 #hkfoodie #foodie #潮州炸魚片

晚餐時間，想食清淡少少，就黎咗食魚湯米線🐟呢間米線都幾多人排隊，但等咗十幾分鐘就有位男友一心想黎食魚腩米線，但已經賣哂了小食我地叫咗個炸魚片，同我地想像中有小小出入，好似食緊蝦片咁🦐😂但都幾香口嘅仲有每次黎都會食嘅炸雞全翼我叫咗呢個招牌魚餅米線，幾乎每次黎都係食呢個😝食開重口味嘅可能會覺得個米線無乜味🙊男友最後揀咗魚滑米線，普普通通啦。都係鐘意食魚餅多d呢間米線係清淡之選，唔洗下下食雲南米線咁重口味😂🙊

假期食飯時間7pm經過見到唔駛等位，就入去食。一入去坐低睇餐牌，有位年近60歲四眼阿姐大大聲係度指住張細到睇唔到ge紙叫我拎返起個袋，佢地每個位30蚊。態度極為惡劣又大聲，咁我咪拎起個袋囉，跟住佢又指指點點叫我坐入一個位。我唔駛你服務我，不過唔駛講太多無謂野，我聽到佢對其他客都係咁。其實你有人行埋黎，我都一定拎返起個袋，但係果陣都唔爆，有冇必要咁講？重點是，到我埋單，都未有人坐……好啦，食物方面，叫左個招牌炸魚餅米線，好味已經唔係，仲何來招牌？個魚湯唔鮮，有味精，食完極口渴。以前食都要排隊排得幾勁，唔怪得而家唔駛排隊啦，凡事一定有因。我食隔離譚仔雲桂香好過。

[ 魚魚魚🐟| 譚仔以外的米線選擇 ]••雖然我唔食魚，但魚湯我是好OK的👍🏻因為係我認為係香港最好既魚湯米線❤️呢間已經食左好多年😋自從同左男朋友一齊，都無乜機會食，因為佢好抗拒🤷🏻‍♀️只有我病唔舒服/心情差，佢先會願意屈就遷就下我陪我去食☺️-🔹古法吉列豬扒米線($37)⭐️7/10米線煮得比較稔，但湯底救一切🔥魚湯非常清甜，無味精，食完飲埋碗湯都唔會口渴💦(個人喜愛)要多芫茜，成碗野香哂🤤古法吉列豬扒係我食左咁多年都不變，一定點佢🐷同平時認知既吉列唔同，無咁脆，感覺無咁熱氣，但都一樣咁多油😖▫️枇杷豆腐(+$13)有少少幼骨💀對骨好敏感的我，將全部同男朋友分享哂😈▫️可選米線/湯飯🍚-🔹椒鹽龍利球($27)⭐️7.5/10炸到熱辣辣，外皮好脆，入面龍利球好嫩滑😍最重要係無骨，我都可以食😋都係我每次必點的！-🔺如果好似我男朋友咁，要求餐廳環境好整潔既朋友仔，就唔好拜訪魚魚魚啦🙅🏻‍♀️🙅🏻‍♂️🔺仲有好多其他出名既魚配料，但我唔食魚，評論唔到🤐不過每次見同枱都啜骨啜得好滋味咁🤔---

呢間鱻係荃灣已經好一段日子，N年前仲未咁多米線鋪時，就係因為佢既魚湯湯底而黎食，但後來佢突然唔見左，雖然唔知係咪仲係以前嗰間，但今日行過又肚餓又咁凍，所以決定入去試下午餐Set好抵，可以揀3個餸，亦可揀湯飯或米線，我地2個就仲加凍檸茶同凍檸水，都只係49蚊我揀左生炸豬扒，魚餅同魚肉，相入面啲豆卜，菜係魚湯本身有既先講豬扒，佢個樣乾爭爭同薄，但估唔到食落好有驚喜，好juicy 仲外脆內軟，好正，到魚餅好厚身，咬落仲好彈牙，好似有汁標出黎，魚肉都好滑，唔腥，正常啦到同事嗰碗，有雞全翼，魚片，魚肉, 雞翼我覺得冇特別，可以唔叫，魚片都好新鮮，但個人覺得個魚湯湯底比較淡，如果可以濃味d更好

好似好健康既南瓜魚腩魚湯泡飯，其實滿藏咪精，未食完碗野已經要灌水，比左好多次機會佢，都係咁、新開時真係鮮魚湯，奶白色好清甜，而家係少少白色+重味精。魚雖然新鮮，但配上味精湯感覺大打折扣，我去食都係想健康d姐煎魚餅依舊香口脆身，而家好厚肉無碎骨。但呢度既態度的確差，想坐門口位就話留黎員工開飯，要我搭枱唔准坐果張，咁我好坐好見佢地未準備開飯就擺個大背囊上張櫈，佢又話要開飯叫我拎走，如是者我就攬住個大背囊食左呢餐，間鋪又細又窄行個方便都唔得期間不斷有客入佢地就係咁無禮貌咁趕客去隔離自己分鋪話要開飯唔准坐果張枱，但最後到我埋單佢地餐飯都係未開