鬼金棒

营业中

休息中

當時天氣又熱又曬，店入面滿哂座，出面條隊排住3位-＞我2位-＞其他排後面我就唔清楚，個個好乖咁喺出面等緊見到有人埋單，空張2人枱出來，當然好開心，下個就到自己，只要等店員出來叫人，就終於唔洗捱熱。點知有一肥一瘦2個女人來到，望咗一眼成條隊，然後見嗰2位走既客人出來，即刻衝入去話自己2位，而好神奇既係，個店員又無視出面成條隊，即刻比嗰2個女人入座（我好肯定唔係book咗位）。喺出面已經有人排緊隊既情況下，店員都知有條隊，有位唔係應該出來叫人先比人入既咩？我地都有向店員反映出面有條隊，你有位唔係應該出來確認對方有否排隊先比人入座，等人唔好亂插隊咩？得到既回應係「噢～」，連道歉都無，食到我成程嬲爆爆，心情都差哂。你咁做，叫我地成堆大熱天時乖乖地喺出面排隊既情何以堪

呢間拉麵性價比好高 真係回訪過無數次♾️️無論係麵, 叉燒定配料 份量都好多🥰仲可以坐住吧枱望住師傅煮野 特別滋味🫶🏻 .📌增量叉燒X2辣麻味噌拉麵(無辣,無麻) $140湯底揀咗無辣無麻 原味都好濃郁😆粗身拉麵爽彈煙韌 比之前硬身啲 好有咬口🍜最正係麵條好掛湯 超惹味🥹增量叉燒份量真係勁多 兩大舊肥瘦相間嘅豬腩肉 軟腍又入味🐷脂肪比例唔會太高 油脂甘香得嚟 又唔會好肥膩🍖面頭仲有啲炒大豆芽同一條玉米筍 全部都炒得好有鑊氣🔥.📌玉米筍辣麻味噌拉麵(無辣,無麻) $105呢碗叉燒冇咁澎湃 但都有半舊 一樣咁軟腍入味😋玉米荀份量好多 疊到成座山咁 爽脆又清甜🌽同樣有啲炒大豆芽 好滿足😚.📌煎餃(六隻) $45餃子係椰菜豬肉餡 椰菜比例好高 味道好清新🥬餃子皮薄餡靚 煎到金黃色 不過食落就唔算好脆🥟配左一個偏鹹嘅醬汁 唔點都已經好夠味🧂

這間位於銅鑼灣的拉麵店大有來頭，來自東京的過江龍，還有兩間分店位於旺角及尖沙咀。店內裝修以日本神怪為主題，主打重口味辣麻味噌拉麵。拉麵湯底每日以豬骨、雞殼、魚鮮及蔬菜等新鮮熬製超過8小時，再以白、赤、信州等超過四種味噌調配，湯頭香醇不死鹹。辣度由不同數量的唐辛子混合，香麻油則交由和歌山葡萄山椒調成。拉麵的辣度及麻度均可自選，甚至走辣走麻，怕辣人士也適合。味玉辣麻味噌拉麵(小辣小麻) - $105濃厚的湯底散發陣陣香料味，鹹香和油脂完美融合，湯汁入口先辛後麻，十分過癮；一大磚叉燒半瘦半肥，用滷汁小火煨成，瘦肉軟嫩不乾柴，肥肉也不會過於軟膩；滑溜的溏心蛋咬開流出濃濃蛋黃汁；粗捲拉麵煙韌彈牙好掛汁；配料還有粟米筍、豆芽菜及香蔥。炒豆芽菜辣麻味噌拉麵(走辣走麻) - $105味噌湯底濃厚卻香醇不死鹹，完全不膩口；大火爆的炒芽菜充滿香氣好爽口。煎餃 - $45皮薄的餃子包裹著飽滿的豬肉餡，富油脂的口感較柔嫩，底部焦脆很香口。可樂 - $15/1還有支裝茶飲或其他日本汽水等等。

之前同朋友係尖沙咀食過一次呢間拉麵店，超鍾意呢度嘅芫荽山拉麵🍜滿滿嘅芫荽，完全滿足晒我呢個芫荽控😋Yummy ~同時呢間拉麵店特別之處係麻同辣兩樣可以分開自由選擇，唔食得辣都可以試 「走辣中麻」~好過癮！芫荽辣麻味噌拉麵 $115每次黎都必點呢碗拉麵🍜真係完全滿足我呢個芫荽控😋今次揀咗小辣小麻。嘩！芫荽山真係好壯觀⛰️芫荽份量蓋住成碗拉麵，湯底小辣小麻，夠哂惹味！啖啖都食到芫荽🌿麵質較粗身 煙韌彈牙，仲有一舊厚切叉燒超好食～味玉辣麻味噌拉麵 $105朋友點咗中辣中麻，湯底好香濃、淡淡油脂感，特製厚切叉燒好入味，入口即化，肥美甘香 。

今日星期日，下午六點未夠，喺銅鑼灣行完SOGO，累累地又想搵個地方食個早晚飯順便休息吓。係OpenRice 做research,見到鬼金棒好多好評，咁就試下佢啦。拉麵店其實就係銅鑼灣地鐵站SOGO 出口行大概2分鐘就到喇。其實就係世貿對面，好方便。舖頭外面裝修得好有特色。有惡鬼嘅圖像，又有大大支鬼神平時揸住嗰支棒既模型。雖然我六點前就到，但都已經差唔多滿座了，好彩早一步到，唔使等位就可以坐低喇。店舖入邊裝修得仲有特色過出面。有好多惡鬼嘅面具仲打埋紅色嘅光。好有氣氛。嚟到拉麵店梗係點拉麵食啦。我哋兩個人，一個點左特製麻辣味噌拉麵，無辣無麻。另一個點左炒豆芽菜辣麻味噌拉麵,小辣小麻。因為想食啲蔬菜，另外再叫咗個增量玉米筍。叫咗一罐芬達同一罐zero可樂.特製麻辣味噌拉麵，有兩大嚿叉燒，仲有隻糖心蛋。份量真係好大。炒豆芽菜辣麻味噌拉麵，就有一嚿叉燒，再加大量芽菜，份量都唔野少。兩個湯底睇個色澤就知好濃郁，飲落真係好好味。至於拉麵質地，軟硬度適中。舊叉燒真係必食，佢係厚切，見到肉同埋脂肪一層一層咁，煮得好入味，又唔會太過林冇晒咬口。佢嘅芽菜係有炒過先至加落拉麵度，有誠意！增量玉米筍，冇諗過係咁

👹鬼金棒來自東京的過江龍拉麵店，店內裝修係日本神怪主題，分別有尖沙咀和銅鑼灣分店，同平時食拉麵好唔同，可以自選 同 的程度，岩哂無辣不歡的大家，一共有五個級別揀。增量叉燒辣麻味噌拉麵🍜 $140超大舊叉燒，叉燒好入味，拉麵麵質Q彈煙靭，小麻小辣岩岩好，超飽好滿足！炒豆芽菜辣麻味噌拉麵🍜 $105滿滿一座芽菜，其他拉麵店都冇呢個口味，當蔬菜一流，豆芽爽口細嫩，口感fresh 肉碎飯 $35起初以為好細碗，一啲都唔馬虎，珍珠米配叉燒肉碎，將叉燒肉碎變成飯的感覺🤭

今日為左滿足老公既辣癮，放工帶咗佢快閃東京過江龍主打麻辣嘅鬼金棒拉麵。🔹芫荽辣麻味噌拉麵（中辣中麻）老公係芫荽控，平時打邊爐都成扎咁放入口，佢話依個麻辣味既莞荽勁香同清新，面嘅質感偏粗彈牙，佢揀左中麻中辣，佢話辣味啱啱好唔會搶咗芫荽嘅青味，但略嫌麻味唔夠下次會叫「大麻」。🔹特製麻辣味噌拉麵而平時鍾意淺嘗辣味嘅我就揀咗少麻少辣，我覺得對於我嚟講剛剛，湯底好濃郁，如果坐近吧枱呢仲可以親眼見到師傅製作拉麵嘅過程，腩肉好淋，溏心蛋夠濃味。🔹日式煎餃子至於煎餃子屬於正常發揮，但煎得非常之香脆而且夠晒熱辣辣配，埋辣辣地嘅拉麵食呢咁就啱啱好夠飽夠晒滿足。坊間有好多唔同類型嘅拉麵店，但係以麻辣為主題嘅就比較少，如果你鍾意天氣熱再食辣野既，就一定要試吓鬼金棒，而家好似有三間分店試過兩間覺得質素都差唔多。==============================

公司附近的鬼金棒是家很有日本風格的小巷拉麵，咁近梗係要多啲幫襯。地點在世貿中心後面，非常方便，！店舖雖小，債勝在感覺夠哂似日本地道拉麵館。而這間拉麵店真來自東京，食材都是日本直送！芫荽辣麻味噌拉麵 ＄110芫荽控最愛，密密麻麻海量的芫荽，加上炙燒過的豚肉叉燒，有點焦香，不會太肥。點了辛辣的湯底，但也不太辣。到豬骨湯味，口味大眾化，大量芽菜和日本大蒜，口感十足。大肉飯，一層一層的五花肉，入口溶化，非常邪惡。加左一份增量玉米筍，份量之多，非常驚人，成坐山咁大！係加餸嘅好選擇！店員非常有禮，出餐速度快，人均消費＄150左右，價格合理！

去完sogo買東西，想一個人靜靜地食個麵，選擇了鬼金棒sogo後面的鬼金棒，其時時間尚早，正午未到，不用等位又不用逼👍🏻好久沒來了，環境仍是一樣，古風日式背景音樂襯托著一室暗紅鬼臉和狼牙棒的裝飾。這裡的拉麵選擇簡單，就是選不同配菜的麻辣拉麵，我的選擇是味玉（蛋）+ 芽菜！是我最喜愛的組合！味玉半熟流心入味，經爆炒的芽菜清甜爽脆無草青味。湯底有很多調料，可以自選麻度和辣度，我選的高麻也是還可以，小辣就幾近是微辣，嗜辣嗜麻的朋友可以放心選中/大麻辣😚加上一件軟淋入口即化的角豚（滷肥豬肉🤤)和一片粟米芯，非常飽肚，份量依舊充足。PS. 在我正小心翼翼吃麵、擔心紅油湯底或會彈到我身上衣服的時候，我發現了枱上有一次性圍裙，真貼心。PS. 坐在吧枱位置，偶爾還能看到玻璃廚房內，炒蔬菜而升起的熊熊火光！牆上還有水喉可以為自己倒水，方便得很！味玉辣麻味噌拉麵（hk$105) + 芽菜(hk$15)可樂（$15）不用加一

有冇人同我一樣都鐘意食拉麵呢? 這間位於銅鑼灣世貿中心對面的拉麵店獨創味噌湯加辣加麻既配搭，湯底十分濃郁! 店舖細細不過座位都算多，有吧枱或方枱選擇，牆上掛上日式裝飾，燈光偏暗有啲去左居酒屋既感覺芫荽辣麻味噌拉麵 $110芫荽控要試，面頭有好多芫荽，加入豆芽菜、玉米筍及芫荽更惹味，值得一讚叉燒大大舊肥瘦平均，食既時候feel倒好入味有咬口特製辣麻味噌拉麵 $120特製辣今次揀左小辣其實唔辣，除左上面既配料仲加左味玉，糖心效果好好，拉麵麵質彈牙值得一試 飲品方面除左汽水之外仲有各款特飲，夏天飲落透心涼

鬼金棒呢間過江龍由日本飛到嚟香港，尖沙咀、銅鑼灣，就連而家旺角都有分店，想食麻辣拉麵就越嚟越方便啦！呢間出名食辣嘅拉麵店，最特別嘅係連唔食辣嘅人都可以試試。因為有好多唔同款式，有辣有唔辣，就連 麻 同 辣 🔥兩樣都可以分開揀！今次同朋友嚟試咗兩款拉麵莞荽辣麻味噌拉麵(小辣, 高麻)，加咗豆芽菜。呢度嘅芫荽份量已經唔少，不過鍾意食莞荽嘅人永遠都唔會嫌多，唔夠嘅話，可以額外再點多一份！拉麵嘅麵質係我鍾意嘅軟硬適中，湯底味道香濃，小小嘅辣度，而麻感重，好鍾意呢種麻辣嘅感覺！另一款係味玉辣麻味噌拉麵（小辣, 無麻）額外加咗一份粟米荀，火候好夠炒得好香，送杯啤酒一流呀！

以麻辣湯底聞名的日本過江龍鬼金棒，讓很多人意想不到的是「麻度」與「辣度」是可以分開選擇，正如我不太愛吃辣，但又喜歡椒香的麻勁，就選了無辣中麻。點了玉米筍辣麻味噌拉麵，加了半熟溏心蛋 (味玉)，中間真的有流心效果，吃起來超滿足！拉麵的軟硬度適中，湯底濃稠，掛湯幾力🉐真的很不錯！坐在吧枱搵看着廚師在翻炒玉米筍，看起來太好吃，我們還外加了一碟（笑）玉米筍帶香濃的牛油味，穫氣很夠，不消一會就被我們消滅了ಥ_ಥ

今次同朋友嚟到位於銅鑼灣謝斐道嘅鬼金棒再次挑戰佢哋辣麻味拉麵，店面清潔衛生，QRcode自助落單，方便自己挑選辣度同麻度，即叫即製，非常惹味😋莞荽辣麻味噌拉麵$115，滿滿新鮮香口莞荽，麵質好彈牙，吸足湯汁，而配料好多，有芽菜、香蔥及玉米筍。而食量比較大既話可以一嘗增量叉燒辣麻味噌拉麵$120，叉燒肥瘦適中，脂肪比例唔會過多，咬落肉汁爆棚，一口接一口😆另外追加小食都有好多款式，包括大肉飯及煎餃，推介佢地既煎餃，餡料足而唔油膩，$45/6隻性價比幾高👍🏻

有一段時間冇去鬼金棒，呢度有啲掛住佢，所以又再去，食完之後我覺得佢已經成為我最喜愛的拉麵店之一。原因好簡單，就係佢啲拉麵好食囉！今次同朋友去，我就叫咗個增量叉燒辣麻味噌拉麵，再加一大碗芫荽，朋友就叫咗個特製麻辣味噌拉麵。我個增量叉燒拉麵今次試無辣無麻，因為想試吓佢嘅湯底，佢哋拉麵彈牙口感十足，叉燒亦都住得好林好入味，增量叉燒有兩舊叉燒，兩舊都大大嚿，好吸引。以佢嘅湯底原來都好入味，就咁飲都非常好飲，湯底好濃一點郁。另外叫咗一大碗芫荽，食嗰時逐啲加入去拉麵度，由於芫荽嘅份量非常多，基本上我每一啖拉麵都可以充滿着芫荽，對於芫荽紅嘅我嚟講真係覺得非常幸福！至於朋友嘅特製麻辣拉麵，佢就叫咗小辣小麻，佢話少辣少麻對於唔係食得好辣嘅佢嚟講啱啱好，鬼金棒嘅好處就係有得俾你自選辣度同埋麻度，分別有四個程度選擇又無辣到大辣都有。佢個特製拉麵叉燒雖然冇我果碗增量咁大嚿，但其實份量都唔細，而且仲有流心蛋，一樣咁好味，兩碗麵都好推介！

這家拉麵店有很好的氛圍，型格暗黑色調，店內的裝潢非常精美，座位雖然不多而且偏窄，但這才有日本拉麵店的特色😁我最愛吃莞荽，所以我點了莞荽辣麻味噌拉麵(選了小辣，高麻)，湯頭非常的香濃，而且辣味和麻味非常的適中，讓人吃起來非常順喉，麵條也很有嚼勁，搭配上玉米筍和味玉更是美味無比👍🏻👍🏻👍🏻朋友點了增量叉燒辣麻味噌拉麵(中辣,高麻)，加味玉，玉米筍，這道拉麵比第一道菜更加辣勁十足，叉燒肉非常的嫩，搭配上湯頭和麵條更是絕配😄😄