鬼金棒

营业中

休息中

今日收工去咗銅鑼灣嗰邊食飯，最後都係諗唔到食咩揀咗食拉麵 朋友介紹呢一間話我應該會好欣賞佢嘅芫荽拉麵 既然係咁就去試吓 晚上時間都好多人，我哋都要排隊，不過好好彩喺落雨之前都入到去今日嘅主角，當然係芫荽麻辣味噌拉麵 一嚟到見到賣相都幾靚仔，即刻忍唔住拎電話出嚟打卡 芫荽配搭拉麵都幾襯，第一次食！拉麵嘅軟硬度亦都適中，唔會有太軟嘅感覺，亦都做到掛湯嘅效果！叉燒就唔係太肥，普普通通唔係太特別 整體來講拉麵都合格以上！再配埋芫荽，簡直一流！最後加多罐可樂作結！

係銅鑼灣閒逛後，唔知食咩好，見到呢間拉麵店好多人，就入去試下🤗辣麻味噌拉麵 $90我唔食得辣，所以揀左走辣走麻😝雖然走左辣同麻，但湯底仍然無得輸，蒜香味突出，好惹味。而配料有叉燒、芽菜、粟米筍，仲有少量蔥花，拉麵質感有韌力：叉燒叫五花腩先啱，入口即化，肉味濃郁。增量叉燒辣麻味噌拉麵 $115米飯班主叫左小辣小麻，同增量叉燒，佢果個叉燒真係好厚肉又軟腍，又入味，食到佢lam lam脷，而且拉麵好掛湯汁。

炒豆芽菜辣麻味噌拉麵（增量叉燒）唔食得麻辣都可以叫無辣無麻，完全唔會令到湯麵嘅味唔同🤩等咗7-10分鐘到就到，一到已經聞到超香嘅湯麵味，因為有叫增量叉燒，所以碗入面真係滿滿食材，一大疊芽菜放喺麵上，側邊係兩大舊叉燒，望見都豐富！🤤第一個梗係試芽菜先啦，炒過嘅芽菜好香，又唔會鹹，都唔少分量，食到最尾都仲有☺️叉燒浸喺湯入面已經吸曬滿滿湯汁，淋又唔會柴😝主角拉麵就唔洗講啦，掛住濃郁嘅湯汁一齊入口，超彈牙😆好味🤩🤩

食過咁多間拉麵，始終覺得銅鑼灣呢間最好食半開放式嘅廚房清楚睇到師傅喺裡面爆香芽菜，熊熊火光嘅狀況每碗拉麵即叫即製．又香又惹味無論 湯底．麵質．配菜，都好有質數加上呢度嘅叉燒真係超級好味✨芫荽麻辣味噌拉麵舖上大量芫荽覆蓋着拉麵輕輕搞拌融入湯底之中入口滲出啖啖香茜味✨特製麻辣味噌拉麵揀咗小辣．中麻湯底濃郁超惹味大大片嘅叉燒又香又腍，軟腍嘅口感好Juicy配上呢款粗身嘅麵質夠彈牙難怪每次嚟到，都係坐滿食客

友人係芫荽控，今日專程帶佢來食芫荽拉麵，呢間日式拉麵店位於銅鑼灣，非常方便，友人一定會好開心，滿意。我哋果然係芫荽愛好者，各自點了芫荽辣麻味噌拉麵。友人那碗隨了芫荽外，追加了玉子，中辣，中麻。湯底比較深，辣和麻效果吧！友人覺得好正，辣度，麻度都好香。麵條掛湯，惹味十足。雞蛋色澤靚到好似日落，流心，滋味。我那碗追加了芽菜，將芽菜跟麵條一齊食，更爽更有嚼口。义燒肉腍香，入口即化，超級正。芫荽係主角，散發出香氣，另整碗拉麵更添色彩。

香港拉麵選擇好多，多數都係豚骨或者雞白湯反而就好少有專注辣湯嘅拉麵第一次食鬼金棒，發現辣度同麻度都可以隨你選擇！岩哂中意食辣嘅朋友！麵嘅款式都幾多，湯拉麵，沾麵同拌麵都有我揀咗辣麻味噌沾麵 中麻中辣沾麵嘅湯同麵會分開上麵係偏粗身嘅，好掛湯亦好彈牙！中辣唔算好辣，麻香辣嘅比例好適中豚肉十分淋滑，肥瘦適中朋友要咗特製麻辣味噌拉麵 中麻小辣特製呢款配料超豐富！包咗蛋，同超厚身豚肉湯底十分濃郁，麵就比沾麵個款幼啲另外加咗個肉碎飯有啲似台式嘅肉燥飯，肉碎肥瘦相隔充滿油脂香！另外每人都加咗可樂飲，鋪頭仲有其他日式嘅汽水可以揀咖可以揀辣同麻嘅拉麵幾有特色，味道偏濃郁，岩哂我呢啲重口味嘅人！

我最近去了一家叫做鬼金棒的拉麵店留意到店內有特色的燈 像去了日本一樣點了他們的招牌辣麻味噌沾麵（加味玉）和增量叉燒x2辣麻味噌拉麵（加上味玉）。我挑了小辣和中麻的辣度，朋友則選擇了中辣和高麻。首先來說說沾麵，麵條煮得剛好，很有彈性，加上特製的麻辣醬汁，讓人一口接一口停不下來。再來是增量叉燒x2辣麻味噌拉麵，雙倍的叉燒肉看起來非常美味，經過炙燒後更是入口即化，加上湯頭濃郁的味道，真的是讓人回味無窮。整體而言，鬼金棒真的是一家值得一試的拉麵店！

炒芽菜辣麻味噌拉麵🍜$100 追加味玉$15小辣+小麻超有東京特色嘅拉麵店😄粗身拉麵湯底濃郁😀仲配有唔同程度嘅辣同埋辣同麻😝有五個程度可以揀😁不過我唔算好食得辣所以全部都叫咗少少黎試😊真係幾惹味😂份量都夠😎個叉燒超級肥美😄同埋因為叫咗芽菜拉麵嘅關係有海量嘅炒芽菜😍連埋啲拉麵一齊食口感好好😙最驚為天人係佢個蛋做得相當出色😚生熟程度啱啱好😗你睇吓佢幾紅就知道係日本蛋啦增量叉燒辣麻味噌拉麵🍜$135 追加味玉$15小辣呢一款整體同上面都好似😁多左厚切叉燒😆見到咁大舊就知道非常之肥美🥰同埋軟熟😍油脂比例同埋肉嘅比例分明😗食得出有好強勁嘅口感☺️同拉麵同埋湯底極夾

上幾個禮拜喺銅鑼灣想食拉麵，search到呢間好多人都話好食，所以就想試下。入到去見到佢個個拉麵都話係辣嘅，同埋呢間出名麻辣拉麵，於是就決定揀左個小麻小辣，同行朋友因為食得辣就揀左大麻大辣。碗拉麵嚟到之後見到上面都幾多配菜，特別多芽菜同韮菜，聞到嘅味都幾香。一食落，我同我朋友就對望，都覺得唔對路，點解食落咁似譚仔嘅？！我地愈食就愈覺得唔應該係咁架喎，又話出名麻辣嘅，仲要身邊個個都話好食，唔通係我地嗌錯左？於是我就想細心試下佢湯頭嘅味道，確實係有少少濃厚嘅麵醬豬骨湯味，我朋友咁鍾意食辣都覺得我嗰碗小麻小辣係好食過佢嗰碗，但係好食嘅味道就俾個辣味遮住左囉。食完之後，一路都覺得唔應該係咁架喎，我係要食拉麵唔係譚仔喎。於是唔憤氣嘅我就決定俾多次機會佢，再食多次就食無麻無辣。今次碗拉麵嚟到之後，就覺得所有嘢都啱晒啦，係嘅呢碗麵係值得稱得上係好食嘅。第一啖飲落個湯頭已經覺得幾香幾厚嘅，跟住試啲配菜終於食到佢炒香嘅香口味，確實係令個湯頭生色不少。雖然啲拉麵係彈牙嘅，但係就唔係幾掛湯，飲湯係好食過配麵食嘅。同埋個腩，其實上次都ok，不過今次因為所有嘢都舒服晒所以就覺得夾個麵好多。總體嚟講，無麻無辣係好

喺香港，日本拉麵一直都有好多忠實嘅粉絲。佢哋嘅店裝潢同埋妖怪面具同吊飾都好似喺東京咁，同「鬼金棒」嘅主題好切合！佢哋最出名嘅辣麻味噌拉麵，用咗日本「鬼金棒」秘製嘅味噌同埋熬足8小時嘅湯底，入口特別濃郁。湯底「辣」同「麻」分別用多款辣椒、唐辛子同埋和歌山葡萄山椒調配而成，仲分五種麻度同五種辣度，總共有25款唔同口味任你揀！如果你係無辣不歡嘅人，可以挑戰鬼增級辣麻拉麵，佢哋用健力士世界紀錄大全最辣嘅卡羅萊納死神辣椒炮製，一定會令你雙唇發燙！小編誠意推薦大家去試下呢間拉麵店，真係好味，好耐無食過咁有誠意嘅拉麵！

食過之後念念不忘 🤤 要不停再回頭食嘅拉麵店 😳 鬼金棒係其中一間 ! 今日又黎到銅鑼灣分店 , 點解成日都要回頭就係因為呢度有獨一無二嘅辣麻味湯底 ! 👍👍其實呢度除咗拉麵 , 仲有飯食嫁 🙌🙌 全店使用 QR code 落單 , 快捷方便又清晰 !味玉麻辣味噌拉麵 ($100)麻麻哋 , 辣辣地 , 夠晒刺激 ! 😆😆 越食越想食 ! 湯底唔會太鹹 , 拉麵係粗身嘅曲面 , 掛湯一流 😏 叉燒一層肉 , 一層肥膏 , 肥膏入口即溶 , 一啲都唔膩 , 超正 !! 一舊絕對唔夠 , 所以今次我同追加咗增量叉燒 , 大大件 , 食到夠 ! 味玉仍然保持一貫水準 , 醬油味濃度適中 , 同時食到蛋味 😲😲 你睇吓個蛋黃幾橙色 ! 芫荽辣麻味噌拉麵 ($110)友人揀咗呢個芫荽拉麵 ! 芫荽嘅份量真係好震撼 ! 香氣撲鼻 😌😌😌 不得了不得了 !食完麻麻辣辣嘅拉麵 , 飲返罐可樂 , 簡直係人生一大享受 ! 期待下次再黎食 ! 😁😁

今日又同朋友嚟到銅鑼灣鬼金棒，食麻辣拉麵！增量叉燒辣麻味噌拉麵（$115.0）試過幾次之後發現叫小辣,中麻就最啱我口味，輕輕辣味加上麻香相當開胃，呢度嘅增量叉燒很有厚度，油脂同似嘅比例完美，入口又腍又滑，每次都食到非常飽足。麵條軟硬適中，口感很好！朋友點咗味玉辣麻味噌拉麵, 加埋莞荽,增量叉燒 ($155)，原隻味玉，咬開溏心溢出滿滿蛋香，莞荽量足，浸一浸湯，香氣迫人！朋友揀咗小辣，高麻，辣度不變，麻香味就更加突出！

香港拉麵鋪頭眾多，我覺得大差不差，但有一間暫時無得取代，就係鬼金棒！久唔久就要encore粟米筍，每次都要排隊，生意真心好！🍜呢度嘅特色係辣！我係好食得辣，所以並唔覺得真係好辣，但比起一般豬骨湯拉麵惹味好多！本身拉麵湯好容易覺得滯，呢度就唔會了！🍜麵條比較粗身，都爽彈好味！雞蛋啦叉燒啦全部都係想像中嘅好味😋💗但粟米筍就係非一般嘅好味了！超有鑊氣！係，係用有鑊氣來形容！一路食一聽到廚房梆梆聲係度用超大火超大鐵鍋炒緊粟米筍，不誇張，聽到都覺得好味哈哈！😊如果你同我一樣係重口味愛好者，記得要叫辣味加芫荽加粟米筍，唔會失望！

又同同事lunch time黎食拉麵過辣癮啦！我地每個叫左一碗增量叉燒x2 辣麻味噌拉麵。唔使等好耐碗拉麵就上枱！賣相真係好吸引，同啲相根本冇分別，個湯底超濃厚，好好飲，香味散發出來好開胃！叉燒好大舊，而且半肥瘦，好香滑，好有咬感，中意啖啖肉既朋友一定會食到好滋味！拉麵煮得恰到好處，口感彈牙，非常好食，配上濃郁嘅湯底，真係好少拉麵店做到咁好食。埋單$150 一個人午餐，但係飽到上心口，下次一定會再幫襯。

📍銅鑼灣 鬼金棒話說，我細佬好鍾意食拉麵💁🏻‍♀️但係我因為細個食過啲劣劣哋嘅鹼水拉麵，所以「見過鬼怕黑」，對拉麵一向冇乜好感😅 簡單啲講，啫係如非必要，我都唔會去食拉麵🫣咁但係當你細佬用水汪汪嘅眼睛同你講佢想食拉麵嘅時候，你又點忍心拒絕呢？🥹 最後，我屈服咗🤣呢間拉麵喺World Trade後街，位置都算幾方便嘅😚 入面雖然位唔多，但我哋兩個都無話要等好耐😌「有前無後，打死罷就」嘅我叫咗個味玉麻辣味噌拉麵🍜其他嘢先唔講，麵質幾好食😋 Al Dente 得嚟唔會硬到頂胃🥳 而且比平時嘅拉麵粗啲，好掛湯🥣 湯底辣辣哋幾惹味，我靜雞雞一啖接一啖🫣 然後嚿叉燒唔會好多肥膏搞到成口油，怕肥女仔友善😌 平時有拉麵恐懼症嘅我都覺得可以🉑️而我細佬就叫咗個增量叉燒味噌拉麵同肉碎飯 - 基本上評價同上😎 肉碎飯好似係類似台式肉燥飯嘅概念，不過變咗日版🇯🇵 細食嘅女仔可能一碗都可以當一餐添😋其實，食拉麵又有咩好怕喎🙈#拉麵恐懼症 #水汪汪眼睛 #鬼金棒 #味玉麻辣味噌拉麵 #增量叉燒味噌拉麵 #肉碎飯 #causewaybay #銅鑼灣 #ohhejfoodie