鬼金棒

营业中

休息中

呢間拉麵店一向以濃郁嘅湯底吸引食客🤩店內嘅座位不多，星期六日或者繁忙時段，真係要排好耐隊架！增量叉燒辣麻味噌拉麵店家嘅辣麻味噌湯底絕對係辣味愛好者嘅天堂，湯底入口麻辣中帶甘，配料嘅叉燒大大件，質感有啲似東坡肉，好入味！拉麵嘅麵條係粗麵，有咬勁，同湯汁一齊入口，辣麻感十足。除咗拉麵，肉飯都係亮點✨有大肉飯和肉碎飯兩款，由於我哋拉麵已經食咗大肉，就order咗肉碎飯，上面鋪滿了炒過嘅碎肉，撒上一些蔥花，整體人口入口甜甜地又有濃郁肉香香，唔錯！

日本嘢永遠都係最吸引。有時候心血來潮就想食碗拉麵，就會即時諗到鬼金棒。鬼金棒都有唔少分店，今日行開港島區，就決定同朋友去銅鑼灣嗰間食夜晚。餐廳嘅裝潢好有日本feel，有吧枱位置望到廚師為你整拉麵，仲有好得意嘅日本裝飾，有種日本古色古香的感覺。之前見到佢個芫荽拉麵都覺得好吸引，今日就試吓佢。芫荽辣麻味噌拉麵$115我本人十分喜愛芫荽，上到枱成碗綠色感覺好正。麻辣味噌湯底超級濃郁，將啲芫荽浸晒落湯底到，超級惹味。叉燒肥瘦相間，入口充滿油脂香，即刻溶化，非常好吃。增量叉燒辣麻味噌拉麵$120叉燒就真係好大舊，女仔食晒成嚿應該都好飽。我好鍾意呢度嘅拉麵質感，軟硬適中，好有咬口。就算慢慢食，麵條浸住湯底都唔會變諗。湯底充滿蒜香，麻香，仲有唔少芽菜，香蔥等配菜，入口爽脆。煎餃 $45豬肉餃子煎得好香口，餃子皮較薄，沾上帶有點醋的醬油，好正。

呢間日本過江龍嘅日本拉麵，已經bookmark咗好耐～～因為唔食得辣嘅朋友，都可以揀冇辣又有麻😍 炒豆芽菜辣麻味噌拉麵呢款揀咗無辣、中麻、走蔥😍上面嘅係韭菜，湯底濃郁又帶有麻香油香～令人有種上癮嘅感覺🥰芽菜三間拉麵嘅口感，更加清爽😋增量叉燒x2辣麻味噌拉麵呢款揀咗小辣、中麻、+玉米筍😍對比之下叉燒份量真係好驚人，有兩大條又厚切🤩肥肉部份有入口即溶嘅感覺，整體都好軟腍好入味💕Drink 飲品就揀咗芬達&雪碧～食辣嘢配汽水就最啱😍

東京人氣拉麵店鬼金棒開咗嚟香港之後，一直都未試過，以為佢淨係得辣，但係原來每一個拉麵嘅辣度或者麻度都可以自己揀，共有二十五種辣度，又或者完全唔辣都得。唔辣就可以試真啲佢哋熬足8小時嘅濃厚味增湯頭，鍾意辣嘅就可以挑戰吓食辣度最高果種。店舖以日本鬼怪文化為主題，入到佈滿好多妖怪面具同吊飾，都幾有心思，而碗上面印有惡魔拎住狼牙棒嘅圖像，相信死神級辣度非常可怕🥶炒豆芽菜味噌拉麵（無辣, 無麻）- 呢款拉麵特別多芽菜，夾雜住麵條食，增加口感。叉燒同平時見到嘅有唔同，一件過非常厚實，以慢火炆煮，似平日食開嘅豬軟骨，煮得非常之腍。增量叉燒味噌拉麵（無辣, 無麻）- 而呢個增量叉燒岩晒鍾意食肉嘅朋友，除咗2倍增量，仲有4倍增量，十分飽肚。煎餃 (六隻)另外追加咗煎餃，餃子皮薄，餡料內多雜菜，亦煎得唔錯呀～🛎️必試指數：8/10🔆

大太陽下在銅鑼灣走走, 有昏脹的頭痛,便進去歇歇. 12 noon 客人不多, 環境安靜清潔, 裝飾有可欣賞處, 有趣, 農曆七月, 應境, 可添另類味兒.  今天點了芫茜拉麵豬骨味噌湯底和餃子, 因聽說芫茜消暑解毒, 喜歡它的人就是喜歡, 加上本身是個餃子控, 單看這個組合已滿意. 食物雖不名貴, 然滿足而舒適, 是我的comfort food, 還沒有半點MSG, 每次吃完, 對我這個對味精極度敏感的人, 全無不適反應(沒有喉乾口渴, 失睡等). 店員並不熱情但有耐性有效率, 總是恰到好處. 當天離開前頭痛已完全消失, 主觀覺得是芫茜的藥力,哈.

鬼金棒特別之處係可自選辣度及麻度~ 可惜拌麵賣曬&沾麵已經冇賣🥲 味玉辣麻味噌拉麵 $105 : 五花肉皮厚肉嫩✨ 肉質一絲絲👏🏼 溏心蛋好流心🥚 呈橙紅色好鮮豔😄 但係有少少蛋殼😖 希望下次小心啲清乾淨啲~ 有芽菜、粟米荀、蔥等，味噌湯底唔咸而幾香! 小辣小麻幾惹味🧐 麵質爽身唔淋 幾掛湯😁煎餃(六隻) $45: 底部煎得好脆 餃皮夠脆😆 豬肉餡幾juicy💖肉飯 $45: 五花肉同拉麵一樣! 仲有肉汁撈飯食 真係好滿足👍🏼

今日同同事好想食拉麵，因爲先前試過太多間，號稱拉麵專家既餐廳，又貴又唔好食，所以我地一開始都唔敢抱太大期望去🥲我同同事都叫左味玉麻味噌拉麵 $105*（好有良心咁，衣個麵，基本材料已有溏心蛋，有舊大叉燒，有芽菜）*不用加一喜歡吃辣既人，但唔鐘意靜係得辣字既人可以嚟食❤️❤️❤️因爲佢唔單止有幾個辣度揀，仲有麻度揀！好爽！好正有得咁揀！講完個湯，一定要講番個麵！真係好正，性價比高！ 個麵唔會軟到好似煮太耐，但岩岩有得咬，又吸到湯咁🥳🥳

翻看記錄, 原來拉麵都是自己經常的選擇; 每間店不同的香濃湯底, 都令人食指大動; 今日銅鑼灣上完堂, 自動自覺走到謝斐道的鬼金棒, 因為一直都很掛念上次吃的玉米筍拉麵今天客人比較多, 店員很有耐性的每位照顧; 一坐下立即QR code下單, 餐廳依然提供紙圍巾照顧客人的衣物, 麵送上, 濃郁湯味攻進鼻子, 即吃軟滑肥美日本叉燒, 肉汁滲透口腔, 很滿足玉米荀份量有點多, 加上叉燒跟吁玉, 其實未吃麵已經開始飽了; 還加上大量的芽菜及配料, 令湯底的香味更多層次今天的味玉流心程度爆燈, 掛上拉麵變成另一種吃法 

當晚約了朋友到銅鑼灣分店吃晚餐。因為希望製造一個驚喜予同行一位朋友, 所以我早到了希望可以早點入坐準備。可惜男店員說需要到齊很才可入座, 晚飯時間有此安排都可以理解。其後一位女店員接手安排入座, 期間大概入了10位客人, 在我其後來的客人全入座了, 但她仍說需要等齊人才可入座, 心想有點奇怪, 但亦尊重餐廳安排。最終我有多一位朋友到達, 她見到情況問我人齊了沒, 我說齊了並解釋因為要製造驚喜, 最後一位朋友亦正在店舖附近等待中, 希望先給我們兩位入座三人檯。可惜店員並不通融, 並指她不會留檯給我。我十分無奈, 只好再到店外門口等候直到最後一位朋友到達。女職員之後帶我們進入餐廳, 但並沒有即時指示我們應該坐那一檯, 而是去招呼其他客人, 我們一直站在店內等她指示, 最後她才指一指那張檯示意要我們坐那裡。因為驚喜已被女店員破壞, 所以也沒有什麼心情吃飯。其中兩碗拉麵來到時, 兩碗均是少辣, 但我朋友應叫了一碗走辣, 所以向女店員查詢。然後女店員竟取回廚房下單紙, 在我們面前展示並說"小麻小辣兩碗, 呢度寫住㗎喎", 她的意思是廚房出餐正確無誤，只是我們下錯單。態度十分惡劣，有需要這麼恃勢凌

今次同朋友去銅鑼灣行街 行到咁上下 就去揾下附近有啲乜嘢拉麵店🤤見到之前朋友推介過既鬼金棒 所以今次就去試吓啦😝去到既時候 以為所有拉麵都係得辣麻味噌😝初頭同朋友擔心 會有啲辣 但原來係可以選擇唔同嘅辣度🤤仲可以揀唔辣添！最後我哋兩碗拉麵都係小辣😆- 增量叉燒辣麻味噌拉麵 $120舊叉燒真係大舊左好多😂而且啲叉燒十分入味😝湯底方面亦都好濃郁😙- 味玉辣麻味噌拉麵 $105呢個拉麵就會有一隻流心蛋😝值得欣賞嘅係 我地食拉麵嘅速度都唔算快一路傾計 一路慢慢食但係啲麵都無因為浸到啲湯太耐而淋曬👍🏻👍🏻👍🏻- 煎餃啲煎餃加埋啲醋 酸酸地 好好味😙

當你有個拉麵控嘅朋友就會同佢食飯都搵啲特別嘅拉麵去食今次呢間日式拉麵可以自己揀辣度同麻度店舖裝修仲配合左店名，有啲鬼怪裝飾👹👺座位就有吧台同普通位吧台可以見到師傅點樣製作一碗麵最貼心係有埋圍裙供應，唔怕食麵彈到件衫都有😉😉😉🩷特製麻辣味噌拉麵🌶️🌶️🌶️🍜朋友揀左小辣小麻同走韭菜碗麵真係紅紅地色，湯底嘅小辣小麻都係可接受未試過食拉麵係會有麻辣感覺架估唔到佢地嘅味道又幾夾特別要讚下叉燒真係大大舊仲要煮到好淋好入味拉麵嘅口感亦非常煙韌，不錯不錯👍🏻👍🏻👍🏻🩷味玉辣麻味噌拉麵🍜唔食得辣嘅我揀左無辣同小麻所以碗麵唔係紅色飲完啖湯底條脷真係有小小麻嘅感覺下次我應該可以挑戰小辣同中麻😛😛😛🩷煎餃煎餃黎到熱辣辣，都幾juicy😚😚😚🩷芬達雪碧因為我地都怕會辣，所以都叫定汽水飲😂😂😂

鬼金棒係我第三次食，銅鑼灣分店就第一次過嚟試，同尖沙咀分店吾同既係等位要耐啲，可能附近少拉麵食喇，我覺得銅鑼灣分店門口佈置都花左好多心機，等位同時門口有個大餐牌，可以諗定食咩。坐低掃QR code落單，其實餐單種類吾多，主要都係叉燒，玉米荀，大肉飯…我就叫左特製麻辣味噌拉麵（鬼增辣），自己平時食得辣既人，但鬼增辣真係好堅，食幾啖已經頂吾順，要拎碗仔分開食，真心覺得食吾到辣吾好叫鬼增辣，會食吾到落去，我坐位置有自助水機，要不停飲水解辣，停左一陣再試吓肥美既叉燒，應該是慢煮好耐，叉燒夠肥又夠當，口感好又香口。我朋友就叫左小辣既味玉麻辣拉麵，小辣是湯底已好夠味，叫左汽水解辣。要特別提一提個溫泉蛋，真係好出色，平時我吾鐘意食雞蛋既人，我可以同一時間食到2隻，個味道我都可識形容，係好食既。其實有飯食既，下次再黎我會叫飯食。買單310兩個人食，吾算好貴。

呢間嚟自東京嘅辣麻味噌拉麵店喺香港已經有三間分店，今次終於去咗試銅鑼灣店。拉麵偏重口味，平日食開辣嘅建議中麻中辣起跳，否則唔夠喉。𖦹 芫荽麻辣味噌拉麵+味玉 中麻中辣 $130芫荽多到完全掩蓋啲拉麵，為麻辣嘅濃湯加添清新嘅氣息。麵條偏粗、硬，掛湯力一流，配上清甜嘅玉米荀、厚切叉燒以及流心嘅味玉，非常滿足。𖦹 增量叉燒x2 辣麻味噌拉麵 中麻中辣 ＄140大胃王必嗌！double份量嘅叉燒食落啖啖肉，大嚿、軟腍唔會太硬，食肉獸會好開心。𖦹 增量玉米荀 ＄30脆得嚟唔過硬，記得點啲湯再食。

再次到訪日本東京過江龍拉麵，星期五晚好熱鬧，大排長龍鐘意喜歡的“麻”和“辣”可以單獨選擇，可以簡自己鐘意既口味今次簡左「茜」人必食芫荽辣麻味噌拉麵，中麻小辣，味道剛剛好，又有啲麻辣味，唔算太辣，好惹味！有巨量芫荽，拉麵粗細爽口，口感彈牙。叉燒切得很厚，煮得鬆軟可口另外，炒豆芽菜辣麻味噌拉麵，豆芽菜即叫即炒，份量十足，條條都脆卜卜同肥嘟嘟，好香口配合埋「鬼金棒」袐製味噌湯底，食落口感非常豐富滿足

呢間日式拉麵店個內外嘅設計都用左日本傳統鬼怪 (oni) 做主題，麻度辣度都可分開自選，就算走辣都無問題之前淨係食過佢哋嘅沾麵，今次就專程嚟食湯麵🙌🏻👺《增量叉燒辣麻味噌拉麵》增量叉燒比預設份量大一倍有多，舊肉好厚好肥，同時好淋好軟滑，咬落去會feel到有部份直接係口融化🤤👺《芫荽辣麻味噌拉麵》大量芫荽鋪喺面，芫荽控表示見到好興奮🤭，成碗麵食落感覺再清新啲負擔少啲，推薦❗麵條好Q彈又掛湯，湯底濃郁惹味但唔會感覺肥膩，我每啖麵都連埋啖湯一齊食🤭建議加味玉🥚，見到隻蛋入面鮮橙色嘅流心都增量滿足兩配麵都揀左中麻中辣，平時食開譚仔3小辣嘅我覺得我下次可以揀大麻辣😬