鬼金棒

营业中

休息中

天氣凍冰冰，最想吃熱辣辣的食物，火鍋最近已經吃了幾遍，不想吃，一於放工去尖沙咀四處找找看。金馬倫道附近原來新開了一間日式拉麵店，而且是香港比較少有的味噌拉麵，一於入內試試先。店內空間非常濶落，而且環境精緻。一座低店員會提供QR code 自助落單，可以自己挑選辣度，走芫荽，走韮菜等等，非常方便。味玉辣麻味噌拉麵先品嚐一啖湯底，味噌口味香濃，拉麵軟硬度適中，吸引了湯汁更加滋味，而店家配上鹵肉，鹵肉香濃軟嫩，雖然望落比較肥，但入口完全不覺得油膩，堅正，而我最愛日本拉麵有味玉，雞蛋鹵過之後非常入味，蛋黃呈流心狀態，橙黃色的蛋漿極之吸引，暫時是在香港覺得最接近日本口味的拉麵。肉飯腩肉滷得非常入味，而且肉質鮮嫩，入口即化，膠質豐富，配上白飯簡直一流！估不到餐廳口味非常接近日本，水準極高，下次要再跟好友試試其他口味的拉麵。

鬼金棒在尖沙咀開了分店，以後不用大老遠過海食了。下單用QR code，方便快捷。辣度、麻度、走配料、追加小食都可選擇。如果麵量有得選擇會更好，因為實在太大碗啦😂。後來問店員，原來可以下單後跟他們說要少麵的👍。 炒豆芽菜辣麻味噌拉麵，$100。要了小辣小麻。真的只是BB級數。可吃辣吃麻的，要中級以上較好。如果想加辣，枱面有罐鬼金棒特製的辣粉千萬不可錯過，有別於普通的七味粉，超讚👍。炒豆芽菜像山一樣高，見師傅用猛火去炒，卻仍然很有水份鮮脆清爽😋。叉燒肉厚大如磚頭。非常軟腍入味，肥瘦剛好，有入口即溶的感覺😍。拉麵粗身，掛湯力強，彈牙有嚼勁。即使吃得很飽，也忍不住吃清光了。環境佈置完全是鬼和金棒的主題，連湯碗也是😍。坐吧枱很有feel，可以看著師傅煮拉麵的功架，又看到店員捧餐時一絲不苟的態度。身手所及就有自助水機、紙巾，吃拉麵吃得安心舒服。而且有圍裙提供，一點也不怕會弄污衣服哩。

鬼金棒比起一般的拉麵鋪頭大間, 都坐得幾舒服。點餐是掃Bar code下單的。餐廳內都幾多日本人師傅。估計是日本人來開店鋪。未食已經對這間鬼金棒充滿信心。拉麵可以揀辣或者不辣。同行友人說食過銅鑼灣那間鬼金棒的拉麵, 說小辣好食。所以我叫了一個小辣的拉麵。增量叉燒拉麵$115拉麵端上枱時,都好大碗,尤其叉燒好吸睛, 好大塊, 真是如名增量叉燒, 好有厚度。絶對真材實料。本身這個增量叉燒拉麵没有蛋的,額外加了隻蛋。蛋是糖心蛋。除了配料好正,拉麵軟硬適中,最重要是湯底,好香濃,好美味!飲品方面, 我要了完熟桃子梳打$35完熟桃子梳打味道清新, 甜度適中。

今日一人來到尖咀行街，見差不多六點多，有點肚餓，行到這間新開的拉麵店，見名字有點嚇人，看看出面有個餐牌，好像標榜食辣辣麵似的，我本人雖然很怕辣，但見他有很多辣既度數，還有無辣，就不如入去試下。入到去，環境很日式拉麵店，還有一些面目睜矃的面譜在開放式廚房的上面，可能還早，沒有太多人，侍應很熱情招呼和講述點菜情序，原來這裡是用手機點菜，人客到來，就會有一張QR code，客人用手機掃一下，就會進入點菜模式。雖然我很怕辣，但都來到這裡，沒有理由不點辣的拉麵吧，所以我決定要小辣，這裡除了辣，還有麻香，客人可以點無麻，或大中小麻，我就要了小麻，拉麵就要了一個味玉麻辣味噌拉麵，還額外加錢點了增量叉燒，聽侍應說本身這個拉麵已經有50g的叉燒，而額外加錢的增量叉燒是100g的，所以我整碗拉麵己經有150g的叉燒了。我還點了一個肉碎飯和一支完熟桃子梳打。味玉麻辣味噌拉麵+增量叉燒到，碗拉麵都幾大碗，有一舊細和一舊大叉燒。面頭還有很多蔥花，有一些粟米仔，和一隻蛋。賣相吸引，湯底很熱，味道真的有少少辣，還帶點麻，侍應很有耐性地講解如果想再辣一些，可以和他們說，他們會給一些不同辣度的辣粉給客人調較味道。雖然感

上星期到尖沙咀, 經過留意到一間像是新開張的拉麵店.店內外的裝飾跟店名一樣貼題, 加上店內格局, 好像去了日本拉麵店一樣.入座之後, 店員提供QR Code讓我們在網頁下單, 十分方便, 又可以免卻了因溝通問題而點錯食物.看完菜單才知道這間拉麵店主打其特製麻辣, 所有拉麵的名字都是以辣麻味開頭.不過我有點怕辣, 所以點了無辣試試.  等了不久, 店員就將拉麵送到餐桌上, 並提點我們枱上有即棄食物圍巾, 防止拉麵湯汁沾到衣服. 我開初還以為是紙巾. 叉燒非常厚實, 而且我點的是增量叉燒X2, 最後差點吃不完.湯底濃郁, 可以看到湯裹有豬骨蛋白質沉澱著, 是拉麵那種的黏稠感! 而且叉燒一絲絲的口感, 入口即融, 就算再飽都吃得下, 增量叉燒果然是值得!不過這間拉麵店主打的是辣/麻, 下次來要點小辣挑戰一下.

收工喺尖沙咀行街, 之後喺金馬倫道見到有間新開既拉麵鋪頭, 又見到有芫茜控既至愛, 就同女朋友決定食呢間餐廳.入到見到餐廳既環境相當舒適, 吧枱位置可以睇住拉麵師傅準備既情況, 喜歡靜靜地同朋友傾下計既可以選擇坐其他座位. 叫得鬼金棒, 店內既報置亦都相當match 個店名, 門口既狼牙棒裝飾, 到鋪頭既掛飾擺設, 全部都係日本既惡鬼造型! 相當有特色! 作為一個芫茜控, 當然要叫芫茜辣麻味噌拉麵. 為食既我追加左隻流心蛋, 肉飯同信州白葡萄梳打. 芫茜辣麻味噌拉麵加流心蛋拉麵一上枱, 滿滿既芫茜就好似飯蓋咁, 完全鋪滿成碗拉麵, 份量相當充足! 識食既芫茜控當然要將所有芫茜撈落個湯度, 等啲芫茜味滲出黎, 令到碗拉麵愈食愈有芫茜味. 呢間鋪頭既拉麵比較粗身, 似係手打既質感, 望落似烏冬, 食落軟硬適中, 唔會太硬食到牙痛, 又唔會太軟一咬就散, 配埋湯底同海量既芫茜, 非常滿意! 追加既流心蛋原隻上, 一咬開, 啲流心蛋汁流晒出黎, 正! 肉飯記得睇過某旅遊節目, 日本某啲地方既拉麵店會提供一細碗飯, 等你食完拉麵之後可以用拉麵既湯加落飯度撈黎食. 肉飯本身係用日本米,再加上拉麵既

素知男朋友係一個芫荽控，行過見到呢間新開既拉麵店竟然有芫荽做主題既拉麵，梗係要拉佢入去試下啦！畢竟芫荽拉麵我都係第一次聽，唔試吓新嘢又點對得住自己呢！餐廳裝修充滿日本風格，客人可以選擇坐吧枱或者坐其他座位，坐吧枱嘅話可以一路食麵一路望住師傅煮麵，真係別有一番風味。呢間新派嘅拉麵店採用電話落單形式，客人可以掃描QR code喺電話度慢慢選擇想要嘅食品，更方便快捷！增量叉燒味增拉麵我知呢間拉麵主打食麻辣，我都好鍾意食麻辣，但係因為喉嚨唔舒服，唯有忍一忍口食個唔辣既拉麵。即使唔辣都一樣咁惹味，軟硬適中嘅麵條伴隨住香濃既味噌湯，每一啖都感受到師傅制作的用心。一大塊叉燒入口即溶，肥瘦適中，仲沾滿左味噌湯既味道😋P.S.貪心既我仲加多左隻流心蛋，一咬落去蛋汁流出，必食推介。完熟桃子梳打食完拉麵飲番支梳打，為成餐飯劃上完滿的句號。果然係完熟桃子，所以十分香甜，桃味濃郁，梳打夠氣！雖然我冇食到芫荽拉麵，但男朋友就話芫荽味好濃郁，啱晒芫荽愛好者一試！

新開張尖沙咀拉麵🍜，特色係麻辣拉麵！很少有日式拉麵混入四川風味的麻辣，頗特別！店內有些都是日本師傅，每當有客人來～師傅們都會很有氣勢地用日文說”歡迎光臨”...氣氛有點令我置身在日本有bar枱有普通四人枱選擇，枱上有水、亦有貼心的圍巾以免辣汁四濺坐下後，店員會給我們QR code牌以電話下單！全店只有9款麻辣拉麵，可選麻度辣度，配料亦可加減！所有拉麵都有肉的。味玉辣麻味噌拉麵 (小辣中麻) $100特製辣麻味噌拉麵 (中辣中麻) $120問過店員兩者分別就是特製這二字是多件叉燒肉，共有2件！麵質屬粗身那種，麻度辣度我選中度，不算是很辣，如果吃得麻辣的朋友可試下進階版！字眼雖寫叉燒，但應該是我們認識的五花肉，明顯是一層脂肪一層肉、非常分明！肉質軟，不靱！如吃不飽，有小碗飯選擇～有3款！肉與拉麵的肉一樣，醬汁似滷肉飯的汁。選了肉飯 $45沒有套餐、沒有小食，主打麻辣拉麵和肉飯！全是單點！

來自東京的人氣麻辣拉麵店在尖沙咀新開了分店，店舖面積比銅鑼灣店更大，提供吧台和一般餐枱位置。枱上放有免費開水由於擔心拉麵會很辣，所以先點一枝和梨子汽酒。店員會問是否需要幫客人倒出汽酒，立時有在日本當地用餐的感覺，以客為尊。以千葉縣豐水梨果汁製成的汽酒，酒精濃度不高，帶微微果汁味。莞茜辣麻味噌拉麵 - 我點的是少麻少辣的程度，直接呷一口湯底，滲著少許麻度，惹味而不嗆喉。粗身拉麵食落更有咬口，加$15有流心味玉；莞茜份量十分澎湃；叉燒是東坡肉的體積，有別於常見的片裝叉燒，肉質帶點肥膏，鬆軟盈脂。

今日去左尖沙咀做facial，做完已經天黑黑，決定食埋晚餐先番屋企。經過見到鬼金棒，原來尖沙咀開左一間新分店，走入去食個日式拉麵晚餐啦。餐廳空間感十足，新開張唔算好多食客，環境好有日式風味。我叫左一碗增量叉燒辣麻味噌拉麵，小辣和中麻口味，完全岩哂重口味人士。湯底濃濃的，湯頭香濃夠麻香，辣度突出又唔會太嗆口。叉燒非常驚喜，豬腩部位入口肉嫩油香豐富，好重油香味，肉感十足。拉麵好彈牙，掛上濃香。我加點一個肉飯，豬腩炆得入味，飯粒吸哂豬肉油嫩味道。

2019-12-11_1這間在尖沙咀新開的鬼金棒，以日式麻辣拉麵為主，最特別的是有芫荽拉麵，最適合喜濃味蔬菜的朋友。拉麵有得選擇麻度及辣度，亦都可以加錢添加配料，價錢大既百元碗。芫荽辣麻味噌拉麵湯底豬骨丶雞骨丶蔬菜等配以傳統的味噌湯熬製而成，味道濃郁帶肉香及蔬菜的鮮甜，加上適量的麻辣味道為整碗拉麵增添不少色彩，非常惹味。拉麵比較粗身，麵質彈牙，因為湯底比較濃稠，每條麵都掛上了湯汁，每啖都很鮮味。叉燒是半肥瘦，入口溶化又不油膩，加上大量的芫荽，平衡辣味感。最有心思是每碗內的芽菜，全部都即叫即炒，所以非常爽脆。糖心蛋呈流心狀，入口有淡淡的滷水香。