鬼金棒

营业中

休息中

細佬好鍾意食拉麵，近日見尖沙咀新開左間拉麵，個名好得意，就入去試下，入到去見到裝修好有趣，好日本武士風，好有feel,坐底待應就指示可以用手機掃qr code落單，好先進，朋友未到都可以比定個code佢叫定食物，好方便我和細佬每人叫了一個拉麵，拉麵有幾款，有蛋、無蛋，多肉定正常份量肉都有得選擇，我點了一個味玉辣麻味噌拉麵，味玉煮得剛好，蛋黃小小流心，正。叉燒肉好夠厚，但又唔會硬，好淋，一層層肉絲既感覺。麻辣我叫了小辣，不會很辣，也不會很麻，適合不吃得太辣的人。拉麵湯的味道不會過咸，帶很微的味噌味，拉麵麵質也適中。細佬叫左碗增量叉燒X2辣麻味噌拉麵，增量的叉燒滿足到大胃王男孩子，推薦！

今日去左食正宗日本過江龍拉麵店。早早之前去過銅鑼灣分店，覺得餐廳質素高，又有驚喜。今日再來尖沙咀新分店，感覺非常良好啊。我入到去餐廳充滿日式風味，環境好似去左日本咁。我叫左辣麻肉碎拌麵。乾撈麵加上餐廳既秘製醬汁，肉碎入口咸香。份量都有好多夠驚喜。辣醬充滿辣香味，拉麵非常彈牙，充滿麥粉香！辣度適中容易入口。我再加點一個肉飯。肉飯超驚喜。厚厚的豬腩肉，入口鬆化，加上濃厚醬汁和豬肉軟腍口感，非常滿足啊！

東京人氣辣麻拉麵店鬼金棒不久前才落戶銅纙灣，12月便在尖沙咀開第二間分店，在我之言簡直一大喜訊，不用過海便可以挑戰一下辣麻味的拉麵。拉麵店已預先設定好8款不同配搭的拉麵， 另設追加項目，而除了增量叉燒麻辣味噌拉麵配以100G重叉燒外，其餘七款一律配50G重叉燒。朋友和我都希望叉燒與味玉兩者兼得的情況下，本應叫味玉麻辣味噌拉麵便符合要求，不過大家都是日本叉燒控的，起碼食100G叉燒才滿足，故此在味玉與增量叉燒拉麵之間考量，結果我們還是點了味玉拉麵另追加增量叉燒100G，總數$135便可同時享味玉及150G叉燒了。至於湯底的辣、麻度各分5級，1級為完全不辣至第5級鬼增 (有人形容為地獄級)。由於第一次光顧，未掌握各級辣、麻的程度， 所以還是選擇小辣、麻，侍應話若果覺得辣度不夠可以再加辣。等了一會，拉麵送到，面層葱花的青綠色凸顯了湯中的赤紅，熱騰騰，香味樸鼻，大、 小兩嚿叉燒橫臥一旁，味玉完整地浮在湯面，還有玉米筍。先呷湯，小小辣，麻味慢慢滲出，正是我想要的辣度，湯底濃稠度適中，麵條略粗，麵質煙韌，掛湯力一流。味玉咬開後，蛋黃漿徐徐流出，非常好味。至於叉燒則是我最喜愛的部份，大大嚿，肥廋均勻

日本人氣辣麻早前登陸銅鑼灣，一直想找個時間去試試看，想不到現在開在尖沙嘴，於是和同事中午時間去嚐一嚐。味玉辣麻味噌拉麵拉麵分別有5款辣度及5款麻度可選，由於這裏主打麻辣拉麵，所以第一次來的我也不敢太放肆，點了小辣中麻。等了不久，店員就端來熱騰騰的拉麵，味噌湯味道濃厚香醇，湯底由豬骨、雞骨等多種材料熬製而成，味道有層次不單一。 叉燒有別於一般拉麵薄薄一片的叉燒，厚度很足夠，非常有口感。叉燒半肥半瘦，經過長時間鹵水慢煮，軟腍肥美，用筷子輕輕一夾就能夾開。另外拉麵煙韌彈牙，比平常吃的拉麵粗，掛滿熱騰騰的湯汁，每一口都很滿足。蔥、豆芽菜、韭菜、玉米筍等配料可以自行選擇要不要，非常貼心。同事點了中辣特製辣麻味增拉麵，嚐了一口湯底，辣度也能接受。所以在選辣度的時候，可以選比平常吃的更辣一度。肉飯另外也點了兩份小肉飯，叉燒一樣是軟腍厚切，但飯汁略嫌少了些。店內掛滿傳統日式鬼面，再加上昏暗的燈光和音樂，的確有氣氛。

和朋友夜晚諗住去尖沙咀飲酒，跟住途經呢間拉麵店，在門口望左陣menu，都岩食，去飲酒之前食啲嘢打底先。店內嘅裝修不錯，有很多鬼怪，而且店員很有禮貌，會噓寒問暖。鬼金棒是採用環保的方法，用QR code 落單。而且有圍裙提供，以防拉麵的湯彈到周圍都係。一坐低店家就預備左茶俾我哋，先叫左可樂和coke zero，解下渴。分別叫左增量叉燒辣麻味噌拉麵和特盛辣麻味噌拉麵。叫左特盛辣麻味噌拉麵，叉燒真係好大塊，好入味，而且油脂分布很均勻，入口即溶。拉麵不會太林或太硬，友人選擇少辣或少麻，可以跟據個人喜好而決定麻辣度，拉麵份量好足夠。而味玉就好流心，時間煮得岩岩好。增量叉燒辣麻味噌拉麵叉燒的份量真的很大，叉燒層次分明，入口之後慢慢喺口入面溶化。雖然塊肉真係好正，但真係太多肉，但下次都係叫返普通。仲叫左肉飯，厚切叉燒入口即溶，送飯一流，而且用日本米特別香滑。😆

入到餐廳，店肉裝修不錯，乾淨俐落。應該係鋪頭新開，很多拉麵師傅在煮面的位置一字排開，士氣很高，一見到有人進來就會用日文大叫歡迎。友人叫左增量叉燒辣麻味噌拉麵，而我就叫左特盛辣麻味噌拉麵。特盛辣麻味噌拉麵可以自行選擇辣和麻的程度，我選擇咗小辣同埋小麻。首先要講個湯底，湯底濃郁，拉麵附送叉燒流心蛋和粟米荀，配料有葱花和芽菜。 叉燒肥瘦比例匀均，入口即溶，而且份量很大。拉麵份量好足夠，而且比較粗，有口感。流心蛋好流心，時間煮得岩岩好。增量叉燒辣麻味噌拉麵友人選擇增量叉燒辣麻味噌拉麵，超大塊叉燒。另外仲叫左2個肉飯，值得一讚係個飯真係好香好軟，忍唔住偷埋友人的飯來食，送上大塊的叉燒，好惹味。最後仲叫左可樂和coke zero 送辣麵。

湯底香濃得黎又唔會死咸，叫左中辣濃底，比我想像中唔算好辣。見到可以加15蚊轉做鬼噌級的特辣濃底，見到佢話呢隻辣椒係登試健力士世界紀錄最辣的一種，我覺得下次一定要挑戰下！因為我本身唔太鍾意食麻既關係，揀左小麻。最欣賞呢間餐廳可以將麻同辣分開揀濃度，岩曬我呢d一般般食麻的人！.叉燒用上厚切五花肉，肥美得黎唔會好油膩，入口即溶既感覺！雖然覺得好肥仔，但係好滿足呀。🤤.店員推介埋肉飯比我試，因為拉麵已經揀左叉燒，所以肉飯就揀肉碎。肉碎好像比大塊肉更加入味！如果揀飯，我推薦配肉碎多d! .環境比香港一般拉麵店要大，而且好有日本風味，所以都坐得幾舒服！

銅鑼灣也有分店，尖沙咀這家是新開的的。在附近找吃的，看到這家就想著來試試吧～和其他家拉麵湯底是豬骨湯底不同，這家是以味增湯底為主，所以也吸引了我們的注意。特別是有朋友想吃的芫荽拉麵，所以更要去試試。我選的是現炒豆芽拉麵。真的是有個大鍋在那裡炒出來的哦～清脆爽口。整體質素都不錯。就是叉燒是半肥半瘦的那種，我有點接受不來，吃到後面有點膩了……加錢點了玉子，這個普通一點，拉麵店的正常水準了。整體拉麵可以自行選擇辣度麻度，店裡掃描ORCODE點餐～總體來說，值得一試

朋友介紹食鬼金棒，尖沙咀開左分店，九龍人有口福了。店內環境較暗，因佢用左黑色做主色，有日式公仔做吊飾擺設，與店名相輔相成，形做怪異氣氛，別有特式。電子餐單和落單，環保又科技化。芫茜辣麻味噌拉麵 $110麻辣和芫茜屬中式食物，而拉麵屬西式食物又中又日，配搭創新，但就唔知夾唔夾，食過先知。芫茜份量很多，滿滿一座芫茜山，芫茜控一定大愛。但接受不了芫茜獨特既味既朋友就千萬別挑戰了。辣度有幾個級別：無、小、中、多、鬼，我試左中辣。對我嗜辣既人黎講，中辣都唔夠辣，不過就夠香和麻。幸好枱面有呢樣秘製調味粉一打開蓋，麻香撲鼻，食落辣到強勁。放啲落碗麵到，即時加分碗中仲有件腩肉, 肥肉和腩肉層次分明，很入味，很軟腍，可惜只得一件。拉麵好有彈力，掛湯力強，每條拉麵都吸盡麻辣味，食到出聲無難道之前聽人講食拉麵要把湯也喝光，才代表對廚師既敬重。原諒我，喝完呢碗麻辣湯，我怕明天開不了聲。我只淺嚐了少許，已經很滿足下次挑戰佢既＜鬼＞辣度先

放工同朋友去尖沙咀行街，見到金馬倫道有間新開既「鬼金棒」就即刻入左去試。新裝修，成間鋪感覺都好乾淨好整齊，好寬躺鬼金棒係用電子餐牌，店員會提供QR code, 用電話一scan，就見到個餐牌， 好環保♻️！所有拉麵可以跟據自己想食既辣度&麻度黎點餐，岩哂d鐘意食辣既人 😛而我自己唔係好食得辣，但又好鬼鐘意食小小辣既味道，就揀左個小辣小麻既味玉味噌拉麵 除左拉麵之外，仲有飯可以揀另外，飲品都有好多唔同選擇完熟桃子梳打 $35味玉麻辣味噌拉麵$100 （小麻小辣）麻辣程度岩岩好，拉麵好彈牙，湯底濃郁。叉燒好厚，而且肥瘦適中。值得一試

來到尖沙咀食呢間鬼金棒，佢嘅裝修非常有氣勢，背景音樂以鼓聲為主。 首先叫了個增量叉燒麻辣噌拉麵， 麵好QQ, 湯好濃，一上到黎香氣四溢，肉質稍嫌唔夠肥。再叫了個辣肉碎拌麵，呢個有驚喜， 漿汁好濃好香，加多個溫泉玉子，拌在一起，好味。這間拉麵店係用QR code自助落單，然後麻同辣嘅程度都可以自己挑選，非常新穎自助。服務員的態度不得不提，態度極好，是比任何一間都好，問我們要水，冷氣會否太大，識唔識用電話點菜，仲聽到我講要去K11, 主動教我點行。態度太好了。香港人咁嘅服務質素好小見。

喺”鬼金棒”銅鑼灣分店已經聽聞辣辣拉麵好味道。今日去尖沙咀買東西，見到係金馬倫道開了分店，梗係去再試一試。餐廳地方都算大, 裝修充滿日本特色。店員很細心的講解普通辣及麻辣分的等級 (零辣也可以), 如果試過覺得唔夠辣, 可以加辣, 我擔心會很辣, 所以只叫了少辣, 打算唔夠才加。我問店員, 普通拉麵叉燒有多大, 她解釋有50g, 如果’增量叉燒麻辣味噌拉麵’有100g, 一場來到, 當然要食大舊D增量啦, 我還加了隻”味玉”即係雞蛋，哈哈哈…………😂😂拉麵送到, 立刻品嚐吓, 辣度正合我口味, 食得辣的朋友, 可以試吓高辣。流心雞蛋好大隻, 拉麵煮得軟硬適中, 叉燒很大舊又肥美, 用醬油煮味道有少少甜, 不會煮到干身好硬,下次來要加再叉燒先, 實在太好味了。😍食辣當然要配支凍飲, 我點了信州白提子梳打, 很香提子味, 同拉麵為完美配搭。😋😋

這陣子好像不斷有新拉麵店開幕，不過這晚來到的這間鬼金棒其實是第二間分店，有朋友說吃過銅鑼灣店覺得不錯，見尖沙咀店新開張，就拉了一個喜歡吃辣的朋友一起來。這家來自日本既鬼金棒，主打混合多款辣椒為主的味噌湯底，裡面有帶辣味的特製唐辛子和頂級和歌山葡萄山椒調成的香麻油，辣度麻度可以自行配搭。這裡是自助點單，用手機掃一下QR Code就可以落單，方便快捷。身為芫荽控的我當然要試芫荽辣麻味噌拉麵，見到海量芫荽就覺得好開心，另外再追加了粟米芯和一隻溏心蛋。至於湯底，因為是第一次吃，所以就點了小麻小辣，免得太辣吃不到。湯底比較杰身，味道濃郁，而且會用鑊去炒，頗有鑊氣。小麻小辣比較溫和，本身有吃辣的人可以挑戰中麻中辣。另外檯上有一小瓶花椒辣粉，挺香的，加到湯裡味道更豐富。麵質不錯，有咬口，但不會太粗身。配料有芽菜、粟米芯、芫荽，包含大量蔬菜的拉麵比起只有叉燒的感覺更健康，不過，這裏的叉燒口感亦算不錯，煮得夠入味，肉質也算軟腍。溏心蛋好吃，加得一定要追加！而食肉獸朋友就要了增量叉燒味噌拉麵，叉燒又大又厚，比我的起碼大三倍！下一次想吃刺激的麻辣拉麵，應該會再來～

我都好耐冇食過拉麵喇，之前自己一個人行尖沙咀，行行下見到這間拉麵店，之後上網check下，原來這個是日本人氣的辣麻拉麵。我要試下這個。在上網看這個日式辣麻和川式麻辣是有所不同，但這間都會分辣度同麻度選擇。所以我選了小辣小麻。之後我選擇坐係bar 枱位，可以欣賞廚師的手藝。【特制辣麻味噌拉麵】$120拉麵來到賣相不錯，湯底方面非常濃郁帶點甜味，小小的辣味中帶點麻味，層次不錯。叉燒方面有點似東波肉，入口即溶，拉麵是粗身的，假如想食硬身麵就要在落單既時候可同店員講聲話要硬身麵就可以了，食既時候都非常掛湯，又夠煙韌爽口。溏心蛋做得非常出色，薄薄的蛋白外皮，包住勁流心的蛋黃。無得頂!!【大肉飯】$55之後再追再個大大的肉飯，叉燒都好大舊，這個叉燒的肉汁流在白飯裡超甘香，再加少少拉麵既小辣小麻湯汁，真係再胃口大開。食拉麵再加罐可樂超棒!!

約咗朋友喺尖沙咀購物，未購物之前先到鬼金棒食晚飯。店員都好好禮貌，安排好座位坐低左就用QR code點菜，環境裝修好有日底風味，坐得幾舒服。芫荽辣麻味噌拉麵 - 仲有得選擇到底要幾辣幾麻，芫荽真係好香，嚟到先將佢地浸到湯底。仲有珍珠筍鮮甜好味道，食到味噌鮮味，豬肉食落唔會柴，香口好味道。特制辣麻味噌拉麵 - 同樣少辣少麻，味道香口，豬腩肉美味。肉飯 - 珍珠米軟滑，肉汁加上大件豬腩肉好滿足。食麵當然要配埋有氣飲品先至完美，芬達同雪碧各一。