鬼金棒

营业中

休息中

呢間位於尖沙咀金馬倫道新開既店舖，門面好有氣派，裡面裝修以黑色、鬼同狼牙棒做主題，原來係東京既人氣麻辣拉麵店。餐廳地方算寬大，座位都好多，而且每個座位都好寬敞，就算坐bar檯都唔會有壓迫感，有別於一般拉麵店迫狹既感覺。最欣賞呢度既甜心服務，有紙圍裙供應，咁就唔洗再怕d湯彈到成身都係。雖則主打麻辣，唔食得辣既都可以揀唔辣既，辣度可以隨自己喜好選擇，分別有麻度同辣度選擇，每款都可以揀無、小、中或高辣，想食再辣d既可以加$15有鬼増辣。味玉辣麻味噌拉麵 (小辣+小麻)小辣+小麻湯底其實唔辣，只係有少少辣既香味，拉麵屬於爽口粗麵、配料有流心蛋、厚叉燒、玉米荀、香蔥、芽菜等，拉麵超大碗。增量叉燒辣麻味噌拉麵 (無辣+無麻)湯底非常濃郁、配料有增量叉燒、玉米荀、香蔥、芽菜等。叉燒煮到好軟熟，好入味。用QR CODE自助下單，方便快捷。

講到麻辣拉麵，好多人都會聯想到四川出品。其實拉麵之國 - 日本也有自家的麻辣拉麵。而這次到訪的鬼金棒絕對是辣得出色，短時間已經在尖沙嘴開分店。鬼金棒五級的麻和辣絕對要試，另外，肥美叉燒也很有特色。增量叉燒x2麻辣味噌拉麵小麻小辣已經好”上色”，拉麵在麻辣湯加持下變得刺激，散發濃郁麻辣香，入口並非四川麻辣可以相提並論。大大舊叉燒好有份量，用匙羹拿起也有難度，一層脂肪一層肉非常邪惡，而且口感豐富。芫荽麻辣味噌拉麵滿滿的芫荽鋪在拉麵上，充滿芫荽香味和清新的味道。將芫荽撈勻麻辣令到原本的麻辣味更富層次，喜歡麻辣芫荽者不容錯過。大肉飯不喜歡大肉配拉麵，也可以選擇配飯，油脂與飯的融合，絕對是另一種享受。信州白葡萄梳打信州蘋果梳打吃日本拉麵當然唔少得日式梳打飲品。拉麵的信眾固然多，然而麻辣卻不是人見人愛，但至少鬼金棒我愛上了。

是日與好友到尖沙咀鬼金棒吃晚餐，好彩時間尚早仲有座位唔洗等咁耐。睇住店員煮麵，火光熊熊真係睇見同聞到都想食。有時望住廚師煮野都係一種享受。開手機用QR code掃描完落單，點了以下食品：芫荽辣麻味噌拉麵，魯肉飯，特制辣麻味噌拉麵。芫荽辣麻味噌拉麵：芫荽量都算多，味道又香口又夠新鮮。麵軟硬適中。湯底有味噌味配麵食更加正。湯都飲晒。魯肉飯：飯軟軟地，肉質良好，份量都夠大。特制辣麻味噌拉麵：有一隻流心蛋味道夠香口，豬肉肉質好好，麵軟硬適中份量又夠多。仲要左雪碧同芬達都ok既。

過江鬼金棒麻辣味噌湯辣香麻辣勁8/10「鬼金棒」2009年在東京神田開業，獨沽麻辣味噌湯拉麵。其後在台北和香港亦設立分店。近來見各位食友吃得那麼痛快，我也來「鬼金棒」湊湊熱鬧! 點餐要用QR Code。數款拉麵都是同一款湯底, 只是配料不同。辣度和麻度可以調節,有不辣/不麻,小,中,大。還有要加錢的「鬼增辣」和「鬼增麻」。一不做，二不休，來碗特製辣麻拉麵，要最強級別的「鬼增辣」+「鬼增麻」! 師傅們看到我下的單都有點嘩然。我聽到後更覺要嚴陣以待,先點啤酒預備解辣。由於每碗拉麵都會加即炒芽菜,所以需時較多,大概等10-15分鐘後賣相震憾的特製辣麻拉麵便到達:湯底為味噌豚骨再加雞肉熬煮, 質地濃綢。上面滿佈辣椒粉和山椒粉。湯的辣度其實可以接受，比一般麻辣火鍋更香辣, 與濃湯韭菜和芽菜很配,我覺得很不錯。但麻則要全力迎戰才行! 個人認為勁辣配小麻更能享受湯底的香味。麵條是粗麥麵, 掛湯能力很強:特製拉麵有兩片叉燒,醃得頗為入味。可以想像為沒有肥肉的東坡肉:溏心蛋本身沒有甚麼味道, 都是吸收了輕微的辣味:全程滿頭大汗，幸好有店方提供的口水肩和紙巾,否則吃相會相當狼狽，亦靠啤酒解麻解辣。最後

在尖沙嘴無聊路過見到有新開拉麵店 作為拉麵fans就走左入去 點左個麻辣味噌拉麵 本人不太食得辣所以叫了小辣 味道不錯 但可惜ge係唔係叉燒 而係五花腩 le到有啲失望 同原本想叫啲小食 但原來發現係得啲肉碎飯 所以都係無叫到 期望將來有啲小食！！

初時經過尖沙咀見到鬼金棒裝修，沒有特別留意，後來睇雜誌先知道原來係東京超人氣拉麵店，即刻雀躍一試！地點位於金馬倫道非常方便！唔使講都講到一樣可以食到文明東京的拉麵！想食人氣過江龍麻辣拉麵，又唔想排長龍，我個人喜歡早一點到店避開人潮。鬼金棒主打麻辣味增湯底，起初我也擔心沒有BB 辣，但原來小辣小麻程度剛好夠晒刺激又惹味。店家標榜濃厚的特製辣麻味噌湯底，混合了多種唐辛子之餘，還採用頂級香料調製香麻油，辣麻更成為店內招牌拉麵，沒有之一。味玉辣麻味噌拉麵 $100追加了 玉米筍，整體感覺更加豐富，先品嚐一啖湯頭，果然很濃凋，每一口都是精華，重口味的我也沒有投訴，質感濃厚。半熟玉子喜出望外，爆發的流心吃得滿意。麵條的軟硬度適中，入口煙韌，掛湯汁度高，美味可口。增量叉燒辣麻味噌拉麵 $115追加 玉米筍、味玉增加口感，老公說叉燒做得很有水準，食得出層次分明，肥瘦雙融合，甘香豐富。肉飯 $45還有一點意猶未盡的感覺，追加了一客肉飯。食熱辣辣拉麵飲凍冰冰可口可樂、烏龍茶；味覺的享受。在日本的拉麵文化裏面，把拉麵連湯汁吃得光光的，就是對廚師最美好的謝意！計劃下次再來試試挑戰其他辣麻拉麵。

It looked like brand new ramen shop in TST. But its 2nd shop in HK. The 1st shop is located in CWB. I order original ramen. It taste good. I choose medium spicy it was good for me. I think they add mala taste little bit. The chasu is very thick and well cooked. The thing is it took around 25 min to serve my ramen. It was lunch time. 25 min is too long.

今天自己在尖沙咀午餐，在金馬倫道發現這家剛開業的鬼金棒，天氣寒冷正好吃一碗拉麵暖暖身。餐廳以日本鬼神風格為裝潢主題，有不少玩味十足的佈置，店舖空間比一般拉麵店寬敞，有吧枱座位及正常座位，吧枱座位有自助的出水位，亦十分正宗的只提供冰水，另外亦貼心的送上圍巾。拉麵專注只做一款麻辣味增湯底，辣度及麻度可以自行調整，亦可選擇增添其他配料的湯底，好像芽菜、玉米荀、芫荽等，另外可以加點肉飯。芫荽辣麻味增拉麵點了一客芫荽辣麻味增拉麵，一上枱就被堆積如山的芫荽震懾，碗內亦會有正常份量的芽菜、玉米荀、叉燒等的其他配料，只是芫荽的份量大大的提升。湯底先試一口湯底，是以經典的味增湯底作基礎，加入豬骨、雞骨及海鮮熬製，難怪有淡淡的豚骨香氣，一呷香濃順喉，但卻濃而不膩，麻辣鮮香，將芫荽一同入口，湯底馬上變得輕怡清新，芫荽獨特的香氣為為味增湯底帶來新的滋味。叉燒叉燒並非常見的切片叉燒，而是偏向豚角煮的叉燒，叉燒角切，肥瘦均勻而又厚達吋半，輕輕一咬肉嫩入味，脂香豐美，肉汁豐盈，甘腴可口。麵條拉麵麵條口感筋道醇厚，頗有嚼勁，富小麥香味，而後味甘甜，掛湯能力十分高，跟濃厚的味增湯底十分合襯。肉飯今天想傳統拉麵配白飯，但

平日拉麵湯底都是豬骨、雞湯等，原來仲有辣麻拉麵架！就是位於尖沙咀的的金捧。食店內的擺設很有氣勢Scan QR code 落單，全部是辣麻拉麵，只是配料不同，辣、麻度自選，還有新推出的拌麵。解辣烏龍茶 $20完熟桃子梳打 $35，桃味怪怪地，不推介玉米筍辣麻味噌拉麵 $115，另加味玉 $15玉米筍上檯份量相當澎湃，還有叉燒，賣相吸引。拉麵比一般店食的較為粗，有少少彈性，湯底係好濃郁，辣中帶點麻，好過癮。超多玉米筍，叉燒是東坡肉半瘦肥，好特別，都幾入味。溏心蛋好味辣麻肉碎伴麵 $100值得一提是餐具的設計也很精緻拌麵較有彈性，辣麻味也較強烈，有花生香，麻感一會才散。

拉麵深信永遠是香港人十大至愛之一，2019年拉麵過江龍真心多不勝數，包括有金色不如歸、我武者羅、Afuru等，香港人最愛新鮮感之前芫荽醬、芫荽薯片、芫荽魚皮，這股熱潮真的何其強勁。「鬼金棒」打正旗號以芫荽及麻辣為主，對於兩者都不愛既我都要去朝聖下。「鬼金棒」能夠在短時間由銅鑼灣總店延伸至尖沙咀，可見有其吸引力。入內滿滿鬼金棒熱紅紅的始感覺，又有吧檯選擇。餐牌上全都以麻辣及芫荽為主。最特別是可以自助落單，省卻不少服務員下單的程序。有辣度或麻度之分，相對上坊間比較少有之物。#增量叉燒辣麻味噌拉麵 $115對於不吃辣亦不吃麻既我，都可以選擇全無。湯底上感覺上很油膩但入口卻剛好，喜歡其芽菜是師傅炒香過，相當有鑊氣。增量叉燒相當厚切又肥美，軟腍程度能夠媲美日本東京「無敵家」7成的口感，相當唔錯。增量叉燒x 2辣麻味噌拉麵 $135男仕們最愛肉食，增量叉燒x 2就最好不過；完完全全相當適合。帶有小麻小辣的口感，的確帶有刺激感。大肉飯 $55拉麵留不住你的肚子，倒不如加添一點飯氣。大肉飯真心猶如其名，相當「大肉」又入味又軟腍，肥美得半點抗拒的理由。飲品方面亦有多款選擇，特別信州蘋果梳打及完熟桃子梳打

拉麵好像是永遠停不了的風潮一樣，呢排又重燃起來。當Afuru， 金色不如歸，我武者羅同時在香港插旗，鬥過你死我活，而且仲要全部都係名店，又話係乜嘢第一又話係雞湯專家又話有柚子味，愛拉麵的人從來在香港都不愁寂寞。前牌幾間剛到香港的霸嗎和鬼金棒當然也再擴大版圖，其中鬼金棒剛剛在尖沙咀開幕，從未吃過鬼金棒，我就一於要試試。如果你和我一樣，都愛芫荽愛得要死，來這裡準是沒有錯。因為就係看到朋友文小姐在佢個Facebook page 出左個post，看到那碗芫荽滿滿的拉麵就叫我有興趣。一個人經過來個快飯最好，不用夾時間，又不用理人想食乜。無理個Menu有啲乜嘢特別，冇考究鬼金棒最出色係乜嘢拉麵，就揀咗芫荽辣麻味增拉麵。店好多位置，應該不用排大隊，點菜都是用電話QR code。由於今日有啲肚餓一個人都食咗個小叉燒飯。好老實如果你喜歡芫荽，淨係見到咁多芫荽，再加辣辣嘅湯底其實已經好夾好開心。最緊要個湯又唔算係好油個隻，character不是非常突出，但也算是有辣香，就算你唔太食得辣都會接受到呢個味道。叉燒非常大件，肥瘦分明，食肉獸最愛，不過我個人覺得乾了一點。麵條爽，掛湯不錯，加上芫荽同芽菜，一口吃下

星期六在尖咀遊走完一大輪，發覺鬼金棒原來係金馬倫道開左分店，一於試吓。店面比一般拉麵店寬敞，而且放滿了日本魔鬼造型的公仔，播埋鼓聲，十分配合店名。餐牌選擇主要係8款拉麵，全都掃描自助落單。雖以辣為主打，但竟然可揀唔辣，麻度都可以揀，完全任君選擇！我們第一次試，不敢揀太激進的，只選了小麻，但發現完全不辣，但麻香十足。幸好枱面有辣椒粉，可以俾我地自己再加！我的芫荽辣麻味噌拉麵是全碗都芫荽，多到見唔到麵，加了粟米蕊，視覺已經大滿足！入面仲有大嚿叉燒，朋友的是增量叉燒麻辣味增拉麵，叉燒足足是我的兩倍有多，超級大塊，還有玉子，芽菜香葱，配料不少。這裏的麵不算粗身，軟硬度也恰到好處，而且湯底火喉好夠，整體黎講都不錯。飲品就點了白桃和蘋果梳打。果味都濃，配辣麵食，用碳酸中和辣度最好不過。可惜今次落單太輕手，唔辣，下次一定要挑戰更辣的！

很多人也知道車媽媽是不折不扣的辣媽！逢辣必到逢到必早吧哈哈......這天拉著好友衫尾來到尖沙咀的鬼金棒齊齊撞辣鬼嚕！ 鬼金棒的門面和內裡的裝潢擺設也放入不神秘原素，室內裝潢以黑色為主調牆上掛滿傳統日式鬼怪面具、吊飾及鬼金棒，配合紅色燈光照射下呈現出神秘的感覺，首次覺得吃拉麵有刺激感呢！ 開放式的拉麵廚房好平凡，但您會感受到有鑊氣，皆因師傅會在開放式廚房將來自日本的玉米筍及芽菜等配料炒至火光熊熊，令客人視覺跟嗅覺也先享受。 點餐用QR Code已成潮流一嘟便清楚看到食物選擇方便得很！ 我們各自點了飲品！我選了完熟桃子梳打＄35香香甜的有氣便是寶，而好友則選上信州萄葡梳打＄35。 檯上已放有木筷子、牙籤和花椒辣調味粉，另外更貼心地供應紙巾和一次性圍裙！ 召來雙鬼來伴食好精美的分享碗！！ 先上檯的是增量叉燒 X2 辣麻味噌拉麵＄135，我們另加了一顆味玉＄15，辣度相就不辣得的好友選了小麻小辣，以三色白、紅、黑碗奉客以兹識別辣度，紅碗代表大量、黑碗代表鬼増級、而我們的白碗代表全無、少許及中等，湯味濃香幽幽的辣跟麻吃得舒爽，下次一定要來挑戰黑碗先得！！

尖沙咀近排新開了數間拉麵店，特別是過去江龍店，今次去了鬼金棒，試了其中一款拉麵-炒荳芽菜辣麻味噌拉麵。這裡落單是以QR code落單，十分方便。炒荳芽菜辣麻味噌拉麵-落了單後，廚師就開始炒荳芽菜，見到他一路炒，充滿🔥鍋氣，心想荳芽菜一定好野味😋，5-10分鐘左右，拉麵就到枱上。第一口就是食荳芽菜，非常脆口，之後就到麵，粗粗的拉麵，口感也不錯，叉燒是用豚腩部位，肥瘦適中，湯底味道濃郁，最後不得不讚是其流心蛋，好鬼正😍。另外其侍應小姐與廚師也好細心，當食了5分鐘，他們也會詢問味道是否足夠、辣度足否ok ，窩心的服務！

店外面有一支好巨型的銀色狼牙捧，相信好多人行過都會比佢吸引到！鋪頭入面係以黑色同紅色做主調，真係好有地獄的感覺！餐廳係用電子落單，感覺好環保呀！拉麵揀左增量的叉燒，一定一定要叫增量叉燒呀！！！呢間的叉燒真係好肥美🤤平時食拉麵多數都係食薄切叉燒片，甘厚甘肥美的叉燒真係好少見。叉燒仲要用醬汁調製過，好入味！餐廳主打食麻辣湯底，🌶但因為我唔太食辣，所以揀左中辣先，見到仲有個地獄辣可以揀，我未敢挑戰住。😂😂但中辣都已經好出色，香濃得黎唔會死咸，第一口飲落去已經好鍾意，一啖湯底一啖拉麵甘食，食到最尾d湯底比我飲左一半。🙈🙈為食的我想試埋個肉飯。呢舊五花腩真係食極都唔會膩，肉汁精華完全係白飯小偷。🤤🤤大食既朋友食完拉麵可以再叫埋個飯呀！