鬼金棒

营业中

休息中

其實一定都好想去食鬼金棒，因為作為一個芫荽控，無論點都要試下芫荽拉麵。餐廳既擺設同背景音樂都好有雷鬼feel，營造出一種好神秘既感覺增量叉燒x2辣麻味增拉麵 $135(美味指數: 😋😋😋😋)增量叉燒足足兩大舊，係好邪惡既五花腩叉燒，而湯底嗌左小辣小麻，對於我黎講完全唔辣，而且飲到甜味，拉麵彈牙掛湯力十足芫荽辣麻味增拉麵 $110(美味指數: 😋😋😋😋)係我最愛既芫荽，黎個嗌左中辣小麻，當然都係唔辣😂😂所以好似我甘食得辣既朋友可以試最高級別既鬼增辣，而黎個湯底多左好香既芫荽香味，中意食芫荽既朋友不妨一試😋整體食物質素：4 / 5💰性價比：4 / 5👍推薦指數：4 / 5

上網睇倒呢度有芫荽拉麵，作為芫荽控梗係要黎試下啦！一入到去店員會俾餐牌同qr code你，揀好咗之後就可以自助落單。雖然餐牌上面所有辣面都係辣嘅，但係點餐嘅時候係有得揀無麻同無辣嫁，所以唔食辣都可以黎食嫁。芫荽辣麻味噌拉麵，面頭滿滿嘅芫荽，多到連啲麵都睇唔倒阿！因為我唔鐘意食芽菜所以就嗌左走芽菜，但因為味噌湯本身好濃厚，所以好快就飽左喇 哈哈味噌湯加左麻辣同芫荽估唔倒又幾襯，入口除左有芫荽香之外，食完個口仲麻麻地有餘甘，好正味玉辣麻味噌湯拉麵，味噌湯好香濃飲落有魚同豬過嘅香，因為呢碗係無麻無辣嘅，可以好好咁品嘗一下。隻蛋係流心蛋黎嫁！咬落好軟好彈之餘仲有湯嘅味道仲可以追加大肉飯大肉飯舊叉燒真係超級大，配飯食可以食得出叉燒本身嘅醃料味道。舊叉燒軟腍肥美，一啖可以食出唔同嘅層次，同配拉麵食又別有一翻風味！鐘意食芫荽重口味同鐘意食叉燒嘅一定要黎試下！

今日同朋友喺尖沙咀行街，講起有排都冇得去日本，好掛住當地嘅地道拉麵，於是就喺附近搵返一間拉麵試吓先！見到有間鬼金棒，主打日本地獄裝飾，好有日式feel炒芽菜麻辣味增拉麵開放式嘅廚房，見到廚師即炒拉麵，炒到着晒火，火候十足，雖然叫做麻辣味增，但係亦都可以自選唔辣，非常細心，用上較粗身的拉麵，口感十足，湯底亦非常濃郁芝麻味！芫茜麻辣味增湯面芫茜控必試，大大嚿嘅叉燒，配上濃郁芫茜味嘅湯底，風味十足！見到師傅每碗拉麵都係即叫即整，仲要係明火主理，鑊氣火候十足，人均消費百多元實在難得！

再來鬼金棒不經不覺又相隔了幾個月，時間可真過得太快！今次入座，最記得就是一要挑戰高一級的小辣！響應新抗疫政策實施，所以甫進店就必先量度體温和用酒精搓手液搓手。侍應姐姐仲貼心遞上紙巾俾我地包口罩！雖然午市已過，但下午茶時間都不時有人黎食！而點的拉麵亦好快上枱。一如上次，我地點返同樣的拉麵！滿滿的芫荽最得我心，而增量叉燒則是朋友所愛。滿滿的芫荽香，一片青綠色伴上麻香，就是吸引我的原因。拔開芫荽，見到肥美軟稔的叉燒肉，小麻小辣，原來更加過癮，感受到舌頭點點的麻痺感！朋友也是點增量叉燒麻辣味噌拉麵，同樣是小麻小辣，她也是肉狂，所以那肥美叉燒的確是她的茶！橙黃色的湯，香麻並重。可能胃口大開，我們追加了一個叉燒飯，份量不大但可過足口癮，當然是為了食多一啖肥美的叉燒肉而點的。食拉麵當然要飲汔水，微辣再加上碳酸沖擊，使人精為之一振。上次點的是不辣，今次點的是小辣，一級級挑戰，下次再挑戢中辣!!!

久聞日本東京超人氣過江龍辣麻拉麵店「鬼金棒」的大名，但礙於本人不吃辣，所以退步。但後來知道原來「可走辣」！即拉著食辣的朋友去一試！ 餐廳會為進店的食客量體溫及提供消毒酒精搓手，及後會提供餐紙給食客包裹口罩。桌上亦已放有紙巾，圍巾及水，十分貼心周到。「鬼金棒」嘅辣係混合共8種特製唐辛子，而麻就以頂級和歌山葡萄山椒調成，來到不試辣味湯底真是浪費，所以我派食辣專員朋友試試其中一款辣味拉麵。他選了《芫茜辣麻味噌拉麵 $110》（中辣）滿滿嘅芫茜加埋「麻」「辣」分明嘅辣味快感，看到他愈吃愈起勁，邊吃邊讚，必定不錯！而我點選了一碗餐牌上最大份量嘅《增量叉燒x2辣麻味噌拉麵 $135》這碗的叉燒份量是正常的4倍！叉燒厚厚的，但勁稔勁入味，超讚！平是不嗜啖啖肉的我竟然靚全部叉燒吃光，實在太美味！拉麵又Q彈，拉麵湯底以豬骨、雞骨、魚鮮及多種蔬菜熬製超過8小時，湯底走辣仍然好香濃～汽水 $15罐，無加一。吃完令人即有衝動回顧！嗜辣的朋友不妨挑戰下「鬼增級辣麻level」- 混合共9種特製唐辛子，包括數款地獄級辣椒，更用上「健力士世界紀錄大全」最辣卡羅萊納死神辣椒！

鬼金棒是日本東京的拉麵過江龍，主打辣味／麻味，以及莞茜拉麵。門面非常有氣勢，看拿著棍棒的惡鬼，就知道來對了地方，鬼．金．棒．沒什麼選擇，但可以選辣度跟麻度，最強大的鬼增辣／麻要加錢（各１５）增量叉燒Ｘ２辣麻味噌拉麵　（高麻高辣）＄１３５非常大塊又厚的兩塊叉燒！這已經是幾塊五花腩加起來吃有的厚度，非常煙韌又肥美！而且還帶點甜味，有點紅燒肉的ＦＵ另外還有豆芽跟粟米芯，跟一般拉麵非常不同，跟辣味很配～湯底以唐辛子跟很胡麻兼備，加上豚骨濃濃的油香！辣味呷一口湯就有，很是惹味～　但麻味就真的很輕，幾乎察覺不到。大肉飯＄５５沒什麼特別，就一塊厚叉燒澆上醬汁跟白飯，不夠飽的話建議可點這味玉白味噌拉麵（中麻中辣）＄１００辣度明顯不足，稍稍能吃到辣味但不會太刺激，適合吃辣新手另外還多送一顆蛋呢！這個拉麵最好的是叉燒不太厚，厚薄適中入口即溶，愛吃入口即溶的話必點！

復活節四天假，我真的有乖乖留在家，不過到了星期日覺得口淡淡，就叫細佬陪我去吃碗拉麵，吃完就回家吧！拉麵店內播住「窿窿窿窿」的鼓聲，有好多鬼頭裝飾，好可愛！店內有提供即棄圍裙及紙巾，好貼心！坐低之後店員給我們iPad點菜！平時多接觸醬油拉麵、豬骨湯拉麵，這裡是主打麻辣味噌湯拉麵。有幾款口味，莞茜、芽菜、玉米筍、溏心蛋，還有增量版叉燒，食肉獸啱晒！這裡人氣之處還照顧到不算太吃到辣的朋友仔！辣度、麻度有得揀！我選了玉米筍，細佬選了豆芽，都要加溏心蛋！同樣是小辣中麻！另外店家也有很多不同飲品，我們點了汽水！湯底非常濃厚，味噌很香，小辣不會太辣，有麻味真的令味覺提升到另一個境界，非常開胃！厚切叉燒，真的非常厚，五花腩甜甜的，脂肪入口即化，甘香美味！溏心蛋流心！好滿足！玉米筍和芽菜都好爽口！拉麵口感清爽帶有蛋香，軟硬適中！

今日係尖沙咀搵食！見到有間鬼金棒，主打日式拉麵，反正有排都冇得去日本，就試下啦！餐廳主打拉麵丼飯等，估唔到仲有日本生啤提供，啱晒放工嚟啤一啤！增量叉燒麻辣味增拉麵香濃芝麻味嘅味增湯底，配上炙燒過嘅叉燒，好惹味！用上較粗身的拉麵，好有口感，湯底可以自選麻辣程度，啱晒腌尖嘅香港人👍！追加肉飯大大嚿嘅叉燒，配上特製丼汁，好香口！加埋韭菜，會無咁油膩！餐廳用上開放式廚房，坐上吧枱望住師傅整感覺會更佳，可惜現在法例規限，只能遠處觀望！

炒豆芽菜辣麻味噌拉麵 $100+$15味玉因為未試過所以今次就先點了無辣，小麻。送上枱就十分吸引，一大舊叉燒，睇到都流口水❤ 個湯就唔係紅色因為唔要辣。拉麵上面仲一大坨炒芽菜，一條米玉荀，另外加+$15要左隻蛋。一黎先試下個湯底，好濃郁帶點好輕微既麻味，如果唔食辣既人叫小麻絕對無問題。 不過我建議大家可以要中麻👍 個湯濃郁得黎唔會咸，好香口。個叉燒可以大大啖咁食，好嫩口，拉麵軟硬適中，而味玉亦相當好，切開一半好完美咁流心❤ 最後，個芽菜本身炒過好香唔會有種生味，總點係超級多!芽菜多到嚇親👍我見到人地點芫茜拉麵，堆芫茜多到成坐車山咁，如果中意芽菜或者芫茜既人，呢兩款絕對滿足!味玉辣麻味噌拉麵 $100朋友因為唔食辣，所以揀左無辣無麻！配料有叉燒，芽菜同原隻糖心蛋。開頭以為會好淡似清湯😹，但原來湯底一樣超濃郁！厚身但唔會太杰。同樣有一舊厚切大叉燒，非常充實。而且價錢以拉麵黎講，絕對超值。

想同日本拉近距離話咁易，去了新開的鬼金棒食返個拉麵先，聽聞係日本人龍拉麵店，以辣麻味噌湯底作招牌，很有特色。店面都幾寬敞，打紅燈和用上不少怒鬼裝飾，甚有日本風情。拉麵配料獨特，可自選辣度和麻度。仲有圍裙俾客人用，唔會彈到d湯成身都係。以QR code落單，幾方便。汽水($15/罐)即炒配料夠鑊氣！芫荽辣麻味噌拉麵 ($110)配料豐富，有大量芫荽和芽菜，叉燒好稔又入味。這個是走辣麻，吃一下基本的味噌湯底，湯頭是拉麵的靈魂，有大骨和蒜味，味道濃郁，但不會很鹹。拉麵份量也剛好，不會太多而吃剩。整體味道都好夾，配料也多元化，不是走傳統拉麵路線。炒豆芽菜辣麻味噌拉麵 ($100)，芽菜做的很講究，須須也有整理過，上層是放生的芽菜，下層是炒過的，口感爽脆，吃起來跟麵很搭。粗麵比較有韌性，這次是小辣小麻，適合吃微辣的人。下次會再試小辣中麻。

平時食拉麵，唔係蝦、䐁骨、味噌，就係雞白湯，有時都想尋求一啲特別啲既湯底口味。鬼金棒主打辣麻湯底，辣度同麻度係分開，而且分別有小、中、大三個程度，可以調節最適合自己嘅口味。餐廳一共有八款拉麵口味，都係以辣麻湯底為主。睇完餐牌，就可以用電話掃QR code落單。特製辣麻味噌拉麵呢個拉麵揀咗小辣小麻，我哋本身都唔食得太辣，平時只係食開BB辣既程度，所以睇完餐牌見到只係得一款辣麻湯底都有啲卻步，但係又估唔到小辣食得一啲都唔辛苦，唔需要狂飲水，喉嚨亦都唔會火辣辣。飲埋啲湯都仲得，食得好過癮。雖然呢間餐廳嘅拉麵價錢唔算親民，但係品質絕對唔差。叉燒係厚切，充滿肉汁，味道香濃惹味。味玉係流心狀態，生熟程度啱啱好，亦都有經過調味，不錯。芫荽辣麻味噌拉麵好適合鍾意食芫荽既我，不過因為原先擔心會辣到食唔到，所以揀咗唔辣小麻。雖然唔辣既湯底都幾好味，唔會淡如水，但係同小辣小麻嘅湯底相比之下，就欠左一啲層次，平時食開bb辣既人我推薦食呢到既小辣啊！

這家東京過江龍拉麵店來港開業幾個月，今次我終於去吃了。看看菜單簡單來說就是味噌拉麵，然後自選加上不同的配料，包括增量叉燒、味玉（即是溏心蛋）、炒芽菜、芫荽、粟米荀，特別在辣和麻是分開選擇份量的，而且還可加錢選擇鬼增辣和鬼增麻，聽起來就有點被嚇到。👹增量叉燒x2辣麻味增拉麵 $135小辣+ 鬼增麻+味玉+拉麵+$50👹特制辣麻味增拉麵 $120小辣+小麻+拉麵+增量叉燒+走蔥 +$55👹可樂Zero $15👹芬達 $15一上枱的感覺就是份量很充足，尤其是叉燒非常厚實，如果是香港的造法一塊可以切出很多片。而叉燒咬上口是很鬆軟，啖啖肉，十分好吃。拉麵🍜則比較粗身，吃上去夠彈牙。湯底有很濃郁的味增香，很想喝清光呢。我們都叫小辣因為有點怕其他會很辣吃不下去，不過原來小辣沒有什麼辣的感覺，不像譚仔小辣也可吃得出來，或者是要迎合香港人不太會吃辣的口味。至於麻味，我朋友叫的是小麻，沒什麼麻的感覺，而我的鬼增麻，一上枱就有很麻的嗅味，吃上去麻味十足，可惜麻而不辣不夠盡興，吃畢了也未見麻味能持久在口腔裡。職員給了一粒小糖用來解麻，十分體貼，雖然我不太需要。其實我建議起碼叫大辣，才能充分體會麻與辣的滋味。除

位於尖沙咀的一家日式拉麵店，店內都是以鬼作主題的，非常特別店是以QR code落單，非常方便快捷，而且選擇都幾齊全我點左個特制辣麻味噌拉麵，大約等左10分鐘就上到，速度不錯店員跟我說這裏的辣度不是很大，所以如果想吃辣的話就要比平時大一度一碗都幾大，仲可以加飯吃一碗的麵包括了有2舊大肉，1粒溫泉蛋麵既硬度正常，唔算太硬最正都係舊肉！超邪惡，一層肉一層肥肉，口感一流！湯底都是充滿肉的碎片，可見得個湯底都是真材實料！是用豚肉煲出來的，口感超rich！

鬼金棒內外裝修和怖置都極有日本特色，用了日本鬼、面具和鬼金棒去做裝飾擺設，配合住太鼓既純音樂和紅色燈光。食客可以用電話QR code 下單，非常方便快捷，又唔怕侍應落錯單😆😂。🌶️湯底 辣度 同 麻度 都有5個程度選擇，由 無辣無麻 至鬼增(+$15)。.🍜炒豆芽菜辣麻味噌拉麵💲100（無辣//無麻）豆芽菜炒得好香又爽口😋，份量比其他拉麵多出大概一倍😍。鬼金棒既叉燒同其他拉麵店唔同，好有自己既特色，因爲叉燒係一大舊東坡肉咁🐖，而唔係一塊塊切片果啲，叉燒肥瘦適中、肉質軟腍 唔鞋口👍🏼、醬油醃得好入味😋，做得非常出色😋。.🍜增量叉燒辣麻味噌拉麵💲115（無辣//小麻）🔸＋味玉💲15🔸＋玉米筍💲15增量叉燒係比其他款式拉麵既叉燒大一倍😳，拉麵係我中意既扁拉麵😍，咬落煙煙韌韌，非常彈牙，口感豐富👍🏼。湯底揀左小麻，少少麻味已經覺得好惹味，唔辣就食到純豬骨湯底既味道，唔會太油，豚肉湯底味道香濃，質感稠密😋。📌 Bar枱設有凍水位，可以自助斟水📌 有圍裙、牙籤、七味粉、面紙提供

一入到去, 有D寺山修司既味道, 背景音樂係日本鼓樂, 暗黑dark side, 好有氣氛~坐位都相當舒適, 而且好好服務, 會問你想坐邊~仲有圍裙提供, 唔會整到好dirty~佢地既主打係辣麻味噌拉面, 可以簡唔同程度既辣同麻, 仲要可以分開簡~聽聞係用左唐辛子同麻油煮好耐, 先有咁既味, 我地都係因為佢既辣, 而過黎試下既!1. 增量叉燒x2 辣麻味噌拉面 (2麻2辣)湯底十分濃郁, 好有層次, 果然係真材實料, 香料味好香濃, 加上拉麵既質感同一般唔同, 比一般更有嚼感!2. 特製辣麻味噌拉面 (1麻1辣)叉燒超級軟腍, 而且本身腌既醬汁十分香又甜, 成件叉燒多肉到要分幾次先食得曬, 但係我地太鐘意食, 所以追加左叉燒~湯底多D辣, 其實係正D既, 因為香味出勁多, 不過少麻少辣都不失風味~仲叫左兩個可樂解解辣~絕對recommend食得辣既朋友~ 因為佢地既香料真係獨一無二, 辣到你飛起既同時, 會令你食過番尋味~