鬼金棒

营业中

休息中

想試好耐，每次經過都冇人排隊？但以我所知你一search東京拉麵（鬼金棒）係東京其一推介潮聖。食辣人士必試⋯一坐低用手機📱QR 掃描落單，十分方便！叫左一碗中辣小麻芽菜味增拉麵，+玉（$115）一個小肉飯。拉麵係闊身而扁，湯底油分都幾多⋯唔係好適宜飲用。其實下單先煮但食落去並冇熱辣辣的感覺，整碗油脂感都幾重但我並食唔到🐷湯的鮮味。另外，小肉飯，肉的確可以，但米飯係普通珍珠米偏乾同硬身，一小碗來講$45，性價比太低！可試一次但冇下次…

麻辣味嘅拉麵都係第一次試其實鋪頭只係得一種湯底選擇, 但可以調較辣度同麻度增量叉燒辣麻味噌拉麵塊叉燒真係好好好大舊，差啲夾佢唔起呀，肉質鬆化、脂肪飽滿有種入口即溶嘅感覺同坊間一般拉麵店既差燒稍有分別，係好食既湯底揀左小辣中麻味噌味唔會話好濃但配上少少辣同埋少有既麻香配搭又幾新奇 下次一於要挑戰大辣特製辣麻味增拉麵怕辣嘅人可以試吓呢個叫走辣中麻真係完全一啲都唔辣估唔到入邊都一樣咁足料舊叉燒女仔食的話，唔使增量都已經好夠食而且仲有一隻留心蛋😂😂配料十分豐富，湯底好夠味

【芫荽愛好者必試✔】本來都麻麻哋芫荽，但係最近知道呢碗拉麵非常出名，路過尖沙咀，店舖都好突出好易認，所以決定一試「芫荽麻辣味增拉麵🍜」$110佢嘅辣度&麻度都有得個別選擇，我就叫咗中辣小麻，但係其實佢嘅中辣都只算譚仔嘅五小辣，食得辣嘅朋友其實可以試吓特辣，應該都唔會太勁第一淡食落去，滿滿嘅芫茜充斥着口腔，加上佢咸咸嘅湯底，其實唔會食到腥味，我立刻有種愛上芫茜嘅感覺😚加埋佢偏硬嘅拉麵，我覺得配搭恰到好處，佢仲有一舊叉燒，半肥瘦都好惹味，好快地我成碗都食晒，從此重口味嘅野食，芫茜應該佔一席位「增量叉燒辣麻味增拉麵」$135而男友就叫左增量叉燒，就係2舊超大的叉燒，唔係好食得辣嘅佢，小辣都食得到，所以怕辣人士唔洗驚😂唔好比個夠嚇到，盡情食啦

疫情之下冇得再去旅行，同男朋友都好掛住之前喺日本食嘅拉麵，突然間發現原來呢一間已經開咗嚟香港，但係我哋一直都唔知，所以我哋今日特登係屯門出嚟尖沙咀試。同日本一樣好貼心，有一次性嘅圍裙俾我哋用，唔驚拉麵汁彈到周圍都係。等嘅時候見到師傅用鑊炒好香嘅芽菜同埋粟米芯！男朋友叫咗增量x2叉燒拉麵，我就叫咗一個特製麻辣拉麵。增量叉燒拉麵真係好大嚿叉燒，不過就冇蛋，如果想食蛋嘅話就要另外叫，舊叉燒整得超級好食，睇得出係整熟咗之後又再燒一燒，所以超級香口，而且啲肉好林，入口即溶。我個碗就有糖心蛋，個蛋好流心，唔會過熟，個湯底好濃，說同日本個湯底一樣係有啲肥膏嘅感覺，所以超香口，感覺好正宗。同埋兩碗拉麵都係有粟米芯㗎！同埋要講一講個面底，最唔鍾意食到嘅拉麵就係好似即食麵咁嘅普通拉麵。但呢度嘅拉麵偏向似沾面嘅面底，比較硬身，好有誠意，唔係求其喺街見到嗰啲拉麵。如果你都好似我咁係鍾意食硬身嘅拉麵嘅話，呢間係唔錯嘅選擇。因為呢度嘅叉燒實在太好食，我哋決定要加碼叫多一碗肉飯，食完舊叉燒之後仲剩返少少飯到埋落去個拉麵度，好似啲日本人咁樣加埋個湯底食，真係好滿足。

鬼金棒👹好型既名-平時我就唔多好拉麵既🍜但我知道呢間嘅辣度同麻辣度都可以自己調校所以都忍唔住過咗嚟試吓(˶‾᷄ ⁻̫ ‾᷅˵)門口同音樂都好有日本嘅格調🤤 唔知食乜好✨仲可以問職員介紹👍🏻職員就話芫荽辣麻味噌拉麵（💰110）幾特別 ‼️見到周圍好多人叫芫荽‼️同埋飲哂碗湯‼️QR code落單都好方便🥰仲要勁貼心🥰吧枱都有位放袋🥰又有圍裙唔驚整污糟-辣度🌶️ & 麻度：無｜小｜中｜高｜鬼增（+💰15）-📌特製辣麻味噌拉麵（💰120）（中辣小麻）麵嘅軟硬度煮得好適中💕煙煙韌韌✨有麻味‼️好惹味好滋味‼️玉子仲係流心‼️肥叉燒🐽好正‼️雖然肥膏好厚🥺但係又會忍唔住食完一啖又一啖🥺最後將佢哋食晒🥺好香豬油味🥺甜甜地嘅醬汁好夾✨肉質鮮嫩而且林身✨.📌增量叉燒X2辣麻味噌拉麵（💰135）（小辣無麻）朋友就鍾意個湯底多D👹因為佢本身就係唔鍾意食麻嘅人見佢碗拉麵有兩舊好大又厚身既叉燒真係double size...但就比較少肥膏-友人就鍾意我個拉麵嗰個叉燒多啲話肥膏好食💕我就鐘意食佢舊叉燒多D😋-坐吧枱見到師傅炒飯好猛火實係好夠鑊氣可惜拉麵太足料(;´༎ຶД༎ຶ`)個胃實在無位食

很有個人風格特色嘅拉麵 首先舖面嘅設計好有心機，係舖外等候時已經好感受倒日色風格，無論係餐具，舖內音樂都好營造到氣氛，拉麵一黎到 會略略聞到熱火炙香咪，賞第一啖湯時都會覺得同其他拉麵湯低有強烈對比，整體比人第一印象，算係不錯。 而拉麵食到結尾時，拉麵湯低嘅未會開始變得平淡略為普通，另外叉燒唔係用一般傳統拉麵叉燒做法，係直接用厚切嘅腩肉， 口感不錯，但是食得多會覺得偏向油膩，容易食滯，佢主打麻辣味湯低，我會建議由中辣同中麻辣試起，因為少辣味道相對唔明顯。 整體依個拉麵好值得中意試身野嘅人，但係拉麵嘅新鮮感同味道嘅吸引力就相對短暫。

#cassiegotst-來自日本有死神拉麵之稱嘅「鬼金棒」已經係香港開左分店啦！曾經創下月賣27,000碗紀錄，主打辣麻味噌湯底，自認是辣迷的朋友可以黎挑戰下。🙈-店舖裝潢走暗黑路線，布滿了日式妖怪面具及吊飾，切合「鬼金棒」的鬼怪主題！湯底「辣」嘅來源係多款辣椒及唐辛子調配；「麻」嘅來源係頂級和歌山葡萄山椒調成的香麻油。湯底分為五種麻度及五種辣度，客人可以自己選擇，不過由於我唔係好食得辣 所以我剩係試左少辣少麻。麵條盡吸湯汁，麵質煙韌彈牙，湯上的油脂一直鎖住拉麵的熱度。 😆-我自己最鐘意係佢地嘅慢火炆煮的厚切叉燒，經過一日慢煮，軟腍肥美並帶八角風味嘅叉燒。成舊肉半瘦半肥，瘦肉軟嫩，肥肉又唔會過於肥膩，仲有個半熟玉子蛋超軟Q。除左湯底出色之外，啲配料都好正！一碗拉麵唔夠食嘅話，仲可以追加其他食品，例如大肉飯($55)。-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-

鬼金棒之前喺銅鑼灣分店已經食過一次，佢嘅芫荽拉麵深深吸引着我，今次行經尖沙咀店梗係唔會錯過啦唔係間間拉麵店都有圍裙，呢間就有啦咁就唔怕湯汁彈到件衫啦芫荽辣麻味噌拉麵可以簡唔啦辣嫁，見到碗上嘅芫荽真係好療癒本人非常愛食芫荽，又愛拉麵🍜冇得彈根本叉燒厚切似五花腩咁 入口即溶既感覺湯底係偏重口感個種，麵質粗幼度適中味玉辣麻味噌拉麵前面講到可以揀唔辣，仲可以揀齋麻！食落好過引估唔到出到嚟係幾特別糖心蛋幾入味 其他就同上一樣啦

一直想試下這間日本人氣過江龍「鬼金棒」，終於可以食到佢嘅麻啦拉麵🍜唔食辣既朋友都可以選無辣❗️🥢食物🥢1️⃣味玉辣麻味噌拉麵$100（少麻少辣）先講芽菜是炒得很香，份量也不少👍🏻拉麵是比較粗身，掛湯能力高✨厚切叉燒入口也有溶化感覺，而且湯底也非常濃郁🤗2️⃣芫荽辣麻味噌拉麵$110（少麻中辣） 芫荽控朋友不能錯過，超多的份量蓋滿整碗拉麵❗️友人就中辣不是太辣，下次可試大辣😝💥環境💥設有bar枱位置可以看到師傅整拉麵過程😁裝修很有日本feel👹座位唔會太貼有足夠的空間感✨💥服務💥用QR code落單比較方便，店員只需上菜沒需要太多服務。⚠️總結⚠️可來一試，如是重口味者會較為喜歡，但個人認為味道不足以我專登來吃。 （5❤️為滿）食物：❤️❤️❤️環境：❤️❤️❤️❤️服務：❤️❤️❤️

本人一向都好鍾意食日本野尤其是拉麵同壽司前排聽講日本東京有間好出名專食辣拉麵既鋪頭黎左香港開分店作為拉麵控既我緊係要去試下啦加上本人好鍾意食辣野依間更加係不試不可一入到鋪頭就見到好日式既裝修有bar枱有卡位跟足日本既排位拉麵有得揀辣度同麻度黎得緊係要揀大辣同大麻啦揀哂大既話個碗會係紅色其實仲有一級係鬼神不過要加錢所以無揀不過大辣比我想像中無咁辣反而麻味就令到我係咁飲水最正係舊叉燒用上厚切豬腩肉又肥又juicy非常滿足我

大約上星期左右，因為約左朋友，所以大約十一點左右就到左尖沙咀，經過見到有間拉面店幾得意，於是就決定入去試下，一入去，見到有個阿姐係前面，唔知佢係玩電話定係點，都無理我地，又或者掛住睇手機，直至我地叫左吓，佢先至知道我係入左黎，有D過份。😦跟住坐低，叫左兩碗拉面，湯底好濃夠味，而且好多芫茜，好吸引，拉面都好彈牙，非常美味。可能剛開門既關係，暫時只得我地呢抬客人，但係亦因為咁，所以個阿姐同拉麵師傅既對話，都顯得比較大聲，因為佢就企係我隔離講嘢，雖然背景音樂都大聲，但係佢地仲大聲 😓希望可以反映一下啦，因為拉面真係幾好食 😘

今年內都唔使旨意去日本🇯🇵，唯有食住個日本過江龍拉麵止下癮先🍜。呢間拉麵特別在於可以揀麻度同辣度🌶，而且出名可以加超多芫荽🌿或者粟米仔🌽做配料，風評一直好唔錯👍🏻。📍增量叉燒麻辣味噌拉麵 ($115)Karashibi Miso Ramen with Big Pork拉麵可以選擇唔同級別嘅麻同辣，草根妹妹揀咗小辣小麻🌶。湯頭顏色好紅，但小辣基本上人人都接受到，下次會揀中麻，應該會更刺激😍。增量叉燒似東坡肉，份量慷慨，食肉獸仲可以揀2倍增量🍖，大口大口食肉真係好滿足😋。.📍芫茜味噌拉麵（$110）Karashibi Miso Ramen with Coriander 姐姐揀咗芫荽拉麵，唔食得辣嘅關係揀咗走麻走辣😂。呢一款都係店內人氣之選🌟，鐘意食芫茜嘅一定覺得好香🌿。呢碗正常肉量就有一舊超厚切豚肉，肉中夾有適量脂肪，唔會好嚡口。每碗都配有大量爽口芽菜同䓤花，另外配有粟米條🌽，草根仲加錢配咗溫泉蛋🐣，火侯控制得好，溫後蛋流心又濃郁。拉麵麵量唔少，粗身又掛湯，食完好飽好滿足❤️。

🍜芫荽辣麻味噌拉麵$110芫荽控jo見到滿滿的芫荽開心到大叫！第一啖已經覺得好好食，麵質彈牙，芫荽香味同味噌湯底又非常夾，叉燒入口即溶好好味，jo選了小麻小辣剛剛好好味指數：😋😋😋😋🍜味玉辣麻味噌拉麵$100jo老公這碗沒有芫荽，多了一隻雞蛋，咬落去好流心好好食，jo偷吃了一口湯底，中麻中辣也食到，不過一定要飲野好味指數：😋😋😋😋.整體來説如果喜歡食辣一定要來，幾好食，而且有四個麻辣度，像jo只可食小小辣也絕對食到，餐廳環境氣氛也幾配合地獄拉麵主題，不錯👍🏻但唯一不足是食到最後覺得有點油膩，食完好口渴要狂飲水，如果正在減肥的女士可能不太適合了

這家日本過江龍已經開了一段時間了，看到這天沒有人排隊所以決定一試才行。環境燈光柔和冷氣挻涼快，夏天很舒服呢😆。這裡是以自助掃碼下單的，可以按自己想吃的辣度和剔除不吃的配菜。💥特製辣麻味噌拉麵(自選辣度) HKD$120，這個是走蔥花和小辣走麻版本，所以顏色不會太紅。湯底味道濃郁很香，而且不會感到太油。拉麵麵質適中剛剛好，配菜有叉燒和溏心蛋，夾開看到流心效果蛋味挻香😋。💥增量叉燒辣麻辣拉麵(自選辣度) HKD$135，這個是中辣走蔥花小麻版本，顏色略為深色一點。湯底味道差不多但帶點麻的感覺。這碗拉麵的重點當然是增量叉燒，份量比正常版本更厚和大件😏，看到一層層的賣相，肉質腍身煙韌挻不錯。這家拉麵店的食物素質不過不失，而拉麵份量感覺挻大碗的。看到店員服務有禮貌，價錢中等。

好耐無食拉麵，見到好多朋友去呢間拉麵店食都好推介，我地就慕名而來一試佢地嘅有辣有麻嘅拉麵！平時做慣食肉獸，今次打破傳統，揀咗個玉米筍辣麻味噌拉麵，超多玉米筍鋪面真係滿足到我今日一顆想食菜嘅心！本身都好鍾意食玉米筍嘅甜同爽口，仲有炙燒過香氣，配搭埋拉麵濃郁嘅湯底真係幾特別！除咗有玉米筍，都有大大塊嘅叉燒，令人滿足嘅肉感。我點嘅湯底辣度係中麻中辣，好少有係拉麵店食到如此嘅辣度，相當過癮！我特別鐘意麵嘅粗度，有咬口加上飽足感都高啲！朋友點嘅係特製辣麻味噌拉麵，一碗拉麵乜都有，啱晒貪心同埋選擇困難嘅食貨！其中嘅味玉流心效果一流，一咬就有好澎湃嘅蛋液流出啊！而叉燒份量有兩大塊，食完真係好飽呢！