鬼金棒

营业中

休息中

呢間係我會不停回訪嘅拉麵店🍜未試過呢款芫荽辣麻味噌拉麵，叫咗小辣無麻，湯底超級濃郁🤩拉麵煙煙韌韌掛湯亦一流👍🏻叉燒半肥瘦，油而不膩，另外加咗粒味玉，半熟蛋超流心，呢度嘅蛋真係好好味😋芫荽浸入湯度等佢索晒啲湯汁食超正，下次可以叫增量芫荽😍阿囝就叫咗味玉辣麻味噌拉麵，小朋友至愛，有半熟蛋、玉米筍🌽同半肥瘦叉燒，阿囝都大讚好味🔥味玉辣麻味噌拉麵 $100芫荽辣麻味噌拉麵 $125味玉+$15雪碧，芬達 $15@

星期日行開尖咀附近，發現一間日式拉麵，有好多顧客排隊，於是都排隊拎飛，入去試下。其實入面都幾多座位，假期都多人去食。同朋友叫左兩款拉麵：1.增量叉燒x2 辣麻味噌拉麵 怕會太辣，叫左碗小辣。份量多，麵彈牙，好爽，叉燒大舊又肥瘦均勻。湯底濃，突出。2.辣肉碎伴麵 叫左碗有湯嘅，另叫碗無湯嘅試下。款伴麵麵條幾有口感，又幾岩夏天食，食前記得要攪勻。店內環境衛生都吾差，可以下次約多啲朋友仔再食過，試下吾同款拉麵。

認識鬼金棒係因為同事帶我去銅鑼灣分店食，辣麻味噌湯底真係一試難忘，非常濃郁，配合粗身麵同芽菜真係好夾，肉夠厚好滋味，小麻小辣已經覺得好勁，d汗係咁標! 好好食!後來自己每個月都會去食一次，次次都咁啱食銅鑼灣個間，每次食完都好滿足，味覺嗅覺視覺都大滿足，好好味。全部款式我都試過哂，我個人最鐘意炒芽菜小麻小辣味噌拉麵，芽菜超多!滿足呀!偶然經開尖沙咀，發現都有鬼金棒，咁就梗係要試下啦~二人7:45pm入座，都好彩唔使等位(因為後來好快就滿座)，個格局都似銅鑼灣個間，尖沙咀就再大少少，值得一提係尖沙咀呢間有種怪味，就類似係廚房未乾個種怪味，or廁所未乾個種味，總之成餐飯(麵)嘅時間我都聞到有呢種味。麻辣味噌拉麵，小麻小辣，一嚟即刻飲一啖個湯，嚇一跳!! 完全唔濃，同之前食過嘅好唔一樣! 講唔上好味，如果銅鑼灣店有10分，呢度只得5分!麵質同肉都ok嘅...但個湯唔似樣令成件事散哂。成餐麵都聽到d員工大大聲傾計，講笑話之類，當晚後來係滿座，外邊都排隊，樓面應付唔嚟，拉麵師傅就開始情緒到，尖沙咀廚房同食客無玻璃窗分隔，基本上佢哋所有傾計內容，我都聽到哂，真係好影響食客嘅心情。有比較就有失望，銅鑼

🤰🏻一向鐘情麻辣乜乜乜，估唔到有日式拉麵店主打麻辣味噌拉麵，仲有🤰🏻最愛嘅荽🤣完全岩晒🤰🏻🌝芫荽辣麻味噌拉麵 +味玉 $125一上枱見到成碗滿滿嘅芫荽，真係感到好茜☺️成碗咁重口味嘅麻辣拉麵即刻fresh返，浸一浸啲芫荽再連埋辣湯一齊飲真係幾正，流心味玉亦整得十分不錯，咬開有橙黃色嘅蛋黃好香蛋味，而且成碗麵份量幾足，男仔食都會夠飽，🌝增量叉燒x2辣麻味增拉麵 +味玉 $150呢款拉麵係邪惡版double叉燒，佢唔係薄切一片片叉燒，而係厚厚一舊豬腩肉，好似食緊豚角煮咁最正係啲肥豬肉，同瘦肉分布平均，加埋一啖咬落去，有入口即溶感覺☺

我自己本身勁鍾意食辣，不過咁多年都未試過鬼金棒. 咁啱嗰日去科學館有嘢搞咁就晏晝去試吓啦. 我唔記得朋友叫佐乜我淨係記得自己叫咗個多芫茜最辣嗰個（未去到加錢）.淨係記得又唔麻又唔辣，我自己平時食其他辣都唔係咁啦. 同埋嗰舊豚肉老老實實被俾煲湯肉好少少. 肥嗰度就勁肥瘦嗰度要慢慢咀嚼先可以吞到落肚. 咁都可以被客人食真心佩服，完全唔明有乜咁好食.賣單好似250？ 即係大約120-130 一碗. 永無下次🙄🙄🙄 （至少喺香港一定唔會再食）

今日朋友話想食拉麵行個尖沙咀又唔算話太多選擇. 鬼金棒 之前都聽過去食辣拉麵出名.利申返先我哋唔係甘食得辣嘅所以叫咗個走辣小麻嘅拉麵所以食評可能鍾意食辣嘅朋友.麵嚟到食落應該係豬骨湯底？雖然叫咗味赠，但係食落去好似公仔麵嗰隻豬骨湯底.不過個湯有厚度可以做到將啲麵掛湯.隻蛋可以做到好流心，我見蛋黃都幾紅應該係曉 . 但係就冇咩醬油味.叉燒一夠好似五花腩嘅物體. 但係咬落口唔肥而且幼滑 一啲都唔乾.不過最大嘅問題因為夏天冷氣咁夠， 地方位置都闊落. 我已經唔係食辣，都已經濕晒.如果食辣嘅朋友應該成身會爆曬汗

日本人俾人印象不太嗜辣，但呢間過江龍憑住辣、麻湯底拉麵成功站穩陣腳，現在喺香港有尖沙咀、銅鑼灣兩間分店😍記得第一次黎嗌中辣覺得唔夠喉，今次一於挑戰更高辣度！店內以黑、紅為主色，牆壁排住一個個日本「鬼」面具，氣氛有別於一般拉麵店。就連店內音樂都以太鼓鼓聲為主，有氣勢之餘仲好切合食客挑戰辣拉麵嘅主題！餐牌只有辣麻味噌拉麵一款湯底，配上唔同配料亦有小食、丼飯供應。鬼金棒最大特色係可以自選辣、麻度，分別有無、小、中、高去到鬼增，可以根據自己能力配搭🔸玉米荀辣麻味噌拉麵 +味玉好少見拉麵用玉米荀做主配菜！本來有超過十條玉米荀，意外地同辣湯好配合；粗身麵條口感煙韌，掛湯力一流。呢一碗叫左高辣中麻所以用上紅色碗，唐辛子辣椒粉既辣勁好惹味，不過一向食開重口味，嗜辣者可以直接試鬼增辣！！🔸特製辣麻味噌拉麵配料有齊兩大舊軟稔叉燒、味玉、玉米荀同豆芽菜，中辣小麻用白色碗，辣勁冇咁強更加食到山椒麻香😍

從日本東京直接來香港開設分店的鬼金棒@kikanbo_hongkong 主打重口味辣麻味噌拉麵辣度與麻度皆可以自由選擇 加上即叫即炒芽菜所以就算怕辣👺也可以來品嚐濃郁的味噌拉麵·芫荽辣麻味噌拉麵🥬辣度（中辣）麻度（中麻）味玉增量叉燒辣麻味噌拉麵🥩辣度（高辣）麻度（中麻）味玉超過四種味噌調配出來的濃厚湯頭 香醇不死鹹後勁十足的辣麻味 配上軟嫩不失咬勁的叉燒麵條較一般拉麵粗🍜吸滿了湯汁 Q彈有嚼勁一定要追加味玉！內藏金黃色流動的半熟蛋液·肉飯🍚麵吃完後湯先別急着喝光 白飯加進湯內吃更佳叉燒肉厚度十足一整塊台式控肉🐷軟嫩不乾肥肉也不會過於油膩 而且吃起來十分夠味 推介

近年食辣愛好者越來越多，除了川菜或火鍋雞煲類，原來日本拉麵對食辣都有講究。之前不少網上平台有提過，香港開了有幾間專門食辣味的餐廳，其中就係來自東京超人氣過江龍辣麻拉麵店，所以趁放假就去尖沙咀第一次食。 跟朋友約在港鐵站，出口幾分鐘就到，見到招牌很有日本感覺，一進店內又有很多日本鬼怪的公仔擺設，燈光以暗黑為主，用射燈照明，整體氣氛很有心思。 拉麵以店家特製的辣麻味噌湯底，食辣食人士必食，而辣度和麻度竟然有得自己選，十分細心，拉麵價錢平均100元，飲品另外單點，以尖沙咀同一區價位中等，所以跟朋友各叫一碗。 =味玉辣麻味噌拉麵味  $100=拉麵點了無辣無麻，是一般豚骨清湯，味道濃郁又唔會鹹，所以不吃辣的人士也可以食，有半熟蛋1隻加1舊叉燒，份量唔算大舊，但厚身切法，肥瘦均勻又煮得入味，是招牌之一，整體感覺滿意。 =增量叉燒味玉辣麻味噌拉麵 $130=另一份點了小辣中麻，配增量叉燒，所以味道更豐富，辣味口感不是單一的辣，而口感變化多，入口偏淡而後勁明顯，麻味更停留很耐，比市面常吃的米線雞煲更出色，難怪是人氣拉麵店，食完都想再食。 =信州蘋果梳打 $35 + 可樂 $15=除了拉麵，飲品都可選

📌 鬼金棒📍 尖沙嘴 Tsim Sha Tsui🔍 環境氣氛十足✨ 牆上好高嘅地方有好多鬼神面具👹🤣 環境入其名, 超級有feel~ 座位寬鬆, 適合同朋友黎!!🔍 服務服務員態度好好👍🏻 -(👑爲推薦) ▪️芫荽辣麻味增拉麵 $110▫️增量叉燒辣麻味增拉麵 $135▪️肉碎飯 $35-❥ ❥ 芫荽辣麻味增拉麵鐘意食芫荽嘅一定唔好錯過💚份量好多!!! 鋪滿整碗拉麵🍜配埋下面麻辣充滿麻香味嘅湯底中和左油膩👍🏻 個人鐘意呢個口味多啲🤓另外都有兩舊中等份量嘅叉燒❣️❥ ❥ 增量叉燒辣麻味增拉麵增量叉燒總共有兩舊超大嘅!!♥️呢款叉燒有少少似東坡肉,上面脂肪, 完全索曬啲汁🤩拉麵方面就係粗麵條為主😍煙煙靭靭!!! 超滿足!!你會食到好飽肚🤰🏻❥ ❥ 肉碎飯肉碎飯味道正常✨ 肉碎有冬菇等等, 味道香濃!! -▫️味道：8.5/10▪️賣相：8.7/10 ▫️環境：9/10▪️價錢：7/10▫️服務：9/10▪️Overall：8.5/10 -🔍#CY拉麵 #CY日本拉麵 #CY尖沙嘴🔗#日本拉麵 #拉麵 #鬼金棒 #拉麵店 #尖沙嘴美食 #尖沙嘴 #尖沙嘴拉麵 #tstfood #tsimshatsuifood

呢一間日本過江龍拉麵店 除咗佢哋嘅拉麵出色之外🍜嚟到一定要食佢哋嘅叉燒🐷佢同平時嘅唔同佢係好似豬腩肉咁勁厚切😍肉質勁軟淋 仲好入味 一定要嗌增量版 大大舊超滿足✨

鬼金棒拉麵次次經過都排晒長龍，我一直都好想去食！點知今日咁啱見到門口終於唔使排隊！啱啱好夠位入到，我哋梗係即刻入去食啦！入到去覺得好有風味，成間餐廳都係好似妖怪村嘅裝飾，啲音樂有啲鼓聲都好有日本風味，然後入到去見到啲拉麵師傅喺度整拉麵，總之好有feel。呢度嘅拉麵款式唔係好多，相信係因為佢哋嘅招牌拉麵就係呢幾款！本來聽過朋友講呢度嘅沾麵超好味，可惜今次嚟到嘅時候冇得叫，應該係賣晒，於是我就叫另一款好熱門嘅菜式，辣麻味噌拉麵，而我朋友就叫咗個芫荽辣麻味噌拉麵，因為佢超鍾意食芫荽。唔係等咗好耐，就有拉麵食啦！芫荽份量真係超級多！我朋友超級興奮。呢度嘅拉麵叉燒好大舊，啖啖肉，而且豬味好香，非常滿足，而且肉質好滑。呢個辣味嘅味噌湯底好濃，食落好惹味，佢嘅麵條份量啱啱好，麵條係扁新嘅麵條，好有咬口，軟硬適中，幾啱我口味。朋友話佢嘅芫荽拉麵都好正，非常滿意。兩碗又多又高質嘅拉麵買單都唔使$300 ，滿足～

以前去台灣食過幾次鬼金棒 嗰陣已經俾佢嘅叉燒驚艷到 唔係一般薄切嘅日式拉麵叉燒 而係有少少似五花腩cutting既厚身叉燒每次嚟食都要額外再加叉燒 果層肥膏好邪惡 但完全令人愛不釋手佢哋既沾麵亦都係做比較濃稠杰身既質地 口味上亦都比較油膩 但亦都因為咁所以佢嘅香味係非常之出色 配菜嘅玉米筍 芽菜配搭煙靭既面條十分融洽！而今次呢碗麵係冇加辣嘅 但就嗌咗小麻 麻香味亦都夠 朋友就嗌左最基本款嗰隻拉麵 亦都係走麻走辣 要提一提佢哋嘅糖心蛋 質地做得非常之好 入味之餘 蛋黃仲處於少少流心嘅狀態 非常之咁有蛋香味

呢間日本過江龍人氣麻辣拉麵都開咗一段時間，仍然keep住好多人幫襯、星期六去到接近滿座，可見香港人對日本拉麵嘅愛🤪。呢度嘅招牌菜係麻辣味增叉燒拉麵。餐牌食物嘅選擇同花款唔多，但拉麵質素有保證。麻辣拉麵嚟講有得揀辣度同麻度。我朋友好食得辣，所以佢叫咗鬼增辣、高麻。鍾意食辣嘅人一定會想嚟挑戰下🤣。食完咁辣，拉麵店超細心，有粒糖俾食鬼增辣嘅朋友解辣。而我就無咁食得辣，所以叫咗中辣小麻。雖然無咁辣，但湯底仍然十分濃郁。拉麵韌度適中，叉燒大大舊肥瘦均勻仲燒到好香。而溏心蛋睇圖都知呢隻溏心日本蛋無得挑剔🤣，鍾意食蛋就一定記得要加。

鬼金棒🇭🇰Hong KongAverage expense pp: HKD$200-250+📍Address: 鬼金棒, Tsim Sha Tsui呢間日本過江龍拉麵曾經成為一時熱話，因為推出左地獄辣度🔥🔥，今日難得唔使排隊，當然要入去試吓！可以同大家講，我今次食完之後，下次一定會再幫襯。首先一定要試增量叉燒x2辣麻味噌拉麵（辣度方面揀咗鬼增辣，可以按喜愛選擇辣/麻既程度），兩大舊叉燒肥瘦均勻，入口除咗油脂嘅香味又可以食到瘦肉，平時唔食肥膏嘅母親都話呢舊叉燒好食！拉麵嘅質地係我鍾意嗰種，非常煙韌爽口，入口細滑，汲晒麻辣嘅湯汁，超級好食。重點係味付，佢哋嘅糖心蛋🍳簡直係冇得頂，因為太好食我哋追加左兩隻！中意食芫荽🍀，一定要點芫荽辣麻味增拉麵，成碗芫荽鋪滿晒拉麵，食唔到辣嘅人，可以好似我咁叫中辣，味增湯底好濃郁，芫荽增加左湯底嘅香味。食完油膩野，食完飲番啖可樂就舒服晒。