鬼金棒

营业中

休息中

芫荽辣麻味噌拉麵（$110）作為一個芫荽愛好者 當然要試吓呢個拉麵啦叫咗小辣湯底有啲油膩 感覺叫返正常辣會比較好食叉燒唔算好肥 不過不失芫荽就有啲令我失望啦 湯底完全冇芫荽味

出名的日本過江龍拉麵舖，依家去唔到日本，唯有係香港尋找日本風味。這家日本拉麵與其他日本拉麵唔同，走的係麻辣路線。可選小中大麻或小中大辣。味道唔錯，就係有D油。重口味食客可以選擇，但如果食唔到辣，就唔適合選這家。

星期三晚放工同男朋友黎食拉麵，佢好多好評，而且又有芫荽拉麵，一定要試下😆吾洗等位但得返bar枱，用qr code落單， bar枱望到廚師煮野，好熱啊，仲要食辣同熱野，食到成身汗😂希望可以有大啲冷氣🙈水係前面，自助的。芫荽辣麻味噌拉麵 加玉米筍 $110+$15叫左中麻小辣，我覺得中麻都唔係好麻，下次可以叫大麻，而小辣我就覺得一開始吾辣，食到最尾就辣，湯底吾會稀，粗拉面都好掛湯，軟硬度剛剛好，大量芫荽碎好正，玉米筍爽口但如果本身燒過脆d就更好。入面仲有一堆芽菜，食完飽飽男朋友叫左增量叉燒x2辣麻味噌拉麵 加味玉 $135+$15叫左小辣大麻，我飲左佢啖湯，大麻都幾得意，下次會叫。

好耐無出街堂食喇！難得約朋友出街，大家都好掛住喺日本食拉麵嘅回憶，所以今晚就揀咗食拉麵，懷緬下。晚飯時段，都多人喺門口排隊。叫得鬼金棒，舖頭入面真係放咗好多日本鬼面具同棒棒做擺設。設有吧枱，可以近距離睇到廚師煮麵、預備材料等程序。我哋點咗兩款拉麵，一款要麻辣，另外一款無辣。增量叉燒麻辣味噌拉麵我哋叫咗增量叉燒，另外辣度係少辣小麻。先飲一啖湯，帶淡淡嘅麻辣香，非常濃郁。兩塊叉燒非常厚切，大啖咬一口，油香味濃即溶，而肉質軟稔，非常出色。增量粟米筍份量多，有火炙過，所以食起上嚟，份外焦香爽口。拉麵麵身彈牙，掛湯一流。炒豆芽菜味噌拉麵另外點了一碗炒豆芽菜味噌拉麵。湯底帶着濃濃的豬骨味，喝上去感覺豐厚，濃稠。叉燒無增量裝咁大舊，但都係咁好味。芽菜炒得剛好，爽口無草青味。每啖麵都夾雜芽菜，一軟一脆嘅口感，開胃得很。另外，亦追加咗一份味玉，即是流心蛋。流心蛋好出色，值得一試。鮮橙紅嘅蛋黃呈半流心狀態，蛋味甚濃，而蛋白部分好軟滑，好味道！

今次經過金馬倫道都見到好多人係到排隊朝聖 適逢🐻🐻早放工嘅日子 (去到大約1830hrs有位) 緊係要黎依到試下佢什麼料子😆 唔食得辣嘅朋友都唔駛驚 雖然依一間餐廳係出名食辣 但佢嘅麵都可以揀走辣走麻👍🏻 依到好細心 驚你食到彈到成件衫都係 有圍裙👍🏻🥰🐻🐻叫咗以下食物:炒豆芽菜辣麻味噌拉麵(走辣走麻) - $100 (+$7.5 coke zero)走麻走辣嘅湯底就係普通的味噌湯 質感濃厚 唔算太咸太重口味 粗麵 份量都多 芽菜食得出有炒過 香口 叉燒一大舊 半肥瘦 overall正常發揮 🌟Rate: 7.5/10玉米筍辣麻味噌拉麵(少辣少麻) - $100 (+$7.5 coke zero)依到嘅少辣就似譚仔嘅五少辣 麻味唔算太出 好辣者可以中辣起跳 湯底同樣濃厚 啲麵掛埋啲湯都幾好食 玉米筍都係炒過 香口 叉燒同上 都係正常發揮 🌟Rate: 7.5/10肉碎飯 - $35簡單啲黎講佢就係一個魯肉飯 不過係一大舊魯肉 同樣肥瘦分明 有肉汁同香蔥拌飯 不過不失 🌟Rate: 7.5/10

之前成日見到呢間拉麵排哂長龍 今日趁機會嚟試一試😚 環境好有日本特色😍增量叉燒辣麻味噌拉麵（$125）味玉（+$15）叉燒真係大大舊好誇張😧😧 份量都好大 湯底好香配拉麵真係一流😋麵份好吸汁 軟硬度適中😙我仲加左味玉 流心做得好好🤤🤤莞荽辣麻味噌拉麵（$110）味玉（+$15）呢款真係啱晒鍾意食芫荽嘅朋友😂多到成座山咁呀 每啖都可以有芫茜 相信一定好香😙呢碗叫左中辣 油相對上都會多啲 但就好香濃😍😋

喺YouTube睇到有明星食，所以跟風嚟試吓。店舖無論門面， cashiar位置嘅擺設，定係內部嘅裝修，都充滿着「鬼」嘅蹤影，場內仲要一路播住啲打鼓聲，感覺好似入咗鬼屋食麵，好有氣氛香港拉麵店通街都係，但我欣賞呢間好細心，喺疫情下提供即棄筷子，同時驚客人食嘅時候彈到件衫，提供埋圍裙。嚟呢度點少得試芫荽拉麵，估唔到芫荽同拉麵咁夾！朋友就試咗真量叉燒拉麵，我哋大家都係叫小麻小辣，麻辣得來好惹味，唔太食得辣嘅人應該都接受到。好欣賞佢嘅拉麵係粗麵，而且好彈牙，麵質完勝佢嘅肉肥瘦均勻，好有層次，而且好厚身，入味。隻流心蛋更加係完美，顏色橙紅，好香黃味，流心程度剛剛好！

東京人氣過江龍辣麻拉麵🤍-👀沒有立場資訊-🌶增量叉燒辣麻味噌拉麵($130)塊叉燒真係好厚好入味，越食越香，肥瘦比例適中，而且肥肉入口即化😛至於個麵就夠煙韌又彈牙，湯底嘅味道幾豐富同濃厚，小編揀咗小辣同埋小麻，味道唔會死辣而且麻得好過癮，就算唔食得辣嘅朋友都可以揀唔辣！小編另外加咗隻蛋，隻蛋好入味，熟度啱啱好，而且大隻得嚟仲要係流心，蛋黃係橙色幾特別!!另外粟米筍幾大條同幾爽口，芽菜幾粗，食落可以令口感更加豐富，整體來講幾推介!!🌶特製辣麻味噌拉麵 ($120)一樣都有叉燒，不過冇增量叉燒嗰塊咁大塊，湯底會鹹少少，味噌嘅味道比較重，不過份量都係一樣咁大碗，麵、配菜、蛋都同之前嗰碗差唔多，不過小編個人比較鍾意食增量叉燒拉麵多啲！小編同朋友另外再加咗舊叉燒，味道比拉麵裏面嘅叉燒鹹少少，不過一樣都係食落好香~呢間拉麵喺日本都係人氣拉麵舖，平日人流都多，餐廳幾有日式風味，裝修同背景音樂都好日本feel🤣同埋上菜好快，食物質素都唔錯，不過除咗拉麵同埋飯就冇太多小食可以選擇，但係個人覺得都幾值得一試!!仲有拉麵嘅辣度同埋麻度都可以自由選擇，由唔辣到鬼增辣都有，總共有25種配搭，鍾唔鍾意食辣都可以試

😼😼😼呢間過江龍拉麵店主打麻辣 上網見到大量好評 like數亦係尖沙咀拉麵既top👏🏻 決定即使女朋友唔好食辣 都決定要去試一試🥶餐廳門口裝修好特別 有種要入去接受挑戰既感覺😂👍🏻當日係星期五晚市 我地提早6:30pm去食唔使等位 但都已經坐左一半 約7:20就開始滿 怕等位既可以參考店內半open kitchen 但勝在樓底高通風好 所以食完麻辣都無話成身味👍🏻QR code落單 menu只有主食無小食 如果多人去會比較寡👎🏻叫左兩款拉麵 1.味玉味噌拉麵（走麻走辣）-湯底較濃厚 味玉流心 蛋黃無調味 應該無滷過 算正常-叉燒一大舊 偏鞋 如果切片上 一塊塊食到肥瘦層次分明可能比較好🥶👎🏻-麵身較粗 係麵廠整好左既包裝麵 掛湯 份量非常多 等於加左底 好抵食！👍🏻我哋覺得 濃湯汁好掛湯 整體算好食 不過如果加多啲葱同筍會更香更好食！2.炒豆芽菜辣麻味噌拉麵（各款食材同上一碗差不多 呢碗主要講有不同既部分）-建議先試一啖豆芽菜 其實係芽菜（無豆） 即叫即炒過有香味 但因湯重味 連湯食就會食唔出-我叫小辣多麻 感覺麻味唔夠出 小辣大約係譚仔四至五小（全程連湯食） 但個湯好濃麵好掛湯 辣味

鬼金捧天氣轉熱之後都有一排無食拉麵～ 今日唔知點解突然好想食。記得之前經過金馬倫道有一間拉麵店，好快就搵到。當時下午一點鐘，無咩客，不過到我地碗麵到時，開始坐滿。開放廚房一眼睇到，店內燈光比較暗，不過加埋祭典音樂，在望望牆上掛門「魔鬼頭」感覺又幾激昂。QR code 落單的確幾方便，仲有紙圍裙供應。menu 好簡單，都係叉燒拉麵，同埋以辣為主。價錢亦是合理範圍。當中仲有芫茜拉麵😄 我同另一伴分別點了「味玉麻辣麵豉拉麵」同「增量叉燒拉麵」，增量款既叉燒有兩大塊，而且超厚。湯底唔錯，落單時可以簡大中小辣或者唔辣。拉麵質感亦係我鐘意既粗圓身拉麵，口感好煙靭😋叉燒唔係簿簿一片片既，係類肉豚角煮（東坡肉）咁，肥美之餘又唔會食到成口油～～ 半熟玉子好夠味，如果唔夠仲可以追加～

上次約左朋友食飯行過去餐廳嗰陣經過呢間鬼金棒，見到門口有個牌寫住有麻辣拉麵，覺得好特別🫢 即刻bookmark決定搵日要黎試下😎同朋友叫咗兩款唔同拉麵，佢唔食芫荽但我就好鍾意芫荽🤣❤️芫荽辣麻味噌拉麵 (小麻小辣) 💰1️⃣1️⃣0️⃣店員一放低就聞到好香嘅麻辣味😍叉燒同平時食開嘅日式拉麵一片片好唔同，呢度有啲似台式嘅控肉，煮得好淋，油脂部分入口即化，完全唔覺得膩🤤玉米筍燒烤過既香味完全cover左果陣草青味，比起平時食既玉米筍好食好好好多！😵麵條偏粗身，口感彈牙！搭配充滿麻，辣，芫茜味既湯底，好香好特別😋❤️特製辣麻味噌拉麵追加增量叉燒 (小麻小辣) 💰1️⃣2️⃣0️⃣➕💰3️⃣5️⃣朋友追加左叉燒，非常厚身，賣相都幾震撼😂溏心蛋蛋黃呈現深橙紅色，蛋香味濃郁！真係要日本靚蛋先做到🫢通常好有特色既料理一係就好好食，一係就好中伏😂好彩今次係前者😋 值得encore既拉麵！👍

留意左呢間日本拉麵好耐啦，行過門口咁多次，終於入到試啦。鬼金棒餐廳嘅格調好有特色，黑色牆身配天花板的紅色射燈，背景仲有一啲好有節奏嘅音樂，好似落左地獄嘅感覺。可能因為呢度係出名食辣野，真係辣到落地獄咁😂我地兩個人就嗌左一個玉米筍辣麻味噌拉麵同埋一個增量叉燒辣麻味噌拉麵配多碗肉燥飯。碗飯真係好正，啲肉燥夠晒肥，入口即溶。呢度嘅叉燒都整得好好，厚肉得嚟但唔韌，仲好入味。湯底咸道適中，食完都唔覺口渴。整體食物質素都係非常好👍🏻

♡‎ ♡‎‎ ♡‎ ♡ 尖沙咀 - 鬼金棒 ‎♡‎ ♡‎‎ ♡‎ ♡‎ 地獄小鬼主題拉麵店主打拉麵🍜 連小食都冇供售 肯定有一定實力好似有多款拉麵揀不過好多都好似 可能只係有冇味玉 或者叉燒多少嘅分別所以細心睇清楚 揀啱就落單喇🔹增量叉燒辣麻味噌拉麵 $130 小辣 小麻🔹特制麻辣味噌拉麵 $120小辣 中麻兩碗拉麵都係粗面、口感彈牙唔會太硬勁勁掛掛汁 啖啖拉麵都索勁多汁湯底有驚喜 秘製麻辣味增湯底有香濃豬骨味 最好嘅係麻同埋辣有五種級數俾你揀適合唔同人嘅口味試過朋友嘅小麻小辣後 我會推薦大家揀中麻熬足8小時既湯底十分濃郁唔係味精湯飲完唔會郝喉叉燒唔係傳統一塊塊既叉燒一大舊厚叉燒 啖啖肉 勁入味橙黃色半熟嘅蛋黃入口即化 仲要有流心效果🔹肉碎飯 $35肉碎飯發揮正常飯係用珍珠米 入口非常有咬口肉碎入味 不過分量較少૮₍´˶• ᴥ •˶`₎ა ：總評想滿足辣癮麻勁就啱曬你一碗拉麵食到好滿足😉◆*．◆*．◆*．餐廳資訊◆*．◆*．◆*．📍鬼金棒 (尖沙咀)尖沙咀金馬倫道20號地舖

📍被譽為世一麻辣拉麵既鬼金棒，隔一陣就會想食返。今次帶埋想食好耐既閨蜜一齊食。平時去開銅鑼灣分店，今次就試下尖沙嘴分店係咪一樣咁正先。➖➖📌  特製麻辣味噌拉麵（小辣&小麻）加芽菜 $135最熱門嘅拉麵，湯底非常濃郁，唔會特別好辣，拉麵硬度適中，面底份量好好好好多，味玉非常吸引，切開係橙紅色，唔洗叫增量叉燒拉麵都有舊又大又厚既叉燒，非常滿足。➖➖📌  玉米筍辣麻味噌拉麵+味玉+芫荽 $130身為芫荽控嘅朋友再添加了味玉同芫荽。玉米筍有九條，放滿碗面, 爽脆再帶點焦香味，鋪滿芫荽，綠油油一遍，感覺比拉麵份量更多。小麻小辣就覺得少少意猶未盡，唔算好夠辣。建議食得辣既朋友可以直接挑戰中級以上。​➖➖地址：尖沙咀金馬倫道20號地舖

我一直都有聽過「鬼金棒」嘅大名，呢日中午專登同同事早啲行過去金馬倫道試吓，皆因平日一點鐘經過佢長期都有人排隊😳。餐廳裝修型格，其中吧枱廚房嗰邊火光紅紅🔥，師傅唔係喺入面拉呀拉，而係炒呀炒，莫非呢個係鬼金棒特色？🌶拉麵有八款口味，不過其實分別唔太大，主要係啲配料有所唔同🍜。湯底得一款，但辣度同麻度可選，分別由無、小、中、高至鬼增。增量叉燒X2辣麻味噌拉麵($135)，增量叉燒係呢碗拉麵嘅主角，叫得增量果然係唔同啲！🐷增量叉燒長約十厘米，而且接近成吋厚，誇張到一個點，唔好忘記仲要有兩嚿！肉質帶點咬口，但肥瘦適中，油份都夠。拉麵嘅其他配料仲包括豆芽菜、玉米筍同韭菜蔥。芫荽辣麻味噌拉麵($110)，另一碗係芫荽口味💚，估唔到芫荽同湯底幾夾喎，無臭青味得嚟仲好香。🌶兩碗拉麵同樣揀咗小辣，辣度老小咸宜；麻度就分別試咗小麻同中麻，兩者確係有啲分別，但對比起四川米線嗰種麻辣就顯得有點小兒科，同期望中有少許落差。我哋額外加咗一隻味玉🥚($15)，蛋嘅流心效果強勁，我輕輕用筷子篤穿，紅紅嘅蛋汁如泉湧出來。拉麵麵條得一款，軟硬粗幼一律無得揀，哈哈😆。呢度嘅麵偏粗身，口感幾彈牙兼掛湯。總括嚟講，呢日終於食咗久