鬼金棒

营业中

休息中

食拉麵除咗個湯底好重要之餘，叉燒絕對係靈魂所在。每次食拉麵都只係得1-2片，真係食到到喉唔到肺。呢間位於尖沙咀嘅鬼金棒就推出增量叉燒，甚至係增量叉燒X2，包你可以過足叉燒口癮。 餐廳以紅黑色為主，牆上掛滿赤鬼同青鬼面具👹👺，充滿黑暗神秘感。 呢度主要有8款拉麵🍜，如果鍾意食辣🌶，不妨試下特製辣麻味增拉麵，見到成個湯底都紅卜卜都有點怕怕。 我同老公分別揀咗增量叉燒辣麻味噌拉麵＆增量叉燒X2辣麻味噌拉麵，唔好聽到辣麻味就嚇親，其實可以揀唔辣，非常欣賞呢度嘅叉燒，係厚切㗎，肉質好嫩，肥瘦適中，入口即溶，超好食，增量版叉燒比平時嗰啲更加厚，老公揀嘅增量叉燒 X 2，更加係超多叉燒，拉麵比較粗身，掛湯能力唔錯。 另外仲加咗個味玉，啲蛋黃顏色好靚，亦好夠流心，配拉麵食就最好不過。

同朋友一齊喺尖沙咀，佢指明話要食好味嘅日本🇯🇵拉麵，要我決定去邊度食😆，咁我問佢有冇去過呢間，佢話冇，咁我都唔諗啦，就嗱嗱聲掹咗佢嚟呢間拉麵店🍜開餐😆叫咗兩碗拉麵🍜，$100 嘅「炒豆芽菜辣麻味噌拉麵」同埋都係 $100 嘅「玉米筍辣麻味噌拉麵」，兩碗拉麵嘅 toppings 都係要咗 $15 嘅「溏沁蛋」同 $35嘅「增量叉燒」😋麻同辣嘅 程度都可以分開選擇，一碗揀「中辣大麻」另外一碗揀「大辣大麻」😆；「拉麵」辣味同麻味突出鮮明；「玉米筍」同「炒豆芽菜」都鮮嫩爽脆；「日式增量叉燒🐷」相當巨型，咁大件叉燒🐷依然煮得好軟熟，好有豬肉味😆

今日係尖沙咀睇完恐龍諗住食拉麵 就試下呢間鬼金棒入到去 店員招呼勁差一坐底門口位發現好熱問一下店員 話冷氣壞左 入面冷氣仲熱得個qr code 店員唔解釋下menu食拉麵 仲要係辣既 俾既水竟然唔係冰水正常呢個價位既拉麵都有冰水或加檸檬呢間乜都無 拉麵正正常常 揀左少辣中麻芫茜拉麵都有特色既 但唔算好好食叉燒勁難咬開有d失望 睇其他食評寫到好好食最差係店員態度 個個都唔想招呼人咁 壞冷氣又唔一早講好多客都入左鋪後頂唔順出番去特登寫夠字數比個差評 好差既體驗！

作為嗜辣之人 一直都好想試鬼金棒🍜餐廳以鬼怪作為主題 燈光幽暗 亦放咗好多鬼怪公仔擺設 氣氛都幾唔錯 幾有日本feel🇯🇵辣麻味噌拉麵 ($90)麵質方面係無得揀嘅 拉麵質地係粗麵 都幾彈牙 麻辣湯底比較濃稠 可自選辣度同麻度 我揀咗中辣小麻 都唔會話好辣 湯底濃郁而且又唔會太油 大推💫另外唔駛加一 都幾抵另外湯底附有一條玉米旬同少量豆芽菜 所以其實都夠食 但如果真係想食多啲蔬菜 都可以加$15揀炒豆芽菜或者玉米旬辣麻味噌拉麵😂美中不足係呢到嘅叉燒有啲似東坡肉 有啲肥 我比較鍾意一塊塊圓形叉燒多啲(˶‾᷄ ⁻̫ ‾᷅˵)朋友嗌咗個玉米筍 啲玉米筍堆到成座山咁 都幾抵食 鍾意玉米筍嘅朋友唔好錯過喇😛❣️整體食物質素唔錯 但服務質素有待改善😥推薦指數：🌟🌟🌟🌟

本人十分喜歡吃辣拉麵，是次點了一碗賣相可以😯😯😯😯問題來了😨😨😨😨😨拉麵是偏向暖身 可能是天氣比較熱既關係？？麵條幼細（比較喜歡粗太麵多一點）辣度平常人都可以吃得到可以接受。天氣比較熱 環觀四周 台上既水都是溫室溫度既水 吃過不少拉麵鋪 都有提供冰水 呢到沒都係失望😰😰😰😰😰😰😰服務沒有什什麼特別與否 正正常常 室內溫度不涼快就真🥵🥵🥵🥵🥵🥵🥵入黎食又係汗 食完都係汗😮😮😮😮

內有一條長長吧枱，可以望住師傅煮嘢食🐖🐖增量叉燒x2辣麻味噌拉麵 $135 + 味玉 $15-揀大辣個碗就會變成紅色 個人認為大辣個辣度啱啱好-叉燒厚切 半肥瘦 豬肉好入味 淡淡滷水味 而肉質嫩 唔會乾-味玉為流心蛋蘭王 蛋黃味道特別濃郁-拉麵微微彈牙 掛湯 惹味無比🐖增量叉燒辣麻味噌拉麵 $115 +味玉 $15 + 豆芽菜 $15-呢到嘅豆芽菜特別好食 加一份落鑊即炒嘅豆芽菜 伴麵一齊食到「索索」聲 口感好好-呢碗中辣個碗就白色-湯底橙紅色 極為滋味😋總括而言，味道無得輸😋，真係好好食，最惹味嘅拉麵

門面有支超大的拷鬼棒，店內裝潢有地獄的氣氛，紅色的惡鬼面罩、背景音樂....店內不算大，有Bar枱及數張木枱，不過夠冷氣都坐得舒服。門外排除等15分鐘就入得，雖然好多人，但都食得好快，所以等位唔算耐。下單用QR code，非常方便。拉麵有八款，價錢$90-$135，配料有味玉、芽菜、芫荽、增量叉燒......我地揀左特製及增量叉燒X2，果然好飽足。特製辣麻味噌拉麵 $120揀左小辣中麻，很香的黑蒜油味，拌勻麵與熱湯後，香味更明顯，先少少辣，後來個咀有點麻，辣度同麻度都接受到，食到最後開始又辣同出汗，幾過癮。拉麵唔會好幼有彈性，掛到湯汁，好岩配辣麻湯汁。味玉的糖心幾正，仲有少少流心蛋黃，蛋香濃郁，而且也鹵得很入味。增量叉燒X2 辣麻味噌拉麵 $135揀了無辣無麻，飲到湯頭原味，有脂肪香味加持，顯得湯底味道更濃更重味，湯底真係好味。兩件增量叉燒，豬味濃郁，肉質軟腍但未去到鬆化，脂肪好多好彈，可能煮得未夠火喉，唔夠入味，成舊未炆好既五花肉，食一件已經膩，以前銅鑼灣食過呢間幾正。

呢間東京過江龍鬼金棒一定係食辣愛好者會好鍾意嘅拉麵 佢哋啲麵又重口味又辣， 啱曬我呢啲咁鍾意食辣嘅人一見到佢個門面真係覺得好有心機咁裝修， 真係打卡一流🤣又重口味又食肉獸嘅我見到啲叉燒咁大嚿真係開心 湯底偏油同重口味，但啲辣度都可以選擇

食咁多餐今餐係令我最嬲既一次，今晚同朋友去食依間最近爆紅既日本過江龍餐廳，滿心期待，點知因為店員話我個安心出行藍碼無寫住藍碼兩隻字，唔合資格唔俾入去食！重點係我有針紙，針卡未過期，手機又係藍碼，又可以成功do到佢部針卡reader，所有嘢都pass，就係個收銀女人話唔合格！唔俾入，叫佢俾公司memo我睇，我跟足政府指引打齊針點解唔入得？乜嘢公司指引請俾我睇！佢又無法出示，叫佢請負責人同我講，又無，一味叫我同朋友走，趕客咁款，我話冇memo唔緊要，咁我宜家錄影，你頭先拒絕我入內既說話講一次，我send email問下你公司係咪有咁既指引，佢即刻無再出過一粒聲！極度不負責任，今次食都未食就被趕走，初體驗感覺超差！以後唔會再去！都唔會推薦人去！！！

好耐無寫食評，今次真係嬲到要出山！見到原來有其他樓主都有分享同類事件，原來佢日日都係咁！原本諗住陪朋友試吓間拉麵，點知嚟咗間黑到出汁嘅店！同朋友準備入店，掃晒針卡量晒體溫，明明大家都藍碼，點知就因為朋友冇更新最新版安心，店員唔俾朋友入，仲要態度勁惡劣！又話公司唔俾又盛，問佢攞證明又扮晒打電話死唔肯俾證明，全間舖由前台到師傅都態度惡劣！其後仲有幾班人嚟食都係同一理由被趕走，我哋後面對情侶都勁嬲 🤬🤬🤬又係俾佢呃完啫咗針卡之後唔俾入趕佢地走 🤮🤮🤮咁嘅態度真係幾有名氣都冇用 👎🏻👎🏻👎🏻

網上見到好多人評論這間過江龍日本拉麵店, 到尖沙咀shopping當然唔可以唔去朝聖吓😵店舖屬於連鎖店, 裝修都幾特別有少少鬼異嘅嘅感覺😅增量叉燒辣麻噌拉麵, 朋友唔係好食得辣、所以全部走曬辣麻不過廚師聽到我哋唔食得辣、建議辣粉同麻用碟仔另上、超級好人、抵讀👍义燒size 好巨型、麫質彈牙、配上濃郁湯汁、好襯好食、朋友將小量辣粉同麻加入麫內、竟然唔覺得辣喎、反而增加味蕾感、進入另一個層次。芫妥辣麻味噌拉麵加味玉(雞蛋)都係走麻辣、上枱時陣陣芫茜味傳出來、極喜歡芫茜的味道、入面有粟米心、义燒比較細舊D、份量都足夠、雞蛋係流心雞蛋、雖然15蚊一隻、但做得好好食、覺得值回票價。飲品叫了可樂、芬達汽水、好解喝、配拉麵一流。

呢間拉麵店都幾特別😂一嚟佢參考咗日本鬼怪文化嘅概念，二嚟佢竟然係主打麻辣湯底🌶呢樣嘢就已經夠吸引我！呢度係用QR Code落單，有得揀唔同辣度，當然亦可以選擇唔辣，今次第一次食，就試下佢個小辣先🤣佢仲有圍巾for你食拉麵個時防沾湯，呢點係幾貼心😌唔使成日就住就住～=====================🍜味玉味噌拉麵 $100因為朋友唔食得辣，所以呢碗就叫咗唔辣，入面有一塊五花肉、溏心蛋同一條粟米條，味噌湯幾濃郁，拉麵用咗粗直麵，整體不錯，不過個溏心蛋就fail咗🥲因為外面韌，但入面就仲係液態🥺🍜芫荽辣麻味噌拉麵 $110作為一個芫荽控，呢碗簡直係天堂😂因為成碗都被芫荽覆蓋，連湯都見唔到！不得不說，佢個麻辣真係幾辣🤪但唔似之前食過嘅個種日式死辣，呢隻辣幾香，個人幾鍾意呢個湯！呢碗都有附五花腩，辣辣地仲好味🤤=====================總體嚟講，個人推薦大家試麻辣湯😋有啲似食緊中式嘅麻辣，幾香口～味噌湯底唔會太咸太淡，配粗直麵唔錯！

當日我約咗兩個好耐無見嘅朋友去唱K，唱完K之後好肚餓，就諗住搵啲方便嘅野食食。其中一個朋友提議食鬼金棒佢最出名係佢嘅辣拉麵。可惜嘅係我兩個朋友都唔食得辣，而我嗰日又有啲肚痛唔敢再食辣，所以就無機會試到佢嘅辣湯底，但係我應承自己同你哋，下次一定要試下佢嘅辣湯底因為我覺得豆芽同拉麵湯底嘅油份係絕配，所以我就點咗炒豆芽菜味噌拉麵，有好多芽菜食落湯底油脂味實在太正啦，好快就成碗食曬，而且芽菜都好好味道。食完野坐咗陣，望下餐廳周圍。餐廳採用開放式廚房，師傅炒里嗰陣係好明顯感受到熱力 (我哋坐得近廚房)，另外，餐枱有水喉裝水，如果食辣可以即時添水，唔驚無水解辣。最後，啱晒幾個麻甩佬一齊食，雪雪雪！唔使講野，大家都好似交流緊咁

拉麵而言只接觸過香港的，對拉麵的認識並不多。喜歡白雞湯，其次是魚介，最後是豬骨。這間店的湯底我從來沒有接觸過，而朋友剛好說想試，所以抱著冒險精神去嘗試。湯底可以選"辣+麻"。由於本人覺得麻跟拉麵完全扯不上任何關係（我又不是吃譚記），所以我只選了小辣不麻。麵質比較像沾麵─粗。湯底本人覺得不是太好吃。肉不是叉燒而是五花腩，有好有壞。好處是份量看起來多一點壞處是如果太瘦真的吃不下去。本人的麵是1肥2瘦，恕我吃不下瘦的。蛋就好蛋。一碗120的拉麵，我吃一次可以了。這個價錢我大把選擇。

好耐冇嚟食鬼金棒啦🤩掛住佢哋嘅辣麻湯底拉麵 今次近近地過咗嚟尖沙咀分店 特登早少少 未夠5點就嚟到 唔使排隊就有位 勁正😇▪️ 增量叉燒辣麻味噌拉麵(小辣/無麻)▫️炒豆芽菜辣麻味噌拉麵(小辣/小麻)坐低就可以用QR code落單📱而家主打係做緊增量芫荽 不過我哋兩個都唔係好啱 所以都係叫返呢度嘅招牌拉麵🍜所有拉麵都會有蔥/豆芽菜/玉米筍 可以自己選擇要唔要兩碗都係選擇小辣 對於本身唔係好食得辣嘅我哋嚟講 辣味都算幾突出🌶而麻味就喺入面慢慢滲出嚟 好香 麵條亦都好彈牙 就算食得慢都唔會稔晒👍🏻主角叉燒保持到一貫水準 肥瘦均勻 好入味 我最鍾意食就係肥肉部份 夠晒稔🤤而豆芽菜都好推介比大家 炒到好香 口感好爽