鬼金棒

营业中

休息中

還未有假期飛去日本，唯有食住拉麵頂吓癮先，喜歡麻辣嘅我，鬼金棒絕對係不二之選！鬼金棒主打重口味辣麻味噌拉麵，湯底分五種麻度及辣度，足足有25款不同口味嘅配搭🥢增量叉燒x2 辣麻味噌拉麵 (加拉麵、味玉) - 自問係大食之人一定要點呢個，叉燒又大又厚，每嚿足足有100g！而且肉和脂肪比例恰好，沒有多餘肥膏！食落有肉味又夠軟淋。味玉亦做到流心效果👍最後味噌湯底好濃郁，選了中辣中麻，啱晒我呢啲喜歡麻辣嘅人😋🥢味玉辣麻味噌拉麵 (加拉麵) - 貴為招牌拉麵，濃郁嘅味噌湯底，橙紅色蛋黃嘅溏心蛋，叉燒雖然無增量咁大嚿，但都有50g！辣麻度都選了中度，而因為鬼金棒選用了較粗嘅拉麵條，能夠鎖住湯底嘅辣麻味，而且夠彈牙，食完真係超滿足!

出開尖沙咀做啲野，順便黎食晚飯～今晚係义燒+拉麵+地嶽之夜。因為依間食肆裝修以地嶽為主題，麻辣拉麵出名！老公咁鍾意食辣，點左個「芫荽辣麻味噌拉麵(高辣, 無麻)」，芫荽味十足，對老公這個芫荽控，就十分滿意，拉麵口感煙韌，又沾滿湯底，每一口都食到芫荽香加味噌辣味老公話十分夾。我依啲食唔到辣既當然係點「增量叉燒辣麻味噌拉麵」(無辣, 無麻)湯底濃郁味濃，但又唔會黏嘴漿口，超多蔥和芽菜，增加爽口感。拉麵沾滿湯底嘅精華，質感煙靭、彈牙！增量义燒大大舊，半肥瘦，脂肪入口即溶，义燒肉入味、少少咸，濃濃既豬肉，一口包含脂肪與肉既組合非常美妙🥰肉飯半肥瘦，見到已經好吸引，充滿醬油味，跟拉麵既义燒係2個味道，帶甜，配珍珠飯食，越食越停唔到口，就咁就成碗飯食晒👍🏻食完咁辣既拉麵，當然要飲返啲氣水啦～依度好細心仲提供圍裙免你既衣服因為食拉麵時俾湯汁彈到整糟糕👍🏻

餐廳門口成日都有經過，但就真係未試過，今日放工同老公行街停低望一望個Menu見到有莞荽仲要有麻辣🤤仲可以麻同辣可以分開揀程度，咁要入去試試佢啦💙🥢莞荽辣麻味噌拉麵揀左（中辣，高麻），一黎見到滿滿嘅莞荽🤤仲有舊好厚嘅叉燒，叉燒炆得好冧好入味👍🏻同平時嘅拉麵叉燒好唔同啵，中辣我覺可以再辣啲，下次會嗌大辣🌶️🥢增量叉燒x2辣麻味噌拉麵揀左(無辣,小麻)，叉燒x2舊叉燒大好多喎，仲有層厚厚嘅肥膏，唔辣個湯底都好味喎，加左啲麻好好食喎，從未試過呢個味道🤤好正總括嚟講佢哋嘅麵質好好，係比較粗嘅麵條，而且有咬口，我地仲有加左蛋，佢地嘅蛋黃係橙黃色，好味不過我覺得可以再流心啲，行過試到呢間好野，日後我地又多間飯堂啦💙

記得上一次食係大約一年前，對佢既叉燒同湯底印象深刻，幾次已經想返去食，但就吾到時間，今次終於有機會啦。識食既一定會叫特製麻辣味噌拉麵，我本身食到小小辣，印以order左小辣，全程掃code落單方便快捷落單後5分鐘度就送餐過黎，餐廳好貼心送上紙圍裙俾我地，我食嘢都吾會彈到自己，我覺得小辣程度完全可以接受到，相信其他師兄都沒問題我就自己加左7味粉啦，加左味道濃烈左，我想特別一提加左份增既叉燒，份量好足夠，廚師調味好夠，肥瘦亦剛剛好，我幾啖就食晒一舊，連湯底都飲左一半，我平時食較軟身啲既拉麵，下次會叫廚師煮耐啲我朋友都係食味噌拉麵，不過我2種都食過，價錢差少少推介食返特製味噌拉麵，首先配料已經多左好多，味道濃烈左。另外都值得提既係，餐廳入面環境都吾錯，座位與座位之間有較大空間，吾會輕易撞到隔離枱食客。提供埋儲物籃俾我哋裝私人物品，認真貼心一般餐廳吾易見到。食第二次我覺吾錯先會再試，性價比黎講值得推介俾各位食家

有朋友係外國返左黎香港，今日約見面嘅時候想食拉麵，行過金馬倫道見到呢間外面好特別既拉麵店就比佢吸引左入去開飯了🙈一入去就見到好多日本鬼既公仔同面具，座位有分四人枱同吧枱。入面座位好闊落，坐吧枱可以一路食一路睇廚師料理食材。我地叫左兩碗拉麵，玉米筍辣麻味噌拉麵🤩 （小辣,高麻,走蔥走豆芽菜，走韭菜，味玉，玉米筍）朋友唔食得太辣，所以揀咗小辣，又覺得玉米筍唔係其他地方有得食就額外加多左一份😃 食拉麵又點小得食流心蛋呢😍 而我就叫左辣麻味噌拉麵(中辣,高麻)，味玉。拉麵硬度適中，叉燒煮得岩岩好，入口即溶，又唔肥另外除左食拉麵之外仲叫左一個肉碎飯share，原來係用叉燒黎整，食落就好似台灣既肉燥飯咁，只係味道唔同食完仲見到招牌添

之前是被他家滿滿的芫荽所吸引，於是某天來吃late lunch。但到了後卻被他的大肉征服了。麵館是簡單傳統的佈置， 但又掛了很多鬼怪和狼牙棒，增添趣味。QR Code下單很方便。我就點了芫荽辣麻味噌拉麵，加味玉，加肉碎飯， 配一支完熟桃子梳打。拉麵比我想像中大碗， 喝一口湯，赤味噌混了麻辣香料餚製，中辣不是很辣，濃郁得來不會很鹹。拉麵碗有兩件大肉，是醬煮的腩肉，咬落是軟糯糯的但一點都不肥膩，我覺得比傳統的义燒好吃多了。拉麵質地比平時吃的較粗及厚實，有咬勁，很Q彈，好吃。我特意點了一只味玉，糖心的，贊！吃到最後，把剩下的湯加飯泡著吃，是吃拉麵的獨特吃法吧。

麻辣湯底日式拉麵鬼金棒絕對是 signature。只可惜事隔一年再品嚐 ,似乎味道比以往退步了一點 。芫茜麻辣湯底芫茜非常足料, 所以湯底非常香, 只可惜特製麻辣湯底就略為失色, 選擇了中麻中辣 ,麻辣程度強差人意。 拉麵的豚肉肥膏太多 ,同樣有改善空間。拉麵麵質就一如以往, 不過不失。 餐廳唯一值得一讚嘅就係提供免費圍裙, 咁就可以防止, 湯汁會彈污糟件衫啦。而且是日沾麵和拌麵 同樣沽清, 變相選擇很少 。畢竟餐廳的湯麵其實味道非常相似, 缺少了沾麵和湯麵的選擇實在失色。

這一間鞍下熟成肉算是在尖沙咀價廉物美的燒肉店,。剛剛開業的時候, 午市套餐價格更平, 而且供應頂級A5薩摩牛, 雖然份量並不算太大。最近價格略為調整, 但午餐食抵食蔥油慢煮 A5和牛橫隔膜保持一貫水準, 可是是日限定燒肉套餐已經取消 ,否則就是必點選項 。午餐時段更加可以用七折價錢選擇其他單點燒肉, 整體消費並不貴, 但食物有質素, 絕對值得再試。其他五餐選項包括A5和牛扒 ,質素也非常有保證 。餐廳服務水準也絕對是五星級, 店員願意和你詳細解釋 各式各樣的和牛部位, 讓您可以對所點的菜式有更深入了解。

平時星期六日經過都有好多人排長龍，今日平日過黎終於唔洗點排，梗係入黎試一試！門口就係好日本鬼神風，入到鋪頭d裝修都係沿用呢個風格。最欣賞係天花一整排紅光面具，好特別。因為我係芫荽控，所以我梗係要試下芫荽辣麻味噌拉麵，因為我唔食得辣，所以揀左小辣小麻，另外都加左味玉。黎到就係滿滿芫荽同葱！！！好滿足，因為佢個湯屬於濃味，所以搭配芫荽帶返d清新感覺就啱啱好。叉燒雖然得一舊，但係好林好入味，下次再黎會叫增量叉燒，因為真係好好食！拉麵軟硬適中，小辣小麻就係bb級，我唔食辣都可以輕鬆食到。至於味玉，好流心而且好重蛋味！朋友就叫左增量叉燒辣麻味噌拉麵加味玉，佢叫左小辣中麻，佢食得辣就覺得唔太夠啦，下次可以升級挑戰。感覺湯底同芫荽比較會清d，增量叉燒係一倍以上既size，好滿足！我地另外仲叫咗增量玉米筍，每條玉米筍都有烤過，咬落去好juicy同埋份量好多！

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】鬼金棒【地區】#Dr_eat_尖沙咀【類型】#Dr_eat_日式 【價位】中價位【用餐時段】午市【餐廳主打】麻辣味噌拉麵【𝗕𝗮𝗰𝗸𝗴𝗿𝗼𝘂𝗱】日本過江猛龍，號稱「死神拉麵」嘅「鬼金棒」，曾創下月賣27,000碗紀錄。主打嘅麻辣味噌拉麵，高達25款麻辣度比你慢慢挑戰────────────────────【環境/服務/衛生】。以日本鬼怪為主題配上暗黑路線。門面放置嘅巨型妖怪棒就相當顯眼。店內有吧枱及四人座,【特製麻辣味噌拉麵 追加豆芽菜 $135】。辣度：中辣，小麻。配料有慢火炆煮厚叉燒，炒豆芽菜，溏心蛋等。整碗拉麵嘅精華就在於湯底。加入多款辣椒及唐辛子。再以8小時慢熬而成嘅特濃湯底。入口濃郁辛辣而不油不膩。拉麵偏粗身，有嚼勁。豆芽菜係即炒，清爽仲好有鑊氣.【莞荽辣麻味噌拉麵 $110】。辣度：小辣,小麻。另一人氣拉麵就係增量版嘅莞茜辣麻味噌拉麵。中意莞茜嘅朋友真係必試。滿滿嘅莞茜鋪滿係拉麵上。配上彈牙拉麵同惹味極濃湯底。增加不少莞茜香同清新味.【可樂 Zero $15】────────────────────•• ┈┈┈┈┈

一路比呢間餐廳既門面呃左以為佢地主打係辣既拉麵為主原來都有得揀辣同唔辣、麻同唔麻估唔到日式拉麵湯底都做到呢啲選項。增量叉燒辣麻味噌拉麵 $115 🍜🍜呢度既叉燒同一般出面食到既非常唔同！！佢大件到我以為比錯左豬軟骨我增量呢款仲要有2件肉，叉燒肉質軟淋，充滿煮叉燒既醬汁味精粹既湯底用上味憎同醬酒去調配，越麻辣顏色越深麵條用上粗身既拉麵，冇得揀軟硬度，但口感都夠彈牙掛湯而拉麵本身都配有芽菜，韭菜同粟米旬，口感豐富。🍜味玉辣麻味噌拉麵 $100食日式拉麵最好食之一除左湯底，我一定推介係唐心蛋，呢度係原隻蛋上，蛋同樣用醬油醃製，蛋黃好深既橙紅色，蛋味更重食完碗麵除左暖笠笠，仲真係以為食緊麻辣火鍋咁，連條唎都麻麻地。

2023年3月15日 星期三今晚收工之後就同老婆出咗去尖沙咀行一陣間街再食飯行到去金馬倫道見到呢一間鬼金棒，之前曾經係銅鑼灣嘅分店食過，拉麵同湯底都好出色，今次一於再接再厲，入去試下其他口味入到去見到裝修真係好有特色，牆上掛滿咗惡鬼嘅面具，而且每一個都唔一樣，連燈光都轉左紅色，感覺好似打機係魔王城堡入面咁餐牌用QR code自助點單，夠晒方便，又可以圖文並茂見到食物嘅圖片，餐廳主打係辣麻味噌拉麵，不過老婆唔食得辣，唯有要無辣，而我最近喉嚨都唔太舒服，所以只可以叫無辣小麻好快食物就陸續嚟到，首先有老婆要既粟米筍辣麻味噌拉麵，無辣無麻，老婆話湯底好濃郁，鹹度啱啱好，同拉麵好夾又掛汁而我哋都另外加咗一份粟米筍，冇諗到嚟到嘅時候會有成碗咁多，粟米筍咬落去好多汁，又夠晒爽口，外邊仲有少少烤過嘅痕跡添，狂食都唔覺得好飽至於我就要咗增量叉燒x2辣麻味噌拉麵，有成三舊厚叉燒，脂肪同肉嘅比例差唔多，咬落去好鬆軟，軟林林，肉味幾濃郁，而且唔會覺得好油膩，湯底我要左無辣小麻，完全唔覺得辣，但有少少麻既感覺，都幾刺激最後我哋再加咗一份豆芽菜，因為呢間餐廳整嘅芽菜實在係太好食，炒完之後都仍然充滿水份，食落去係爽

放工又同朋友來食這間拉麵店😍 店舖位於大街，進入店內，燈光昏暗，有一排吧枱見到廚師製作拉麵，氣氛好熱鬧，好適合二人或朋友約會🤗 餐廳好貼心，有提供圍裙 以防客人弄髒衣服~ 我們各點了兩款拉麵 增量叉燒辣麻味噌拉麵 ($115) 加味玉(+$15) 加拉麵(+$20)、玉米荀麻辣味噌拉麵 ($100) 賣相好吸引，配料有流心蛋、芽菜、粟米芯、青蔥麻辣湯底好香濃，配上大大件叉燒，見到都流口水🤤 叉燒半肥瘦，口感軟熟，非常入味。流心蛋採用日本蛋，蛋黃呈橙紅色 蛋香味濃，好有驚喜！而拉麵偏粗身，有嚼勁，吃起來十分有口感。玉米荀的鮮甜和麻辣味噌的辣味非常搭配，整體來說好好味！😋👍🏻 我們也試了這裡的肉碎飯($35)，肉碎非常入味，肉質鮮嫩，搭配上飯粒的口感，吃起來非常過癮，一小豌便飽肚~

嚟過好多次 但依然好想不停食🥳呢到嘅拉麵比平時食開嘅大份 無論係湯底定叉燒味道出色👍🏻而且佢嘅配菜份量都好多 好抵食😍.📌增量叉燒辣麻味噌拉麵 $115拉麵叫咗無辣無麻 但湯底依然好濃郁😚最鍾意個拉麵夠煙韌彈牙 食落好有咬口 掛湯能力仲好高💯厚切叉燒真係冇得頂 肥瘦相間 油香十足 仲要同入味🐷有啲位望落去好似係鞋 但其實成舊叉燒都非常腍🍖另外加左豆芽菜(+$15) 望住師傅炒豆芽好似睇表演咁 啲火勁大 食落真係好夠鑊氣🔥不過有少少草青味 但有淡淡蔥油香味 所以都好味道🌱.📌增量叉燒x2辣麻味噌拉麵 $135呢碗就嗌左少辣無麻 湯底係由好多款辣椒烹調而成 好有心機 味道夠晒濃郁🌶平時食開辣嘅人可能會覺得個辣度唔夠 但唔食辣嘅就會覺得好刺激🥵增量叉燒有兩大舊 食肉獸真係大滿足🥹另外追加左玉米筍(+$15) 都係炒得好有鑊氣 食落超爽脆又清甜🌽

可能未到食飯時間見到呢間嘢冇乜人排隊又咁出名就入去試吓，我哋兩個其實都唔係好食得辣，所以最尾係嗌咗小辣，可能係因為呢個緣故，所以對我哋嚟講冇乜特別出色，麵底普通啦，湯底就偏清清哋油油地再有少少辣，唔係難食嘅，不過冇乜特別出色，不過不失。