影片
更多
2023-03-27
1596 浏览
2023年3月15日 星期三今晚收工之後就同老婆出咗去尖沙咀行一陣間街再食飯行到去金馬倫道見到呢一間鬼金棒，之前曾經係銅鑼灣嘅分店食過，拉麵同湯底都好出色，今次一於再接再厲，入去試下其他口味入到去見到裝修真係好有特色，牆上掛滿咗惡鬼嘅面具，而且每一個都唔一樣，連燈光都轉左紅色，感覺好似打機係魔王城堡入面咁餐牌用QR code自助點單，夠晒方便，又可以圖文並茂見到食物嘅圖片，餐廳主打係辣麻味噌拉麵，不過老婆唔食得辣，唯有要無辣，而我最近喉嚨都唔太舒服，所以只可以叫無辣小麻好快食物就陸續嚟到，首先有老婆要既粟米筍辣麻味噌拉麵，無辣無麻，老婆話湯底好濃郁，鹹度啱啱好，同拉麵好夾又掛汁而我哋都另外加咗一份粟米筍，冇諗到嚟到嘅時候會有成碗咁多，粟米筍咬落去好多汁，又夠晒爽口，外邊仲有少少烤過嘅痕跡添，狂食都唔覺得好飽至於我就要咗增量叉燒x2辣麻味噌拉麵，有成三舊厚叉燒，脂肪同肉嘅比例差唔多，咬落去好鬆軟，軟林林，肉味幾濃郁，而且唔會覺得好油膩，湯底我要左無辣小麻，完全唔覺得辣，但有少少麻既感覺，都幾刺激最後我哋再加咗一份豆芽菜，因為呢間餐廳整嘅芽菜實在係太好食，炒完之後都仍然充滿水份，食落去係爽
今晚收工之後就同老婆出咗去尖沙咀行一陣間街再食飯
行到去金馬倫道見到呢一間鬼金棒，之前曾經係銅鑼灣嘅分店食過，拉麵同湯底都好出色，今次一於再接再厲，入去試下其他口味
入到去見到裝修真係好有特色，牆上掛滿咗惡鬼嘅面具，而且每一個都唔一樣，連燈光都轉左紅色，感覺好似打機係魔王城堡入面咁
餐牌用QR code自助點單，夠晒方便，又可以圖文並茂見到食物嘅圖片，餐廳主打係辣麻味噌拉麵，不過老婆唔食得辣，唯有要無辣，而我最近喉嚨都唔太舒服，所以只可以叫無辣小麻
好快食物就陸續嚟到，首先有老婆要既粟米筍辣麻味噌拉麵，無辣無麻，老婆話湯底好濃郁，鹹度啱啱好，同拉麵好夾又掛汁
而我哋都另外加咗一份粟米筍，冇諗到嚟到嘅時候會有成碗咁多，粟米筍咬落去好多汁，又夠晒爽口，外邊仲有少少烤過嘅痕跡添，狂食都唔覺得好飽
至於我就要咗增量叉燒x2辣麻味噌拉麵，有成三舊厚叉燒，脂肪同肉嘅比例差唔多，咬落去好鬆軟，軟林林，肉味幾濃郁，而且唔會覺得好油膩，湯底我要左無辣小麻，完全唔覺得辣，但有少少麻既感覺，都幾刺激
最後我哋再加咗一份豆芽菜，因為呢間餐廳整嘅芽菜實在係太好食，炒完之後都仍然充滿水份，食落去係爽到有聲出，食極都唔厭！！
食左咁多野最後埋單$300有找，性價比好高
张贴
