鬼滷 (已結業)

一聽佢個名就知佢係fusion，中西合璧😂 環境乾淨，唔會好似大排檔打冷咁。🖤豉椒蜆$88🤍蜆鮮甜肥美，隻隻都打開哂，證明好新鮮，豆豉絕對係呢碟菜嘅情緒，食蜆嘅時候加埋啲豆豉一齊食更加惹味。🍳蘭王蛋蠔餅$78🦪好有驚喜，即叫即炸，超級酥脆，係我食過最好食嘅蠔餅之一，好多蠔仔，隻隻飽滿鮮甜，冇腥味，超足料。🍲潮式滷水拼盤（三選）$208🐥唔油膩，唔會滷水汁上面有一層油。滷水汁好香八角嘅味道。墨魚薄切好有咬口得嚟又唔韌，滷水鵝肉滷得非常入味，唔鞋口。平時焗豬仔髀就食得多，滷水豬仔髀第一次食，啖啖肉，真係唔錯。拼盤上枱嘅時候仲有蠟燭保暖，可以慢慢食，唔使驚凍晒。🖤黑松露蔥油拌麵$78🍝將啲蔥擺喺油入邊炸，啲蔥嘅味溶晒入啲油入邊，然後攞嚟撈麵，所以蔥油拌麵本身已經好惹味。佢仲有加咗啲黑松露點綴，令到味道更加有層次。🍺茘枝接骨木梳打$42🍹超級香甜荔枝味，同接骨木嘅味道好夾，甜度適中。最特別嘅係佢用啤酒罐裝，係餐廳自己包裝，好特別。

鬼滷 睇個名應該都大概估到食咩了😆首先會送上甜甜爆谷🍿椒鹽普寧豆腐 每嚿都炸到脆卜卜 非常乾身 入面既豆腐嫩滑 真正做到外脆內軟嘅感覺 呢個推介大家試蜆仔肉生菜包將蜆肉切到細細粒類似肉碎咁 加入菜脯 韮菜等 調味適中 唔會過鹹 包埋生菜好好食 潮式鹵水拼盤有三選同五選 我點左五選 包括鹵水鵝片(+$28) 鹵水鵝肉 豬仔髀 墨魚 慢煮鹽香雞 基本上每枱都有叫 份量都幾多 滷水味道唔係好重個隻 但都食到有多種香料味道 底層仲有豆腐墊底 而且吸哂d汁 夠哂入味 有點可惜係上菜時冇俾到醋我地 🙈同問過店員 係唔可以重覆選擇同款的現場環境較狹窄 枱與枱之間距離極近 座位唔多 所以記得提早預約🕑

口味：4/5服務：2/5環境：3/5性價比：3/5推薦？：😕因為睇到有Youtuber介紹性價比高，所以一直想試呢度既晚餐。總括黎講食物口味都Ok既，但係預約既Workflow可能就要改善下。服務麻麻 - 餐廳Book枱流程有好大改善空間，都幾影響食客感受。本身係想Book 6月2號(星期五)夜晚7點半，正常做法我早幾日就打去Book。//5月30號(星期二): 打去餐廳話7點半冇位，第一次叫我食6點。我直接話咁Book定6月9號(下星期五)7點半。餐廳竟然答唔知得唔得，但會晏少少覆我。(奇怪 - 點會唔知😳)6月１號(星期四)：兩日都冇人覆，我再打去問。餐廳第二次叫我食6月2號星期五6點😳。我再重申唔得，先成功Book 到6月9號(星期五)夜晚7點半3位。6月8號(星期四)：餐廳夜晚Whatsapp 確認Booking後，又再打埋電話黎確認多次，再第三次問我可唔可以食星期五6點😳。做生意想做多場晚市(6-7:30pm, 7:30-9pm)好正常，雖然餐廳做法麻麻地，但還可接受。但係以下呢個我就真係有啲不解😳。6月9號(星期五)：本身Book左3人，但有多1個人Join。咁我就Wha

Book咗星期五食，星期三晚打嚟confirm,咁都好正常，星期四又打嚟confirm!已經話尋日咪confirm咗囉？係呀，因為有啲full,所以想再cofirm。算！忍你！星期五又打嚟！ai….想再confirm吓同埋問吓你哋可唔可以食6:00（我哋book6:15）真心嬲！你驚人放飛機咪唔好比人book直接要排隊啦！訂檯嗰陣都無話食90分鐘。今日打嚟無啦啦變咗90分鐘。以前拍烏蠅，搵大島幫你賣一賣廣告就趕客。祝你好生意！未食就已經一肚氣

潮州人食潮州菜總係要求高一點舊式圓枱, 環境嘈吵, 地方狹窄已經不合時宜!這間鬼滷好有特式, 地方寬敞, 裝潢高級, 擺盤別緻, 細味長談嘅好地方😍潮式滷水拼盤$236, 滷水鵝入味, 肉質嫩滑, 豬仔脾兩支, 剛好二人分, 啖啖厚肉都好入味, 鵝腸份量亦唔少, 爽口彈牙 ，重點係有明火，可以保持食物嘅溫度👍🏻👍🏻豉椒炒蜆都幾新鮮, 豉椒完全可以帶出蜆嘅鮮甜味😍不過最估唔到椒鹽普寧豆腐我覺得係最好味, 外脆內軟, 椒鹽同普寧汁提升豆香味濃,賣相又靚😋😋

一向覺得潮州打冷多數是酒樓地方，原來都有新派潮州打冷餐廳，就是位於銅鑼灣的鬼滷。裝潢好摩登，眼前一亮。想食的蠔餅、生菜包也賣完蜜桃香茅烏龍茶 $42以罐裝賣相很玩味有趣，味道是重蜜桃香甜味。3款 $208墨魚、滷水鵝片（另加$28）、慢煮鹽香雞好貼心有燭台保溫鹽香雞肉好嫩滑，輕輕鹹香味墨魚片彈牙，滷水鵝片肉嫩，滷水味道剛好豉椒蜆 $88以這價錢份量幾多，蜆肉大隻無沙，炒得入味夠鑊氣。黑松露蔥油拌麵 $78上檯就聞到陣陣黑松露香氣好香的炸蒜片、伊麵掛汁度高，輕輕蔥油味剛好，再配黑松露醬，美味得令人吃個不停。

我與朋友特地在OpenRice訂了一張午飯枱,希望可以享受輕鬆的週末飲食時光。萬萬沒想到,去到餐廳後竟發現店員並沒有為我們留位,要我們either等上大約一個鐘才有機會入座;要不就要在餐廳狹小的等位區域與其他客人擠在一起。這種安排實在難以接受。 我們珍惜週末的時光,本來想避開人潮選擇預約枱,但餐廳的失職已令原本應該輕鬆愉快的午餐變得煩躁不堪。與其在餐廳門外浪費時間,或在狹隘空間裡不舒服吃飯,我們寧願選擇離開,改到附近另一間餐廳繼續我們的週末約會。整個飲食體驗令人失望透頂。餐廳訂枱服務敗壞,將客人耍得團團轉,實在有損食肆的信譽。我們預計短期內都不會再光顧此餐廳,也不會在OpenRice則此餐廳作任何推薦,以免其他用家同樣面對我們今次的遭遇。

鬼滷將傳統與新潮結合⚔️，創作出不同款式新派潮州打冷🥢。一出𨋢門已經被餐廳🔴紅色裝潢吸引，店內更設有吧枱位置俾你同朋友摸下酒杯底🍸🥃，放鬆chill下一整晚。·🍳蘭王蛋蠔餅 HKD$78即叫即煎嘅蠔餅🦪，熱辣辣香噴噴，色澤金黃吸引🤩。蠔餅入口香脆，用上蘭王蛋🥚使蛋香更誘人；蠔肉份量多而且每粒都肥美飽滿😚，配上甜辣醬同魚露食，個人很是喜歡😋。·🦆潮式滷水拼盤(選五項) HKD$278自選5款滷水，揀咗滷水鵝肉🦆、墨魚🦑、鵝腸、慢煮鹽香雞🐥、豬仔髀🍖，滷水味道唔會好鹹，味道恰到好處👍🏻；滷水鵝肉一定係必點，鵝肉充足其獨特肉香味🤩，肉質軟嫩，好好食! 而鵝腸好有驚喜，口感爽彈😚，第一次食到咁高質嘅鵝腸!! 仲有不可錯過墊底嘅滷水豆腐😍，口感係結實帶少少咬口嗰種，而且索哂啲滷水汁，必食呀😋！ ·🥣蠔仔粥(二人份量) HKD$108食潮州菜又點可以唔點蠔仔粥😻呢~ 二人份都已經有一大鍋，蠔仔都幾大粒，充滿蠔嘅鮮味😙；粥底係潮州粥唔會將飯粒熬到好綿嗰種，有少少似湯飯嘅質地，反而幾有咬口😋；個人更可按量加入芫荽、蔥、菜脯自行調味。·📍鬼滷銅鑼灣駱克道459-461號THE L SQUARE 21

今日和朋友聚餐，由佢話事🤭，最後帶咗我去銅鑼灣The L Square試下新店“鬼滷”。這店舊年年底開業，主打新派潮州菜式😋。店舖裝修以紅色🔴為主，整體感覺時尚又優雅，店舖面積不算大，但坐位闊落空間感十足🥰。餐牌📔選擇同樣簡而精，我們點了幾款菜式試下🤗。每枱有免費爆谷作為前菜。潮式滷水拼盤(3️⃣選) $208滷水拼盤有5️⃣選或者3️⃣選，如果想選鵝片要另加$28。滷水鵝肉鵝肉🦢啖啖肉又帶肉香，肉質結實但易咬🥰。墨魚薄切墨魚片🦑新鮮，肉質軟腍帶墨魚香味😋。豬肚豬肚🐖無雪味，滷得軟腍易咬🥰。豆腐(免費跟配)豆腐非常軟滑，好好味😋。蜆仔肉生菜包 $88生菜🥬新鮮，蜆仔鮮甜，肉碎肉味香，加上碟底炸過的脆麵條，4️⃣樣食材結合埋一齊食，既夾又好食😋。蘭王蛋蠔餅 $78蠔餅煎得非常香脆😋，餅底是金黃色的🟡。蠔仔粒鮮甜味美，加上日式木魚的鹹香，又是另一番風味🥰。椒鹽普寧豆腐 $68外層炸醬炸得非常乾脆🥰，加上混有類似七味粉的調味劑🧂，味道更加香口惹味😋。因為豆腐比較大件，而且非常嫩滑，所以豆味更出，口感更佳🤗。總括而言，食物味道好，價錢合理，店員服務細心有禮，店舖環境比較清靜，座位闊落舒適，好適合一班朋

上網做資料蒐集，發現銅鑼灣有一間新派嘅潮州菜，環境裝修都好有時代感，我同朋友都唔鍾意食大排檔，俾佢裝修吸引咗過嚟試吓一坐低職員就送上焦糖爆谷🍿，呢個餐前小食真係夠晒特別，焦糖味濃但又唔會過甜✨椒鹽普寧豆腐$68唔好睇小呢款簡單嘅菜式，要整得好食一啲都唔容易，豆腐做到外脆內軟，仲跟足傳統嘅食法，送上韭菜鹽水，可以食炸嘢嘅時候降低熱氣✨滷水三拼$208我地揀咗鵝片（加$28），鵝腸，墨魚🦑，滷水汁好香八角，桂皮，香葉嘅味道，鵝片太大片，顏色非常粉嫩，滷得好入味，鵝腸清洗得好乾淨，完全冇肥膏，仲整得好爽脆，墨魚都非常爽口彈牙，下邊仲有豆腐墊底，完全吸收晒滷水汁嘅精華✨蠔仔粥（二人份）$108蠔仔份量好多，而且粒粒飽滿，粥底係潮州粥，粥面仲放有乾蔥，特別香口，旁邊仲有芫荽，蔥，菜脯，俾大家自行調味✨黑松露蔥油拌麵$78一入到餐廳，已經好香黑松露嘅味道，忍唔住一定要試吓呢個菜式，拌麵嘅質地似係伊麵底，非常掛汁，黑松露份量超多，加埋炸過嘅香蔥絲，蔥油，真係十分惹味

未試過去樓上舖食打冷，顛覆了我對潮州菜的感覺，店內裝潢新潮，座位不多坐得鬆動。菜式雖是潮州菜，但又加了一些新穎的元素。有免費爆谷作為餐前小食。蜆仔肉生菜包 | $88生菜洗得乾淨且新鮮，蜆仔肉細細粒像生菜包般。蘭王蛋蠔餅 | $78蠔餅上的木魚不停收縮，外皮邊位炸到脆脆的，十分香口。蠔仔大粒亦都有蠔味，整個蠔餅大塊。椒鹽普寧豆腐 | $68傳統的普寧豆腐是浸鹽水，這款普寧豆腐外層加了椒鹽粉及黑芝麻，鹽水反而味道不太鹹，成了一個反轉。主菜三項 | $208自選5款$278，我選了三款，滷水鵝肉、豬仔髀、鵝腸。另有豬腩肉、墨魚、豬肚、慢煮鹽香雞。上枱時先上一個熱爐，再放上主食，感覺昇華了。鵝腸爽口入味，鵝肉厚實多肉，豬仔脾更有兩大隻，底下墊了豆腐，大碟到兩個人食不完。辣椒油由師傅自制，加了炸蒜，仍然帶點脆口。服務好，侍應有禮貌。

見到app 有7折Book左晚上去食餐廳位置位於大廈高層 環境清靜喺玻璃窗外仲見到馬場地方唔算大 坐得幾舒服我哋二人食一共叫左5樣野食今餐真係肥仔餐 叫咗好多煎炸嘢一入到去入咗，就送咗一份爆谷小食蜆肉生菜包 $88同平時嘅泰式生菜包唔同 肉碎入邊仲有一粒粒細粒嘅蜆肉 最驚喜嘅係肉碎底下仲有炸粉絲墊底不過個人唔係咁鍾意食蜆肉 個口感似食緊蜆肉鯪魚球咁味道但係都值得一試蘭王蛋蠔餅 $78依個蠔餅份量唔算大 但係都夠飽成個蠔餅形狀似pizza 側邊炸到好脆 圓形邊蠔餅面上邊仲有木魚鬆 食落仲有少少似大阪燒嘅感覺 fushion得黎 又幾夾椒鹽普寧豆腐 $68炸豆腐，出名係喺屋企好難做得靚呢度份量有六件 豆腐做到外脆內軟豆腐入口即溶 外面炸皮加左椒鹽7味粉食落好香口 真心推介隨餐仲跟一碗蔥湯 碗湯味道偏鹹 就咁食個豆腐都已經好足夠蠔仔粥 （2人份） $108最低消費要叫二人份量個粥好大碗 隨餐有跟 菜莆 芫茜 蔥個人唔係咁鍾意潮州粥嘅口感 似湯飯多但都特別的炒蜆 意想不到，係咁大碟仲要係蜆肉大大粒 冇沙👍🏿👍🏿係正常潮洲菜水準最後仲叫左兩罐汽水（$15/1罐）叫左咁多野 2個人係食唔哂的最後

「鬼滷」, 一聽個名都知係「玩味濃」既餐廳🌟睇裝修以為食西餐, 但竟然係食潮州菜, 但同時又有各類酒水, 頗具酒吧風。甫坐低店員就送上免費焦糖爆谷，大大粒, 又暖又脆, 即刻開胃晒～呢度雖然菜式選擇唔算太多，但真心好味同精緻😍最最喜歡這個蜆仔肉生菜包👍🏻👍🏻👍🏻👍🏻👍🏻, 超新派做法，由泰式+潮式而成，蜆仔肉加入菜甫，咸咸香香，加上脆米粉增加口感，再用生菜包住，爽甜的味道平衡蜆仔肉的味道，吃出清新，及不同層次的口感，非常令人難忘🥬。蘭王蛋蠔餅🍳, 即叫即炸, 送餐時木魚絲仍舞動, 色香味俱全；特別用上蘭王蛋, 配合蠔仔肉, 蛋香十足，還可看到橙黃色的蛋黃，惹味卻煎得不算油膩； 蠔仔大粒又飽滿，配搭特製醬汁令人停不了口😽。 既食潮州野，就少不了滷水拼盤，極有心思上菜時用微火溫著，別有一番風味😻。付上的2碟醬料，一款是常吃的蒜茸辣椒醋，另一碟是自家製的辣油，辣油極香，一問之下原來還好個別購買，絕對買得過。鵝腸爽脆，清得乾淨不太肥卻很有油香；腩片有脆感不油膩，墨魚亦很有口感✨最後還要試蠔仔粥，餐廳真的好講究，賣相已經令人垂涎，每口充滿蠔仔鮮味，還會另外分上菜甫、蔥粒和芫荽碎，錦上添花🤤！

鬼滷Turfs Mix & Match滷水鵝肉 + 慢煮鹽香雞 + 豬肚鵝肉肉質細嫩肥美，味道鮮香。鹽香雞雞肉嫩滑，鹽香味濃。豬肚乾淨，口感彈牙。各滷水材料入味，更可加點魚露調味。Turfs Mix & Match 配有滷水豆腐作伴菜。值得一提的是，鵝肉同鹽香雞都已經起骨，非常細心。黑松露蔥油拌麵Black truffle Scallion Infused oil noodle黑松露蔥油拌麵嘅黑松露醬香味非常突出，為蔥油拌麵帶出異國色彩。拌麵有咬口，加上以濃醬炒至香濃入味嘅蔥條，為拌麵爆香提鮮。椒鹽普寧豆腐 Puning Tofu椒鹽普寧豆腐充滿潮州特色，硬豆腐外層炸至金黃彈牙，入面保持軟綿。椒鹽令豆腐更香口。餐廳提供韮菜霞水，十分配合椒鹽普寧豆腐，更可帶出濕潤嘅對比，減少熱氣感覺。蜜糖柚子梳打 Honey Yuzu Soda &Rekorderlig Passion Fruit鬼滷雖然潮州菜做得不錯，但卻有西式酒吧嘅裝修同氣氛。喺餐飲選擇同小食爆谷尤其可見。

好耐無食潮州菜，喺銅鑼灣搵到間鬼滷。主要原因係見到有蜆仔肉。身為潮州人嘅我，細個嘅時候屋企會煲潮州粥，當時除咗有腐乳或者鹹菜嚟送，間中仲會有蜆仔肉。好想懷緬一下兒時回憶。當然上到嚟，第一款要點嘅餸菜就緊係蜆仔肉生菜包，另外仲點咗潮式滷水拼盤（三選包括：滷水鵝肉、墨魚、慢煮鹽香雞）同埋二人份量嘅蠔仔粥。蜆仔肉生菜包開頭以為就咁炒蜆仔肉再加少少肉碎，但呢度整法原來係會上漿再爆香。底層仲鋪咗炸米粉，將蜆仔肉加些少炸米粉再加上呢度特委嘅辣椒油，真係好好味。其實有食開蜆仔肉嘅人應該就知道佢原身嘅味道係超咸，而呢度食落嘅味道就已經處理好，咸味道適中。嚟呢度必試。潮式滷水拼盤（三選包括：滷水鵝肉、墨魚、慢煮鹽香雞）嘅滷水鵝肉入味；墨魚薄切好咬口；慢煮鹽香雞夠滑。蠔仔粥內嘅蠔仔份量好多，而且假隻都亂嘟嘟，跟咗蔥、芫荽同菜脯，菜脯都好好味！想試潮州菜嘅可以嚟試吓。