髀魔-雞髀第一店 (太子道西) (已結業)

D人讚話脾魔炸脾好正好好味， 今天去太子基隆街睇中醫， 路經便拜訪一下， 唔想太重口味啦， 只叫普通炸脾加麻辣粉。在門口約等6～8分鐘， 見到收銀女職員呼喝外賣速遞員， 感覺不太好， 外賣都係打份工姐， 我有點替外賣員不值。雞脾🍗 即叫即炸是非常熱的， 但雞脾超乾水， 硬及韌， 完全冇晒mood. 雞脾是超熱， 皮是脆， 但冇乜炸粉槳， 所以唔會好炸粉的脆， 但脾肉真係唔掂， 唔滑又冇乜肉汁， 失望。可能係我今次隻雞脾唔掂， 又或我要求高，只能比5.5分。麻辣粉晒得唔夠均勻， 麻辣粉唔太香， 覺得有點苦， 可能食中太多粉那部份， 苦澀， 唔香， 但食完就有點麻辣感， 仲有點口乾。真心🍗有點失望.

有d咩邪惡過, 游完水食炸雞脾! 如店家所講: 明天減肥明天算我order左正常size的椒鹽炸脾. 雞皮炸到金黃色, 咬落去"sok sok" 聲, 好鬼正! 雞肉好juicy~~再埋一杯冬瓜茶~爽!

我諗我應該買錯野，應該係要食雞髀，而唔係買野飲，呢杯珍珠奶茶得個甜字，無茶味，珍珠細粒無咬口，係得杯身設計吸引，呢杯飲品無下次，都係見$56有兩杯先同朋友一人一杯試下，極失望

睇咗YouTuber Manson 食嘅雞髀🍗片，🤴🏻就超想去試吓究竟係咪咁好食🤔🤔～～～黃金雞髀🍗（鹹蛋黃醬 ）～～～manson片中食嘅係髀魔👹，即係size會大過你塊面個隻🤗🤗，但我哋去到買曬髀魔👹當日就買左普通嘅！攞上手超熱超熱，大大pat鹹蛋黃醬喺隻雞髀上面，食落我同🤴🏻覺得喊咗啲😅😅！另外雞皮又簿又脆口，雞肉多汁有彈性！唔家鹹蛋黃醬都已經好好食😘😘～～～火焰金粒豆腐（麻辣）～～～炸到金金黃黃好靚仔👨‍🦱👨‍🦱，外皮實的的，灑上麻辣粉夠惹味，裏面豆腐軟林林，好大反差！但豆腐味就少咗啲😊😊～～～TEA芒芝黃金沙～～～買野食加飲品可以減$10就叫左Top 1嘅芒果飲品，杯裝係心形設計好特別，裏面嘅芒果好足料好香芒果味，食完炸野飲一流🤩🤩

認真🤣我覺得髀魔係呢個世界上最誇張嘅大雞髀🤣🤣係大過我隻手呀！叫左咸蛋黃醬黃金魔髀同經典髀魔，兩隻都大過我隻手，兩隻都勁juicy，我係食唔晒一隻！勁誇張！其實45蚊都可以接受嫁個價錢，如果你係鍾意juicy多汁，就食呢間啦！

外賣嗌咗黑松露雞髀，滿心期待。但食完之後乾到冇朋友 🤢其實平時帶10次9次都幾好，上次有一次食啲雞翼係生嘅但係都放過咗佢今次講真係頂唔順。希望你哋可以努力改進，買俾客人嘅食物九似好食但只要有一次難食人哋就會永遠記住。同埋嗌咗巨峰提子梳打，次次都唔記得多冰少甜 🥲我算係一個平均一個月都會買幾十隻雞翼同埋十幾隻雞比嘅人。今次雖然食黑松露雞髀覺得好難食好乾同埋有好怪嘅味。但係都會繼續俾機會再次食希望下次唔好食到藍色嘅黑松露雞髀雞翼。盡量小心啲啦，希望你哋可以加油💪🏻

前排响西貢舖食過一次，那次太夜，雞脾售罄，但最後點了什麼都唔記得了，因為係。好。難。食。。。解釋原因前，要講少少前因後果比大家聽。。。話說我哋前幾個號碼嘅三位食客好像等了很久，聽佢哋講等左有成45分鐘，同工作人員講話唔要了退錢。咁工作人員都十分唔好意思應要求退了錢。另一邊廂呢counter就有一個號碼叫左好耐都無人攞，我立下眼見到個工作人員好似攞左果份無人要嘅比另一個食客，我心諗：拿我寧願等耐少少你都唔好比果份擺到凍嘅嘢食比我。可惜好快就嗌我哋個號碼啦，即刻開黎食，唔熱嘅又唔新鮮。我估計我哋都係被派左果份無人要嘅嘢囉！炸物擺耐左會淋係常識吧，有無可能仲比其他客食呀雖然果下嬲左但“惜”食嘅我哋都打算比多次機會佢，前幾日就去左太子舖再買外賣，今次點了巨型咸蛋黃脾。返到沙田用了airfryer 200度叮了2分鐘，塊雞皮係好脆嘅，咸蛋黃醬都ok啦，推得幾滑嘅。食到入肉近骨嘅位置時開始發現肉質有點怪，望一望，頂! 粉紅色架！ 生雞肉我唔得囉，太嬲無影相比大家睇。仲有成7成嘅肉未食，無謂浪費，所以隊左入airfryer 160度再叮左成8分鐘，可惜太厚肉，都唔掂，最後切開曬佢再焗佢10分鐘。終於

肚餓經過，聞到好香，買番屋企一試，預左番到屋企會淋左無咁脆，點知有驚喜，隔左成廿分鐘，都仲咁脆，好正👍👍蛋黃好香，雞肶勁滑勁大隻，下次要試埋其他小食，有好多款式，仲要有珍珠奶茶好似都好出名🗣老闆幾有心思，比左兩包野我，打開原來係一對手套，一張紙巾+牙籤🥰值得推介

之前係西貢食過一次之後就難忘呢隻大過塊面嘅炸脾今次經過太子於是專登過黎買揀左經典嘅椒鹽味皮脆，入面仲要唔會炸到乾哂，仍然juicy 食過麻辣同椒鹽味，2款都好味😋，完全唔伏

本身係髀魔常客，無論太子定西貢店，都會專登揸車出去幫襯。近來的質素實在令人非常失望。由一開初，全盒魷魚鬚，到5月變到有1/3不是魷魚鬚而係非常韌的較細件的魷魚件。今日去買，一上車即打開來看，今次比例實在太誇張了，只有兩條魷魚鬚加三件魷魚件，魷魚件仲要好大舊。即落車拿回去跟店員講，我order的是魷魚鬚，不是魷魚件，係咪落錯單。女店員還理直氣壯說這是魷魚鬚。我跟她說，之前賣的魷魚鬚都不是這樣。她仍然說這些是魷魚鬚，根本就溝通唔到！！以免浪費，盒怎謂魷魚鬚，我地照食，但大大件魷魚件實在係超韌。雖然依家生意難做，但也唔應該咁誇張吧！這是我第一次在openrice給差評，因為這根本是欺騙！！

最初我在西貢墟「高勝樓」食街裡面，看到「髀魔 - 雞髀第一店」這間主打炸雞食品的專門店，第一時間購買了最大體型的雞髀食品「黃金魔髀」，以為可以重溫在銅鑼灣曾經食到的黃金鹹蛋炸雞鹹甜味道感覺。結果我在西貢食街分店「髀魔 - 雞髀第一店」裡面，購買試食完「黃金魔髀」，發現只有在雞髀表面的雞皮和雞肉位置有鹹蛋鹹甜味道，反而一到雞髀內部的雞肉，雞肉完全吸收不到鹹蛋黃的鹹甜味道。另一方面，西貢分店「髀魔 - 雞髀第一店」裡面只有炸雞食品，跟其他炸類小食食品供應，飲品就只有一般現成罐裝汽水，或者紙包飲品提供給食客選購了。後來我因緣際會，在「太子道西」跟「砵蘭街」交界的位置，發現到「髀魔 -雞髀第一店」原來還有在太子「太子道西」旁邊，開設了一間同時提供鹹蛋炸雞，跟台式手調飲品的分店。「髀魔 - 雞髀第一店」在太子分店店舖的其中一邊位置，設置了一個新的部門，專門製作台灣手調飲品，這個新部門的實際名稱，被店主改了名叫做「TEA魔 - 果茶第一店」。由於「TEA魔 - 果茶第一店」跟它自己的廚房，寄居於太子分店「髀魔 - 雞髀第一店」舖位裡面，所以基本上「TEA魔 - 果茶第一店」在「開飯喇」的資料，全部

今日下午茶想食炸野，見到呢間食炸雞髀派頭巧勁咁，於是就叫左隻蛋黃醬炸髀嚟食下～ 餐牌明明寫$35，但比錢就$45，加價，我估應該地舖租金都幾貴下～...真係即叫即炸，原隻生炸，好有誠意～ 等左近十分鐘，前面仲有幾個客，所以叫手腳好快～ 唔等得就唔好去食勒～拎返屋企都仲熱～ 未打開已經陣陣蛋黃香～仲有跟手套🧤 一打開～ 真係超大隻，似有半隻雞～ 好彩同人share,唔係嘅話都幾heavy~ 蛋黃醬配埋，香脆可口亦肉嫩，可以一試～

新假期同飲食男女或者大量ig food blogger都已經介紹過嘅呢一間炸雞𩨨，某一日行過路過，就決定試吓佢啦相信大部份人去到呢一種嘅鋪頭，都會係買一份或者兩份當小食咁樣食，但係因為實在太肚餓而且亦都到咗晚餐時間，所以我哋就一不做二不休直接當佢係晚餐咁大吃一頓鹹蛋黃炸雞𩨨雞髀炸得香口，肉質好滑上面嘅鹹蛋黃醬都幾香，亦都算足料不過因為個雞髀真係太大太厚啦，所以啲鹹蛋黃醬同佢對比起上嚟都係唔夠，食到一半就已經冇晒鹹蛋黃啦鹹蛋黃炸雞翼我對鹹蛋黃真係情有獨鍾，雖然好肥好高膽固醇但係真係好好食雞翼係單骨嘅，所以食落都好方便而且因為雞翼細細隻，啲鹹蛋黃醬包住佢就啱啱好，每一啖都有鹹蛋黃嘅味道椒鹽豆腐呢個豆腐嘅炸皮比較硬身，同入面嫩滑嘅豆腐形成強烈嘅對比出面啲椒鹽都好夠味，豆腐都好香，加埋一齊味道啱啱好豆腐真係超級熱，所以記得食之前一定要小心吹涼佢先炸番薯（梅子味？ ）因為我真係好鍾意好鍾意食番薯，所以忍唔住都要叫返一份當主菜食番薯都幾甜，呢個就係有啲似天婦羅嘅炸皮，比較軟身少少，但係都好香脆梅子味嘅粉好特別，鹹鹹地酸酸地，配埋入面甜味嘅番薯，好正另外，喺鋪頭隔離仲有一間叫做TEA魔（應該就係同一

全部都係炸野🤣首先有炸雞粒。我覺得普通炸得太乾，入面d汁都乾埋跟住有佢既招牌黃金炸髀真心正既，反而個髀佢又唔會太乾又大隻，啖啖充滿咸蛋味不過食完真心會勁飽，因為超大隻😍黄金秋葵同椒鹽豆腐堅正!!!炸秋葵個粉做得勁好唔會太厚撈埋個咸蛋同秋葵真係好夾而個豆腐我覺得整完岀泥好似係大牌檔食果d咁雖然豆味唔係超重，但佢係滑既

依隻炸雞脾真係好大隻口感方面真係好脆，肉質好滑，唔好會乾，肉汁都多，佢唔會好油，佢嘅外皮超脆，又唔會炸到好乾，而且佢椒鹽味好香，咁大隻都係$40，都算抵食👍🏻🤤