髀魔-雞髀第一店 (太子道西) (已結業)

髀魔同TEA魔係一個好好既組合,食隻雞髀飲杯嘢 = 一個完美既下午茶組合☺️。🔶️黃金魔髀（鹹蛋黃醬）（$48，8.5／10）唔平，但雞髀超大隻！同埋鹹蛋黃醬外皮超級香超級邪惡，食完呢隻髀真係唔駛食晚飯。😂🔶️黃金魷魚鬚（鹹蛋黃醬）（$46，8.6／10）繼續鹹蛋黃醬繼續超級邪惡😈，配埋魷魚鬚更加邪惡😈😈。魷魚鬚好入味，好有咬口，食唔停口🤤。🧋TEA芒芝黃金沙（原個呂宋芒） ($45, 9.3/10)呢杯係老闆極力推介！飲落真係相信佢有成個呂宋芒喺入面！非常杰！非常有芒果甜！中意食芒果既一定一定要試下呢杯！飲到最後，仲有一層椰奶完美作結💖。✏️總括而言，偶爾邪惡一下😈既好選擇👍🏻

🔺 髀魔-雞髀第一店 (太子道西) (太子)呢間係間唔中返屋企都會買既超邪惡之物--炸髀🤩食一隻都飽到七彩，再跟埋杯特飲仲有得減$10，今次有埋朋友上黎可以叫多幾款小食一齊share 食😋🔻黃金魔髀（鹹蛋黃醬）($48)大過塊面既炸髀，再加埋鹹蛋黃醬，真係2個人食都飽😂炸髀鋪上滿滿既鹹蛋黃醬再加勁多鹹蛋黃碎，每啖炸髀都食到勁濃郁嘅鹹蛋黃味。🔻經典魔髀（自家製椒鹽）($43)即叫即炸既超大隻炸髀，外脆內嫩有肉汁，加埋自家製椒鹽調出香味又唔會過咸，每啖都好滋味。🔻經典魷魚鬚（自家製椒鹽）($41)魷魚鬚炸得香脆，唔會勁厚粉，就咁睇都睇到條魷魚鬚既size，份量都唔少～🔻經典金粒豆腐（自家製椒鹽）($33)金粒豆腐份量超多，外面鬆脆，入面超嫩滑，忍唔住一粒接一粒，少少椒鹽調味岩岩好～🔻招牌水果茶($25)水果茶好足料，有多款唔同水果，飲落好清新好健康，唔會好甜，好快就飲晒😍買野食減阻$10 勁抵飲。🔻巨峰爆爆珠($20)爆爆珠係乳酸味，配埋巨峰底酸酸甜甜，味道好夾，再有梳打氣，勁解渴！

之前喺西貢食過一次，估唔到喺太子都有分店所以就試吓間店嘅門面好得意，一邊係叫tea 魔一邊叫髀魔 但其實都係同一間嚟食物嘅種類好多買嘢食再買飲品可以平$10黃金魔脾 鹹蛋黃醬 $48勁大隻呀仲大過我塊面啲皮上面有好多鹹蛋黃汁好脆 仲要熱辣辣新鮮就整出嚟 啖啖肉經典魷魚酥（自家製椒鹽） $41炸到好脆 本身已經好有椒鹽味所以已經唔使點任何嘅醬同埋份量都唔少 一樣係熱辣辣新鮮炸出嚟經典金粒豆腐（自家製椒鹽）$33佢個椒鹽就同頭先嗰個魷魚鬚一樣嘅椒鹽的確同普通出面買嘅椒鹽有啲唔同呢個自家製椒鹽係香啲可以炸到外脆內軟 仲好食過出面酒樓整嗰啲椒鹽豆腐粒tea芒芒黃金沙 (原個呂宋芒） $45-$10飲得到成個芒果係入邊好重芒果味夏天消暑飲一流

即叫即整所以等咗20-30分鐘炸物有3隻味-黃金蛋黃、麻辣和經典椒鹽🌟 黄金魔髀(鹹蛋黃醬）普通髀已經大隻，巨魔髀更驚人大隻過我手掌🤣而且切開見到好厚肉我自己一個食唔晒啊表面有鹹蛋碎粒和鹹蛋醬鹹蛋味偏奶香不會太鹹🌟經典魷魚鬚(自家製椒鹽）炸醬唔算好厚，透過炸醬皮會見到魷魚原條魷魚所以好長而且厚肉椒鹽味鹹鹹哋已經夠晒惹味🌟火焰雞軟骨(麻辣）麻辣粉唔太辣每粒雞軟骨都被炸醬包住每粒都有炸醬脆香和雞軟骨脆口感🌟火焰魔翼(麻辣）雞翼是單骨的方便食之餘每啖肉都食到炸醬不會有脫皮情況髀魔旁邊有一間另一系統店舖-tea魔炸物會令喉嚨乾乾哋要飲杯嘢濕潤下🌟TFA芒芝黃金沙芝士奶蓋底下有滿滿的芒果沙冰奶蓋好滑身不膩芒果沙冰好綿滑慢慢飲隔咗一個鐘都唔會融到流質好重芒果味🌟招牌水果茶望落配料有火龍果、燈、蘋果、西檸仲飲到香噴噴的百果香果味但不見其蹤影可能因為留下果汁但去其籽不過咁樣飲落變得順滑整體果味香茶味都唔錯解油膩之選註🔔：只提供外賣髀魔-雞髀第一店太子太子道西104-106號璟璜大廈地下1B號舖

黃金魔脾& 火焰魔脾炸雞脾真係大到不得了，賣相色澤都好靚，外皮脆得黎冇多餘既油。脆皮係全靠雞皮本身，冇用額外既炸粉，原隻生炸，好原汁原味。 最勁係入面肉質超級嫩滑、飽滿多汁，唔會炸到乾柴咁，調味都醃得好入味，自家製椒鹽，咸味適中，黃金炸脾好香蛋黃醬，簡直係絕配。經典雞軟骨雞軟骨炸得香脆但唔會太乾，加埋椒鹽同孜然粉之後，更加惹味，會食唔停口，送酒一流。經典金粒豆腐豆腐細細粒炸到金黃色，味道鹹香，外酥內軟，皮夠薄豆腐熱辣辣，估唔到街邊小食都可以媲美酒樓級數 。豆豆白雪飄沙飲到好清新豆腐味，豆味較濃，但會飲到冰感，打得更碎就更好。招牌水果茶水果較多有西柚、熱情果、菠蘿、橙，加上茶底吾錯，飲落幾清新，好解渴。

-髀魔-雞髀第一店🍽-黃金魔髀 $47咸蛋黃味既雞脾真係超邪惡😈仲要魔髀係平時雞脾既3倍！食完真係飽足一日😳雞脾外皮炸到勁脆雞肉仲好嫩滑又Juicy😋-麻辣魔髀 $43如果怕咸蛋黃太膩可以試麻辣味🌶佢辣味唔係d好辣個咀會腫個隻而係有少少辣再加孜然粉咁😋-黃金魷魚鬚 $46平時去酒樓一定要叫椒鹽魷魚鬚😂呢度有個再邪惡d咸蛋黃味！外面食到咸蛋黃味而入面又食到甜甜既魷魚😋-經典粟米仔 $34食炸物食到太膩既話就好推介試呢個粟米仔呢個非常甜又fresh😌-Tea 芒芒黃金沙 $45呢個沙冰真係飲到粒粒芒果🥭再加沙冰好解渴又解膩超正😋-奶蓋伯爵茶 $28伯爵茶就建議可以叫少甜加埋奶蓋perfect😉-🌟評分:🏅🏅🏅🏅🏅📍地址: 太子太子道西104-106號璟璜大廈地下1B號舖-#foodieluveat#foodisluveat_hk#foodieluveat_太子#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoo

作為一個脾控嘅我，當然會去唔同類型嘅小店食雞髀🍗今日去一間個名非常特別嘅小店-脾魔去食下佢啲雞髀😝除咗可以食雞髀之外，仲可以叫埋飲品🤗真係左兩個願望😛呢間小店有好多唔同類型嘅雞脾任君選擇😍除咗雞髀🍗之外，佢仲有好多唔同類型嘅小食🔺黃金雞髀🍗（鹹蛋黃醬）呢個雞脾真係好邪惡，除咗係炸脾之外，佢仲要係雞脾上面沾咗鹹蛋黃醬😻個雞脾外皮炸到卜卜，入面肉質好juicy 嫩口☺️仲要加埋啲鹹蛋黃醬一齊食😝真係完美嘅配搭😀🔹火焰魷魚鬚（麻辣）魷魚鬚炸好脆口，而且啲脆粉係薄薄一層，加油麻辣嘅，真係忍唔住食多幾條🤞🏼🔺海鹽芝士奶蓋烏龍茶烏龍茶上面擠上左一層厚厚嘅芝士cream🙃非常之邪惡🙌令我最印象深刻係個濕紙巾抹搞笑，因為食完呢餐真係要減肥🤣😈

真係俾錢買難受，好地地落order無人理不特止，仲叫你行開，等佐近半個鐘（冇客等緊），買佐3份餐，淨係俾佐2隻叉，好聲氣問，黑面同你講如果要額外叉要俾錢買，按一份餐1隻叉計都係3隻啦，講都費事，以後唔會再食，都會叫身邊啲朋友唔使幫襯！$3x-$5x一份小食黎講唔係平，態度咁真係不可一世

今日經過太子，好肚餓，決定去髀魔食個炸雞。今日有啲懶，所以就嗌咗啖啖肉嘅炸雞粒。上次試咗椒鹽味，今次決定試吓人人推介嘅鹹蛋黃味。等咗大約10分鐘，熱辣辣嘅鹹蛋黃炸雞終於到手。鹹蛋黃味真係好香，包住每一粒雞粒，熱愛鹹蛋黃嘅人真係唔可以錯過！大大盒好滿足！

天氣凍想食熱氣炸野，去咗太子著名炸髀店「髀魔」試下炸雞髀。去到見到原來有招牌巨魔髀/普通髀，另外仲有其他炸物，好似秋葵、粟米仔等。我哋一場嚟到，當然要試試佢嘅招牌巨魔髀。👍 經典魔髀（自家製椒鹽）雞髀新鮮炸起，睇咗店家介紹，原來炸一隻雞髀需要25分鐘，充滿誠意。一打開好震撼，雞髀超大隻。上面鋪咗椒鹽，椒鹽同炸物係永遠嘅絕配。雞髀炸得啱啱好，外脆內軟，外層炸粉唔算厚，入面肉質嫩軟。溫馨提示：♦️店舖下午兩點先開，太早去就摸門釘無得食 🕑♦️只提供外賣，記得諗定去邊嘆大雞髀

上完堂經過太子諗住去買個宵夜食下第一次預到服務態度超差既人，好似唔想做咁，同我落單嗰個男仔，極差嘅態度掛住撳電話不特止，同我落單好似好晦氣咁，原先我叫咗椒鹽魷魚鬚，差唔多整好嗰陣時，我再加多個雞軟骨佢話要等，我話冇所謂，跟住佢突然間大力拍個收銀機，我起初以為佢同個同事嘈交，但之後見佢哋有講有笑，咁排除咗呢個觀點，咁佢一係發我脾氣，又或者係有打曱甴我已經企咗喺度等，整好就咁申隻手出黎放低個外賣喺個收銀機隔離，唔係叫單number嗌人拎，食物味道同份量都冇咩問題，係多咗一肚氣姐，估唔到遇到啲咁嘅員工

一直都有幫襯開, 近排間舖頭好似唔休做咁, 買咗兩盒嘢食等咗成半個鐘, 問下佢要等幾耐, 佢答等下啦,有就叫你㗎喇,崔咩姐？ 之後紙袋都唔畀個,問佢攞,佢話要收一蚊,之前一直都吾使,唉,咁嘅服務態度吾會再光襯佢,希望大家都留意下

經過都成日幫襯，近期無論出品同服務態度都好唔掂。買咗兩盒外賣連袋都冇個！重話冇袋架要就加一蚊。打開盒雞有粒黑色不明物體，重又干又鹹。我發誓打死以後都唔會再幫襯！

以往一直都有幫襯開，叫外賣都會比個袋你入住啲食物帶走，今次見佢冇比，咪同佢講要行一段路問佢佢攞個袋，佢話另外要收費，一般出邊食是外賣都會有個袋俾你入住㗎喇，唔明點解佢要咁樣收費囉，擺明屈個客俾錢啦，以前又唔見佢要收錢嘅？同埋佢個金薄嘅紙盒，冇可能抵擋唔到啲油係咁滲出來，根本連5分鐘都頂唔順到，我返到屋企結果整到我成件衫，成手都係油，啲油漬仲要洗唔到，基本食物外賣嘅服務都咁差劣，以後都唔會再幫襯佢哋！

嗌左一個椒鹽魷魚鬚得4條大  ，2  條細，$3x元打開個盒果刻真係O左咀個盒咁大 仲有好多空位我就覺得非常唔抵食 冇下次了味道係ok椒鹽魷魚鬚但係冇椒鹽失敗左少少雞髀就正常