影片
更多
2020-02-12
837 浏览
新假期同飲食男女或者大量ig food blogger都已經介紹過嘅呢一間炸雞𩨨，某一日行過路過，就決定試吓佢啦相信大部份人去到呢一種嘅鋪頭，都會係買一份或者兩份當小食咁樣食，但係因為實在太肚餓而且亦都到咗晚餐時間，所以我哋就一不做二不休直接當佢係晚餐咁大吃一頓鹹蛋黃炸雞𩨨雞髀炸得香口，肉質好滑上面嘅鹹蛋黃醬都幾香，亦都算足料不過因為個雞髀真係太大太厚啦，所以啲鹹蛋黃醬同佢對比起上嚟都係唔夠，食到一半就已經冇晒鹹蛋黃啦鹹蛋黃炸雞翼我對鹹蛋黃真係情有獨鍾，雖然好肥好高膽固醇但係真係好好食雞翼係單骨嘅，所以食落都好方便而且因為雞翼細細隻，啲鹹蛋黃醬包住佢就啱啱好，每一啖都有鹹蛋黃嘅味道椒鹽豆腐呢個豆腐嘅炸皮比較硬身，同入面嫩滑嘅豆腐形成強烈嘅對比出面啲椒鹽都好夠味，豆腐都好香，加埋一齊味道啱啱好豆腐真係超級熱，所以記得食之前一定要小心吹涼佢先炸番薯（梅子味？ ）因為我真係好鍾意好鍾意食番薯，所以忍唔住都要叫返一份當主菜食番薯都幾甜，呢個就係有啲似天婦羅嘅炸皮，比較軟身少少，但係都好香脆梅子味嘅粉好特別，鹹鹹地酸酸地，配埋入面甜味嘅番薯，好正另外，喺鋪頭隔離仲有一間叫做TEA魔（應該就係同一
相信大部份人去到呢一種嘅鋪頭，都會係買一份或者兩份當小食咁樣食，但係因為實在太肚餓而且亦都到咗晚餐時間，所以我哋就一不做二不休直接當佢係晚餐咁大吃一頓
鹹蛋黃炸雞𩨨雞髀炸得香口，肉質好滑
上面嘅鹹蛋黃醬都幾香，亦都算足料
不過因為個雞髀真係太大太厚啦，所以啲鹹蛋黃醬同佢對比起上嚟都係唔夠，食到一半就已經冇晒鹹蛋黃啦
鹹蛋黃炸雞翼
我對鹹蛋黃真係情有獨鍾，雖然好肥好高膽固醇但係真係好好食
雞翼係單骨嘅，所以食落都好方便
而且因為雞翼細細隻，啲鹹蛋黃醬包住佢就啱啱好，每一啖都有鹹蛋黃嘅味道
椒鹽豆腐
呢個豆腐嘅炸皮比較硬身，同入面嫩滑嘅豆腐形成強烈嘅對比
出面啲椒鹽都好夠味，豆腐都好香，加埋一齊味道啱啱好
豆腐真係超級熱，所以記得食之前一定要小心吹涼佢先
炸番薯（梅子味？ ）
因為我真係好鍾意好鍾意食番薯，所以忍唔住都要叫返一份當主菜食
番薯都幾甜，呢個就係有啲似天婦羅嘅炸皮，比較軟身少少，但係都好香脆
梅子味嘅粉好特別，鹹鹹地酸酸地，配埋入面甜味嘅番薯，好正
另外，喺鋪頭隔離仲有一間叫做TEA魔（應該就係同一個老闆同一間舖）可以買嘢飲，我哋叫咗冬瓜茶，味道唔會太甜，但一啲都唔淡，正
佢哋會主動提供返手套同埋餐具，所以就算好似我哋咁樣直接喺鋪頭出面嘅枱凳嗰度食都唔會唔衛生
而且個店員好好人，我哋話要一份鹹蛋黃雞髀同一份鹹蛋黃雞翼嘅時候，仲主動問我地會唔會想試吓其他，兩個都鹹蛋黃可能會好齋但係因為我實在太鍾意鹹蛋黃啦，所以都係叫咗兩個嘅哈哈😂
张贴
