饞。台式食堂 (如心廣場二期) (已結業)

成日同男朋友經過饞.台式幸福食堂，但係唔知點解冇衝動入去食，總係覺得間野 hea hea 地😂但有次夜晚經過，我男朋友話好想食，咁我就陪佢去食。我地叫個台灣炸雞同燉紅燒牛肉嘅 set。個 set本身跟左個白飯。我同男朋友都唔想食白飯，所以就加咗錢轉滷肉飯同埋一個貢丸米粉。同埋叫左一杯蒟蒻球白桃烏龍茶。我承認我原本覺得佢係 一間hea hea 地嘅餐廳係一個錯誤。首先要講下個炸雞，分量好足夠，個炸雞好夠熱好酥脆，而且味道都唔錯以我叫嘅紅燒牛肉，配菜新鮮，d牛肉炆得非常入味同非常淋，好 juicy 而個滷肉飯就麻麻地，我男朋友話下次可以照食返白飯，唔使特登加錢轉滷肉飯。而我個米粉，得一粒貢丸，要加$12其實有少少貴..因為個 set本身都唔算係好平，又冇包野飲。最後，杯蒟蒻球白桃烏龍茶，都幾好飲，整體黎講，間餐廳係有驚喜，會再黎食嘅

本來想去食蘇媽，可惜太多人等位，諗起呢到有間台灣菜，所以轉戰食台灣菜。🍚出面等位入去時寫單， 主菜不多，有9樣主食🥬藥膳排骨飯$78+滷牛腱$25藥膳排骨飯不錯，充滿藥材味加淋豬肉排骨，送飯幾好；但滷水牛腱有咩理由肉中間的滷水係啫喱狀......呢個難接受。甜不辣：胡椒粉好多，可以叫其他。總結：無人等位可以一試

今日早左收工，係荃灣西想行donki，路過呢間台式餐廳，未試過所以決定一試。一坐低，店員已經好快比左menu比我地睇。同一時間，佢比左兩包消毒濕紙巾同口罩袋比我地，相當細心的小店👍🏻👍🏻叫左鹽酥雞餐加滷肉飯餐（$70+10)個鹽酥雞整得好好食，炸粉唔會太厚身，肉質好嫩好juicy，讚。因為啲雞都好濃味，所以個飯淡淡地中和返個味。花枝丸（$22)呢間炸野真係好出色，唔會有油益味，香口甜不辣（$20)大件夾抵食，讚仙草奶綠（$24)味道偏淡，中意健康又想邪惡一下嘅就好岩

以往一年也會回「家鄉」台灣一趟，勝在夠近又熟悉當地，隨時來個不帶腦袋、不用編排行程的快閃之旅。疫情嚴峻不說出遠門，連出屋門也心驚膽戰，難得外出晚餐，一於品嚐台灣菜，一解惦念之情。每次路過都被那小有的超簡約平實裝潢吸引著，那股舒適文青感，不其然令我回想起每次返回「老家」的感覺。內𥚃貫徹簡潔，淺木與灰白為主，沒有多餘裝飾及擺設，只剩下光亮的吊燈與靜悄的四周。開放式廚房讓整個製作過程一覽無遺，加上潔淨器具，用餐也加倍放心。抗疫時期更附送消毒片及口罩膠袋，既可保持個人整潔，又可保障餐廳衞生。簡單點餐紙一張兩面，共有7款套餐、小食及飲品供應，套餐加錢可轉滷肉飯或貢丸米線。主菜還附上圖片參考，整體清晰簡單易明。三心兩意的我們把點餐紙畫得有點花亂，服務只也耐心聆聽及覆述一次點餐內容，態度有善。最後決定點選一套餐分享，另點2杯飲品及2碟小食。藥膳排骨套餐附有台灣蓬萊米及開胃菜，主角藥膳排骨一共有三大件於碗內，肉質軟腍但不失嚼勁，而且濕潤度適中不覺乾身與鞋口。豬肉帶有輕藥材味，沾上特製醬汁藥材味更香濃，醬汁為腐乳鹹辣並帶有濃郁當歸味，味道有如把所有藥材濃縮於當中，大大提升了排骨的藥膳感。白米飯上淋上肉燥

位於荃灣大河道如心廣場二期一樓122號舍的 饞·台灣幸福食堂 (Chan Taiwan Cuisine)，主打台灣菜，餐廳有幾位職員來自台灣，他們的服務態度也相當誠懇。。餐廳提供的主菜有七款，全部也會包括台灣篷萊米和開胃菜，價錢約五十至七十多元一客。點了一客外賣的藥膳排骨 - Herbal Pork Ribs，約需要等待五至十分鐘。外賣也包裝得頗為整潔和乾淨，還會提供一塊消毒濕紙巾。開胃菜是蒜香娃娃菜，蒜香味相當濃郁，娃娃菜質感十分爽脆，味道鹹香。這道藥膳排骨使用了不少藥材，包括有：當歸、川芎、熟地、黃芪、甘草、紅棗、枸杞。藥材的味道頗為濃郁，特別能嚐到當歸的味道，但湯底的味道不會過鹹。排骨熬煮得離骨，肉質不會太硬，約有七至八件。另外還附上了一小盒芥辣，加少許在排骨上，能吊起排骨的肉味，肉的味道更鮮甜。白飯採用了台灣蓬萊米，軟硬適中，而且份量夠大，男仕也夠吃。

最近因為疫情影響，我都好少出去食飯。但係今日因為工作要去荃灣，經過如心廣場見到一間非常新淨，又光猛企理嘅台灣餐廳。而且好大間！今期仲有推出外賣優惠，我就決定睇睇餐牌睇吓有冇嘢啱食。我一個人食，就嗌一個套餐啦。叫咗紅燒燉牛腩，佢個餐仲送埋飯同埋開胃菜。等咗大概8分鐘，就收到外賣啦！即刻拎返屋企食。員工都好好人，禮貌好好。一碗牛腩份量都好多，好似食極都有咁。牛腩炆得非常入味，好好食一舊一舊食唔停。配埋佢個米飯，牛腩真係好好送飯呀！今次幾開胃菜係雲耳，酸酸美美，唔錯！另外我仲見到佢有一款係藥膳排骨，下次一定會嚟試埋佢！

WFH煮飯多左 食外賣既機會都多左好多🥳今日放工返屋企去左新開既如心廣場買外賣😆呢間餐廳有消費潔手液提供 又幫客人量體溫 買外賣都安心啲🥰返到屋企發現仲要消毒紙巾提供😇值得一讚呢間係主打台式料理🤩我地叫左個藥膳雞滷肉飯呢個藥膳味好重 感覺好健康😋滷肉飯又令到食到停唔到口🤓另外叫左個菠蘿蝦球飯😜甜酸食物總係令人好開胃😎值得一提既係呢個超足料有好多粒蝦球🤩跟飯餐仲有小食😛另外！買外賣仲有9折優惠🤪下次唔想煮飯既可以選擇呢間！

門面睇落好簡潔，响外面就見到個開放式廚房，雖然有市面有d蕭條，不過呢家店都幾多客，點咗鹽酥雞同薑汁烤豬排，雖然人客都幾多，不過都光速上菜鹽酥雞 份量都幾多，外皮卜卜脆，好惹味，紫蘇葉味道帶出雞味，雞粒有大有細，但都係一口一件，啱啱好食到，可惜雞肉有少少乾，不過唔會食到好油膩好滯薑汁烤豬排，薑汁炒豬肉比較常見，用豬排就第一次，豬排好腍，調味好好，薑汁同豬肉好夾唯一美中不足係切得好大舊，可能想睇落大舊，所以切成三份，不過都可能想保持肉汁同口勁每款都有開胃菜 豆角同台灣蓬萊米飯，飯粒顆粒分明，口感比較有嚼感，但無汁無醬會比較硬，所以如果配藥膳或牛腩會好適合仙茶烏龍茶，味道唔會過甜，烏龍茶好清新芳香，奶令口感順滑，加上清熱仙草，食完肉類同炸物可以有種清新感覺

中午還有堆積如山的工作，所以就買了外賣吃。見到這間台灣店外賣自取有九折。.今日我就食紅燒燉牛腩！很有心思餸同白飯是分開裝的，可以保留味道更加原汁原味。一打開盒飯，香味已經四逸，牛腩炆到好入味好冧，還有紅蘿蔔等配菜。牛腩汁有好多，撈飯食一流。每一個餐也會送上前菜，這個前菜有少少似泡菜的感覺。店員是台灣人，口音夾雜着濃濃的台灣普通話音，相信他們的食物都是地道由台灣帶過來的。.他還附送兩包酒精消毒，咁就更加健康衛生。

疫情期間，買外賣嘅次數多左，今日就黎試左饞，餐牌同平時一樣，外賣盒要加兩蚊，但有九折，折完係平過堂食嘅。餐廳相當快手，落單到打包好大概用了兩分鐘，哈哈，啱晒趕時間嘅打工仔。上面細盒係前菜，下面大盒就係飯同餸，外賣盒質地好靚，可以microwave㗎。是日前菜係貌似泡菜嘅野，醃製過的黃芽白，上面淋上了蒜泥汁，酸酸的又帶點辛辣，又幾開胃喎。主食要了鹽酥雞，滿滿一盒份量超多，放久了有點軟掉，但仍香口，多吃有點乾身，如果有醬汁會更好。哈哈，個人覺得雞嘅份量仲多過飯，好似食極都仲有咁。加了十蚊轉滷肉飯，半肥瘦加上多汁，拌飯吃好好味。整體感覺不錯，外賣也keep到水準嘛。

夜晚一個人 經過荃灣想簡簡單單食一個外賣嘅便當就睇中左呢度 台灣野感覺乾淨衛生 亦都好有效率😍😍落單之後大約2分鐘就可以拎到外賣👍🏻外賣要另加兩蚊 不過飯同埋湯會另外分開裝呢樣野都幾體貼😊主菜選擇唔多 簡而精紅燒燉牛腩 ($80)送台灣蓬萊米加開胃菜份量唔會太多一個人食就剛剛好啦而且好多汁d蘿蔔好入味配埋啲飯食就好有住家的感覺開胃菜係芝麻醬配台灣四季豆幾特別 第一次食係配芝麻醬食所以都有種不一樣的體驗😆

疫情之下，大家都乖乖留在家中。但肚子很誠實，餓了就要覓食，所以現在都鼓勵買外賣。路過如心廣場二期，見到這間「饞•台式幸福食堂」，外賣有九折，就買個紅燒牛肉飯套餐回家享用吧！打開才知道，原來餐廳送了一片酒精消毒紙巾，在疫情之下，真的感到很貼心。喜歡這個套餐還有一小盒泡菜，當開胃前菜，吃飯時更開胃。這是台式泡菜，沒有韓國泡菜的辣度，但有更香的麻油味，爽爽的，微微酸甜，挺好吃。紅燒牛肉，炆得很入味，夠淋，有適量湯汁，用來拌飯吃一流。還有紅蘿蔔、白蘿蔔一起炆，蘿蔔超甜，多汁也沒有渣，非常好吃。裏面的薑也煮得非常入味，不辣，所以連薑也吃光光。米飯是台灣蓬萊米，上面灑了黑芝麻，口感很綿糯，吃著很滿足，有幸福的感覺。這間台式食肆名字改得好，饞嘴的人可以一試。味道方面十分讚賞，外賣有九折優惠更加吸引我們路過的人。

趁著今日是閒日，約了朋友來到如心商場逛一逛。逛街時經過這間餐廳，看到餐廳設計簡約舒適，又是我們喜歡的台式食品，於是決定逛完街就來嘗試嘗試。我們點了一個鳳梨蝦球，一個鹽酥雞，兩杯飲品。現在外賣自取有九折優惠，還附上酒精消毒棉片，很貼心。兩份食物的量頗多，鳳梨蝦球炸得鬆脆，炸粉又不會下得很多，而且蝦球還可以保持脆嫩。鹽酥雞也炸得脆口，鹹香酥脆，肉質不柴。兩個餐都配台灣蓬萊米和開胃菜，開胃菜是泡菜。第一次吃台灣蓬萊米，質感不錯，較硬適中。

大家都知荃灣好多好野食🥳🥳🥳今日嚟咗如心廣場呢邊，發現咗一間新開嘅台灣餐廳，以白色和玻璃為主，光鮮明亮，十分搶眼🤩🤩🤩就入去試下。食食下期間，發現有好多人叫外賣🥡有台式便當feel，大家都可以買返屋企試吓㗎👍🏻👍🏻👍🏻🧡薑汁烤豬扒 $72套餐會有蓬萊米加開胃菜（紫魚加豆角）第一次試薑汁味豬扒，又幾特別🤣🤣🤣甜甜哋帶點薑味，豬扒切了4件，好鬆軟，非常入味。🧡紅燒燉牛肉 $80紅燒牛腩好大件，份量多，我一個人都食唔哂😂😂😂雖然好大件，但炆得非常軟冧和入味。加$12就可以加台式飲品，我就試咗🧡蒟蒻球白桃🍑烏龍，真係好好飲。平時都係食珍珠，今次竟然係蒟蒻球，非常特別，而且好有咬口。我平時已經好鍾意食日本嘅蒟蒻啫喱，今次加埋落去烏龍茶，又真係幾正，推介👍🏻👍🏻👍🏻

喺荃灣見完客，好肚餓，同同事係如心廣場搵食先，見到呢間食台灣菜嘅饞。好，坐低睇下有咩好食先！饞食堂超大碗滷肉飯，食台灣菜點可以唔食滷肉飯，滷肉好入味，食落唔油膩，拌飯一流，配埋鹵水蛋，正。紅燒燉牛腩，啲牛腩炆得好入味，又夠腍，平時我係唔食蘿蔔嘅，但呢度嘅蘿蔔炆得好好，無咗蘿蔔搶味，呢度嗌套餐仲會送開胃小菜，今日係麻醬豆角。飲品就嗌咗爆米花仙草奶茶同奶蓋仙草奶綠，奶茶茶味重，仙草好爽好滑，奶蓋打得唔錯，夠濃厚，鹹鹹地夠奶味。