饞。台式食堂 (如心廣場二期) (已結業)

喺荃灣見完客，好肚餓，同同事係如心廣場搵食先，見到呢間食台灣菜嘅饞。好，坐低睇下有咩好食先！饞食堂超大碗滷肉飯，食台灣菜點可以唔食滷肉飯，滷肉好入味，食落唔油膩，拌飯一流，配埋鹵水蛋，正。紅燒燉牛腩，啲牛腩炆得好入味，又夠腍，平時我係唔食蘿蔔嘅，但呢度嘅蘿蔔炆得好好，無咗蘿蔔搶味，呢度嗌套餐仲會送開胃小菜，今日係麻醬豆角。飲品就嗌咗爆米花仙草奶茶同奶蓋仙草奶綠，奶茶茶味重，仙草好爽好滑，奶蓋打得唔錯，夠濃厚，鹹鹹地夠奶味。