饞。台式食堂 (如心廣場二期) (已結業)

地道台灣菜响香港梗有一間實搵到😂真係想試晒真係有難度！我會揀d口碑唔錯或者有朋友推介去試吓😎今次呢間位於如心廣場二期一樓，商場好新好grand，交通都好方便，荃灣西激安殿堂連接旁邊就係如心二期🙌🏼台灣菜我最愛「鹽酥雞」：呢度選用台灣薘萊米口感乾粒粒分明...下次要試下加$10轉滷肉飯啦！鹽酥雞即炸可口皮脆肉滑，堅正！紅燒燉牛腩：蘿蔔燉到淋身勁入味！牛腩味濃唔韌，燉汁撈飯一流！跟餐加杯「蒟蒻球白桃烏龍」都只係$12都算幾抵👍🏽整體CP值高😋😋店員話呢個係新menu...下次再嚟試埋其他先😝

午餐想簡簡單單食，就想起在如心廣場有間文青台灣餐廳環境開揚闊落，入座時店員更會量度體溫，以保食客安全.午餐餐牌同晚餐一樣鳳梨蝦球 $78蝦球炸得香脆，意外地大份，有超級15隻蝦！蝦爽，不是冰鮮無味的，加上有菠蘿粒，酸酸地很開胃。.三杯杏菇豆腐菇菜三杯的味道很出，醬汁撈飯食都已經好好味。杏菇切成一粒粒，有肉的質感。下面有一大磚豆腐。.檸檬冬瓜茶清新自然很refreshing .餸的份量多，可以當一個小炒了，而且米飯選用台灣蓬萊米，特別好食。

今日又來荃灣喇，繼續如心廣場二期的覓食之旅，咦，有台式餐廳喎，好耐冇去台灣，都幾掛住啲滷肉飯等等台灣D嘢食。Menu只係得一頁两面，唔多，但都係我鍾意食嘅嘢。價錢都幾合理，我鍾意嘅滷肉飯只是50蚊，有埋開胃菜，飲品另計。『紅燒大牛腩』除咗炆牛腩還有開胃菜豆角而白飯亦係正宗台灣蓬萊米，牛腩燜得好鬆化，口感有層次，湯汁濃郁，送飯一流。『饞食堂超大碗滷肉飯』亦同樣配有開胃菜，同樣採用蓬萊米，滷肉油亮色美，醬汁濃香，配有滷蛋及青菜，色、香、味俱全。加配飲品蒟蒻球白桃烏龍』内有蒟蒻珠珠，白桃味幾出，好飲。

自從「激安之殿堂」•荃灣店•去年12月開幕後,帶旺咗荃灣西港鐵站附近幾個商場的人流,亦多咗好多新食肆進駐今日放工行經如心廣場,見有一間新店「饞•台式幸福食堂」,環境干淨,主打台灣美食,唔識煮食的我,決定食個晚餐才回家一個餐有主菜,飯+開胃小菜點咗個鳳梨蝦球+爆米花仙草奶茶 $93鳳梨蝦球~有10隻炸蝦球,可能炸粉薄,所以唔算太脆口,但蝦肉算幾彈口,加上沙律醬,入口酸酸哋,鳳梨唔係新新鮮菠蘿,似罐頭菠蘿,配搭一齊食,都幾好送飯飯係台灣蓬萊米,冇日本珍珠米粒粒晶瑩,但粘性都幾重,入口軟綿香滑爆米花仙草奶茶~可以自選甜度,茶味較淡,但入口都幾滑,加上仙草,有啲似涼粉冰,味道好好

肺炎嘅陰霾下大家對於出街食飯嘅動力都少咗好多😣😣😣但係真係太耐冇出過去食!!!唯有食完嗱嗱聲返屋企🤦🏻‍♀️🤦🏻‍♀️🤦🏻‍♀️今日就去咗屋企附近嘅商場荃灣如心廣場食個快飯！行行吓就見到呢間台式餐廳,就諗住試吓啦！呢間台式餐廳嘅裝修簡潔清晰，令人感到好舒服，一坐低就有一張點餐紙🤗今次叫咗兩個主菜套餐，佢每個套餐都會包一碗台灣蓬萊米飯，同埋一個開胃前菜🥰先來藥膳排骨😎呢個排骨份量都幾大碗，湯好有藥材嘅味道，見到裏面都好足了🤗🤗🤗有齊薑紅棗杞子等等嘅材料😎當然排骨都有好多舊😛😛仲要啖啖肉😛😛仲要煮得好琳😍再嚟就係鳳梨蝦球🙆🏻‍♀️呢個蝦球份量好夠真係有好多粒😮😮每隻蝦都係炸過脆卜卜，食落唔會有雪藏蝦嘅味道👏🏻👏🏻👏🏻然後每人叫咗一個嘢飲🙆🏻‍♀️蒟蒻球百香果綠茶🙆🏻‍♀️感覺好清新😋仲有得叫少甜😋建議大家真係要叫少甜，如果唔係佢甜嘅程度應該大家接受唔到😂桂圓紅棗茶杯茶真係好足料👏🏻桂圓同杞子多到食極都食唔完😇😇但真係好甜😂😂建議大家可以叫多一杯熱水混合嚟飲會比較好😂😂

肺炎當下，仍然冇損大家興致，去樓下餐廳新開店舖食嘢，行完donky donky之後去左 餐廳坐低食嘢， 餐廳好細心，將餐具全部收起收歸中央， 本來放餐具嘅地方都全部空曬， 餐廳每個座椅都可以畀客人去叉電， 兩個人去食 晚市 ，一人點咗一個餐。藥膳排骨套餐79hkd賣相吸睛，秘製蒜蓉泡菜，白飯， 排骨煮嘅藥味唔係好重， 亦都唔會太多味精， 將啲肉加入去 腐乳秘製汁入面， 味道好特別， 有新鮮感，以女仔嚟講排骨份量剛剛好， 如果藥膳排骨湯多湯又夠熱就更加好。鳳梨蝦球套餐78hkd賣相吸睛，秘製蒜蓉泡菜，白飯， 天婦羅蝦球炒炸得非常香口， 外皮脆而不厚， 加埋沙律醬配搭一流， 大蝦大隻！彈牙！ 唔會咸， 加配埋飲品或者湯就更正！，

朋友說台灣之食物亦是很好吃，為了解一解朋友之不快，來了這吃一個台灣文青食堂一到便看到簡單的餐牌，當地的感覺很重鹽酥雞大家去台灣旅遊時相信必定食過鹽酥雞，尤其夜市到處都能見到它的蹤影，香氣和外皮脆卜卜鹹鹹～必點招牌的，迷人，一入口也會停不下來，如果是鹽酥雞的朋友，正餐可以吃、也可以另叫，出色咬口好，棒，愛吃香口食物。紅燒燉牛腩所謂紅燒，加入大量的醬油、冰糖等調味料，讓菜肴成品呈現紅褐色，是台式料理經常運用的手法，這店的牛腩煮至軟腍～味亦不錯，紅燒味道突出。主菜有台灣蓬萊米～聽說台灣是稻米之鄉，有十多種精品米，品質、口感跟日本米相較毫不遜色，當然要一吃呢。開胃前菜亦特別。香港不易吃到也～

話說荃灣西新開左幾間商場後，食肆方面好多選擇，呢度生活圈超方便！今次試咗呢間主打新派台灣菜，裝修風格走年輕路線，開業不久便客似雲來😛1️⃣鹽酥雞配台灣蓬萊米（$70）開胃菜係泡菜，但同平時食開嘅幾唔同，相對無咁辣，容易入口～鹽酥雞炸得香脆可口，外層唔會過分油膩👍🏻而飯粒煮得軟熟且粒粒飽滿，口感不錯啊！2️⃣超大碗滷肉飯（$50）份量幾足，不過醬汁略嫌少咗啲～滷肉肥瘦比例正常，但係如果滷水蛋再入味啲會更佳😸3️⃣台式香腸（$26）香腸燒得啱啱好，外皮帶有少少焦香，好正！4️⃣蒟蒻球白桃烏龍（加$12）蒟蒻低卡健康，而且烏龍茶有解膩作用，整體飲品屬少甜，啱晒怕肥嘅人士💕

坐咗好耐＂防疫監＂，兩位主子要求假釋出外晚膳，於是近近地揀咗如心廣場，貪佢新開多選擇，而兩位就揀咗呢間＂饞＂，為食鬼揀為食的地方。呢度主打台式料理，煎炒煮炸燉同藥膳都有，幾多元化。店員比餐紙我地揀好嘢食就自行到前枱落order，其後送餐到桌。我地揀咗兩個套餐，再另點小食飲品，先嚟嘢飲，仙草奶綠同埋爆米花仙草奶茶，兩杯都有爽口的仙草，奶綠係我至愛，奶味和茶味好均勻，甜度適中，而爆米花仙草奶茶是甜度較高的茶飲，好啱無甜不歡之仕，將爆米花的香甜融入奶茶中，正好仙草可以中和一下。主食叫咗一飯一粉，鹽酥雞同埋紅燒燉牛腩，鹽酥雞炸得好酥脆，香氣迫人，滿滿一大碟，咸度同辣度剛好，香酥脆口，跟貢丸米粉，貢丸爽實，香菇味十足，不是粉溝丸，米粉係新竹米粉，又爽又滑，而湯頭亦好飲，有芹菜香和木魚甜，飲完都唔覺口渴。紅燒燉牛腩都好大一盤，牛腩又多又大嚿，燉得夠軟腍又入味，不痴牙，入口即化，仲有紅丶白蘿蔔做配菜，不但軟腍，仲索晒D精華添～滷肉飯也是不錯的選擇，滷肉肥瘦均勻，滷得夠腍又入味，不用佐餸菜也能征服一大碗小食也不能錯過，香口之選：炸花枝丸同炸魷魚圈，花枝丸炸到金黃色脹卜卜，爽口好味。而炸魷魚圈選用咗番薯

難得有朋友話要出嚟食飯，印象之中有人話依間餐廳新開不久，咁我哋就過嚟試下水準。餐廳裝修行年輕路線，整體帶有一種好Young的感覺，餐廳感覺好光猛。餐廳基本上都係食套餐為主選擇類型唔算好多，但全部都係台式食物.🌀#鹽酥雞套餐 $70另外加$10轉左滷肉飯，肉碎比起台灣食既比較大粒，而且肥肉唔算太多，相對上比較健康。鹽酥雞食落幾鮮嫩多汁，粉漿唔會過厚，有陣陣椒鹽香。.🌀#三杯杏菇豆腐 $68杏鮑菇🍄的厚實口感，食落好爽口，但係因為三杯汁嘅味道比較濃郁，所以我覺得稍為有少少偏鹹。.🌀#炸花枝丸$22每次去到台灣食餐廳我都一定會點，同樣加上椒鹽味道好可口。.🌀#蒟蒻球白桃烏龍 跟餐+$12蒟蒻球很Q彈，白桃味好香好濃郁。

如心廣場最近越開越多食肆，好多都係中下價位嘅餐廳，今次就試咗呢間台式餐廳，餐廳環境裝修簡潔，食物款式選擇多，都好有台式風味！餐牌主要都係套餐，叫咗鹽酥雞配滷肉飯(另加$10)，同埋鳳梨蝦球，兩樣都會跟飯同埋開胃菜，開胃菜係木魚碎四季豆。鹽酥雞，即叫即炸，鹹鹹香香，熱辣辣，好香口！一碟份量都好多，數埋應該有20件雞件。不過套餐唔包飲品，食食吓有啲乾。鳳梨蝦球同樣大碟，面頭加咗沙律醬，份外惹味！不過略嫌蝦球唔夠脆身，扣左少少分。至於滷肉飯，如果調味方面再咸少少就直情係台灣食到嘅正宗滷肉飯！整體來講，食物份量大，不過套餐$80唔包嘢飲就偏貴少少，抵讚嘅係餐廳唔使+1！

新開既如心廣場好光猛有好多新餐廳😋今日黎左呢間台式餐廳到食野！晚市有主菜 小食同飲品！我地叫左個藥膳排骨轉滷肉飯😝上到菜係配埋一碟碟小食好賣相好精緻吸引☺️雖然係滷肉飯 但食落口感一啲都唔油膩！排骨數量都有好多 好滿足🥳另外叫左薑汁豬扒飯🤓豬扒大大塊！一樣係煎得好香濃！再加左碟肥仔酥炸魷魚🦑😇呢餐好滿足！特別想讚一讚呢杯仙草奶綠🤩我叫左少甜！佢既茶味超級香濃🥳完全係中和食炸野既油膩感😆

今日去激安朝拜～血拼完就梗要去制埋個五臟廟～沿路行到如心先知嗰邊開多咗個如心二期商場～仲好多食市添，我地揀咗近門口的這家「饞」饞是為食之意，地方光猛簡約～開放式廚房，感覺簡潔俐落。店員遞上餐紙點菜，多款台式名物也是座上客～我哋一人叫咗一個餐～分別係薑汁烤豬扒同鹽酥雞～跟前菜同篷栗米，飲品可以優惠價追加～鹽酥雞先報到，好大碟，酥軟香脆，咸道適中～好食不油膩配米粉食也很合適～而薑汁烤豬扒夠惹味，烤到微焦，香氣四溢～肉質軟腍，是下飯好拍檔。佢哋呢度嘅台式飲品都幾特別，唔係度度有！蒟蒻球白桃烏龍同埋爆米花仙草～奶茶都係比較特別的飲料～前者有酸甜甜嘅白桃和烏龍的清香～加埋爽口的蒟蒻球，清新怡人～而爆米花仙草奶茶甜度較高，有爆米花的香甜～奶茶似港式奶茶，用仙草中和返甜度啱啱好～這處台式風味正宗價錢合理～仲免收加一，想念台灣的止渴之選~

又來到lunch時段試吓附近嘅新餐廳喇❗️今日揀咗如心廣場二期入面嘅呢一間台式餐廳💕整體以淺色為主，好夠光猛❗️感覺環境都乾淨❣️呢度其實平時喺同一般餐廳好唔同😲係好似大公司嘅飯堂咁，自己拎住一個盤，揀自己想食嘅嘢❣️揀完之後，行去收銀度俾錢➕拎餐具，再自己搵位坐～不過因為疫情關係，而家變左用order 紙點餐～入到去由職員安排入坐➕俾order 紙落單，不過lunch 唔包飲品呢下爭少少🤔我揀咗➡️➡️鹽酥雞$70➕貢丸米粉（另加+$12）唔另加錢會係配一個白飯的～有野食喇☺️鹽酥雞好香😍 一上枱即刻聞到陣鹽酥香味🥰新鮮即炸，熱辣辣非常香口❣️唔會炸到好乾，鎖到雞汁👍🏻一客嘅份量仲好多添🤩 一個人食埋真係大滿足丫❗️另外仲有個開胃菜送❗️我本來以為喺南瓜蒜泥配旺菜咁得意🙈點知食落原來係泡菜來😲幾特別👍🏻 酸辣度啱啱好❗️作為餐前小食的確非常開胃❣️貢丸米粉相對比較清淡💕正好中和一下鹽酥雞嘅香酥油膩感🤓食完仲可以行埋激安先走😍 係bonus嚟嫁❗️

餐廳裝修簡潔，位置不多，開放式廚房，感覺乾淨整齊，提供叉電掣，十分貼心。幸福套餐；紅燒燉牛腩 $80有前菜胡麻秋葵，十分翠綠爽口，灑上木魚絲，令鮮味提升。牛腩燉得入味又軟腍，牛腩汁惹味，加上綿糯的紅蘿蔔，伴飯一流，有家的味道。飲品：爆米花仙草奶茶 (套餐+$15)奶茶以爆米花焦糖香，取代一般的黑糖味，加上Q彈仙草，配搭清爽。台式炸蝦球 $78有涼拌雲耳作前菜，口感爽彈，配上黑醋汁，十分開胃健康，是不錯的餐前小吃。炸蝦球大大隻，外皮炸至金黃色，令人垂涎，肉質爽口彈牙，十分鮮味，還有多汁菠蘿和三色椒，清新平衡。