饞。台式食堂 (如心廣場二期) (已結業)

最近成日都食住家餸 ，今日突然好想食台灣野！ 見呢間好似新開左冇耐~ 又有牛肉飯幾吸引~所以行完街就過嚟食埋飯先走啦紅燒燉牛腩+開胃小食+滷肉飯 紅燒牛腩份量都算多牛腩十分入味！ 最正係肉質唔會偏硬~ 而且我哋加咗$10轉左滷肉飯！！ 轉左之後成個餐就更加吸引了 哈哈滷味拼盤 +蒟蒻球白桃烏龍🍑🍹滷水拼盤超級入味~我自己最鍾意就係滷牛筋牛筋入口即化~~ 牛展都唔錯👅值得一試喔~~而飲品方面🍑 白桃烏龍算高質！！ 個人認為如果不加奶蓋的話會更加完美 剩係茶香己經好夠了

新開的如心廣場入邊有很多餐廳到了晚餐時間人流都算多在西鐵轉入行不久就見到一間光鮮明亮的台灣餐廳悠悠播著周杰倫的歌，感覺年輕有活力.有七種主食，有藥膳、香炸、素食，迎合到不同人的口味我覺得這個鹽酥雞是最香脆最好食的，果然不失眾望，的確酥脆香口！我一粒都炸得很乾脆，不會太油膩。而最平的主食是滷肉飯，超大碗飯，女仔食應該食不完。滷肉的汁伴飯食令人十分開胃。.會叫一個煮食也有送開胃菜，今天送的是四季豆。.我這個位置有USB插頭方便叉電。.另外跟餐可以用優惠價加杯仙草奶茶及百香果綠茶，我就叫了外賣包裝，因為可以一邊行一邊飲。

行完Donki係荃灣西搵食先發覺兩間新商場都開咗好多新餐廳，呢間食堂主打台式料理同小食，好有住家飯嘅感覺，價錢唔貴，值得一試紅燒燉牛腩+台灣蓬萊米+秘制泡菜($80)牛腩鮮甜入味，肉質軟嫩，泡菜加咗蘿蔔蓉增加咗口感，冇韓國泡菜咁酸同辣，仲帶少少甜饞食堂超大碗滷肉飯+秘制泡菜($50)滷肉入味唔會死鹹，唔油唔膩，送飯一流，滷蛋如果係溏心就更加好啦爆米花鮮草奶茶(跟餐+$15)加鮮奶芝士奶蓋(+$8)呢個組合好新鮮，珍珠奶茶味嘅爆谷就食過，爆谷味嘅奶茶真係第一次見，奶蓋幾厚，入口幼滑，芝士味濃有奶香

老實講，自從一月開始，都未試過晚上可以係出面食飯，今次終於可以有機會出返來食野，真係好開心。不過，食還食，都係要注重衛生的。今次就去咗一間新開了一排的台灣鋪頭，如心廣場都算係荃灣區內新開的商場，環境都相對乾淨，而呢間鋪頭叫 「饞‧台灣幸福食堂」，感覺好小確幸，亦感覺好乾淨，所以就入去試試。今次我地兩個人叫左兩個餐，而且仲加配多兩杯特飲同小食。首先講個藥膳排骨套餐，聽店員講呢個餐是新出，味道係不錯。雖然我覺得肉骨茶同藥膳排骨係差不多，但聽返店員講其實兩者都係有分別，而佢地注重係個味道同藥材用料上，所以味道會濃一點。此外，佢地都好貼心咁配上一碟專心調配的醬汁，用來佐排骨用的，味道一流。至於碗飯，佢地好細心係飯上加了少量黑芝麻，賣相即係唔同哂。其次就係個大碗滷肉飯，飯上除了足料滷肉外，仲有一隻滷蛋，十分細心將佢平切，感覺特別滿足。佢每個套餐都會送上一碟開胃菜，今次係泡菜，酸度辣度十分適中，開胃之選！當然唔少得小食—台灣香腸啦，佢燒得好香，好有之前係烏來食台灣腸個種香味。最後到特飲啦，一杯係加左奶蓋芝的仙草烏龍，誤打誤撞原來呢個係好配搭來。至於另一杯蒟蒻球百香果綠茶，口感甜度適中，當你食飽之後

剛剛去買了個外賣，買咗排骨同埋糖醋魚塊，價錢及賣相都是OK的，但係點知返到屋企打開嚟食，食食下有一舊咬都咬唔爛，攞出嚟一睇點知係一個膠整食物嘅時候太唔小心了吧！

本身去過幾次台灣，多多少少都幾鐘意台灣D野食～經過幾次依間店見到個menu都心郁郁但幾次都係食飽左先見經過今次第一次去諗都唔洗諗立刻點左我最鐘意ge麻油雞麻煩注意返飲品唔係點我最鐘意ge～係因心情同天氣情況而有所不同今次真係大失所望話難食咩又唔講得上，係放得落口未至於好食lo～依個價格我真心覺得唔低je前菜講起個斗係幾好食建議食前low一low佢，隻蛋都唔差係唔係唐心ge就見人見至啦～到隻雞樣睇落去係ok ge但味道就覺得比較重鹹味無咩雞味，我又試過連杞子一齊食但真係救唔返個飯我食左一半有兩粒生米吐返出黎，最後安慰係杯薑母茶係比較正宗D我真係唔知會唔會再黎依間，因為環境同服務係幾好ge今鋪真係睇心情先知啦～

香港人搶野潮不斷，不禁讓人也要到大型商店掃貨，這日來到新商場如心廣場第二期，發現一間半自助式的台式食堂，開放式及自助形式經營，乾淨企理，店員親切在門口介紹點餐的流程，點餐方便快捷，先選擇冷熱飲品、其中兩份細碟小食、一份主餐菜款，及三款飯類。店內裝修一如台灣新式簡約風，空間感足夠，光線充足，而且菜款走向健康樸素路線，非常適合中青級上班食客。一個任君選擇的四部曲台式套餐:熱飲有桂圓紅棗茶及檸檬薑母茶，凍飲有阿薩姆紅茶、百香果綠茶及白桃烏龍小菜可以選其中2款，秘制泡菜、溏心蛋、涼拌四季豆、胡麻秋葵及涼拌茄子。秘製泡菜是重點推介，非一般泡菜，酸中帶甜，開胃之餘讓人有點驚喜的味覺。其次推介胡麻秋葵，口感爽脆。胡麻加上香口木魚幼嫩又爽口。涼拌雲耳用上黑醋調味，健康之選。溏心蛋兩人分享一隻是台式傳統風味。主菜款式有:饞嘴排骨酥、花菜乾豬腩肉、紅燒燉牛腩、麻油雞、台式糖醋魚柳及鹽烤鯖魚麻油雞份量比想像中較多，肉質鬆軟，口感嫩滑入味。微香的麻油味中，不至於過份肥膩，隔開油份的功夫做得不錯，是必飽的一款風味菜款。饞嘴排骨酥排骨酥細粒香口，炸得剛好適中，不會過份乾脆而保持肉質濕潤，惹味得來份量十分多。口感豐

又一間台灣風味的飯店位於荃灣如心廣場！好美味的套餐！價錢適中，份量都好多，都好夠食，D套餐有糖醋魚好正!魚肉又新鮮，即叫即制、口敢都好好，又脆口、D汁食落好開胃！真係必選之食！邋有蔴油雞味道好好，雞身好滑、又有咬口、味道又好香！真你食道唔停！總言之好有台灣風格的味道的感覺！真係可以到來試吓！回到台灣的感😋😋😋正呀!套餐裹面包埋特色的飲品，真係Ok！麻油雞幸福套餐 86蚊台式糖醋魚塊幸福套餐 80蚊

Wow…終於等到食呢間台灣野. 係香港食台灣野價格唔算平 要有水準都唔係間間有今次黎到呢間新開係如心廣場 實在太方便啦 係公司附近 Lunch 三人行走左去食 店內好乾淨 座位唔算多 店內係先叫餐 之後再付款已經貼好step 俾客人知道要先取餐再付款先叫了一杯檸檬薑 唔會好甜 薑味好重 好岩我口味 之後就點兩個前菜(冷盤)再黎就係主食一個 我叫了 “紅燒燉牛腩” 牛腩肉質好易入口既 牛肉汁好夠撈飯主菜都有6-7款俾客人選擇 豬牛雞都有依家既食店都開始興起先叫餐後付款 方便快捷 以上班族要快既話 都好岩 而且食物都好夠熱 下次會試下其他主食

如心廣場二期最近已開了不少食店，之前經過已想試下，今日就去了此店。店內企理光猛又簡潔，食物選擇以套餐形式亦分了4個單位自行排隊取盤領餐，感覺新穎又衛生。首先是取飲品 再有兩前菜，一主菜加飯我地3人點了各款不一來食，我選了前菜是秋葵同溏心蛋。主菜有麻油雞，雞很滑不鞋口又大份仲有香甜杞子浸著 。另外配了肉燥飯，味道真的似去了台灣食咁的。同事們就點了燉牛腩同排骨酥，前者肉嫩濃味後者炸得非常到位，不會乾争争。整體是好滿足的，因為很多餸滿滿一盤子

喜歡台灣的你，可以告訴我你有多喜歡嗎💓·近日如心二期餐廳陸續開幕，裡面有一間台灣幸福食堂，主打幸福套餐。裝潢簡單親切，濃濃既人情味😻 家的感覺連繫著台灣的幸福滋味❤·☆ 自選台式幸福套餐新店開業優惠一律68蚊👍包括：- 台式飲品 (一杯)- 饞嘴小菜 (兩款)- 台式主菜 (一份)- 精選台灣蓬萊米 (一碗)·台式主菜6款及飲品5款選擇，每樣都係精心手巧，好有屋企既味道💓 我同朋友揀左台灣女士喜愛既麻油雞及香濃惹味既紅燒燉牛肉，每一啖都充滿台灣的味道😍 不禁令我又很想念台灣了。飲品方面個人推薦白桃烏龍茶及桂圓紅棗茶🥤 味道絕對不遜色於茶飲店啊！·店員人情味滿滿❤裝潢跟台灣人一樣的簡單❤味道充滿台灣幸福❤·想念台灣的您一定要來啊💓💓

來到如心廣場覓食 記得朋友介紹過這家店舖🤤所以決定一試才行 去到的時候還未到營業時間店員先安排我們入座等待 不用客人在外面排隊店舖環境裝修簡約 坐位有吧枱和普通餐桌選擇另外部分位置還有充電位提供 可解決燃眉之急坐位雖然不太多 但坐位下面另有小鈎可以放袋子食物是以自選形式選擇想食的東西然後再結帳付款一份餐選擇一杯飲品+兩份小食+一份主食+米飯🤤食物價錢由HKD$78起🙊 是一個份量十足的套餐飲品：桂圓紅棗茶/檸檬薑母茶小食：秘製泡菜/溏心蛋/胡麻秋葵主食：麻油雞/台式糖醋魚塊米飯：十八穀麥米飯/饞食滷肉飯我們點了兩個套餐共同分享可以食到多一點食物小食有很多款選擇 秘製泡菜的味道有驚喜🤤🤤無論是顏色/味道與一般食的不同 很開胃的小食另外點了溏心蛋 一切開看到流心效果很治癒呢~靜靜選擇了麻油雞 是我每次去台灣必食的東西😍香港不太多地方食到 麻油味道很香雞肉肉質很滑份量有很多食到很飽🤭 糖醋魚塊酸酸甜甜很開胃飲品味道不太甜挻好 熱飲是要另外通知店員拿取食物素質不錯而且份量挻多 男生應該可以食到很飽

今日一早去咗荃灣如心廣場開會，開完會都攪到成點半，肚仔餓當然要立即搵野食醫下肚。係商場行下行下見到呢間台式幸福食堂，立即俾佢吸引住，決定要入去試一試無他嘅，佢地提供套餐價錢合理，包一杯台式飲品🥤同餐前小食，成set咁感覺上好滿足😋。一入到去已經可以即時選擇兩款小食同埋飲品，再揀主菜，成個流程方便快捷，特別適合趕時間嘅朋友，起碼唔會有漏單白等嘅情況出現。佢地提供嘅餐前小食有四款，其實四款都好吸引但最終我揀咗菜同木耳，特別想讚下個菜，酸酸地但又幾野味，好開胃。另外兩款雖然我冇揀但下次有機會我都想試下。主菜我揀咗佢地嘅牛腩，味道好但又唔會太咸，呢樣抵讚。 蘿蔔亦都非常入味，我首先食晒嘅就係d蘿蔔。另外不得不提佢地d牛腩煮得好稔，各位食神都知如果牛腩唔夠稔的話就味道點好都冇用，但呢度d牛腩就冇呢個問題。加埋個肉燥汁飯，呢個價位黎講真心❤️冇得輸，各位經過如心廣場不妨一試！

激安開咗，相信將來荃灣西會係新蒲點，我同老公在附近搵食，見到有間裝修簡潔，新台式的自助食堂。主食我地試左饞嘴排骨酥，台式糖醋魚柳。排骨即炸，炸粉薄薄包著排骨，鬆軟香脆，排骨沒有太多瘦肉，口感豐富。魚柳炸過後，才淋上酸甜汁，我略覺得酸甜汁太酸，但卻開了胃口。主食可加五元改十八穀物米，健康一點，加八元改饞嘴滷肉飯，滷肉的香味包裹著米飯粒，老公表示滿意。還有小菜，滷蛋好味，蛋黃半熟，更滑溜。招牌泡菜，少少辣加wasabi 的味道，好特別。麻醬涼伴秋葵及木耳，新鮮彈牙，不錯呀。飲品有幾種選擇，味道不錯。

又係屋企無飯食既日子，所以收工約左朋友係荃灣西食個飯，諗住食完飯可以順便行下donki~去到荃灣西先6點鐘左右，好多選擇，因為時間比較早既關係，好多餐廳都未係好多人。而上次黎開呢頭，已經睇中呢間台灣野好想食，但當時lunch太多人既關係就無食到，今次終於可以試下。一入到去覺得小店好乾淨企理，雖然無乜特別裝修，但係簡簡單單，色調比較光猛，感覺都幾舒服。佢係採用好似canteen咁既流水式點菜方式，自己去開放式廚房既外圍依次揀飲品，兩款前菜，主菜，同埋飯，再去比錢。四款前菜都幾好食，全部都幾入味，而且有翻啲蔬菜類，感覺健康啲！我揀既係麻油雞，啲雞有皮，但唔肥，完全無骨，啖啖肉。肉質未算得上好嫩滑，但係一啲都唔會覺得鞋，比較紮實既感覺。湯底我覺得都略嫌唔夠濃郁，但係調味都ok足夠，唔會太濃味，清清地幾岩香港人。朋友既糖醋魚柳顏色好靚哈哈，我都試左幾塊，魚肉幾嫩滑。而且佢係魚柳同醬汁本身分開放，有人叫呢款先將醬汁倒上魚柳上面，咁樣可以令到魚柳keep住脆身，乾爽，唔錯！雖然醬汁呢家野好睇個人口味，但係我就勁鐘意佢個醬啦！因為夠酸！！超開胃又好送飯！！出面既糖醋魚柳啲汁通常都好甜，我就唔係好鐘意