饞。台式食堂 (如心廣場二期) (已結業)

疫情期間，買外賣嘅次數多左，今日就黎試左饞，餐牌同平時一樣，外賣盒要加兩蚊，但有九折，折完係平過堂食嘅。餐廳相當快手，落單到打包好大概用了兩分鐘，哈哈，啱晒趕時間嘅打工仔。上面細盒係前菜，下面大盒就係飯同餸，外賣盒質地好靚，可以microwave㗎。是日前菜係貌似泡菜嘅野，醃製過的黃芽白，上面淋上了蒜泥汁，酸酸的又帶點辛辣，又幾開胃喎。主食要了鹽酥雞，滿滿一盒份量超多，放久了有點軟掉，但仍香口，多吃有點乾身，如果有醬汁會更好。哈哈，個人覺得雞嘅份量仲多過飯，好似食極都仲有咁。加了十蚊轉滷肉飯，半肥瘦加上多汁，拌飯吃好好味。整體感覺不錯，外賣也keep到水準嘛。