饞。台式食堂 (如心廣場二期) (已結業)

久別重逢既台灣菜～之前我幾鐘意呢間鋪，因為個人糖醋魚整得好食，魚肉外外脆內嫩，醬汁酸多於甜，完全唔膩。點知。。。而家無左呢道菜！！強烈要求加翻入去！！今次同朋友叫左一個藥膳排骨，一個鹽酥雞。其中一個set轉左貢丸米粉，另外加左一杯飲品。藥膳排骨既湯汁藥材味都幾濃，真材實料～不過排骨略嫌鞋身左啲。米粉份量都唔少，口感ok。每個set有份前菜，佢呢個泡菜唔係我地食開既韓國泡菜，呢個基本上得酸味，我覺得好食～但唔鐘意食酸野既朋友應該會嫌棄哈哈！（所以我一條友食左兩兜)鹽酥雞唔知點解好黑XDD不過食落去都係外脆內軟，外面脆身唔會太硬，入面既雞肉都幾嫩滑，帶肉汁。另外調味方面控制得幾好，唔會太咸之餘係完全夠味。飲品方面水準keep到，我記得之前都叫過白桃烏龍，佢糖度唔會過高，飲落去係舒服既。而家仲多左蒟蒻球咬下，都唔錯～

去荃灣之前已經上網揾過附近有咩食，見到網上d人都話呢間好似幾ok 所以就去左試下啦.選擇唔係好多，但現場好多人都叫個個鹽酥雞，咁我都試下啦！滿心期待.可能呢個飯太多人叫，佢應該一早炸左係到，件雞䁔䁔地，炸得唔太脆，食落都幾油膩，另外仲叫多左個炸蝦，蝦係幾好食既，但係食落炸皮同蝦分離，總體一般！仲有叫左2杯野飲，個2杯都係正常既，無咩特別.不過呢間野我就覺得試過一次就ok la.我相信仲有其他cp值高d 台灣野食可以食

至從上星期同男朋友食完覺得e間台灣野好有 heart 後，今晚再黎食多次啦，點知道野食質素好似有少少遍差了。我地今次叫左個鳳梨三色蕉炸蝦球，同埋炸雞扒，兩樣上黎都唔係新鮮炸起，好似係已經炸起放左一段時間咁樣，兩樣野食都唔係熱辣辣，特別係個炸蝦球個炸皮好林，又冇調味，如果連個沙拉醬都冇埋，咁就真係乜野味道都冇。至放個炸雞扒，由於唔係即叫即炸，所以都係比起上次失色左。Anyway下次都會再食多次，希望能夠去返第一次嘅水準啦

今晚夜左放工, 想快快來一個外賣晚飯, 外面仲寫有九折，試下如心廣場二期既台灣野, 呢間店裝修陳設簡約, 感覺好乾淨, 今日系平日, 堂食都要排隊, 因為坐位唔多, 仲有高枱自閉位, 最岩一個人食, 我外賣好快都系五分鐘左右, 舖仔細細見到有五個員工做野, 所以好快外賣已經整好,  一向我無咩飯引, 不過滷肉飯就例外, 叫左薑汁豬排滷肉飯($76+$10), 仲送左開胃小食, 系辣辣地既娃娃菜, 好似泡菜, 豬排幾大塊唔乾, 滷肉飯唔算太咸, 汁同肉碎比例岩岩好, 肉味濃最岩送飯. 最有心思系外賣盒飯同豬排系分開另一格放, 坐向屋企可以試到台灣知味, 下次要試埋藥膳排骨,牛腩, 鹽酥雞. 

今日黎到荃灣，去咗呢間台式定食餐廳一試究竟，餐廳佈置簡潔，採用開放式廚房，感覺乾淨都幾吸引，加上之前假日黎到都見好多人排隊，今次人唔多就決定入去試下。.餐廳食物同飲品品種都唔多，而當中藥膳排骨係點餐紙到畫咗👍嘅，之前去台灣旅行就好中意食，去親夜市都整番碗，就試試看。另外點多個鳳梨蝦球🍤 .前菜冇得揀，係餐廳自製嘅泡菜，比起韓國泡菜，個人中意呢個味道多啲，微辣酸酸甜甜，裡面仲撈埋啲蓉，應該係蘿蔔蓉，真係好好食，好快就比我清哂😋.🥣藥膳排骨嘅藥材味比起台灣味道較輕，口味較為大眾化，相信男女都接受到。排骨煮得夠淋，索哂啲湯水好yummy，排骨配腐乳醬好好食。.🍤鳳梨蝦球 ，蝦球用炸粉炸過，粉皮厚度岩岩好而且竟然一啲都唔油膩，食完個碟底都冇油鯨咗係到，配埋三色椒同鳳梨送飯都好好。.🥤蒟蒻球白桃烏龍同蒟蒻球百香果綠茶都值得一喝，蒟蒻球好好食。.最後想吐嘈一下，吧枱嘅座位係膠椅，設計係斜斜地，所以個人係會向下滑，認真唔舒服，加上椅腳以木製成，設計闊身，椅子唔輕，當你隔離左右都有人座，出入就好唔方便🙁

今天第二次食，因味道可以再食。今次外賣➕💰轉貢丸米粉試下。點之少到la，得一粒貢丸，米粉比一般下午茶的量還少。我不知堂食是否一樣。大家外賣注意一下，都是不要加錢轉了。

今天跟家人來這家台式餐廳吃下午茶，我們三人點了鹽酥雞飯、滷肉飯和炸花枝丸。鹽酥雞炸得非常鬆脆，份量也十分多，三個人份剛好。跟餐還配有泡菜一小碟。滷肉飯滷肉的份量也不少，而且你會看到一塊塊的五花肉，不像一般的台式餐廳只有肉碎，可見這家餐廳的用心，個人覺得味道不錯，不會太鹹。炸花枝丸一份有五粒，加上香草粉，味道不錯。我另外還叫了一杯熱仙草奶茶，少甜，味道還算不錯，如果茶味更濃一些就好了。這餐廳比較多Bar台，三五知己聊天的話就不太適合了。

餓底這晚走進台灣幸福食堂，坐進了自閉位，眼前盡是人來人往，我看看你，你又看看我，妙！平時餓底必定叫鹽酥雞或紅燒牛腩，但這裡的藥膳排骨令餓底眼前一亮，正好可以補一補！除了排骨，還有一碟泡菜仔，以為會是韓國泡菜那陣味，嘗一口就知道大錯特錯，是蒜泥味！好味過韓國泡菜呀！嘗完泡菜於要向主角進攻了，先來一口湯，藥材味不會太濃烈，剛剛好，再來一口排骨，用匙羹就輕鬆令骨肉分離，那肉滲着淡淡的藥材味，甜美，可以蘸腐乳醬吃，但餓底發現，蘸蒜泥泡菜的醬汁更正！

#小肥荃灣遊小肥Thursday在如心😆🐷🙇🏻‍♂️返左幾日早既小肥終於脫離一刻轉下夜回復🤤🥳(星期五仲要挨多日早上堂😭😭)適逢是日返工前早左少少出門又肚仔空空蕩蕩咁🙈🤤一於黎如心幫襯下外賣自取飯盒拎返工食啦🤤呢個大碗滷肉飯雖然用左外賣兜稍為縮左啲水咁🙈但還是味道最重要嘛😆😆滷肉飯係小肥由細到大既最愛🍚😚🙇🏻‍♂️🐷經慢火細熬富鹹香既滷肉汁☺️滷肉汁中既滷肉肥肪比例均勻🤪🐷淋上飯中每一口都回味在心☺️🍚配合魯肉汁慢煮亦夠入味的☺️🔥如果有埋溏心蛋拌食就Perfect池啦😋🥚

今晚到了這間位於荃灣如心廣場的台式食堂吃晚飯，如心廣場開了很多新餐廳，今次選擇試食這間台灣菜。餐廳座位不多，但裝修簡約清新，整潔乾淨。今次點了藥膳排骨、饞食堂超大碗滷肉飯、台灣香腸和一杯仙草奶綠。藥膳排骨套餐配有開胃菜和台灣蓬萊米。藥膳排骨份量十足，肉質軟腍入味，湯底很有濃濃的藥材味道。而開胃菜真是名符其實，味道相當吸引。饞食堂超大碗滷肉飯也配有開胃菜。滷肉飯味道一般。台灣香腸味道不錯，很有台灣風味。

最近肺炎穩定返啲，今晚就約咗個朋友上佢屋企house warming👏 去之前順便買埋外賣上去，因為唔想麻煩佢花時間搞一大輪煮俾我地食食完又要洗🙈佢屋企附近嘅如心廣場新開咗唔少餐廳，眾多選擇之中我俾呢間台式食堂吸引左👍 裝修簡約舒服，餐牌好有台灣味道～我叫咗個薑汁豬扒飯，好快就有得拎👏外賣盒係分開咗啲飯同餸，設計好好，份量都幾多👍 開胃菜係一款應該係自家製既台灣泡菜，口感比起韓式泡菜更加爽脆，味道清新，都有啲辣，但食完真係好開胃～椒鹽豬扒就食得多，薑汁豬扒真係第一次食，豬扒係無骨既，唔會好肥，一咬落去真係好重薑汁味，幾特別，亦唔會好似椒鹽咁油膩👍 豬扒肉質彈牙唔韌～平時好少聽到“蓬萊米”，感覺有啲似珍珠米，比較圓同短，口感同黏性都岩岩好，應該係靚野👍👍下次想試埋佢既滷肉飯同台灣招牌既藥膳排骨🙌

一個人食晚餐，外賣吧，懶得煮。見到這間台灣餐廳光鮮亮麗，外賣自取又有九折。.薑汁烤豬排 - 食豬扒最怕太油膩，不過這裏烤得剛剛好夠香又不肥，而且帶有少少薑味，更加醒神開胃。有兩種肉，一種是原塊豬扒，另一種就設成一片片，兩種食法份量也不少，不過由於煮得好食，我竟然可以食得完，奇蹟呀！送開胃菜，橙橙地色有少少似韓式泡菜，不過更清新沒有濃厚的辣醬，酸酸地又帶微辣好開胃。用的是台灣蓬萊米，更香飯味。.有不少台灣飲品選擇，有我最鍾意的奶茶系列！不過晚上怕失眠，於是就蒟蒻球百果香綠茶，very fruity 滿滿百果香的清甜味，而且有彈牙高纖的蒟蒻，好飲喎！而且跟餐只是加$12，抵飲。.外賣自取九折之後，一個套餐連飲品都不用$80，好OK啊。而且還很貼心送消毒片呢。

全城匯商場連同海之戀一樣，都係直接毗鄰荃灣西鐵站，但係對比遠少少例如荃新天地呢d 蒲點就發展得慢好多，落成只有一年左右，而商場叫有d o野行下更加只係呢幾個月o既事。今次特登o黎到，行完don don donki，順個便都發挖下有咩新餐廳好食！呢間台灣餐廳設計簡約，用色為淡水泥同淺木色，感覺自然而舒服。配上落地大玻璃，對出係商場一個通道交匯處o既位置，所以視覺extend 出去特別開揚。一座低，聽住悠揚o既周杰倫，店員隨即遞上消毒濕紙巾同埋一個口罩套，安排貼心。主菜有六、七款可以揀，其中鹽酥雞、滷肉飯呢d 咁signature o既菜式，當然唔少得。佢係定食形式咁上，o係主菜以外會會包一份開胃菜同埋白飯，飲品另叫。定食o既前菜天天不同，今天係一細碟kimchi，將大白菜醃到到酸酸辣辣。白飯o係menu 上強調係用上台灣蓬萊米，誠意可嘉。我o既呢客鹽酥雞套餐($70)，碟雞係頗大o既一盤，d 雞粒蘸滿粉漿o既外層炸到ok 鬆脆。o係出面食好多時店家都會炸好後瀋好多鹽同辣粉等o既香料，呢度都有落但唔會過多，保留一點滋味之餘，食完又唔會覺得好鹹好頸渴咁。食台灣o野又點可以唔嘆番杯台式飲品﹖對

荃灣，是我一個熟悉的地方，近來在西鐵站附近多了兩個較小規模的商場，當然也有新進駐的食肆呢｡ 我與朋友在中午尋找食的時候，偶然遇上這間小店。當看過餐牌後，隨即被他們的招牌肉骨茶套餐吸引了｡ 小店在商場內較開揚的位置，以落地玻璃的形式能從外看到內，廚房是開放式的，要先在櫃位落單，當食物準備好時，店員會為你送上，所以食客在此進餐與快餐店形式無異。※ 藥膳排骨 + 台灣蓬萊米 + 開胃菜 ($79 套餐)~ 我在點了這份餐後還多付$12 把台灣蓬萊米轉為貢丸米粉。 肉骨茶的份量很多，肉排炆得很腍很軟，放入口中骨件及肉迅速分離｡ 藥材炮製的湯顏色濃也滋補，可是味道偏淡，這是因為小店特意加上一小碟腐乳汁供客人進食肉骨茶時調味的｡ 米粉也很爽口，米粉的湯也偏淡，貢丸彈牙，加上腐乳調味後很開胃｡由於是大食兼為食一族，我還點了兩個小吃。※ 炸花枝丸 ($22) ~ 香脆又彈牙又有墨魚粒，一客有4粒好好食｡ ※ 台灣香腸 ($26) ~ 台式豬肉香腸肥瘦適中，腸衣在烤過後變得很脆，香腸有咬口，肉汁多也彈牙。一客有兩條，切片後足二人份量｡※ 凍仙草烏龍 (跟餐加$12) ~ 與坊間的台式飲料專門店比較，這杯

從「食」，「毚」聲，本義為貪吃、想吃。漢焦贛《易林‧ 需之解》：「一指食肉，口無所得，染其鼎鼐，舌饞於腹。」係荃灣新開左間「饞」 就緊係想食下啦！仲要係食台灣菜，滿心期待藥膳肉排配魯肉飯藥膳肉排有另配一個特製牆汁，而呢個牆汁係會添加肉排既味道，更添風味！先嘗一口藥膳，藥材味濃又唔似苦茶，容易入口！肉排唔會硬實實，更充滿藥膳味道，食完身體麵會健康啲！甜不辣甜不辣先炸後上准鹽，更加美味滷味牛筋牛筋有豐富既膠原蛋白質，又有咬口，滷得唔錯！桂圓紅棗茶桂圓紅棗有補血作用 ，仲可以美顏，今次飲落又係好甜，剛剛好！