養心麵 (已結業)

因為去附近買嘢，所以諗住搵下有咩食。見呢個名同養心殿有啲似，發現原來係養心殿開嘅，就決定咗上去試下啦。可能係非繁忙時間，餐廳入面人並唔多。位基本上都都係任坐。食物方面選擇都幾多，麵亦都好快整好。今次繼續選擇我最愛嘅寬粉條，配上麻辣湯底，當然要點埋鴨血。份量雖然唔算好多同無係火鍋店咁大件，但一樣好食。另外貢丸亦都好香好彈牙，亦同係台灣食到嘅味道好似。牛筋煮得好稔，同我印象中爽口的滷牛筋有一定差距，味道亦似一般麵店的柱候醬味，略感失望。整體而言算是不錯，價位方面偶爾一次亦無不可。

5分滿分寬粉麵~好食，似薯粉👍5分美人湯~味道編淡，上枱湯底只和暖不夠熱，👎2分咖喱汁~無特色，少少甜，3分貢丸~和平常味道不大分別，合格，3分大腸~夠味好食👍4分蒜香雞翼尖~普通唔夠滑唔夠味，無元朗b仔好食，2分魷魚~爽，大件，好食4分👍豬頸肉~無味，梅，不知所謂，1分👎一餐普通既車仔麵，收費不普通心目中我既全港車仔麵三甲不入始終新開都要時間調節，所以會食多1至2次，試埋其他，希望有改善

我們點了美人湯並要了咖哩汁做午飯🤤一齊share黎食。配料有不少豆卜，索湯汁而不過油。桃膠入面食，亦很有新意。稻庭烏冬18咬著很有嚼頭，煙煙un un台灣香菇貢丸10份量不少，丸子有彈性。唐生菜8是日沒有A菜就轉要這個，挺翠綠的。台南蚵仔18好肥美呀，大大隻，鮮味十足。辣汁魷魚鬚12微辛醬在真材實料的魷魚鬚上，店子很大方呢！金妹牌芝士腸10正常味道，叫了它才像吃車仔面。熱泰國班蘭薑茶16不多班蘭味，卻有怡人提神薑味道。熱杞子菊花圓肉露16喝下去很養神益氣帶淡花香 食後感：餸菜選擇多元化，不乏台味道特色食物，是銅鑼灣廉價精選車仔面呀。

喺星期二嘅晚上，一個人由銅鑼灣行去灣仔，唔想再食魚蛋粉，剛好見到新開嘅鋪頭，好感動。入到去唔係太多人，可能啱啱過咗七點半，大部份都係bar 枱位，係張紙到揀咗野食，接待員就叫我去櫃面俾錢先好彩返嚟個位有其他食客幫我keep左😭（ 可能見我懷孕）—鋪頭裝修都簡潔，兩位入面嘅師傅都係講普通話，比起其他車仔麵檔， 都好好紀律，唔係好傾計嘢食方面好多都好台式， 有鴨血、 水蓮等等，而我都會下次先叫。價格方面，坊間可能3餸$4x，而我揀下揀下都過咗$70😱（要留意）—7分鐘左右，我個麵就到咗，好香好香揀咗美人湯、有啲類似骨膠原係湯底探究下：1）台灣A菜：索索聲！新鮮2）台灣炸豆皮：超好食，味道好特別， 大推3）滷水金錢肚：有少少辣， 配返個湯啱啱好4）陳皮魚蛋：都有6-7粒，好夠味5）醬汁蘿蔔：入味，唔係太大舊，容易放入口先6）辣汁魷魚鬚：ok ，大抽下—Overall：每個人揀嘅配料都唔同，我個碗就好好味，同湯底啱啱好夾回頭率：300%未食養心殿，可試養心麵註：離開之後，沿途都要飲好多水，個口好乾

以前食過養心殿火鍋覺得唔錯某日見到話開左另一條line養心麵主打台式火鍋湯底mix港式車仔麵營業時間仲要開到半夜簡直係ot界福音即刻狗衝試下可能當時係開業初期門口自助落單機未ready落單程序有少許混亂座位安排都幾唔user fdly部份高枱太高  但張高凳唔夠高部份凳就太重  好難拉呢度就認真扣分叫左4餸分別係台灣貢丸、金錢肚、魷魚鬚、肉燥埋單都60幾蚊車仔麵價錢黎講算係貴架啦即管試下味道金錢肚好入味好好食食得出唔係淨係鹵水仲有少少疑似藥材味?魷肉鬚望落顏色好深色搞到我以為佢好入味點知被美人湯湯底完全蓋過有點可惜至於肉燥＆貢丸就正常發揮不過兩者性價比低10蚊得2粒丸12蚊只有一湯匙肉燥味道其實係ok豐富、唔差的但你問我會唔會再拎60幾蚊黎食個台式車仔麵就要諗諗啦屎忽痕想試新野係ok的

系灣仔整完野 經過呢條街見到養生面都系吃台灣野 入去試下店內位置不大 坐bar枱形式配菜有好多選擇 台灣配料居多 叫左關廟麵 千層冰豆腐 濃湯鮑汁魚膠 窩笋 原條竹笙選左美人湯 同養心殿火鍋個美人湯比 呢度藥膳味無咁濃郁不過配料好新鮮 值得食再來一碗寬粉條 台灣水蓮 台式滷水牛展 沙茶豬頸肉 揀咗麻辣湯底 超惹味 寬粉條晶瑩剔透 煙銀有咬口 食多一碗都唔滯呀再叫咗杯碟豆花蜂蜜檸檬同泰國斑斕薑茶兩杯熱飲沖調得好 唔會過甜 薑茶仲有少少麥味下次會再來

🍜車仔麵食得多😛台式車仔麵你又食過未⁉️呢間 #養心麵 其實係 #養心殿 的姊妹店 🍲💕出品當然有水準啦😋店內主打車仔麵，湯底更以招牌美人湯和麻辣湯作招徠，配料選擇非常多，款式選擇大多是養心殿招牌的火鍋食材，相當吸引。每款配料精心炮製，😍推介台式麻辣鴨血、台式滷豬腳、牛筋和辣汁魷魚鬚，每款食材都做到非常出色，大讚！配埋自家辣菜甫同辣椒油一齊食，正！我揀左美人湯底🍲配麻辣醬汁🌶▫️▪️▫️▪️▫️▪️▫️▪️▫️▪️▫️▪️🍜台式寬條麵（$18）🐷台式滷豬腳（$12）🐄牛筋（$8）🕊台式麻辣鴨血（$10）🐽香辣豬皮（$8）🐥鮑汁鳳爪（$10）🦑辣汁魷魚鬚（$12）▫️▪️▫️▪️▫️▪️▫️▪️▫️▪️▫️▪️除左 #車仔麵 🍜 之外 仲有台式小食都好吸引😍🐷大腸麵線（$28）大腸份量挺多，配埋幼細的麵線濕濕地好開胃。❄️台式涼麵（$18/細）夏天唔想食熱辣辣既野，可以試下這個台式涼麵，用上芝麻醬和青瓜撈製而成的冷麵，配上蒜蓉，入口冰冰涼涼，惹味又開胃！

忙了一個星期，周六終於可以一鬆，去到灣仔買家品，順便在我熟悉的地頭覓食，發現有間新開做台灣食品的，養心殿火鍋店同一集團經營，做簡單小食。招牌養心麵及蚵仔麵線均做到台灣小食的地道風味。麵線幼湯稠，蠔肥嘟嘟，細細碗份量但比台灣吃到的稍為大碗，簡單，味道好，做到街邊小吃風味。養心麵有兩款湯底，我揀麻辣汁美人湯，配料方面特別揀台灣入口的食品，台灣關廟麵、台灣水蓮、台灣香菇貢丸，水蓮可能很多人不知道是什麼，我在台南食過，爽脆的，韭菜與豆之間的口感。貢丸好吃，有豬肉及香菇味。藥膳燉排骨湯飯都唔錯，但藥膳味不及台灣的重，就不夠風味。

不嬲鍾意食養心殿，聽到佢開車仔麵，即刻滿心歡喜放假特登去食。入到去果下其實都幾混亂，要觀察左一輪，先知要點買同係自助形式，個舖頭好細，人都有啲多。不過午飯時間，所以可以接受。我點左新竹米粉，水蓮，鴨血，鮑汁魚膠，麻辣湯底。好唔容易搵到個單人位，係面向水吧既高凳位，好逼，出入都幾麻煩。等既過程中，我聽到我後面號碼既人，佢明明叫左粉條，但變左米粉。咁店員都有換俾佢。太近水吧既關係，我聽到煮麵個姐姐講，同之前果碗掉轉左個麵底。我不停咁祈求，千其唔好掉轉我果個碗。安心起見，我拎餐果下都問多句，我個碗係唔係米粉。店員好唔耐煩咁話：「你拎左碗野返埋位先，如果唔係米粉我先換俾你。」拎住個餐盤返埋位係一件唔容易既事，一定要隔離位既起身讓開，先可以攝返埋位。當然如我所料，我碗野變左粉條，而唔係我嗌既米粉。我睇到咁多人，已經唔想特登又行出去叫人換返俾我。呢刻已經超級失望。湯底同養心殿火鍋湯底係一樣既，不過無得揀辣度，我鍾意食辣，如果辣啲就岩我多啲，但都好味既，唔合太油。水蓮同鴨血好味，係我會食哂既。28蚊既鮑汁魚膠，夠腍，份量都夠，可惜一啲味都無。至於唔係我嗌既粉條，我食左幾啖就無食。總括黎講，我係唔會再

原本見到雜誌推薦 賣點:台灣直送食材 自助點餐機 可惜一入到門口 見到有2部自助點餐機 仲諗住過下手癮 試下禁機點餐 結果店員話D機全部用唔到 最後都係用好傳統既圈紙仔點餐試業期都過左 居然D機用唔到？ 🙂🙂用紙圈完 店員好快就送餐⬇️⬇️⬇️⬇️⬇️⬇️湯底:咖喱美人湯（不過不失）麵: 台灣直送寬粉條 （=薯粉🙂）餸:台灣直送香菇貢丸（無乜特別）台式滷水金錢肚（大大舊 好似咬擦膠甘）千層冰豆腐（吸下D湯底味道都唔錯）沙茶豬頸肉（好稔 一D爽口彈牙既感覺都無另一碗湯底:麻辣美人湯（得個辣字 完全無麻既感覺 而且無乜香味 ）麵: 台灣直送關廟麵 （同壽桃牌-擔擔麵 一模一樣 🙂）餸:台灣蘭花乾（大版既豆卜 不過不失 都係吸湯底味黎食）台式滷大腸（都幾入味）醬汁蘿蔔（都幾鮮甜）濃湯鮑汁花膠（一D味都無 花膠仲係白雪雪 說好的濃湯鮑汁呢？ ☹️）👎🏻👎🏻👎🏻👎🏻飲品:雪耳雪梨水（有切碎既雪耳同一粒雪梨粒 味道淡如水）👎🏻

其實養心殿係旺角分店已經食過幾次, 今次黎到銅鑼灣分店。果然一如既往完全無失望！首先湯底佢係可以揀兩邊，而價錢會係計較貴個個嘅。因為前幾次朋友都係唔食得辣，所以今次有機會就選擇咗試麻辣鍋 ($128) 拼美人鍋 ($188)，美人鍋建議大家食前先飲一碗，好清甜好足料，感覺打完邊爐都唔會浮燥一樣咁靚靚。(麻辣鍋會送多一碗鴨血)炸物：上幾次都試咗甜不辣, 老油條同炸雞軟骨，所以對養心殿炸物都好有信心，今次叫咗炸嚮鈴 ($68)，我同朋友都覺得絕對是MUST EAT ITEM！即炸嚮鈴我深信唔係間間火鍋店做到，第二度真係有可能食唔返。牛肉：因為我地兩個人都食得唔多就只係叫咗一碟靚牛 – 極上雪花肥牛 ($188)雪花分明，咁嘅價錢算好大碟，仲要有牛味唔un，抵食 ^__^蔬菜類：我地叫咗萵荀 ($48)﹑有機粟米 ($48)，萵荀同粟米放美人鍋仲愈食愈鮮甜添。丸類：有得揀半份實在太好，啱哂二人行。我地揀咗半份蝦丸 ($40)，同埋一份魚皮餃 ($68)，半份四粒，一份就八粒，份量剛剛好。p.s 最後極力推薦寬粉條 ($38)，好味到我地要想encore叫多一份，但太飽啦下次要留肚。寬粉條配麻

外地工幹了整個星期後，回到公司實在非常忙碌，但OT都總要食飯，要食得快亦唔代表求其。早幾日去過養心殿打邊爐質素唔錯，而姊妹店養心麵專食車仔麵應該亦有咁上下質素，就一於與同事快閃去養心麵食車仔麵，再回公司OT。以車仔麵舖頭來說，這裏算是非常光鮮，座位亦都算闊落。首先選好想食的食物，然後出去櫃枱比錢，比錢後就可以安坐座位等員工叫號碼，然後員工就會送上食物到座位，非常方便。我叫了一碗辣汁陳皮魚旦，辣味牛筋台式寛粉條配上麻辣醬汁及麻辣湯底。麻辣湯底有層次配上吸味的寛粉條，實在太美妙；辣汁陳皮魚旦，咖喱味香濃，而且好意外地竟然有8粒咁多，好滿足；辣味牛筋，炆得入味軟淋，骨膠原豐富，而且亦有4、5件咁多，好滿足。另外叫了一碗秘製牛筋腩，台式滷水大腸河粉配上美人湯。我試了幾口湯，感覺湯底足料，有骨膠原感覺，唔知會唔會好像養心殿的美人湯底般用上桃膠餚製。同事亦分享了一些牛腩及大腸給我，牛腩亦都炆得入味軟淋；滷水大腸肥美，而且軟淋入味，味道不錯。另外叫了一份藥膳燉排骨湯飯，我亦試了幾口，排骨炆得入味軟淋；藥膳湯濃郁，像馬來西亞肉骨茶般，越飲就越想飲，真係好足料。

喺社交網站見到養心殿旗下開咗間養心麵，仲係台式車仔麵，食既餸菜都會係台式火鍋可以出現既，去開銅鑼灣就特登約朋友去試下。舖頭開係富德樓下面，係灣仔同銅鑼灣既中間，唔係話好大間，不過都易搵既。舖頭都唔算大間，位置唔算多，吧枱位比較多，而吧枱位都幾高，再加上碗麵有啲高身，生得細粒既朋友仔有啲難食到。食物選擇方面，覺得佢都算幾多特別嘢食揀，麵底都算多選擇，而且仲有台灣既關廟麵添。我就叫咗個鴨血、牛筋同涷豆腐既美人湯車仔麵，鴨血係香港多數只會係台式火鍋上出現，好難得係食車仔麵可以食到，都幾好食。牛筋都唔錯，不過平時打邊爐食開既涷豆腐放落車仔麵就因為湯底唔夠平時咁熱所以變得無咁好食，唔太建議大家叫呢樣。美人湯入面有桃膠既~朋友叫個碗~不過呢度無餐，全部飲品都要另外加錢叫，但係又無水提供呢樣真係要改善下喇~

台式火鍋店”養心殿”可算是一間人氣食店，亦是筆者最愛的火鍋店之一。近來留意到養心殿由火鍋擴展到車仔麵市場，作為養心殿粉絲當然要一試！“養心麵”以台灣特色車仔麵作招徠，由湯底、麵底到配料也有不少台式食品的選擇，在香港確是先河。麵底有台式關廟麵、寬粉條；湯底有養心殿的招牌養人鍋；配料有台灣A菜、鴨血、肉燥等等。台式寬粉條配辣味牛筋+辣汁魷魚鬚+台南蚵仔（美人湯底）之前到養心殿打邊爐已經愛上了寬粉條，透明的粉條，帶QQ煙韌的口感。美人湯底味道應該是清甜的，但已被配料的辣汁奪去其味道，最特別的是美人湯底會有桃膠，就像多了一款配菜。配料方面選了兩款港式，一款台式。牛筋煮得軟腍入味；魷魚鬚的醬汁美味，質感爽口彈牙。蚵仔比想像中細小，但份量不少。

朋友告知有間新開嘅台灣車仔麵店，一於今晚約埋去試吓！去到大約 18:15 左右，可能時間尚早，店內只得兩位客人，我哋坐低就一人拎一張落單紙慢慢揀。其實註明由台灣直送嘅食物唔算好多，不過朋友見到新竹米粉同豬腳仔已經雙眼發光，當晒自己去咗台灣咁喇！落單首先要揀食邊種麵，要乜嘢湯底同埋醬料，然後再揀餸。我剔咗台式寬粉條、美人湯(清湯)、麻辣醬(小辣)、香菇貢丸、A菜 & 千層冰豆腐，仲有一杯杞子菊花圓玉露。落單時先知今日冇A菜，要改食唐生菜，老實講有啲失望，誰知呢個只係失望嘅開始咋...！朋友話魚蛋細粒得嚟唔彈牙，我嘅貢丸就粉粉哋唔爽口，冰豆腐都唔多好食；不過湯底有我近期至愛嘅桃膠，而寬粉條又唔係咁容易食到，杯杞子菊花圓玉露又幾好飲，尚可板回一啲分數啦！