養心麵 (已結業)

同事話公司附近開咗間台灣嘢食有個水蓮菜好好味，仲話呢個菜香港無得買，要係台灣空運先有得食，於是晏就就去咗試下，先講下呢間餐廳嘅環境，坐位比較迫坐得唔咪好舒服，食物方面就好似嗌車仔麵咁，不過餸係台式菜都幾特別嫁，首先嗌咗湯底係美人配台式寬粉條加沙茶豬爽肉、台灣水蓮，同埋肉丸，之後再嗌咗杯杞子菊花園肉露，麵嚟到啦，碗麵都幾大碗，餸嘅份量亦唔少，個湯底仲有好多桃膠味道真係好正，最喜歡就係台灣水蓮，爽甜好味！

見fb講到咁正，慕名而來，半伏而反。半伏係某些餸是可以的，牛筋，新竹米粉是好食的。麻辣鴨血則ok嘅，但不夠入味。豬脚係抵食，38元一大兜，但豬躁味辟唔到，大件抵食都冇用。雞尖又係一陣雪藏味，有點失望希望可進步些，始終養生火煱咁好味而令人對其麵店滿有期待

I had a great experience at Yeungsumdin (養心殿) hotpot so decided to try their noodle joint in Wanchai.At the noodle joint they have the same hotpot ingredients as choices for the noodles.The best thing is the digital kiosk because it has English so you can see what each ingredient looks like.Sadly, the hotpot place doesn't have this!!As I was able to see all the ingredients in picture form, it helped me to order the items I liked hence a delicious bowl of noodles.The broth I chose was the healthy

未準備好就唔好開門啦，什麼自助點餐，點完無反應，跟著問個員工，佢話未用得，未用得又攞出黎，最有趣係咩？係佢地全部見住食客走去用部機，無一個通知d食客，直到最後客人問先講！😠好啦，搵位坐，成枱食完既器具等左五分鐘無人執，見個員工執其他枱咪叫佢，你知佢答咩？我唔係度做架！但之後又見佢入去廚房煮麵！😡總括：員工態度惡劣，食物非常一般，什麼台式車仔麵，完全唔入流，邊個仲敢推介你

自我食車仔麵起，我都係食過傳統嘅車仔麵， 今日來到一間台灣特色車仔麵~養心麵~ 店入面主要係用吧檯，有一個較大嘅位置係煮車仔麵。 部份材料用上台灣嘅食材，更加有一啲好特別嘅配料， 例如高山老鼠耳、 台灣蘭花乾、 台灣水蓮…湯底更用上美人湯或者麻辣湯。 呢啲款式通常係打邊爐先會見到嘅，但今次養心麵竟然突破性將火鍋嘅配料用喺車仔麵嘅餸菜上。 左邊個罌係榨菜，右邊嗰罌係辣椒油，左邊個罌嘢簡直係寶嚟㗎! 喺食車仔麵嘅過程中，無論你揀麻辣或者咖哩醬汁，湯底你係揀美人湯或者麻辣湯，再配上呢個榨菜，你都會有驚喜。 強烈推介台式寬粉條， 有啲似qq粉，但係寬粉條比qq粉更加可以吸到嗰啲咖哩同埋麻辣湯。 原來高山老鼠耳，聽個名以為係老鼠嘅耳仔， 原來只係雲耳，嚇咗一跳㖭! 入口覺得佢好滑。台式滷水豬大腸好入味， 好有豉油香味。 台灣蘭花乾係上面嗰三舊貌似豆腐乾嘅物體， 可以吸到咖哩汁， 不過比較乾身， 如果想食入味啲嘅建議揀千層冰豆腐。 辣汁陳皮魚蛋我都係鍾意食硬身啲嘅。 唐生菜配沙茶豬頸肉又點會唔好味呢?台灣關廟麵彈牙。

之前已經食過養心殿火鍋，養身鍋同麻辣鍋我都食過，真係好好食，我都去過幾次了知道而家有埋台式車仔麵食，當然要食下啦呢度係要先係門口落單俾錢，然後再找位置的有好多配料都係台灣直送的我今次都叫左好多係台灣既配料台灣珍珠笋+台灣水蓮+台灣炸豆皮+台灣蓮花乾+鹵水糖心蛋+老鼠耳其實仲有好多野想食架不過一次過食唔到咁多，下次再食埋其他原來呢個就係蓮花乾，即係平時食開既豆卜，吸麻辣湯食是最佳之選個麻辣湯果然好味道，不過下次我可以再加多少少辣大家估下呢條係咩就係珍珠筍，我開頭唔知就食埋外面果層，點知越食越硬，於是就問下侍應，先知原來要剝左外皮的🙈因為平時係剝完先上碗的，所以......不過味道好清甜，唔知係唔係台灣直送既關係呢仲有辣菜蒲添值得一試

我好鍾意食養心殿火鍋雖然都係貴，但起碼好食。呢間同門養心麵，真心唔洗試❌ 舖細，無乜冷氣，個個滴晒汗❌個自助機接近廢的，用不到八達通，打完個湯底都show不到，去到比錢又要講多次❌雪梨水16蚊原來得熱，自助機無講明原來有分冷熱。去到比錢問原來凍嘅要24蚊❌勁貴。如圖（三餸加杯飲品）要66蚊，個麵得兩啖❌普通車仔麵味，個美人湯湯底完全不是平日個火鍋底味，頂多係腩汁。食後感：碗野只須3分鐘可KO，熱到全身濕透。好失望囉😑

價錢唔算好平但好難食，今日第一次去呢間餐廳，食左自選車仔麵，啲麵嘅質地好硬，好似未煮熟咁，而啲餸係冇味；成間店嘅枱面好似好耐冇抹過咁好骯髒，今次經歷係貼錢買難受，絕對唔會有下次

行過灣仔見到招牌「養生館」已經留意到,再仔細觀察台灣特色車仔麵😱更感奇怪！因為我亦係半個台灣人但台灣何來有車仔麵！終於開業,不過裝俢感覺係「唔舒服」因為太黑、太暗而且座位設計頗失敗！最愕然係一星期價錢已有改動😅😅今晚買咗一碗魯肉飯.....觀感係可以接受🤔🤔都有些少吸引我馬上食,一啖之後真係好失望....師傅唔知係咪對魯肉飯冇硏究過,點解魯肉飯用咖哩煮嘅？！正統嘅魯肉飯係用「五香粉」☹️一啖之後我已放棄！味道並唔係之餘,味精太重手啦令人好口渴🤨🤨

今日食左個細份肉燥飯同一碗蚵仔麵線肉燥飯$18份量足(女士一碗細既應該都飽)，味道正常，無特別但有部分飯粒極乾硬蚵仔麵線$28味道麻麻，蚵仔味道好腥，麵線口感不好，太硬成碗麵線既水準不合格，八方雲集個麵線也比他更出色

因為食過養心殿既關係 冒名而黎食呢間養心麵。一開始只有我一個客，好有試業既感覺🤔有部大機order （好似m記果種）, 但個mon光到呢... 眼都痛🙈, 好彩佢都仲有車仔麵order紙😌見到餐牌有美人湯，即揀無誤😍可惜，一試湯味 感覺就係清湯lor... 加左d桃膠就算 😔 (其實有得加咖哩/沙爹醬，不過我無加，加左應該會好味d, 下次會試下）我order左3個餸1) 辣陳皮魚蛋 - 幾抵食 $8 好似10粒 夠晒飽 味道亦不錯2）糖心蛋（老闆推介）- 正常，似日本拉麵流心蛋 $10@3）水蓮 - 係養心殿食過水蓮餃好食所以叫，原來水蓮係咁樣一條條幼身😆 幾好食麵關廟麵呢，似x桃牌擔擔麵質感🙈 我鍾意既因為無要醬既關係，湯太清啦我落左辣椒油定醬，幾惹味👍🏻 辣菜莆都好味另外，養心麵同養心殿一樣開得夠夜，絕對係宵夜之選🌝溫馨提示： 身唔夠長既人 （我本人有163cm高）唔好坐bar台，個人要伸長先可以食到碗麵，未試過坐bar台食野咁辛苦... 我下次會坐正常台架啦～

放工咁岩經過見到呢間新開既舖頭見個名又幾得意就入去試下啦~台灣野我都幾鍾意食既,呢間主打車仔麵,有個湯底叫美人湯?唔知咩料?今日唔想食麵所以試左個藥膳排骨湯飯,一上菜就知道中伏了😰面頭全部都係骨...得個少少肉仲要全部都好柴!飯又多過湯,根本係湯渣撈飯!味道方面只食得出鹹同苦...原來咁就可以扮藥膳🙄最慘係勁多碎骨痴住d飯,一路食一路梗住喉嚨😭呢間野d飯類真係伏到不得了,未食過咁難食既台灣餐廳...