養心麵 (已結業)

呢間嘢喺網上見到，正遇著我非常肚餓嘅時候。佢位於灣仔軒尼詩道365號地下煮打台灣養生麵食。食物都有幾多選擇，其中麵底推薦台灣關廟麵同新竹米粉。我叫咗麻辣新竹米粉， 朋友就叫咗 美人湯關廟麵。有大約三十個餸菜可以揀， 價錢由有八蚊到28蚊不等。其中比較特別嘅係台灣蓮花乾， 但係呢到嘅時候原來就係一個 好似綿花咁嘅豆卜， 不過都好失望， 佢嘅臺南阿仔好大隻！湯底認真唔錯我自己覺得麻辣味配新竹米粉好㗎， 佢啲米粉係條 幼好索湯， 因為我本身食得好啦就叫師傅再畀多啲麻辣汁我， 整體服務態度都好好， 要讚下佢嘅美人湯底有好多桃膠， 感覺上真係幾保嘅， 行叫咗一碗麵就可以加8蚊特飲。 叫咗兩杯碟豆花蜂蜜檸檬特飲， 蜜糖檸檬味都幾重我自己本人真係唔識 表達碟豆花係咩味！埋單126蚊兩個人， 不錯的麵類選擇

養心殿主打台式養生火鍋，向來評價不錯享負盛名，但並不特別熱衷於火鍋的我卻從未一試，若非與一大班朋友或同學聚會的話亦甚少會品嚐火鍋。最近天氣開始轉涼，經過近灣仔這邊的養心麵時頓覺店名似曾相識，細想之下才想記大概是養心殿的姊妹店，看過門外餐牌後得知原來是台式車仔麵店，覺得甚有特色似乎一試無妨。麵底方面選擇了台灣關廟麵($18)，關廟麵是聞名於台南關廟區的手工麵，質感彈牙而且不易變軟，配上咖哩汁及美人湯底。美人湯底油膩度尚可，最特別是加入據稱有養顏功效的桃膠熬製而成，不過口感軟爛而且沒甚味道可言，故除了感覺較健康之外其實別無其他作用。台灣水蓮($10)口感爽脆近似韮菜；台式麻辣鴨血($10)份量特多，軟嫩當中帶點彈性；台式滷水溏心蛋($10)流心度足但不算相當入味；台式滷水牛𦟌($12)水準參差，部分肉質鬆化軟腍但當中有一兩片卻是比較粗糙乾韌；辣味牛筋($12)煮得軟滑入味；台南蚵仔($18)尚算粒粒飽滿且不帶腥味，只是有數顆蠔身煮爛破裂。濃湯魚膠($28)口感煙韌彈牙，醬汁口味帶點鮑汁影子，本身魚膠味道偏淡，裹上黏稠濃厚的醬汁相當匹配，而且份量十足性價比高。從未品嚐過養心殿而又想小試牛刀的

港式車仔麵就食得多，平時都係配腩汁或者辣醬，頗肥膩。今日推介既呢間「養心麵」湯底令我一試難忘，於是出文讚讚佢。點餐係自助式既，寫好食咩就可以去收銀付款，然後等食物。開放式廚房，睇住師傅製作。我揀左台式寬粉條、台灣水蓮、台式滷豬腳、牛筋腩、野生原條竹笙、魚膠，配麻辣湯。湯底好厚身，味道濃郁，唔油膩，原來用左烏雞同好多材料熬製而成台式寬粉條煙煙韌韌似薯粉，索哂湯汁，而且餐廳辣醬另上，唔夠辣可以加枱面既秘製菜甫，好香辣脆口台式滷豬腳，好軟淋入味；野生竹笙好大條肥美，夠爽口，每條都脹卜卜，吸哂d湯；牛筋腩半肥瘦，夠軟身肉唔會痴牙；台灣花蓮，夠健康，無草青味，幾爽口；魚膠幾有驚喜，煮得好淋身，唔腥，滿滿骨膠原，女士們記得食多d最後食到底，連湯都食埋最欣賞餐廳唔會因為選擇左幾樣餸就減少份量，每款餸都好足料，大大碗而且湯底好用心製作，食完感覺呢碗車仔麵好健康養生

原來養心殿開咗間養生麵、養心殿咁出名，心諗應該唔會好差姐！點知去到、原來係快食車仔麵、所以檔次不算高、客路通常都係速食為主，叫咗一個車仔麵同埋一個肉燥飯🍛，我叫咗麻辣味的台式寬粉條車仔麵，車仔麵唔算話特別好食、普普通通、加埋啲餸都60幾蚊。至於個台式滷水糖心蛋肉操飯就真的中伏了！大家睇吓個糖心蛋就已經應該知咩事啦⋯⋯本身個飯都已經唔好食、可以話用難食黎形容、食咗兩啖就已經想食、但係怕浪費食物、所以隊左。最貴系$8得四粒魚蛋，仲要四粒魚蛋其實冇乜味唔好食。😅

見今晚唔係好想食好多野，於是同友人諗住去食碗麵。之前係雜誌見到有介紹呢間新開台式湯底車仔麵，所以就去試下。餐廳位置不算太難找，係銅鑼灣沿軒尼詩道灣仔方向行就會見到!我們大概7點去到，餐廳不算很大，設有bar枱同兩張大枱。廚房是開放式的，如要點餐只需利用每枱上都有的點餐紙，自行揀選後到收銀處落單便可以了，點餐後很快店員就會呈上。我跟友人選擇了bar枱位置，枱上除了有點餐紙，還有辣菜圃及辣油可供使用。我揀選了台灣香菇貢丸、台式麻辣鴨血、台南蚵仔及窩笋作配料，麵底為台式寬粉條，而湯底就揀選了美人湯。台式寬粉條一直係我去打台式邊爐的首選，因為粉條可以吸收哂湯的精華。而今次的美人湯很清甜，湯底還有桃膠，對美顏很有用，我還點了麻辣醬汁，清甜得黎又麻辣，非常過癮。貢丸爽口，冬菇味好出。鴨血很入味，而且好嫩滑，夾上黎唔會散哂。蚵仔都算大粒，而且脹卜卜，很鮮甜。窩笋亦是打邊爐最愛之一，這裡的窩笋整得爽口，唔會淋哂!友人今日想食素，於是成碗都係蔬菜，包括台灣水蓮、台灣珍珠笋及高山老鼠耳。淨看名可能不知道是什麼，其實就係粟米芯同埋木耳。湯底揀選了麻辣，個湯有麻有辣，味道不錯。麵款跟我一樣揀選了台式寬粉條，三

今晚要係灣仔上堂，經過呢間同名火鍋集團開既車仔麵，就入去試下 鋪頭門口放左部自動售賣機，可以自助落單，再唔係填左紙交去COUNTER姐姐再比錢都得睇紙有好多好特別既食材  肥鴿試左水蓮、牛筋腩、蘭花乾配美人湯，同寬粉條麵底。另外加8蚊要左杯泰國斑蘭薑茶。上菜之後發現原來都幾大碗  先飲一啖美人湯，湯底清澈，亦都唔會好重味精   大個肥鴿手掌既蘭花乾其實係豆腐卜黎，吸收左美人湯既湯汁所以食落好惹味。牛筋腩有成七至八舊，炆到好軟焾入味，好食  水蓮係台灣出名既當地蔬菜，碧綠清新，擔當左好好既配菜角色。寬粉條晶瑩剔透，分量頗多，食完成碗之後非常滿足。最後飲埋杯泰國斑蘭薑茶，其實無咩斑蘭味  但薑味十足，飲完全身暖晒肥鴿未食過同名店舖既火鍋，但好鐘意呢間車仔麵提供既台式配料，以後有機會都會再黎試埋其他款式。其實佢地以食車仔麵黎講定價唔平，但如果想試下來自台灣既食材既話，的確係一個好選擇   

今日同同事兩兩個中午喺灣仔買完電話卡，順便睇吓有冇好嘢食啦，行行下見到有間養心麵，點解個名好似好熟悉咁嘅？，原來佢係養生殿下嘅一間麵館，橫掂都未試過,見價錢大眾化,就入去試吓啦!我叫左我個台式新竹米粉麵底,豬大腸,鴨血同埋魷魚。佢哋果啲餸全部都好新鮮，特別係魷魚，係水魷👍🏻👍🏻仲有個鴨血，又大塊又好味，仲有好多塊。要讚下嘅係佢個新竹米粉，麵條又幼又軟， 口感一流！仲有我發覺佢鋪頭嘅辣菜寶，真係好夠辣又好惹味，不過奉勸各位唔食得辣嘅朋友，試少少先,如果唔係真係好辣㗎。依間麵館一定係喺我將來嘅常客，因為，有近公司有平靚正嘅麵館真係唔多！

之前食過同一集團的火鍋店，都覺得美人鍋同食材都高質，見到佢仲有另開車仔麵店，又用返美人鍋同埋台灣食材做招牌，咁岩黎開呢頭就試新野啦！地理位置就唔多近地鐵站，銅鑼灣同灣仔中間咁，因為搭叮叮所以就腳少少，Lunch Time唔見話太多人，唔洗等位！位唔算多，一半係自修室位咁，入到去就係廚房，開放式，所以睇到乾唔乾淨！個人覺得都OK!又唔大油煙！呢度係先點菜付款，所以揀好就要去cashier俾錢先！食物會寫明邊樣係台灣黎！好快我碗就到左，湯底就麻麻，好似無打邊爐個美人鍋咁正，寬粉就好多，都吸到湯味，不得不讚蚵仔漲卜卜咁，超新鮮，而牛腩好淋！正！價錢係就貴左少少，但都仲係高質食材！

依一間養心麵係同養心殿同一個集團㗎🤔而養心麵就係主打車仔麵同埋其他台灣野食今次就試吓#車仔麵 $14啦😝湯底有美人湯同埋麻辣湯選擇醬汁方面就有麻辣同咖哩選擇小編揀咗美人湯同埋咖哩汁不過小編蠢咗 揀咖哩汁嘅話就會遮蓋咗湯底嘅味道😔美人湯入面有桃膠㗎 小編食緊嗰陣見到都有啲驚訝 估唔到連桃膠都有🤣而餸方面就揀咗#台式滷水大腸 $12同埋#台式滷水糖心蛋 $10🤩大腸好入味 而糖心蛋就生咗少少 做唔到糖心嘅效果 似係流心蛋多啲不過都好入味🤤評分:8/10

作為我第一篇既食評，想寫返一間性價比好少少既店，同埋唔好一黎就放間負評呀嘛～～嗱，養心殿未去食住，咁貴梗係要夾多幾個朋友先去食，咁就食住佢間姊妹店養心麵先，有咩咁把炮？因為佢個車仔麵湯底都有美人湯！係同養心殿招牌湯底一樣，喂喂，咁用車仔麵價錢食到養心殿湯底，OK喎！餐廳唔記得影，形容下，餐廳就唔大，座位其實都唔多，設計好平凡，話哂都只係食車仔麵，冇理由豪裝既～食物選擇一張紙睇哂，但麵底都有好多款，有幾款係台灣直送，配料都係，選擇我覺得都夠多既。任揀台式車仔麵(無限你揀幾多樣)   麵底$14起識食緊係要揀招牌美人湯底！配左台式寬粉條($18)，配料就揀左濃湯鮑汁魚膠($28)、台灣蘭花乾($12)同埋唐生菜($8)，盛惠$66。美人湯底係同養心殿一模一樣，用左桃膠、金華火腿、、南棗、烏雞等等熬製，湯頭清甜，仲有少少藥材香，寬粉條有啲似寬版粉絲咁，煙煙韌韌又索湯汁！濃湯鮑汁魚膠真係必點，有4、5大塊，塊塊都好爽脆，加上鮑汁令整碗湯底十分濃稠，好似碗仔翅咁稠身，而蘭花乾即係豆卜，又有成4大塊，全部都好抵食！另一碗都係點左美人湯底但就加左麻辣汁，要左台灣關廟麵($18)，配安格斯牛腩($18

養心殿？唔係呀，係養心麵！用養心湯底整既車仔麵啊！同養心殿同一條line既養心麵，今次試左美人鍋湯底既車仔麵。.🔺自選車仔麵主打台灣食材，湯底揀左美人湯，功多桃膠好足料！要左台灣關麵，比較特別嘛。餸黎講，最特別係呢個台灣蚵仔喇！大大粒脹卜卜，車仔麵都係第一次食到蚵仔，好有台灣味道啊！

台式寬條粉、台灣A菜、台式麻辣鴨血、台式卤大腸、蝶豆花蜂蜜檸檬寬條粉 煙韌掛湯，好味! 麻辣鴨血加麻辣湯底，賣飛佛  卤大腸 卤得入味但肥膏要清乾淨點。友人的關廟面則較清，也很好吃要ENCORE!!

今日星期六同兩個朋友去開灣仔, 四圍都係人, 又唔想食譚仔, 有人提意去食車仔面~ 我突然醒起係天樂里個邊有一間車仔面叫"養心麵" 主打係台灣特色車仔麵, 之前佢地食過幾好食~ 今日GYM完去下午茶就去試下~ 星期六晚4點~ 去到"養心麵" , 都幾多人~ 7成入座, 好好彩我有2人位~ 實在係太好了👏🏻👏🏻👏🏻👏🏻~ 坐底睇下個餐牌又唔貴喎~ 麵底14蚊 有普通既粗麵油麵河粉個D, 18蚊有台灣寬粉條,新竹米粉,稻庭烏冬不等... 其後車仔麵餸都係10蚊-12蚊一個餸, 我地叫咗豬大腸, 牛肚, 牛筋, 鴨血, 樣樣都好入味,🤤🤤🤤 肉類炆得好林, 麻辣湯底好惹味~ 正~ 值得推介~ GOOD~👍🏻👍🏻👍🏻👍🏻

早兩個星期先食完養心殿，但又好掛住佢個美人湯喎！所以就黎左養心車仔麵啦😋今晚都不多人，不用等也有位子。可以先找位子，圈好自己想點的才出去點單付錢，跟住就坐底等食啦！朋友叫左🥢秘製牛肋腩。🥢美人湯。🥢麻辣。🥢新竹米粉朋友喜歡牛肋腩軟腍的口感他還叫了一碗🥢小魯肉飯，但其實分量一點也不少，很大一碗，汁很下吃飯！我就嗌左一個🥢安格斯牛腩。🥢台式滷水糖心蛋。🥢鮑汁鳯爪。牛腩脂肪香，食落都腍。鳯爪炆得好腍，普通。 👑糖心蛋出色，蛋白熟，蛋黃流心🤤🤤我叫了🥢美人湯，食到桃膠好多，湯甜配上粗身的關廟麵，正😋👍🏻👍🏻👍🏻另外我仲叫左個🥢沙嗲醬豬頸肉，醬汁很多很惹味下飯，建議叫小食，不要加落麵，因為好多汁，我都係想飲個美人湯係清既🙈😋😋😋我地叫左野飲🥤碟豆花峰蜜檸檬很fresh 好喝！碟豆花遇酸會變色，這裡效果不明顯，打卡不行，不過幾好飲👍🏻😋

係養心殿新開既養心麵啊✨平時一大班人好鐘意收工去食養心殿🍲而家人少少都可以去佢旗下既養心麵食個簡餐❤️主打台式車仔麵🍜 揀埋美人湯底😳 有滿滿足料桃膠🌸入口有豐富骨膠原 啱晒秋天滋潤一下🐿🇹🇼 仲有台灣直送嘅蚵仔 大隻又鮮甜🌊牛腩都炆得好入味🐂最特別係台式寛粉條 彈牙得黎好入味🍢用幾十蚊嘗到養心殿既風味 仲有台灣獨有既配料揀😍飲品方面仲有女仔會好鍾意豆蝶花🧚🏻‍♀️📍銅鑼灣軒尼詩道365號地舖