影片
更多
2018-10-17
325 浏览
知道旺角有一間連鎖嘅精品火鍋店-養心殿台式養生鍋，就專程去試吓佢嘅特色火鍋底。餐廳裝修古色古香，門口仲要好有氣派。店員安排我哋入座，多數以四人枱設計，而且每一台都有屏風隔住，私隱度極高，朋友們可以暢所欲言。我哋比較喜歡藥材鍋底，所以我哋選擇咗寧神養心鍋拼秘製薑母鴨鍋。當中嘅寧神養心鍋配以多種名貴藥材及20斤鮮魚，仲要用4小時餚製而成，湯底主要以川芎、白芷、天麻、當歸同埋鮮雞豬肉材料製成，所以味道好香濃。飲一啖湯底藥材味同埋鮮魚味道濃郁，非常滋補。等緊火鍋配料期間，我哋叫咗小食-滷水大腸滷水鴨舌同埋老油條。滷水小食滷得非常入味。老油條外脆內軟，只需要放入火鍋湯底灼1至2秒就食得，脆口之餘仲有少少林嘅口感。火鍋配料多款選擇，而且Menu有兩版紙任揀，我哋叫咗鴨血、即炸響鈴卷、千層凍豆腐、有機秋葵、野生竹笙、梅菜豬肉丸、自家製鮮蝦雲吞同埋自家製韭菜餃等。我最鍾意嘅雲吞同埋韭菜餃打邊爐，韭菜餃入面有好多韭菜粒同鮮肉，皮一啲都唔厚，好足料。鴨血同埋千層凍豆腐都係可以吸汁既食物，吸收哂藥材湯底嘅香料同埋精華，所以非常入味。即炸響鈴卷即叫即炸，非常香脆，將響鈴卷浸落去湯底3秒鐘就食得，味道混雜咗藥材
餐廳裝修古色古香，門口仲要好有氣派。
店員安排我哋入座，多數以四人枱設計，而且每一台都有屏風隔住，私隱度極高，朋友們可以暢所欲言。我哋比較喜歡藥材鍋底，所以我哋選擇咗寧神養心鍋拼秘製薑母鴨鍋。
當中嘅寧神養心鍋配以多種名貴藥材及20斤鮮魚，仲要用4小時餚製而成，湯底主要以川芎、白芷、天麻、當歸同埋鮮雞豬肉材料製成，所以味道好香濃。飲一啖湯底藥材味同埋鮮魚味道濃郁，非常滋補。
等緊火鍋配料期間，我哋叫咗小食-滷水大腸滷水鴨舌同埋老油條。
滷水小食滷得非常入味。
老油條外脆內軟，只需要放入火鍋湯底灼1至2秒就食得，脆口之餘仲有少少林嘅口感。
火鍋配料多款選擇，而且Menu有兩版紙任揀，我哋叫咗鴨血、即炸響鈴卷、千層凍豆腐、有機秋葵、野生竹笙、梅菜豬肉丸、自家製鮮蝦雲吞同埋自家製韭菜餃等。我最鍾意嘅雲吞同埋韭菜餃打邊爐，韭菜餃入面有好多韭菜粒同鮮肉，皮一啲都唔厚，好足料。
鴨血同埋千層凍豆腐都係可以吸汁既食物，吸收哂藥材湯底嘅香料同埋精華，所以非常入味。
即炸響鈴卷即叫即炸，非常香脆，將響鈴卷浸落去湯底3秒鐘就食得，味道混雜咗藥材湯底嘅精華所在。
飲品除咗有茗茶之外，仲叫咗鹹檸七，另外仲有酒精飲品提供，就叫一支土耳其檸檬汽水試吓。
最後食咗咁多嘢都只係＄1200左右，每人平均消費＄300有找，有咁好嘅服務質素，而且食物新鮮美味，真係值回票價。
张贴
