養心殿台式養生鍋 (已搬遷) 新店位置

慶祝友人生日，有人推薦這家的麻辣火鍋出色試了鴛鴦火鍋，點了一邊是麻辣，另一邊是美人湯底餐廳環境衛生且舒適，喜歡衛生的朋友值得一試！美人湯底藥材味不算很重，吃下去感覺有點「咸」～麻辣便很不錯，材料多，麻中帶辣，個人認為是必吃的麻辣味道確是出色，麻的感覺很利害肥牛看上眼很不錯，但略嫌牛味不太特出午餐肉是必食的厚身得多皮是脆脆的生蠔也是很鮮味且肥美，推薦總括來說可以一試，如果多人一起吃是挺好的，2-3人未必能嘗試這麼多的款色！但坊間太多火鍋店，我還是想試試其他的火鍋店

之前去銅鑼灣間養心殿覺得幾好食，今次九龍區嘅朋友揀咗旺角，先要讚地點非常方便。內裏嘅裝修都幾古色古香，同個名幾襯。我哋叫咗鴛鴦鍋，美人鍋配寧神養心鍋。女人要補一補，寜神養心鍋有川芎、白芷、天麻、當歸同魚，而美人鍋有桃膠同烏雞。坐低見到有promotion like Facebook送咸零七👍🏻。食物方面都好多選擇，而且有拼盤同半份選擇，可以試多幾款。咁多樣餸今餐我最欣賞係鮮腐皮、餃子拼盤同水蓮。水蓮其他地方比較少見，餐牌寫每日飛機直送，滾一滾就食，嫩同脆口。鮮腐皮就好香豆未，不過唔可以煮咁耐，如果唔係就會溶。而餃子拼盤就一次過可以試六款餃子，足料大大粒，我最鍾意嘅傳統韮菜餃。見隔離枱d碟炸芋頭好似好靚，不過真係食唔落，下次有機會再試。服務方面都唔錯，好多服務員係走廊度行來行去，落單上菜都快又主動加湯，都要讚。

打邊爐除左食物要新鮮，最直接影響到食物味道嘅就係湯底，而如果個湯底夠好味仲要係健康養生美顏嘅，就錦上添花了。到達餐廳後第一件事就係叫咗個鴛鴦鍋，一邊美人鍋，一邊養生鍋，係女士必然之選。之後因為想一路等一路食小小野，叫左個炸午餐肉，雖然係好熱氣，但佢嘅質素同味道已經令我忘卻一切。外皮嘅香脆加上內裡嘅軟熟質感，令佢成為極邪惡嘅必點小食。打邊爐當然要有牛肉，我地叫咗一個大嘅手切牛，厚厚嘅肉放入濃濃嘅湯底，輕輕一灼後，仍然嫩滑。聽同事肥仔黃介紹，有一樣係必叫嘅，就係酒香白肉。佢用左有啲肥肉嘅部分薄切，令到佢肉質爽滑，再加上浸左落啲酒度，甘香嘅啖啖肉搭上酒香味，十分搭配。離不開火鍋嘅除左牛肉，仲有丸。我地叫左一個手打丸拼盤，其中我最鐘意嘅係鵝肝墨魚丸，兩樣甘香嘅食材放埋一齊，令到味道再提升一個層次，而口感亦豐富。食完哂呢啲主菜之後，店員仲奉上糖水，今次嘅糖水係芋圓腐竹糖水。傳統嘅腐竹糖水配上時興嘅芋圓，老少咸宜。總體來講，餐廳有少少fusion嘅感覺，火鍋老少咸宜，而新奇特別嘅湯底除咗好味又健康，冇乜第間餐廳可以做得到。

天氣開始涼，當然要去打邊爐。今次想去養心殿試一試美人鍋。環境不錯，空間算闊落，坐得舒服。我們點了酸菜白肉及美人鍋。酸菜白肉鍋另人很開胃，美人鍋很足料，有烏雞，桃膠等等，湯底好鮮甜，像家裏煲的老火湯，不禁令人喝不停口。侍應亦會不停加湯。酸菜白肉鍋會另送一碟酸菜白肉，薄薄的白肉肥瘦適中，帶上淡淡的酒味，很香口。霜降肉眼肥牛，入口溶化。手工丸類拼盤，每一款都彈牙好食，而且款式出面比較少有。我最愛的響鈴，大大條，上枱的時候已經看得出很新鮮，鴨血都很好吃。鮮蝦雲吞大大粒，很足料。第一次食麻辣牛肉餃，很惹味。酸菜白肉鍋裏面都有寬粉條，但我們覺得不夠喉，所以點了一碟，粉條配上酸菜白肉湯底真的很夾。最後還送上糖水，紅豆沙配芋圓都是第一次食，芋圓煙煙韌韌，紅豆沙甜度剛好， 雖然很飽，但還是可以把它吃掉。

最近天氣開始變冷，又是吃火鍋的時候了。是晚和朋友們到養生殿吃火鍋。來養生殿當然要吃養生的鍋底，我們選了寧神養心湯拼麻辣湯。寧神養心湯用料相當足，湯底還有烏雞和魚頭，湯味道甜甜地又濃郁。麻辣湯底有三種辣度可選，我們選了小辣，剛好過一過辣癮。湯底配料亦相當豐富，有豆腐、鴨血等，鴨血還可免費添加呢。手切牛肉，小盤，但份量三人吃都算足夠。我喜歡它肉質比起雪花瘦些，薄片亦很快熟。豬肉餃，更像是雲吞，內裏還有鮮蝦呢！味道不錯，餡料亦多。黑柏頁我也是第一次吃，不要煮太久，不然會很韌。快快撈起的話其實很鮮甜爽脆！雜丸有多種味道，我吃了兩款墨丸，好像差不多味道。牛丸中間還有芝心呢！說是自家手打所以吃下都挺彈牙的。豬粉腸份量挺多的，個人不太喜歡它內裏粉粉的東西。雜菜盤份量亦算多，一次過可吃多種菜，夠抵食。紫淮山麵很少見，所以點來試試。少少紫色但吃下不怎麼特別，我都係比較喜歡薯粉的質感。我們還點了個鹵味，有牛肚、牛𦟌和豬大腸。份量比想像中多，感覺抵食。味道都算入味，但質地仍不夠軟淋。最近我們都係打包回家，隔天再番熱反而更淋更好味呢！餐廳還送糖水呢！而且挺有質素的糖水啊！腐竹薏米還有台式粉圓都是我很喜歡吃的呢

又係火鍋時間, 雖然而家一年四季都係hot pot time, 但有少少秋意特別想食。老婆大人 話要食台式麻辣鍋但又要話驚燥,做老公嘅就梗係要諗辦法平衡佢。搵過幾間台式麻辣的店 , 這間養心殿人氣就數一數二而且仲要有養補湯底, 所以今日就兩口子黎打邊爐喇。食過咁多間火鍋,這個美人鍋湯底真係可以話不得了。 有大量配料包括新興養顏物-桃膠,烏雞,杞子 南棗等... 係滋陰補虛勞, 女人恩物。 老婆飲到讚不絕口, 喺未開始煮食時已經先飲兩碗,好甜, 桃膠完全吸心湯的精華, 烏雞肉嫩, 淨係飲湯食配料都飽左咁濟。麻辣湯就點左小辣, 可惜完全係bb 辣,唔夠喉!麻辣湯底本身已經有蜂巢豆腐同鴨血, 店會再送定多一份鴨血比我地。我地叫左個細嘅手切肥牛, 並不是薄如紙, 咬落口鬆化而且吸曬D 湯底嘅味道, 可以完全不需要點醬油。海中蝦$188 一份 原來得六隻, 確實令我有點驚訝。 貴就肯定貴左D 咖喇, 不過勝在好味。 上桌都仲撐撐腳, 好新鮮。 淥熟左蝦殼偏硬, 濃濃嘅海水鮮味加埋蝦嘅味道, 一咬就知係真海蝦。蔬菜就叫左台灣A 菜, 鮮嫩的, 成盤花咁。嚮玲就食得多, 所以今次叫左個油炸鬼黎食下,

天氣開始轉涼又係時候去食打邊爐~想食打邊爐又唔想咁罪惡，上openrice見到養生殿好似健康啲啲食材又精緻，所以約埋班同事一齊去放工去食啦見佢雙拼都係收返1個湯底嘅價錢，而且每個湯底都有唔同嘅配料，所以我哋簡咗1個辣嘅麻辣鍋同埋1個唔辣嘅養生鍋:養生鍋係以藥材、人蔘、火腿、老雞、豬肉煲嘅，一打開個鍋蓋已經飄出陣陣嘅參香，我哋係開始打邊爐之前飲咗一碗，飲落去參味回甘養生，我就幾鍾意佢人參味, 唔係苦而係少少甘甜味, 真係不妨試下。另外麻辣鍋由於怕會越打越辣嘅關係，我哋叫咗小辣。但其實小辣係唔辣嘅，如食到辣嘅話建議叫中辣以上。一般叫麻辣鍋的話，佢係附送1份嘅鴨血嘅，份量都幾多下，鴨血Q滑質地配合麻辣湯係最夾嘅。簡完湯底之後，就去自助醬料櫃簡鍾意嘅醬汁啦，個香醋同埋蒜汁都幾特別，用嚟點肉食冇咁膩我哋仲叫咗手切肥牛，日本蠔，響鈴，黑松露蝦丸，台灣a菜，鮮甜三蔬同埋椰青水。肥牛同埋響鈴都係打邊爐必備！肥牛新鮮而且色澤好靚紅白相間非常肥美，入口嫩得嚟係有牛肉香。響鈴碌2下之後，吸咗個咁正的湯底,所以特別好食。日本蠔都幾鮮甜冇咩"壓"味，但size 就細左d。 平時打邊爐淥蠔容易唔知去咗邊，好在佢哋

朋友介紹下。養心殿原來有午市套餐。位置唔難搵。上電梯一樓就到。入到店內。估不到一點多都咁多人打邊爐😄😄😄。地方乾淨。望望餐牌選擇好多。花多眼亂。最後點了招牌極品牛肉麵。先飲湯底。清甜有牛肋骨湯底。不是過往濃濃湯。👍🏻👍🏻👍🏻牛肉係牛展。好淋。好配合麵身。👍🏻有3款前菜。每樣都有小小微辣。好開胃。燉雞湯。湯底比較濃。飲得出係燉出上味道。雞味較重。正。湯料足。另叫鹽酥雞肉燥飯肉燥飯用珍珠米。肉燥汁濃。再配上新鮮炸鹽酥雞配對一流。鹽酥雞香口。雞夠流。同台灣夜市味道完全一樣😋😋😋😋。推介烏梅汁。夠凍，不甜。解渴。真係直得一試。

約「閏密」食生日飯，一定要食好野原本打算預約「地獄廚神」尖沙咀新開餐廳Maze Grill,但早兩星期預約已爆滿（連waiting list都wait 唔到）⋯⋯⋯突然回想起剛剛一起去完台灣, 大家都懷念著火鍋]湯底的那股養生虊材味~~~~~ 就想起想試很久的人氣台式火鍋店用餐當天, 開首對此店印象真的~~~~~第一, 竟然只收CASH, 我們一行五人食火鍋, 閒閒地都過千元, 令我放工要趕著排長龍提錢第二, 我們一行五人, 竟然安排四人枱加櫈, 令大家都坐得好迫, 真係有D嬲嬲豬。不過都來到了, 又是幫朋友慶生, 不能計較太多, 還是開開心心地吃吧!!!先來個湯底先~~~~必試鴛鴦鍋先講那邊, 絕不能錯過這半隻烏雞, 雞肉跟我平時煲湯的肉質完全唔同, 非常鮮甜嫩, 好正!!而且內裡用料很足, 有好多好多桃膠, 黨參, 元肉等等!!!而那邊, 由於大部份朋友都不太吃辣, 加上又是第一次, 所以麻辣嗰邊只點了個~~~~雖然上枱嗰下見到成湯都係辣椒, 都俾佢驚親, 但食落其實只有譚仔的辣度, 所以嗜辣的朋友相信要選中辣、或大辣先夠過癮了。點麻辣鍋, 除了鍋中的], 還會另上一份免費, 這個

我哋趁天氣凍凍地就一齊去約咗打邊爐，因為之前見到呢個promotion, 所以就一早約好早啲去食飯，諗住八點半之前走，咁就可以有七折啦我哋又揀咗我哋嘅至愛，就係美人鍋加養生鍋，另外仲叫咗啲打邊爐必食嘅嘢食啦。個湯底好快就到左，真係好真材實料。美人鍋係有原隻烏雞係入面，養生鍋就有人蔘、豆腐再加埋啲中藥材係入面，顏色都好靚，面個湯底個湯都好似煲咗好耐咁。我哋叫咗個魚子鮮蝦滑，即係可以自己畢落個鍋度食，蝦肉好彈牙再加埋啲魚子脆bob bob咁, 好鮮味。我哋仲叫咗個老油條，即係炸油炸鬼，就咁食就脆bob bob, 放入湯度食，油炸鬼就可以吸收晒湯嘅精華，好入味。

未入場已經見到好多好多人心裏萬分期待 😍場內環境較暗 hot pot黎講都幾有情調 😂like & share有一杯嘢飲送 😚滿心歡喜 味道都幾清新 吾會太甜反而感覺幾refreshing 🤤🤤🤤🤤🤤🤤🤤麻辣鍋冇想像中咁辣不過味道好豐富但我真系覺得個酸菜白肉鍋無得彈 😍咁講可能好誇張 但我真完全上引系咁飲啲湯 😂佢嘅酸吾系普通 單調的酸佢系有層次的酸吾只醒胃 仲好refreshing 海鮮放呢邊 👍🏻👍🏻👍🏻 海鮮新鮮更鮮 😂真系好中意 🤤 湯底非常棒 😂 不錯 不過台灣仲好食 🤣跟埋酸菜白肉湯底嘅粉粉 😍鵝肝獨特嘅內臟味道 增加咗墨魚丸味道本身嘅層次感😋炸到脆脆 浸一浸 索一索湯底 👍🏻滿滿都是淮山嘅味道 中意淮山嘅朋友一定要試呢 😁新鮮嘅海鮮 😋😋因為我怕麻辣湯底會令到我嘗吾到海鮮本身嘅鮮味所以我就放左落酸菜白肉湯底正如一開始講 湯底令到海鮮味更正正 🤤好滿足好滿足 😊

朋友推介呢間打邊爐, 上到去都有D人等緊位~餐廳都幾大, D座位都算闊絡.都幾有特色~坐低左, 拿拿聲叫野食!我地叫左鴛鴦鍋.寧神養心鍋: 好鮮味, 鮮魚淆成既湯真係不得了.養生鍋: 好多人蔘! 甘甘地, 都接受到既.兩款湯底都好多料!!有成大半隻烏雞~好補呀~醬料吧唔算太多款式, 不過有豉油, 辣椒同蔥都OK~ 上左湯底, D食材好快黎到!紫准山麵平時都係食烏冬多, 有准山麵又幾特別!即炸響鈴熱辣辣, 脆卜卜, 即炸真係唔同D!~鴨血完全冇D腥味, 夾起都唔會話好散~極上雪花肥牛雪花分怖平均, 肉味都算濃~涮鍋小羔羊肉片唔算太蘇, 所以唔覺食緊羊肉~同豬肉片都有D似.淮山吸左D湯底既精華, 好食~ 水耕菜D菜好新鮮爽脆~墨魚丸, 鵝肝墨魚丸, 魚皮餃墨魚丸好彈牙!鵝肝墨魚丸好特別~叫到成枱野!!好滿足~

養心殿台式養生鍋有很多分店，今次我們去了旺角分店。旺角分店位於新興大廈1樓，在雅蘭中心附近，當晚我訂了6點，不是太很多人，而且早時段有折扣呢!今次我們叫了麻辣鍋拚酸菜白肉鍋。麻辣鍋可以免費追加鴨血一份，而酸菜白肉鍋更可以免費追加酸菜白肉一份，拼湯的話就只能二選一。最後我們選了追加酸菜白肉。這裡的麻辣鍋不是太辣，但都味道濃郁。而酸菜白肉鍋配了很多，味道很鮮甜。小食我們叫了鹽酥雞($58)，都算大碟，3人份量。另外叫了鹵大腸($88)，很有鹵水味，而且夠大碟。另外我們叫了黑松露蝦丸 (半份)($48)，蝦丸加入了黑松露，味道份外不同。自家製極品水餃 (半份)($42)及自家製韮菜餃(半份)($42)，很大粒，包出來的形狀不大不小。這個翠絲水蓮($88)，本人十分喜愛，香港很少見到，水蓮翠綠，質感爽口，煙煙韌韌，質感Q彈，味道很清甜，打邊爐一流，而且份量很足夠。最後叫了一份涮鍋小羔羊肉片($108)，很有羊味，而且不羶，稍為煮一會兒就能吃。

今晚朋友聚舊，朋友 book 咗旺角呢間養心殿。 之前我去過銅鑼灣分店，感覺相當良好，睇下今次會唔會保持到水準。湯底女士們揀咗美人鍋，有桃膠同成隻烏雞，兩位女士都話好飲。而我今次反而揀養心鍋，貪佢 有川芎同天麻，啱曬呢期做嘢做到頭都痛嘅我。叫咗個手切牛肉，湯底淥幾秒下就食得，入口即溶。今次叫咗6隻蠔，記住唔好淥太耐，否則變咗做蠔豉。手打丸， 繼續推介梅菜豬肉丸。食到梅菜甜甜地， 同肉丸係 perfect match。 炸豆皮仍然是我最愛， 又係落湯底淥兩下就食得。菜籃啲菜仍然依舊好新鮮。佢特別在有秋葵，坊間嘅打邊爐唔常見。今次叫埋杯 Sapporo 生啤，48蚊有一大杯。另外，呢間分店嘅侍應數量奇多，如果要加湯或者加單，基本上即刻就搞掂，超讚。

天氣開始涼 又係打邊爐ge時候喇！ 想試呢間好耐 聽朋友講七點半前離座半價就約左一齊試下半價就好抵食叫左寧神養心鍋 好濃藥材味 有種好補ge感覺食材都幾新鮮 叫左牛肉 豬肉 蝦滑 牛肚 蟹棒 黑松露蝦丸 墨魚丸原本湯底都有成半隻烏雞 有魚頭 食到最後食埋隻雞 又入味又夠林 仲加左粉條！又係索左d湯好好味！