食美軒 (已結業)

踏入秋季，即係又到左食蟹嘅季節！除左大閘蟹外，好多餐廳都推出不同以蟹入饌嘅菜式。今次我地去左位於太平道嘅食美軒，位置方便但又唔會太多人，非常適合享受美饌。我地選擇左openrice 做緊優惠嘅「金秋蟹宴」二人套餐（優惠價$588)，套餐包括左5道菜。🔸蟹粉小龍包小籠包非常多汁，輕輕一咬，蟹香就伴隨着湯汁滲出，湯汁滿滿甘甜蟹黃，令人回味無窮。🔸酥炸蟹皇蓋酥炸蟹蓋包住嫩滑蟹肉，加上酥脆外層，富有層次感。 而且唔需要落手拆蟹，就可以食到啖啖蟹肉，好滿足。🔸雪裡藏龍類似賽螃蟹嘅餸菜，但係配上咗蝦，多重口感，鮮味十足。🔸蟹粉豆苗選用時令豆苗配搭鮮味蟹粉，油香撲鼻。🔸臘味煲仔飯呢度嘅煲仔飯比較特別，餸菜同埋煲仔飯係分開上，所以煲仔飯少咗臘味嗰一份油膩感，更加清爽。

冬天是蟹季但我朋友就是跟我一樣，如果要自己拆解一隻蟹會寧願不吃的人，所以我們就找到了這個性價比超高的「金秋蟹宴」，而且地點很方便，在旺角旁吃完飯搭車也方便。-首先吃的是蟹粉小籠包，大小在小籠包和灌湯餃之間，一隻一籠，皮真的蠻薄的，裡面是濃濃的蟹味，必點超正！-酥炸蟹皇蓋有點炸蟹鉗的感覺，裡面是嚇死人的滿滿蟹肉，配炸的外層吃有外脆內軟的感覺，真才實料不騙人。-雪裡藏龍見不到餸真係猜不到是什麼，原來是炒蛋白配蝦，首先是賣相超可愛，炒蛋白也不油也很有軟綿寶的感覺，還有蝦呢，蝦是半透明的狀態，比一般熟了全白的更加彈彈的，好好吃。-蟹炒豆苗是面盤一般的大碟！瘋了是吧！裡面有蟹肉有蟹膏有蟹味！拜託一定要點。-臘味煲仔飯也是另一嚇死人的慷慨，首先那個煲不是小小的，是中型的，師傅把臘味連飯一齊煮熟，上桌時再把臘味另放一個碟，臘味的份工真的不是開玩笑，有四款每款也有一行，是小菜吧！另外飯本人也是好好吃。喜歡它的粒鍾分明。

我對蟹嘅需求非常大，超級鍾意食蟹，今日同朋友食過蟹宴，正值秋季，蟹非常之盛產餐廳個裝修都幾典雅。有卡位，坐得舒服酥炸蟹皇蓋， 金黃色嘅脆皮，打開之後，鮮嫩的蟹肉，釀滿滿咗蟹膏，混為一體。蟹香濃嘅味道配埋啖啖蟹肉，入口非常細緻蟹粉小籠包，皮薄餡靚，肉餡加入蟹粉，再加上湯凍，輕輕一咬，陣陣蟹香滲出，湯汁滿滿甘甜蟹黃，好juicy, 回味無窮。雪裡藏龍， 滑溜溜滿是蛋白香，馬上拌白飯吃，人間極品，蛋白雪白泛油光，絲絲分明又嫩滑臘味煲味飯，臘味香味已經充斥整間餐廳內，令人有著說不出的興奮和期待選用臘腸和臘肉等臘味切片，再放入砂鍋中，逼出臘味本身的鮮甜醬汁，自然融入米飯中，香氣十足

今日來到位於何文田嘅食美軒首先個環境都闊落大方，卡位坐得很舒服秋季最愛食蟹，等咗咁耐，終於又有得食喇!!!!好味程度超乎你預期!!蟹粉宴包括多款以蟹入饌的佳餚，包括:蟹粉小籠包蟹肉的甜美封存在透薄的小籠包皮裡，一口咬下，香濃馥郁！令人愛不釋口的經典美味。 酥炸蟹皇蓋酥脆的外皮，內餡軟嫩絲滑，超香濃嘅蟹膏味，加上蟹肉嘅鮮甜味，香酥蟹蓋內的精華，讓人回味無窮。 蟹粉豆苗蟹粉的鮮甜與豆苗完美融合 臘味煲仔飯熱辣辣，香噴噴，食咗暖笠笠。吸滿大閘蟹的鮮甜精華而不油膩每一口都能品嘗到大閘蟹蟹肉的鮮甜！

在旺角東旁邊既太平道既實旺中帶靜，唔使5分鐘路程就去番繁華既旺角，太平道這間食美軒非常抵食！特別係這個金秋蟹宴套餐，好多人幫襯！網上預定，更加抵食化算。先食小籠包，內有蟹粉！外層皮幾薄，內餡夠多肉汁，帶點蟹既鮮味，幾滋味。炸蟹蓋，炸得金黃酥脆，餡料超多好飽滿，一疏疏蟹肉好鮮甜，還帶有蟹膏既甘香！每食一啖都鮮味無比。雪裏藏龍，非常有霸氣既名！大量既蛋白蓋面，做到嫩嫩滑滑既感覺，內有蝦球，夠爽口彈牙！而且還有炸左既蝦在旁，2種口味！份量非常多，好正。蟹粉豆苗，大量蟹粉蟹肉做topping,味道鮮味唔會過咸，菜苗同細嫩，食起黎唔會起渣，蟹粉味道完全滲到菜苗。臘味煲仔飯， 臘腸潤腸臘鴨既滋香滲到煲仔飯， 而且還有甘香嘅飯焦！相當有層次，口感一絕！最後還有湯圓做甜品，非常豐富！

最近好想食蟹，見OpenRice可以用七六折嘅價錢食呢個金秋蟹宴二人套餐（$588），真係好吸引！😍餐廳位置鄰近旺角，好方便同人聚餐。而餐廳環境亦十分古色古香，坐得好舒適。😎金秋蟹宴二人套餐包括以下多款小菜，每款小菜都分量十足，兩個人都食得超飽。😚🌟蟹粉小籠包小籠包皮薄餡多，餡料呈黃色，睇黎都落左唔少蟹粉😉鮮甜既湯汁亦都唔少，食既時候要小心熱。😜🌟酥炸蟹黃蓋呢個菜式係成餐飯嘅精髓，真係好驚喜！😍蟹黃蓋外層炸得十分香脆，輕輕挖開外層，就見到入面滿滿既蟹肉蟹膏，十分鮮甜，可以滿足曬我想食蟹肉既願望！🥰🌟雪裡藏龍嫩滑既蛋白雪山中藏有多隻鮮甜鮮蝦，真係名符其實，係雪裏藏龍😂呢個菜式真係有創意，配搭十分新穎。🌟蟹粉豆苗豆苗煮得啱啱好，味道鮮甜。😉🌟臘味煲仔飯煲仔飯用砂鍋呈上，好經典，最後仲食到香脆既飯焦～🤓而臘味份量都唔少，有臘腸、潤腸及臘鴨，最重要係唔會太肥。🌟薑汁湯圓呢個天氣食返碗暖暖嘅薑汁糖水，真係好適合。😆

本身煩緊同屋企人去邊度食生日飯好，想出街食飯又唔想去啲人多又嘈又逼既地方，最後係openrice見都有間中菜餐廳做緊蟹宴，因為呢期個個都食蟹，所以疊埋心水一於揀佢。食美軒係太子地鐵站向何文田方向行，唔算遠，但係隔一條街已經脫離左旺角太子既煩囂。餐廳座位幾舒服，好多卡位，屋企人/朋友黎聚會個感覺好好。今次預定左「金秋蟹宴」，打頭陣既係蟹蓋，酥脆外皮，入面係飽滿既蟹肉同埋幾種唔同既菇類，意外地配合，為成個蟹宴開左個靚頭。跟手黎左個臘味煲仔飯，真心覺得perfect 因為岩岩入冬，正正係要食煲仔飯既feel。臘味拼盤入面有：臘腸，潤腸，臘鴨，臘肉，同埋菜菜。我特別中意個臘腸，一入口淡淡的白酒香氣，呢種酒香既臘腸最適合配煲仔飯。然後就係其中一個最期待既-蟹粉小籠包，個小籠包用個「的色」既小籠裝住，一啖一隻，滿滿既湯汁，而蟹粉小籠包既精粹係，入口豬肉既湯汁+滿滿跟住湯汁出黎蟹既鮮味，交足功課。另一個重點就係雪裡藏龍，用炒蛋白包住蝦仁，味道清淡溫和，配埋紫蘇葉食個口感岩岩好一個斯文，一個爽快（香脆）。最後壓軸係蟹粉豆苗，好有趣。豆苗食得多，係我最喜愛既菜，而配埋蟹黃，食到蟹既鮮味，又有豆苗既清新，

早兩年疫情關係，唔敢約朋友食飯，近日疫情放緩，約了好久沒見的朋友食飯。最喜歡由地頭蟲帶路食好野，唔洗自己諗又有信心保證。朋友今次帶我食蟹宴，抓緊秋天的尾巴。呢間食肆位置在何文田，但其實好近旺角，旺角站行過來都唔洗10分鐘。呢度環境好古色古香，有好多街坊幫襯，差不多滿座，見到店員都好忙碌。我地叫左「金秋蟹宴」套餐，有5道菜，相信好夠食。酥炸蟹皇蓋 - 金黃色的蟹蓋好飽滿，裡面有蟹肉以及雜菇，外脆內軟。蟹粉小籠包 - 一定要趁熱食，一啖擺落口，滿口都是湯汁，仲食到滑滑的蟹粉，好滿足。雪𥚃藏龍 - 係蛋白裡藏了蝦，蛋白好滑，味道比較清淡。如果想濃味少少，可以加埋紫蘇葉一齊食，啲紫蘇葉都炸到好香脆。蟹粉豆苗 - 呢碟好大碟，豆苗加埋蟹肉蟹粉原來都好夾。臘味煲仔飯 - 剛剛開始入冬，正是時候食煲仔飯，有好多臘味，臘腸、潤腸、臘肉、臘鴨都有齊，個人最鍾意潤腸。煲仔飯啲豉油好香，加左豉油成個煲仔飯即刻昇華了。見到其他檯啲野食都好吸引好香，有機會下次再聚再食其他野啦。

好中意食蟹嘅我😍同家人book咗食美軒嘅 「金秋蟹宴」二人套餐💓之前係附近返學都一直發現唔到有間特色中菜館🥢上樓時見到嘅掛畫同玉石擺設，都好靚✨古色古香✨🦀蟹粉小籠包一人一籠嘅小籠包，皮薄餡靚，咬開爆汁，蟹黃甘香。🦀酥炸蟹皇蓋酥脆嘅吉列外層，釀入滿滿嘅蟹肉，好滋味。🦀雪裡藏龍堆得高高嘅蛋白雪山，入面有蛋白同蝦肉，再加咗少少薑。味道清甜。仲有炸蝦拌碟，炸蝦外皮香脆可以直接食。🦀蟹粉豆苗豆苗當造好滑嫩，加埋蟹黃茨汁仲美味！🦀臘味煲仔飯冬天一定會食臘味煲仔飯，焦香無比。

最近凍咗咁多，我就同家人去食冬日限定的【金秋蟹宴】🦀 套餐包咗有五道菜，包括有酥炸蟹皇蓋、蟹粉小龍包、雪裡藏龍、蟹粉豆苗、臘味煲仔飯。🦀酥炸蟹皇蓋 表面好脆，先焗後炸，令入面嘅料合而為一，味道互相配合加上脆嘅表層口感豐富。🦀蟹粉小籠包入面包裹住滿滿嘅湯汁，皮薄，咬落仲有濃濃蟹粉味，口中滿滿湯汁，但唔會完全蓋過肉味。🦀雪裡藏龍蛋白炒得口感像蟹肉，入口滑溜，內藏不少蝦隻。亦有炸蝦同紫菜拌碟。🦀蟹粉豆苗時令豆苗嫩芽爽口，配搭鮮味蟹粉，好好味。🦀臘味煲仔飯香噴噴，飯夠乾身，又夠香！

一踏入秋季，蟹又走出來橫行其道，據說秋季是螃蟹生長最好的時期，它們的肉厚肥嫩，且味美色香，為一年當中最鮮美，趁當做季節要食返餐 。上OpenRice 見到食美軒做金秋蟹宴二人套餐優惠$588，即時秒殺!與好友共晉蟹宴……今餐真的蟹蟹聲:🦀蟹粉小籠包皮薄而不霉，蟹味濃而不腥，肉汁澎湃，很有爆汁的口感，單純的蟹粉油香在入口時滲透出清新的蟹香真正能感受當中的鮮味。進食時伴以鎮江陳醋，不單能增添鮮味，更可中和蟹肉寒性。肉的份量適中，吸湯入味🦀雪中藏龍這道菜的造型很有氣勢，也很有創意，把蝦排列成蟹腳形狀，最後成了蝦兵蟹將的圖畫;中間白色的部份就是蛋白，用料十足，雪白滑溜的蛋白一層一層的疊上至高，混合了少量蟹籽，豐富口感，蛋白質豐富，女士們養顏之選；蝦大小適中，頭與身分開，方便愛吃蝦頭或只吃蝦身的朋友，炸得外殼脆脆的，容易剝殼，肉爽新鮮🦀蟹粉豆苗蔬菜界同樣矜貴的豆苗與海鮮界珍貴的蟹粉可謂一拍即合，讓豆苗加添香氣，油香樸鼻，兩款食材均是秋季當造之選，時令鮮嫩豆苗配搭足両蟹粉，不失清新口感; 打茨的份量適中，不稀不稠，更顯得菜滑身🦀酥炸蟹皇蓋外觀炸得金黃色，外層脆卜卜，內層軟綿綿；釀入足料拆肉蟹，最適

呢日奶奶生日，亞女喺網上搵到呢間喺太平道嘅食店，近佢老人家行路都到食店做緊「金秋蟹宴」二人套餐推廣，網上預訂仲有七六折，折咗唔使六百，我哋訂咗兩套試吓酥炸蟹皇蓋每位一只，蟹蓋似是花蟹，裡面釀滿蟹肉混和蟹膏，好似仲有金菇菜，再蘸滿麵包糠炸至金黃香脆，食落爽口鮮味蟹粉小籠包都喺每位一只，皮薄多汁，肉餡同蟹粉比例剛好，咬落有肉餡嘅鮮同蟹粉嘅香，加上湯汁滿滿鮮香甘甜雪裡藏龍將蛋白炒得嫩滑，底下藏着爽口彈牙嘅蝦仁，上面仲加蟹籽增加口感，而兩邊仲有油泡過嘅大蝦，將蝦頭排列整齊，擺碟非常有心思蟹粉豆苗豆苗經過快炒先可以保持鮮嫩唔韌，食出廚師的功夫，加上鮮甜的蟹粉，絕對是最佳配搭臘味煲仔飯一煲有齊臘腸、潤腸、臘肉及臘鴨，材料豐富之餘而且份量勁多，加上煲仔飯淋上特製醬油份外好味姜茶芝麻湯丸餐後仲附送姜茶芝麻湯丸非常貼心，可以驅寒兼暖胃

幫襯過“食美軒”幾次，都係飲茶，貪佢靜靜地。 今次去食晚飯，依然維持專業美味嘅高水平，而且坐得舒服，唔會有一般酒樓嘅嘈雜聲，輕談淺酌，舒心！蟹粉小籠包一籠一隻，夠份量之餘，蟹粉金黃豐足，食落鮮嫩多汁，極之好味！酥炸蟹皇蓋外皮炸得鬆脆香酥，內餡全部都係蟹肉，口感甚佳，抵贊。雪裡藏龍以蛋白炒蝦仁為主，炸蝦伴碟。 蛋白炒到非常香嫩，蝦仁大大隻晶瑩剔透，而炸蝦酥脆Q彈，可以連殼都食埋，食落口腔充滿鮮味。蟹粉豆苗上枱時香味撲鼻，豆苗好新鮮，煮功亦好，配上清香滿載嘅蟹粉，好食到不能停手！臘味煲仔飯用料豐富，有臘腸、潤腸、臘肉同油鴨，飯粒分明又有脆脆飯焦，加上各種唔同臘味嘅油脂，非常滋味！最後奉送薑茶芝麻湯丸，驅驅寒氣，正合心意。平日中午比較少人，星期五夜晚竟然爆場，一定要訂位呀。

秋天蟹當造，唔想拆殼咁辛苦，蟹宴就啱晒我。蟹粉小籠包皮非常透薄，見到有豐富金黃色肉汁，金黃色又有濃郁蟹粉味，鮮甜，肉質鮮味，滿口蟹香。酥炸蟹皇蓋金黃色外層，非常飽滿，內裡有豐富蟹肉饀料，外層酥脆配軟綿蟹肉，雙重口感。雪裡藏龍蛋白炒得非常嫩滑，入口即溶，伴上爽口蝦肉，夾脆蟹籽，好幼滑，還有酥脆蝦肉，蝦殼透薄，殼惹味是精隨。蟹粉豆苗豆苗翠綠鮮嫩，入口爽甜多汁，蟹粉金黃色，鮮甜可口。臘味煲仔飯飯以沙鍋煮成，飯粒粒分明，油潤煙韌，臘味會分開上，飯有臘味油香，臘鴨、臘腸、潤腸、臘味惹味甘香。送上湯圓，大滿足

食美軒呢間隱世中菜館係我一個住旺角既帶我去食過一次。環境清幽雅致，可以係寧靜下舒舒服服坐低慢慢嘆。最愛餐館四周都有古色古香既掛畫同擺設等，睇得出老板好有品味。今次去食晚飯，原因係網上見到佢地有個冬日限定既 【金秋蟹宴】二人套餐，岩晒中意食蟹既我地。記得要先係網上預訂，仲有優惠添。✨蟹粉小籠包一人一籠好精緻，大大隻小籠包最重要係皮薄餡靚，一口咬下，蟹香隨隨滲出，湯汁滿滿鮮甜蟹黃，濃郁滋味回味無窮✨酥炸蟹皇蓋蟹粉釀蟹蓋真係需要好多功夫，將蟹肉細心拆散，少少蟹殼都唔可以有，否則便會大大扣分。將膏，蟹肉絲，加入配料再釀入蟹蓋。表面炸至金黃，但餡料保持滋潤，每一口都係滿滿蟹香。✨雪裡藏龍純蛋白真係好嫩滑，同用雪裏所藏的蝦相映成趣，口感亦好夾。好大碟，滿滿既蛋白內藏爽彈蝦球。擺盤都好有心思，圍住蛋白四周仲有炸蝦🍤✨蟹粉豆苗 豆苗都係秋冬季節當造，所以話冬日限定點可以冇豆苗呢！清新既豆苗加上香濃鮮味的蟹粉，味道一拍即合。連一向好怕食豆苗既老公都清碟呀！✨臘味煲仔飯最後仲有一大煲臘味煲仔飯。煲仔飯火候控制唔錯，有少許鍋巴滿足我，但飯粒唔會太乾身。臘味竟有四款，臘腸、膶腸、臘肉，臘鴨。呢個二人餐份量都多