食美軒 (已結業)

在旺角東旁邊既太平道既實旺中帶靜，唔使5分鐘路程就去番繁華既旺角，太平道這間食美軒非常抵食！特別係這個金秋蟹宴套餐，好多人幫襯！網上預定，更加抵食化算。先食小籠包，內有蟹粉！外層皮幾薄，內餡夠多肉汁，帶點蟹既鮮味，幾滋味。炸蟹蓋，炸得金黃酥脆，餡料超多好飽滿，一疏疏蟹肉好鮮甜，還帶有蟹膏既甘香！每食一啖都鮮味無比。雪裏藏龍，非常有霸氣既名！大量既蛋白蓋面，做到嫩嫩滑滑既感覺，內有蝦球，夠爽口彈牙！而且還有炸左既蝦在旁，2種口味！份量非常多，好正。蟹粉豆苗，大量蟹粉蟹肉做topping,味道鮮味唔會過咸，菜苗同細嫩，食起黎唔會起渣，蟹粉味道完全滲到菜苗。臘味煲仔飯， 臘腸潤腸臘鴨既滋香滲到煲仔飯， 而且還有甘香嘅飯焦！相當有層次，口感一絕！最後還有湯圓做甜品，非常豐富！