食神麗宮

营业中

休息中

好耐都冇咁齊人，今次同屋企人一齊嚟到西營盤嘅呢一間中菜廳。食神麗宮位於西環西營盤華大盛品酒店地舖。餐廳裝修非常華麗，位置寬躺，坐得舒服自然食都會開心啲😂。。原隻龍蝦炒乳酪大大隻龍蝦，蝦身嘅肉起左出黎同乳酪炒埋一齊，每一啖都食到有龍蝦嘅鮮味同乳酪嘅口感😋。另外仲有隻鉗，又厚肉又鮮甜❤️。。印度咖皇室喱牛腩跟香脆長城饅頭咖哩好惹味，牛腩煮得又淋又入味😆，另外除左牛腩之外，仲有其他配菜都好好食👍🏻。長城饅頭都係主角之一，本身香脆之餘仲帶有少少甜味，沾上咖哩食，簡直不得了😍。。特醬燒乳鴿 兩隻乳鴿非常肥美，食落好有油脂感，調味亦都好出色😄。。金絲脆蝦球攞盤一流，淨係個賣相已經贏晒，蝦炸得好酥脆，大大隻好有咬口，不過味道上稍微鹹左少少🙈。。靚湯海味雜菜煲份量比想像中多，除左蔬菜之外，仲有d蝦乾魷魚等等，所以個湯好鮮味😁。。食神皇帝炒飯勁推薦，將炒飯擺到一條魚嘅外形，十分華麗🤩。飯粒炒得好乾身，粒粒分明❤️，另外仲有d蟹籽，令到口感更加特別🥰。

又有朋友就黎移民，今次揀左食中菜，貪佢圓枱方便傾偈，又冇限時可以慢慢傾，聽講食神麗宮係由星爺套<<食神>>嘅飲食顧問坐鎮，所以專程過黎試下。茗茶$12/位，花生$12碟，比好多連鎖茶樓都平。特醬燒乳鴿($35) - 乳鴿原隻上，店家有提供較剪同手套俾食客自己分。乳鴿皮脆肉嫩，唔會太肥，少少鹹香幾好食。蒜香玉乳脆鱔球($168) - 脆鱔球一客有八件，外層炸皮酥脆，鱔球肉質扎實冇碎骨，食落唔會太油鹹鹹香香非常惹味。15年陳皮話梅骨($118) - 話梅骨賣相紅紅地有啲似南乳，但入口話梅酸甜味好突出，炆得夠腍，骨肉好易分離。戲棚龍蝦湯泡粥($68) - 升級版蠔仔粥，用龍蝦代替蠔仔，味道夠又唔會太鹹，另外仲備有油炸鬼可以加入去，泡粥都幾大碗，可以兩三個人share食。紫米露 - 埋單仲有糖水送，可以揀腐竹蛋糖水或者紫米露，紫米軟硬度適中，椰味香，食完個糖水滿足晒。總結，小菜選擇唔算太豐富，不過每道菜都好有水準，侍應都比連鎖茶樓親切熱情，會同食客吹水講笑，絕對令成餐飯加左唔少分。

若非有五十多年烹調經驗，點敢自稱為「食神」，戴龍師傅的「食神麗宮」名字威威，菜式富創意，包括造型，可惜，二人飯局，嚐不了多少招牌。特醬燒乳鴿 $38名副其實的乳鴿，細細隻，不過兩個人分享亦可以，刻意送上剪刀讓客人自己動手，有點意思，配備手套又何妨。唔瘦唔肥的乳鴿，皮爽肉嫩很入味，特製醬汁有點不同。戲棚粥 $68/位首次品嚐戲棚粥，不知道傳統是否真的用龍蝦湯底？不過時現代的我來說，自然是龍蝦湯底得分。配上一碗切粒油炸鬼及胡椒粉。並非軟綿綿的粥，事實是湯飯，內藏粒粒龍蝦肉。脆蝦球 $128原來有多款脆蝦球，錯有錯着，點秘製醬皇脆蝦球，大大粒蝦球，外層真的脆脆地，肉爽口。魔幻汁煎蓮藕肉餅 $108賣相對版，煎得金黃香脆，泛點油光而不膩，混了粉漿肉餅偏向軟棉多於嚼勁。功夫小炒皇 $138蝦乾、魷魚、豆乾及蒜蕊的混合，份量十足。傳統中菜館的裝潢，光猛整齊，運作暢順。

放咗學約咗幾個朋友一齊去到附近食個dinner~我哋都好鍾意食中菜,所以就揀咗呢間酒樓~餐廳係由戴龍師傅主理，仲有好多自家製同懷舊菜式前菜有一碟香脆嘅花生粒粒，我哋好肚餓，就食住先，都幾正特製燒乳鴿燒得好靚嘅乳鴿，我哋自己剪同分嚟食，乳鴿好多肉汁，個皮好香脆，食落覺得好Juicy濃湯雞煲花膠一煲可以夠兩個人食,個湯飲落幾清甜,仲有大大件花膠同埋好多雞肉椒鹽百花釀吊片外皮係好香脆，入面係幾香嘅魷魚肉，外脆內軟，我哋食得好滋味，仲有啲整到好靚嘅脆脆粒粒同埋好香口嘅蒜粒，配埋一齊食好正

聽聞西環有間中菜名食神麗宮，點解會有此名，因為主廚堅持不用味精烹調，更把一些正宗烹調菜式，或失傳菜式，從新供應，讓食客前來，況如食神一樣，品嚐所有菜式都是佳餚。******************************食神麗宮位放西營盤和香港大學站之間，從地鐵站而來，說遠又不遠，說近又不近，也要要10多分鐘才到達。朋友就快離開，就想臨離開之前，變身食神，好好體驗一下。來到門前，就看見帶點中國色彩的名牌。走進餐室，和一般酒樓相比，也不算大，但絕對座位充足。麗宮食神主餐牌，菜式都以較有特式為主，與一般小菜有所不同。當然，晚飯都有些孖寶套餐和一般小菜選擇。難得前來做食神，當然要點選特式菜式。懂得一般家常小菜的自己，看見特式菜式，會特別喜好，因為烹調前同後功夫不少，不會自己動手，所以在外必定點選這樣的菜式。鮑參肚燴生翅 HKD218，叫得鮑參肚翅，就一定滋陰又養身，所以每喝一口都有不少食材在内，相信只有喝喜酒的晚飯才有機會食到鮑參肚翅，現在普通晚飯時段都可以品嚐，已經滿足。整個鮑參肚燴生翅，足夠4人每人一碗的份量，完全不用加紅醋，可以品嚐原汁原味，加入紅醋反而搶過原有味道。印度皇室咖喱牛腩

_____好味指數：🌟🌟🌟🌟抵食指數：🤑🤑🤑🤑約咗幾個朋友一齊食中菜，始終中菜都係人多先叫得盡興嘛😋今次訂咗呢間餐廳係由香港四大名廚之一戴龍師傅主理，菜單充滿自家製同懷舊菜式，而且價錢親民，值得推薦👍🏻✅鮑參肚燴生翅材料豐富，每一啖都可以食到鮑參肚翅，而且餐廳堅持唔用味精雞精，所以每份味道都係嚟自材料本身嘅鮮味✨飲完亦唔會覺口渴，加埋紅醋會更好飲添✅特醬燒乳鴿大大隻乳鴿都係$35隻！乳鴿油脂豐富，肉質鮮嫩🐦而且有醬香同南乳味，抵食✅印度皇室咖喱牛腩 聽講呢道菜嘅秘方有餐廳出天價購買！咖喱味道好特別，有濃厚東南亞風味🍛牛腩非常入味，食到咖哩果種層次分明嘅辛香味🐮而旁邊嘅長城饅頭亦十分出色，比出面嘅炸饅頭多咗一份鬆脆🍞而且同咖哩好夾，咖哩入面有煮到好腍嘅洋蔥碎，搽上饅頭頓時芬香撲鼻🧅❇️魔幻汁生煎蓮藕肉餅好好食嘅煎肉餅，用特製醬汁醃好肉碎，再加入蓮藕後生煎🍳肉餅外脆內軟，咬落去可以食到軟嫩嘅豬肉同爽脆嘅蓮藕，推薦👍🏻✅山楂汁咕嚕肉用上新鮮即製嘅山楂汁，令到咕嚕肉有一份自然嘅酸甜，開胃又好食🐷餐廳知我哋唔夠喉仲另外配多咗碟山楂汁俾我哋😋✅茶樹菰炒豬面肉幾創新嘅菜式，茶樹菰唔係好多地方都食到🍄豬

《食神麗宮》👨🏻‍🍳 係由著名食神戴龍師傅主理既中菜廳，1996年周星馳拍既《食神》都專登搵嚟呢位廚神做顧問😎 衣度主打傳統經典粵菜，有好多唔同嘅自家製和懷舊菜式，更絕無味精雞精等食品添加劑🤭山楂汁咕嚕肉🍍 🐷 精萃絕對係自家製既山楂醬汁，令人非常醒胃 ，醬汁會分開咗上，避免被芡汁浸腍，份外細心。而豬肉既肉質尚算鬆化，選位亦不錯！值得一試！特醬燒乳鴿🐦 熱辣辣，燒得非常香脆，而且本身自家秘制醬汁亦非常入味，絕對唔需要再落額外其他調味。生曬吊片炒粉絲🥘炒粉絲，寓意長食長有，亦都係考師傅功力，粉絲要炒得爽身，亦都唔可以太油！粉絲冇嘜黐底，口感煙韌彈牙，非常滋味。魔幻汁生煎蓮藕肉餅🫓藕餅煎到非常香口，入面顏色粉嫩，加上蓮藕粒口感好爽脆，味道岩岩好唔會太鹹，唯一係略嫌上碟前廚房應該未鯨乾油，多一下功夫就會好好多茶樹菇炒豬面肉 🐽 茶樹菇含有氨基酸，集保健食療於一身既天然菌類，口感爽脆，味道清香，用豬面肉一齊烹製，有保健滋補的食效之外，再點一點少少XO醬，份外惹味！金銀蛋浸白菜🥬食晚飯至少都要食一碟菜！白菜新鮮清甜，加入鹹蛋、皮蛋作金銀蛋時蔬，鹹蛋白可作調味，鹽都慳埋，提鮮消暑清甜 。📍食神麗宮

星爺周星馳的電影《食神》入面嘅戴龍師傅喺西環開咗「食神麗官」🏯就去試下啲小炒.原隻龍蝦炒乳酪🦞龍蝦大大舊😍肉質彈牙爽口😆加埋乳酪一齊炒🤍乳酪鹹香☁️.千本漬蜜豆炒帶子🐚粒粒帶子煎得微焦😌鮮甜嫩滑😗連同千本漬蜜豆、荷蘭豆一齊炒🔥更香口🤤.魚香茄子煲🍆茄子份量好，食落好juicy😋加上肉碎🐖帶出魚香🐟.金銀蛋浸時蔬🥬鹹蛋同皮蛋令上湯白菜變得唔簡單🥚唔錯👍🏻.絲苗白飯.杏仁露(2客)🤎杏仁味重，感覺幾滋潤😉.花生及茶水🥜🫖

除了日本菜，中菜亦是我的至爱，但除了媽媽煮的住家菜不會落味精外，到外面吃中菜的時候很多時都會落味精，搞到食完飯成日口乾乾。今天就去了朋友介紹的西環的食神麗宮，聽講餐廳係由戴龍師傅主理，去到門口就已經好有中國特色，餐牌上顯示好多都係傳統懷舊菜式，配合晒近來打卡熱點故宮博物館。入到去裝修亦都好骨子，夠晒闊落，今天好好胃口叫了好多餸，特醬燒乳鴿食神皇帝炒飯-炒飯上碟好似一條魚咁，鍾意打卡的一定喜歡，炒飯炒得好好，唔會太濕濃湯雞煲翅-花膠夠晒大件魔汁生煎蓮藕肉餅金絲翠蝦球-炸得啱啱好啲粉又唔會太多功夫小炒王-小炒王夠晒鑊氣上湯浸時菜-上湯亦都唔太鹹甜品就有芝麻糊及紅豆沙。

今日嚟西環食中菜，由四大名廚之一的戴龍師傅，人稱「香港食神教父」主理。入到嚟幾光猛，傳統酒樓佈局配大水晶吊燈，環境乾淨衛生，張枱夠晒大，坐得都幾舒服。職員都好熱情有禮，主動帶位及介紹菜式👍🏻餐牌款式都幾多，有選擇困難症的我揀咗好耐都未揀到😂，職員就推薦招牌乳鴿同戲棚粥。😍必食推介：特醬燒乳鴿呢個自家製醬汁燒乳鴿基本上係每一台都會嗌。即叫即燒，外皮燒到好香，邊位有少少脆口又唔會太乾身。咬落去味道非常濃郁，肉質結實帶有香濃的乳鴿肉味，成個口腔都會充斥油香但唔會太肥，必食推介👍🏻比起出面嘅酒樓，多數乳鴿會配淮鹽，呢度係唔會有嘅，因為自家製醬汁原汁原味，唔需要再加調味。濃湯雞煲花膠呢個係一人份，不過非常足料大份，兩個人share都冇問題。花膠有三大嚿，又爽又滑，滿滿嘅骨膠原☺️雞肉選取比較瘦嘅部份，所以煲出嚟嘅湯好清唔油膩，奶白色嘅湯底好清香，無添加味精，原汁原味❤️萵筍豉椒爆蝦球🍤🤩上碟已經聞到好香豉椒味，蝦球有8隻，隻隻都好大粒，咬落去爽口彈牙。豉椒味好香濃好惹味又唔會蓋過鮮蝦嘅鮮味，配埋爽脆嘅萵筍同三色椒🫑，每一啖都食到鑊氣。懷舊粵菜：戲棚龍蝦湯泡粥戲棚粥係盂蘭節做神功戲的傳統食品，充滿香港

同屋企人食中菜，想搵間坐得舒服D的酒樓Search 完覺得呢間中菜坐得舒服之餘，又有D特色菜，一於試下龍蝦炒乳酪$188煮菜前，待應會show 隻龍蝦俾你睇龍蝦起肉加入蛋白炒，好滑溜加左少少芝士的關系，味道更加香金銀蛋浸時蔬$88份量幾大，味道同平時食的大致差唔多山楂汁咕嚕肉$128平時的咕嚕肉偏向甜甜地，今次轉用山楂汁酸酸地為咕嚕肉解濟，味道幾特別戲棚粥$68見到個名覺得幾得意，原來係湯飯唔係粥配料都好特別，有少少芹菜同蝦肉，仲有一碟油炸鬼可以撈落去食，值得一試

若要盤點香港最具代表性的美食電影，總離不開一部周星馳的《食神》，內裡的的菜式多年來成為飲食界的話題作，由當年為電影擔任飲食顧問並客串一角的戴龍師傅所主理的食神麗宮，主打傳統經典粵菜。店內走舊式酒樓的傳統格局，面積寬敞，加上樓底夠高，座位之間留有空間感，坐得頗舒服。門外見到多個大大小小的魚缸，保証食到生猛海鮮。酒樓由電影《食神》的原型食神－名廚戴龍師傅主理，有好多自家製和懷舊菜式，所有小菜均保證絕無味精雞精等食品添加劑。茶錢 $12 一位，餐前小食收費為 $12一碟。金絲脆蝦球 $188金絲外型別具貴氣，其實是用蛋黃再以慢火溫油將蛋炸成縷縷黃金蛋絲，造工細緻。一口一件放上銀匙，與同桌分享時更衛生方便，而且炸得乾爽不油膩。外層酥脆無比，粉漿亦不會過厚，緊緊包裹著大隻肉厚又鮮味爽彈的原隻蝦肉。山楂汁咕嚕肉 $128每次點晚飯小菜時，咕嚕肉當然是必點的，夏天吃尤其開胃。咕嚕肉的精萃是醬汁，濃稠紅潤的山楂汁酸度更高，不會過甜，即時令人胃口一醒。與醬汁分開上也可避免外皮被芡汁浸軟浸腍，肉質鬆化柔嫩，一口咬下充滿肉汁。原隻龍蝦炒乳酪 $188以原隻龍蝦入饌，一上枱就已是霸氣盡現，視覺上效果搶眼而震撼

食神麗宮餐廳是由電影《食神》入面嘅名廚戴龍師傅所開設嘅中菜館，主打傳統粵菜、點心、燒味，而佢哋嘅招牌菜食神皇帝炒飯，鑊氣十足，而呢每一道菜都不會加任何味精，保證食得安全又健康。酒樓装修不是華麗，但環境光猛清潔，收銀處掛滿龍師傅的照片，店員亦好好禮貌招待。特醬燒乳鴿 ＄25呢度嘅乳鴿用秘製嘅特醬所醃製，而所謂嘅特醬其實係腐乳，而佢哋採取即點即炸，做到隻隻都新鮮熱辣咁上檯。金絲脆蝦球 ＄188用有香脆口感嘅金絲包裹住口感彈牙嘅蝦球，外皮炸到金黃香脆，香口非常，令人一食愛上。食神皇帝炒飯 ＄188係呢度嘅招牌菜之一，用料十分豐富，入面仲用咗好多海鮮好似帶子、蟹籽、蝦仁等，令炒飯帶有海鮮嘅鮮味，呢個炒飯仲用咗兩款不同嘅米，就為咗令炒飯嘅口感更豐富。戲棚粥：依家好少地方會食到，係舊陣時戲棚賣嘅粥。用米煲到開花，再加埋顏色呈橙色嘅粥水一齊食，而入面嘅配料又豐富，有吊片、蝦肉、螺肉、炸方魚和滷水鵝肉，口感好多層次，而粥底夠哂綿滑。小炒王：好多不同嘅餐廳都會有，用料不一各有特色，而呢度嘅小炒王可算係我自己最鍾意，首先夠哂鑊氣啦，用料十足，好似有炸香嘅小魚乾、好有咬口充滿鹹香味嘅蝦乾同埋魷魚乾、仲有吸哂

周星馳拍的電影食神成為經典，原來當中找了香港廚神戴龍師傅作為顧問，而食神麗宮正正由戴龍師傅主理，有很多自家創製和懷舊菜式，十分令人期待。濃湯雞煲翅，雖說是一人份，但它足夠二人分享，湯底是無味精雞湯，不會太鹹，夾起有豐富的翅及雞絲，喜歡吃翅的朋友不容錯過。特醬燒乳鴿，必吃的招牌菜式，size是bb的乳鴿，由客人自己剪開，也相當容易，入口鮮嫩多汁，$38價錢十分抵食。靚湯海味雜菜煲，有幾款蔬菜及蝦亁粉絲等製成，湯底有淡淡菜香。煎牛柳，食神秘製醬汁，有點像胡麻醬，牛柳十分軟腍，配有菠蘿粒解膩。最後還附送綠豆沙，吃完甜品完成這假期前愉快的晚餐。

食神麗宮，聽個名就夠晒霸氣，朋友請食飯，強烈推介，近西營盤地鐵站咁方便，決定赴約。門口夠晒氣派，入到去每張枱同枱之間距離唔會太近，幾舒服，鍾意佢盞大吊燈，感覺好豪華。我今日點菜特醬燒乳鴿濃湯雞煲花膠-每人一窩，每碗仲有原隻花膠筒，雞湯味濃郁生煎蓮藕肉餅 金絲脆蝦球 -蝦好新鮮夠晒彈牙功夫小炒皇 - 好友鑊氣，又唔會好油食神皇帝炒飯-炒飯好出色，上碟成條魚，吵得好乾身，粒粒分明。最重要係，所有餸冇加味精，食完唔會好口乾，大事大節親友食飯可以再考慮。