食神麗宮

营业中

休息中

今次約同3位好朋友去試下香港四大名廚食神戴龍嘅廚藝，叫左乳鴿，五香味龍蝦，咖哩牛腩（跟炸饅頭），干炒牛河等菜式，冇念到！我哋一食即刻有驚喜，味道一流，尤其是乳鴿，淨係叫2隻試下，點知啲肉質直頭好入味！即叫加多4隻，每人食2隻，埋單時仲叫埋10隻乳鴿外賣俾家人一齊分享！我哋一定會勁推介俾身邊朋友，竟然可以吸引到大约20位識食朋友訂左下星期再去食餐勁，希望食神寶刀未老，可以keep 住高水準廚藝！👍👍👍😋😋😋

上次八月家人生日，來這裏吃晚飯。今次中秋節團年飯，順應老人家嘅意思，來這裏吃中午飯試下點心及小菜。蕃茄豆腐班片湯，嘩，個湯底非常之靚。湯渣唔好嘥，大大塊斑片肉好滑。上湯浸菜心吊片蒸肉餅，，家人讚不絕口，可以伴一碗白飯，可見廚師功夫。拍泥薑炒飯 炒飯非常足料。還有鹽焗雞老人家很滿意，話下次生日要嚟呢度開生日會。

最近疫情有所改善，就帶家人出外晚飯，我們一行四人，從地鐵站步行，地點很方便。家人最鍾意吃乳鴿，十分滿意。新鮮炸起的，皮脆肉嫩，咸道剛剛好。我們一人一隻家人生日就想食一個食神炒飯，砌成一個魚的形狀，實在很有朝氣，材料亦十分之多，有帶子肉及蝦肉。製作很用心，魚䰵做炒飯面上，魚形狀的魚鰭及魚的眼睛。最後每人1碗紅豆沙做甜品，實在非常滿足。很久沒有吃這麼傳統味道的紅豆沙，很香的陳皮味道，煲到綿綿的紅豆，還有大大粒的蓮子。

我同父母黎過幾次，有次食羊腩煲仲講得過去嘅，但係都唯獨係個600幾蚊嘅羊腩煲唔錯，其他真係好垃圾，今日蛋白炒飯真係搞到我忍唔住寫食評，兩個字概括——冇味，蛋白炒飯你咁多料我一樣嘅味我都食唔到，然後算啦，叫個燒腩仔，頂你個皮硬到咩咁，都算喇，叫個生菜食下啦，生菜可以搞咩問題，哇你唔好話，送餐嘅人一路叫住「好熱好熱！」咁衝過黎，然後撞開曬檯上面啲餸菜，嚇到我當堂彈起，當我哋唸著走，後面果檯送餐又出問題，一碟飯跌落人哋隻腳到，反正呢度又唔抵又唔好食，最好唔好過黎suffer。

長輩響網上唔知邊度睇到推介呢間「食神」，強烈要求嚟食父親節大餐。見到「食神」2個字，心中當然天真有期望。 叫咗2千幾蚊，四人餐（almost $600 /一位） 。個餐有魚、龍蝦、乳鴿，多野食嘅，但☹️招牌乳鴿d肉係「梅」嘅😞龍蝦伊面嘅龍蝦肉唔彈牙，又鹹咸😕蒸魚魚肉都係「梅」嘅，d豉油好鹹 🥲🙁鵝掌鮑魚嘅鵝掌炆唔夠時間，唔夠「諗」服務員都盡咗力，但食蒸魚冇俾鐵匙羹 😫 問左好多好多次都俾唔到 ，條魚凍曬 （真係成10分鐘先搵到一隻鐵匙羹嚟）當然我哋食住等。 整體唔可以話難食，係差同好__鹹。 而且絕對對唔住個名「食神」同成6百蚊一位。 大佬 6百蚊一位，可以去西貢六福村食海鮮啦。 好伏，只可以安慰係長輩揀嘅，滿足到佢就好。

問樓面阿姐推荐。她說: 蝦餃，叉燒飽。真行貨！OK, 試下。都唔錯，OK 啦。蝦餃全是蝦，颇鲜甜。而“梅菜叉燒飽”却吃不出梅菜味！叉燒切粒，清楚看見，還不錯。這種舊式浮誇愛豪的酒樓，座位寬闊舒服，點心專門店是比不上的。他们以本傷人，早茶有優惠，並不貴。這個鋪其實換過很多手，我都記不清了。地處中聯辦對面，煞氣勁啩？我倒是很感興趣這裡推銷的戲棚粥。另外，店名叫食神，當然有黯然销魂飯啦。

長假期去完海洋公園玩，一家四口去西營盤德輔道西嘅食神麗宮👍 建議紅日晚上去，車可以泊附近少d機會抄牌！😂 試吓非常出名嘅中菜食府！試咗：魚造型嘅食神炒飯、熱辣辣$25蚊 燒乳鴿、囡囡特別order芝士龍蝦伊面，一位位上嘅清湯鷄煲翅！ 翅非常足料！👏全部都非常出色！服務員態度非常好！仲有幸同大老闆戴龍師傅合照！全家人都食得好開心。 下次一定試埋飲茶點心及食多幾味名菜，好似食神叉燒，燒腩仔，龍蝦炒乳酪, 戲棚粥 😍

星爺周星馳的電影《食神》，大家也一定記得戴龍師傅。喺度報章，得知呢位廚師開咗一間新餐廳係西環。抱住試吓心態黎食午餐，疫情之下，生意都很好。叫咗點心，兩個小炒試下，非常驚喜。戴龍會到每一台客人傾吓偈問吓嘢食啱唔啱食，非常親切。小炒王，其他餐廳真係食得多，呢個真係全香港食過暫時最好食，有炸香果嘅小魚，大大粒蝦乾，魷魚乾，豆腐乾，炒得非常多，落足成本嘅小炒。 點心叫咗燒賣，潮州粉果。兩個點心都好出色，食材新鮮， 潮州粉果極好食。XO醬蘿蔔糕，一睇就睇得到廚師嘅心絲，上面放上炸蛋黃絲，再放上XO醬，好脆，好有層次感嘅一個小菜。南瓜碎肉粥，個個搶着食好好味，想叫多碗已經賣晒。腸粉非常滑，值得食。果皮蓮子紅豆沙，傳統嘅味道，果皮好香，紅豆煲得好綿。正

我對味精敏感所以對中菜或餐廳都好小心。費事食完一餐飯唔舒服幾日。今次選了食神麗宮做公司的開年飯就因為他們不落味精。做的都是心機菜。首先是杏汁豬肺湯完全飲到杏仁的鮮味。然後就是暗然銷魂叉燒，玫瑰露的味很出。包裹着成塊叉燒。五味龍蝦重口味而且龍蝦肉滑又鮮！他們的乳鴿聽說是用腐乳醃製的連啲骨都有味最重要只是$25一只。真是抗疫價。值得一讚是他們的羅漢齋用黃耳竹笙等菇類。味道很鮮。吃完各種肉類來一件齋菜感到剛剛好。最後是椰皇燉碎燕。只是$35一盅。熱騰騰的。你去吃一碗芋圓現在也接近$50。營養價值你自己諗喇！男同事們也encore了燉椰皇....完美的開年飯！

我們一行4人叫了一個火焰鹽燒大閘蟹套餐$1998，加了兩隻試食價$25/隻乳鴿，有4隻六兩重鹽燒火焰大閘蟹，4隻醬燒乳鴿、4盅花膠燉螺頭乳鴿湯、蟹粉豆苗、鵝肝饅頭、鴨長生菜、古法蒸石班、炒飯，份量十足，沒有味精，每道菜味道有水準，服務很好，換碟很勒，大閘蟹用瓦煲上，煲上噴上玫瑰露酒，用火燒焗一段時間，煲蓋打開時，很香蟹味及紫蘇藥味，燉湯很足料，有陳皮味。唯一批評是出菜太快，我們吃完蟹，的菜全部都涼了。

今天第一次在此酒樓午歺，有乳鸽套歺，蝦餃，蒸豬手，煎糯米雞。蝦餃大隻又好味，乳鸽較咸（如加上蜜糖面就更好），價錢大特价，只25元一只，乳鸽套歺50元包甜品咖啡糕及桂花糕各一件，煎糯米雞好味但稍为贵了少少68元，豬手出奇的好味！環景可以，价格便宜，服务一般！2人共吃了231元下次會试晚饭！

估唔到西營盤見到食神戴龍師傅的poster,嘩！名廚出現小區怎可以唔食呀💪🏻收銀處掛滿龍師傅的照片，酒樓裝修不是華麗，但環境光猛清潔，新開試業已經坐滿人，阿姐好好禮貌招待先來一壺鐵觀音，以每位$8茶錢，合格有餘😁。「香芋鴨腳扎」芋頭唔夠淋，鴨腳無特別，但中間那舊肉好彈牙、好入味，救番全個點心「煎香啲蘿蔔糕」真係煎得好香，而且唔似出面的酒樓一味落粉「瑞士蝦多士」熱辣辣、脆卜卜，一咬落去㗎㗎聲，真係好好食呀😭👍🏻👍🏻「脆皮燒腩飯」燒腩肉唔咸，皮香脆口，鼓油汁烹調過好好味，我成碗飯...吃光了😅「特醬燒乳鴿」咁啱見到龍師傅就寒暄幾句，師傅話佢哋幾個朋友玩吓所以絕不落味精、雞粉，但求大家食得健康，好似佢71歲都睇唔出。講番隻乳鴿先，師傅話他們獨創用腐乳、天然香料醃製，要趁熱吃，一口咬落隻鴿髀，肉汁四散，好食到嘩嘩聲👍🏻👍🏻👍🏻最後「椰皇燉雪燕」雖然係雪燕份量可不少，而且奶味濃、滑口，得呀👍🏻食完覺得淺水浸蛟龍，難得這區有如此水準的酒樓，仲要性價比非常高，要做常客了😄