食神麗宮

我同朋友去食饭，一入到去就觉得环境好舒服，装修有格调，坐低之后侍应仲好细心咁介绍菜式，服务态度一流，真系令人觉得好warm。首先讲吓个上汤波士顿龙虾伊面，真系不得了！龙虾肉鲜甜弹牙，汤底浓郁得嚟又唔会太咸，伊面煮得啱啱好，吸晒啲汤汁，每一啖都系享受。我同朋友都食到舔舔脷，直头想encore多份！再嚟就系咕噜肉，外皮炸得金黄酥脆，咬落去仲听到「咔嚓」声，入面嘅肉质好嫩滑，啲汁酸甜适中，完全唔会觉得腻。我平时唔系好钟意食咕噜肉，但呢度嘅真系令我改观，食到停唔到口！仲有蜜椒金薯牛柳粒，呢个菜真系惊喜！牛柳粒煮得啱啱好，入口即化，金薯外脆内软，蜜椒嘅香味同甜味完美结合，好开胃。最后要赞吓啲员工，真系好细心又有礼貌。仲不时过嚟问我哋觉得啲嘢食点样，服务真系无得弹！成个用餐体验好愉快，食得开心又舒服。食神丽宫无论系食物质素定系服务都好唔错，绝对值得再嚟！…查看更多

食神丽宫金菰粉丝牛仔肉煲金菰粉丝牛仔肉煲非常受欢迎，上菜时仍然带有热腾腾嘅动感，沙嗲香气扑鼻，令人垂涎欲滴。牛仔肉肉质鲜嫩，经过慢火煮制后更入味。金菰嘅清香弹牙同粉丝嘅滑润带嚟滋味饱肚感，搭配浓郁嘅汤底，令人一口接一口，无法自拔。特别嘅系，佢当中加入菠萝粒，为热辣辣嘅牛仔肉煲带出清甜嘅感觉。脆皮一品烧鸡今晚点咗半只脆皮一品烧鸡，烧鸡外皮金黄酥脆，咬开唔会皮肉分离，令人食指大动。鸡肉鲜嫩多汁，味道微咸但唔会太油腻，恰到好处咁提升咗整体嘅风味。特别系鸡髀位，上碟后极速清晒。金丝脆虾球金丝脆虾球摆盘吸引，放上六只特色匙羹，上面再加上蛋丝，非常有气势。虾球金黄色嘅外皮酥脆可口，里面嘅虾肉鲜美弹牙。每一口都可以感受到虾肉嘅鲜甜。以金丝脆虾球作为开胃小菜亦非常适合。红豆紫米露最后餐厅免费请我哋食红豆紫米露，暖笠笠嘅，同时清新可口，甜度适中。紫米嘅香气同红豆嘅细腻，令人特别回味。…查看更多

好友邀约晚膳，选址西营盘「食神丽宫」，餐厅主打传统粤菜同时令小炒。特酱烧乳鸽：乳鸽下单时可要求原只上或一开 4。鸽皮炸得很香脆，鸽肉嫩滑带汁，入口外酥内嫩，连骨都有卤水香，食得相当滋味。 金丝脆虾球：初头仲以为系用咸蛋黄做嘅金沙虾球，原来顶层嘅蛋丝系将鸡蛋黄加盐，再以慢火温油炸成，虾球大大只，质感爽弹，入口啖啖虾肉。食神叉烧拼腩仔：叉烧肥瘦适中，肉质松化，入口带玫瑰露香。腩仔外皮烧到脆卜卜，肉嫩又多汁，入口肥膏香、肉软熟，完全无猪臊味。椒丝腐乳唐生菜：腐乳嘅份量下得啱啱好，唐生菜新鲜爽脆，食落咸香可口，正宗香港味道。饭后仲有甜品赠送，每人一碗芝麻糊，入口香浓顺滑，甜而不腻，好味。…查看更多

住喺港岛区嘅朋友约食饭，我跟着OpenRice嘅指示嚟到呢间餐厅，原来系一间酒店入面嘅中菜餐厅！食物选择都几多，而且有好多好吸引嘅套餐同优惠，就连完整一大个冬瓜盅都有！虽然只系得两个人，但系都好想好想叫依个冬瓜盅！见到隔篱枱都系两个人，都叫咗！食多啲冬瓜，去湿啊😄😄最啱香港春天潮湿嘅天气！冬瓜肉清甜，汤亦都好清甜，好饮又好食！蜜椒金薯牛柳粒呢个菜式好有镬气，有少少黑椒味，又有少少甜味，薯仔外脆内软超好食！牛柳粒嘅份量亦好多，一啖一粒，惹味！食神皇帝炒饭因为想要啲淀粉质，睇睇餐牌，就比呢个炒饭嘅名吸引，好有气势！原来佢嘅卖相都好强劲，系一条鲤鱼，仲有一大堆口感脆卜卜嘅蟹籽，成个饭口感层次非常丰富，非常有趣👍🏼👍🏼呢个地方有少少怀旧特色，坐得舒服，如果简单聚会想舒舒服服食餐饭，都系几唔错嘅选择！…查看更多

前排去咗西营盘附近同朋友聚会，突然间有啲想食中式茶楼，无意中发觉呢一间餐厅个名好霸气「食神丽宫」，有别于连锁店，因为店里面有好多奖牌，同埋原来店主同周星驰有拍过食神！-食神酱烧乳鸽🕊️可以单叫一只都得！乳鸽皮脆肉嫩，酱汁的甜味与咸味平衡得恰到好处-蜜椒金薯牛柳粒🐮通常出边食啲牛柳粒有时会好韧，但系依度完全唔会！而且佢嘅薯仔整得啱啱好。系我近期食过最好食嘅金薯牛柳粒-金丝脆虾球🦐摆盘展现了厨师的用心，外层的金丝包裹著虾球，增加了视觉的吸引力。略嫌有少少油，不过虾球都几大只。-浓汤砂锅鸡煲翅🫕砂锅不算太大，但汤底非常浓郁！翅一睇就知系上等嘢！好味嘅程度令到我成碗清光…查看更多