風雲丸 (已結業)

每次經過兩口子都好想試試，終於食到喇！濃厚豚骨魚介沾麵石鍋上枱滾燙到出煙！濃厚果然夠濃厚，配厚叉燒一片！麵底可自選硬度同份量，所以幾大食都好，特盛就一定夠食另外我地仲Order左一份餃子、野菜同粟米。餃子普普通通啦，未見突出！

今日同朋友啱啱喺銅鑼灣睇完戲，朋友提議要食拉麵🍜佢就話同事介紹佢經常去嘅來自日本🇯🇵廣島的沾麵專門店👉風雲丸👈到咗麵店雖然係已經係晚上九點！但仍然全場爆滿，好在唔使排隊，直入⋯⋯😬肉盛魚🐟🐠介沾麵＄128因為已經係晚上九點嘅原故，所以非常肚餓！有4件厚切叉燒大大碗⋯⋯200g—並盛300g—大盛400g—特盛不需加錢😊分冷💁‍♀️溫👉兩種食法因為已經係晚上九點，覺得非常肚餓😅梗係揀400g⋯⋯店員呈上攝氏高達300度嘅石鍋😋在石鍋不斷跳動，氣勢洶洶🤩煎麵湯底加入大量日本豬骨，餚製長達10小時👍非常濃郁！而且面仲係自家製添！選用日本小麥粉🤩充滿麥香而且彈牙😬叉燒肥瘦均勻！充滿油香！香鬆飯＄20將湯底撈入飯吃！非常滋味⋯⋯不過店員話可惜今日只有紫菜沒有肉鬆唐楊炸雞🍗＄35雞肉非常鮮嫩肥美多汁🤩葡萄好酸梳打酒青梅梳打酒＄18超值解渴👍

知道呢間拉麵店開左好耐，但一直都無時間經開去試。今日下午茶時間，終於可以路經此地。緊係試香港少有的熱石鍋😌有辣有唔辣❤️其實沾麵湯底比普通湯麵既湯濃啲、結啲，所以可以做到掛汁既狀態。再加上石鍋滾住啲湯，每一咪都熱到入心。最岩鐘意濃味、熱食既愛好者。連沾麵都可以揀軟硬度，佳我最欣賞的，因為我本身鐘意食軟身，所以唔係好多拉麵店可以配合到我胃部消化既需要。麵比較粗身，就算軟身啲但不失彈牙既口感。麵條彎曲最適合厚湯。仲有淡淡既麥香味道👍🏼份量仲可以揀大中小，唔適合大胃王既我，同食少少就夠既女士，真係夠曬貼心。每一啖濃湯都令我回想起東京的沾麵，如果我可以多兩個胃，我真係想食多兩碗！佢哋既叉燒係厚切，半肥瘦得黎一啲油膩感都無，反而加強了湯的香濃味道。配合得一盡❤️3-6點，優惠一碗9折、兩碗8折、三碗7折，有冇人下次可以陪我去食😂

又到左晚飯時間, 平是行過灣仔見到呢間風雲丸大排長龍, 今晚可能較夜, 所以可以立即入去食招牌菜就係呢個, 豚骨魚介石鍋沾麵, 如果食辣果款, 流心蛋就要另外叫喇都仲有其他口味既沾麵同埋小食, 而份量係自己可以揀架份量自己揀, 冷熱自己揀, 男仔食400g 都已經好飽一份係正常, 一份係辣既豚骨魚介沾麵睇下個湯底係好滾架職員都會份外提醒小心燙咀流心蛋好香好滑D 麵由於用左粗麵, 令到沾麵時不易斷而且保持彈牙, 唔會沾到過多湯底而過濃配埋玻子汽水正呀

昨天在一個介紹東京旅遊的電視節目中，主持人不停介紹日本拉麵和沾麵，突然間好想食日本麵，於是今天就去了一間日本廣島沾麵專門店滿足一下食慾。麵店位於灣仔，㯫聞是出名霸嗎拉麵的姊妹店，平時經過都見到好多人排隊等位。店舖裝潢無論店外店內都好日本feel,顏色鮮艷，未食嘢都已經好開心。拉麵食得多，而沾麵則是我第一次食。覺得店舖好細心，把食沾麵的方法貼在桌上供客人參考。食法是把一著麵條輕輕放在沾湯裏再夾起享用，可加檸檬汁會開胃些。另可把香鬆飯放在剩餘的沾湯中再攪勻作「雜炊」食用，或可加魚介清湯在剩餘的沾湯中作湯飲用。石燒豚骨魚介味肉沾麵（$93）麵的份量有200g,300g 和 400g 可供選擇，而價錢則一樣的。麵質有些似油麵，有咬口。沾湯用石鍋盛載，上枱時不停滾動，熱辣辣，湯味濃郁。䐁肉外皮香脆而且入味，肥肉入口即溶。流心蛋非常好味，蛋白鬆軟可口，蛋王夠香。荀條醃得不會太醎，而且夠爽口。還有些少菜苗點綴。

每次搭車經過灣仔都見到呢間沾麵，今日終於有時間入去餐廳坐低食返碗啦成間餐廳格局都好日本拉麵風可能我今日太早啦，所以唔係太多人我要左個石燒濃厚豚骨魚介沾麵，其實我聞到隔離檯個咖哩沾麵都好吸引，不過我呢排食得太多重味同辣野，所以唯有下次先個石鍋裝住熱騰騰既魚介湯，黎到既時候仲係滾的，食既時候真係要好小心塊豚肉好厚好大塊麵有分冷或溫，我揀左冷，因為我較喜歡彈牙既麵，而溫既麵就麥味重啲。呢個麵既份量係200g, 唔想食唔哂浪費食物

小時候在灣仔返學，長大後也在灣仔返工，發現近年灣仔區的食肆流轉率很快，公司隔離的W SQUARE姐經常有食肆遷出和進駐，最新的就是開業幾個月、位於地舖的風雲丸人氣沾麵專門店。除了平日每逢午膳時間都排長龍，連星期六都需要等位xd上兩個星期六因為下午有預約了做水晶甲，順便孖同事食個LUNCH^^藉此試沾麵入面座位蠻和風式，大部份是對排座位，中間以矮屏風分隔。風雲丸出名石燒沾麵，所以我單點豚骨魚介玉子沾麵；而好辣的同事當然點了辛辣口味的豚骨魚介沾麵^^其實沾麵和拉麵在香港已經很普遍，如果第一次食的朋友也不用擔心，因為桌上有教學卡: 沾麵有分為熱麵和涼麵，想要爽口彈牙可以選擇涼麵；想要煙韌Ｑ彈的，熱麵是好選擇同事的辣豚骨魚介沾涼麵先端上枱，滾厚甘香的魚介湯汁在燒得熱騰騰的石燒內翻滾正確食法是一箸麵先沾上湯汁再放入口，而沾麵的粗幼比拉麵稍粗，較易達到良好掛湯，能盡吸湯內精華。此時我的豚骨魚介玉子沾麵也來了，是店內招牌沾麵，喜歡爽口彈牙的我是選用涼麵，涼麵沾熱湯，剛好是可以入口的溫度。主角不單止一個，厚切豚肉是另一位沾麵主角，豚肉是自家調味的五花肉，屠次豐富分明，一層肥肉一層瘦肉，入口竟然是非常爽

今晚又黎到灣仔搵野食，見到呢間新開的風雲丸拉麵比較多人排隊，又未試過，就同朋友入黎試下。夜晚時段都好快就有位。最出名的是石燒豚⻣魚介沾麵，仲可以揀並盛或大盛或特盛，全部免費，富士山盛以上先要加錢石燒豚⻣魚介沾麵，大盛300g, 一拎上檯個沾麵汁仲熱辣辣發出吱吱聲，麵條粗身，但十分淋身彈牙，煙韌，香甜，有咬感，沾上麵汁食味好夾，麵汁有好濃豚⻣湯味，唔腥，有魚的甜味，叉燒好大舊，肥瘦適中，燒得入味味玉，蛋黃十分流心溏心，香甜易入口。羽根餃子，煎得香脆，皮薄餡多。

今日放lunch突登搭叮叮黎食，平時12點1點等叮叮都好多人🤢所以揀左2點幾先黎食，唔洗排隊，一入就有位。沾麵有幾個份量揀，400g都係收原價！所以都幾抵食。今次叫左個豚骨魚介味玉沾麵，玉姐係蛋既意思，仲要原隻上。沾麵係湯同麵分開，先夾啲麵浸落湯度，再夾去碗仔度食。湯用石鍋滾，熱辣辣冬天食最岩！而隻蛋就甜甜地，口感岩岩好，豚肉厚切，冇咩肥肉。呢間拉麵店係香港真係世界級水準

工作週的某天午餐，本拉麵控在未知虛實的情況下獨闖龍潭，一個勇字當頭，自家兒決意去吃大愛的沾麵是也。小人鎖定目標，特意早些到不用排隊，即入即叫。豚骨魚介湯雖以石鍋上，但可能是天氣太冷，越吃越凍；開始的時候是夠魚介味的，後來就失卻了那份香氣，變得激油激鹹。麵條不過不失，比起上來三X製麵所或歌賦街周X的更勝一籌。叉燒一塊，倒是還可，燒得頗香。全碗麵最正的是那味玉，流心程度一流，帶著超級香的蛋味，確實一絕。風雲丸沾麵，記得的就只是那隻美味的味玉。

今晚天氣很冷，很想吃碗熱辣辣的湯拉麵，在乘坐電車的我看到風雲丸便立即下了車。當時大約晚上9時半，餐廳門外仍然排著隊，唯有等一會。《沙拉唐揚炸雞 $38》看似炸得乾硬，但其實入口炸皮不厚，而且肉質算嫩、有肉汁、不會很油膩，加上沙拉醬很夾很配。《豚骨魚介拉麵 $88》（選了：軟麵 適中 硬麵 少油 少蔥 走蔥 走筍）豚骨肉上有堆粉狀身，那就其實是餐廳主打的魚介呢！將它拌勻湯底和拉麵，令本身已經香濃的湯底更添惹味。拉麵屬粗身，彈牙又掛汁，入口連湯實在英味！豚骨一塊有厚度，軟腍入味又不肥膩。《信州白桃蘇打 $28》清清甜甜又有汽，很解渴。《日本柚子雪葩 $28》拉麵始於有點膩感，所以最後吃一杯柚子雪葩很有消膩作用。

在灣仔出入的人士應該對風雲丸不會陌生，因為區內晚上有沾麵提供的日式拉麵店不多，所以晚上會見人龍。餐廳主打有魚介湯沾麵或拉麵， 魚介即是將魚介磨成粉加入湯中令湯更香濃。今天重來就是想再嚐美味的《豚骨魚介味肉沾麵 $93》（我在點菜紙剔了少蔥、走蔥、走筍）。可選200g,300g,400g或800g(+$45)，我只選了正常的份量。沾麵湯底加入大量豬骨熬製長達十小時，入味香濃。石窩溫度可高達300度，所以一邊吃都可以保持溫度。沾麵湯底濃稠度適中，沒有太杰身或者偏咸，香濃惹味。麵條由日本小麥粉每天新鮮製成，富有麥香，沾麵的麵條比拉麵粗，亦有「冷」、「暖」之分：冷麵更有嚼感又掛湯，入口實不錯。《辛口沙拉羽根餃子 $38》煎得香脆，餃子餡多汁又微辣香口。《葡萄酸蘇打酒 $18》吃拉麵配襯小小酒精挺不錯！《日本綠茶雪糕 $28》香滑且綠茶味濃，冬天吃雪糕真的別有一番風味。

去年年尾剛剛去完日本之後，已經有一段時間沒有吃拉麵，於是今天去灣仔的風雲丸吃沾麵。平時經過都看見大排長龍，所以今天十一時，餐廳一開門就到，無需等位。沾麵有多種選擇，亦有其他小食，例如餃子及炸雞。石燒濃厚豚骨魚介味玉沾麵沾麵湯底以石鍋盛載，所以吃到最後仍能保持溫度。吃沾麵習慣先品嘗麵條本身的味道及口感，口感筋道醇厚，頗有嚼勁，富小麥香味，而後味甘甜。接下來把麵條放入湯底中，入口醇厚香濃，實屬上品！半熟味玉蛋黃部分相當濃郁、炭火炙燒的豚肉，肥瘦比例適中，帶有濃郁的炭烤焦香。野菜豚角豚骨魚介沾麵沾麵湯底以肉內有大量野菜，與石燒濃厚豚骨魚介味玉沾麵截然不同，的野菜充滿了清爽的口感，沾麵濃郁香醇的滋味，再加上豚角油而不膩的口感，各種材料之間平衡恰當，不會彼此掩蓋味道，反而能調和到一起。辛口沙拉羽根餃子辛口香辣的風味，刺激著舌頭，乍看之下，這些煎餃好像沒有什麼特別，其實裡頭下了不少讓人吃起來回味無窮的功夫，沒想到煎餃也能達到如此美味的地步，要注意辣度頗高！

前2日去灣仔展覽， 跟朋友特登去了灣仔的風雲丸 因為很想吃它的沾麵我點了他們超特濃豚骨魚介沾麵 他們湯底以豬骨淆製十小時，最後加入優質鰯魚介粉，湯底非常鮮，湯汁也較濃稠。 麵可自選200克300克400克，價錢都是一樣的，我揀了最少的200克，因為想吃完麵後再加入飯，變成超級有味的濃湯飯。 上來時，熱湯裝左300度的石鍋器皿中，極滾動! 把麵落在湯中再撈起，已沾滿美味特濃的豚骨魚介味，麵質煙煙韌韌，非常好吃。 白飯沾滿湯汁，200%升級好味道，簡單可以吃掉一整碗飯。 配料有滑流溫和蛋及入口即溶厚切日本叉燒，每吃一口都很滾動，難怪長年都座無虛席。 另外我們點了2份餃子，原味及沙律辣味。  餃子皮很薄，一口一隻很不錯。 朋友喜歡吃原味點醋， 我喜歡帶辣，但其實加了沙律醬辣度也減輕了，不過依然惹味。

因另一半既影響，令我都開始對拉麵著迷了。我地一向都去食湯麵，沾麵就好少機會食，所以今日經過灣仔見到呢間就入左去試一試。雖然風雲丸有多款沾麵，不過我試既當然係風雲丸主打豚骨魚介味玉沾麵。沾麵主要分為三部分，最重要當然是湯底 (湯底可選擇冷/熱)，湯頭用了大量日本豬骨，熬製了足足10小時，再加入來自長崎及瀨戶內海魚介粉，不用雜魚，魚味濃郁，味道豐富，質感比平時的沾麵汁還要濃稠。沾麵的麵條是比較粗的，有口感又有嚼勁，更有多種麵量選擇，包括200g、300g、400g或+$45至800g。店負仲好清晰地介紹300g既係半碗份量，女士可隨意選擇適合自己既份量，又環保又貼心。湯裡還附上厚切叉燒、筍、流心玉子。厚切叉燒半肥瘦，肉質軟嫩、香味四溢。吃完麵後，仲可以+$20 order香鬆飯，加入熱湯裡成為伴飯，大滿足呀！另外店員也推介牛油玉子豚角飯及沙拉羽根餃子。牛油玉子豚角飯，份量不算大，女士應該剛剛好。飯上面鋪滿豚角，另外仲有蔥粒、牛油及蛋漿。牛油香氣四溢，豚角肉與叉燒一樣，肉質軟嫩。沙拉羽根餃子，餃子邊皮香脆，加上沙拉醬及特式辣椒油，非常惹味。但要留意係….都幾辣，唔食得辣就食原味啦！