風雲丸 (已結業)

相比起拉麵我比較喜歡沾麵更多唷，因為大部份沾麵選用都係較粗身既麵，所以麵質相對上比較彈牙，而且魚介湯好多都做得好濃郁。今次去到灣仔既風雲丸～ 終於試到lu！我就叫左招牌既石燒濃厚豚肉魚介沾麵（$88）大大舊豚肉燒得肥美，好彩都唔會好膩～ 呢到麵既份量有3種可以選擇，自己睇返食量決定唔好浪費食物呀！而個魚介湯都做得相當唔錯，夠濃又鮮味十足！個麵都相比起其它餐廳算好掛湯，沾滿魚介湯好惹味。同埋好鍾意呢到係用一個高溫石鍋放湯，所以相對唔會凍得咁快嘛。朋友就點左限定既芝士大蝦沾麵，一望個湯既顏色就知道芝士味同牛乳味有幾濃烈哈哈都係一個好創新既食法，沾麵的話我就都係比較喜歡傳統既魚介，因為芝士湯少左個份鮮同鹹香。不過反而配料既炸大蝦沾個芝士湯就好perfect match，蝦都算彈牙。其實有少少食龍蝦芝士伊麵既感覺😂😂整體黎講都係推介返傳統既魚介湯，同埋佢地招牌既燒豚肉，實在太邪惡了～

平日食晏會在地鐵站附近，今日因為同事有好介紹，例外走多幾步，風雲丸位置在銅鑼灣及灣仔地鐵站中間，環境佈置得十分有色彩，場上寫了很多字，直覺上是激勵的意思。這裏主要食沾麵，特色是非常濃厚的豬骨魚介湯，用鐵鍋載著保持溫度，而且仲有一片炙燒肥叉燒。我們兩個人，可以點兩碗不同的湯底及冷暖麵條分享。石燒豚骨魚介沾麵明顯魚湯味較強，冷麵更有彈性，熱湯冷面對比強烈，非常爽！叉燒非常肥美，出色的烚蛋，蛋黃橙紅，流心質感。辛辣豚骨魚介沾麵辣度強，但是跟四川口味不同，沒有那種會在胃內燃燒的刺激感覺，比較舒適易入口。

我要事先聲明先，食拉麵唔同食沾麵，大頭蝦嘅我以為今日係去食拉麵等我仲期待左好幾日，點知入到去坐低先至知道原來係食沾麵。咁好啦既然已經坐低左我又勁肚餓勁口渴，就快快脆脆睇吓有乜好食，幾年前喺東京晴空塔食過一次嘅我印象中淨係記得好大碗面同埋好飽個湯好杰。所以我就同我朋友仔講不如叫一個麵兩份食然後加多兩樣小食，同埋加左我最鍾意嘅豬腩肉叉燒。石燒濃厚豚骨魚介味玉沾麵 - 首先我要認左自己係有啲貪心，因為你可以選擇面嘅份量，我見既然係兩個人食一個面，所以我好貪心咁選擇咗400g，佢嘅魚湯係比較厚身，用石鍋係最抵讚嘅地方，保持湯嘅溫度，令到沾麵掛到好多湯，另外仲有一個貼心位就係你可以揀冷，或者暖嘅麵，我哋驚麵會太淋，所以揀咗冷麵，果然係聰明嘅選擇，我哋停唔到口，雖然用兩個碗分開食，好快啲面就俾我哋瓜分晒，我哋連檸檬汁都唔記得落，佢個湯底雖然味道係比較重，但係我怕魚腥味嘅我都覺得好甘甜，唔會過鹹，竹筍同埋糖心蛋又係冇得輸，呢兩件配菜都做得非常出色！炙燒豚肉 - 超好味肥豬肉！朋友唔係好鍾意佢肥，我就最鍾意佢肥瘦均勻，大大啖咬落去又有肥又有瘦肉，調味做得非常之好，鹹鹹香香好開胃，仲有啊只係加＄15就有

我幾鍾意食沾麵，成日經過呢間都未試過，今日喺正呢度落巴士，就試吓啦！有四款麵量，分別係並盛(200克)、大盛(300克)、特盛(400克)及富士山盛(800克)，前三種價錢一樣，富士山盛就要加$45。我咁肚餓但又唔想加錢，咁當然係食特盛！豚骨魚介味玉沾麵 ($93)平時食嘅沾麵比較普通，不過呢個上菜時都覺得幾震撼！用石鍋承載更能keep住溫度，就算未飲，已經聞到魚味，飲落鮮味更突出，口感好濃厚但一啲都唔會覺得過鹹或油膩。原來呢個湯底係以2公斤豬骨及雞骨熬足8小時以上。上菜前仲會落啲超濃厚醬油、豬油、魚介粉、魚介醬，蒜蓉及一味粉。望一望廚房旁嘅檯面，上有有好多沙甸魚乾，原來會先將佢哋風乾4天至一星期，再磨成粉末製成魚介粉；麵條非常粗身，掛湯能力唔錯，因為係叫咗凍麵，口感特別煙韌；食到咁上吓再加少少檸檬汁，店員話會冇咁膩，不過我覺得檸檬汁係令魚味更加突出！秘製厚切叉燒肥瘦適中，輕輕燒過嗰種焦味更加正；溏心蛋簡直一流，一切開啲蛋汁漏晒出嚟，蛋味勁香濃，其實真係想再叫多隻！估唔到沾麵質素好好，最buy係佢用石鍋上，就算食到尾都仲好熱！而且店員都好有禮貌；收銀處旁邊又有綠茶，俾客人排隊時飲，非常

這次已是我第二次食風雲丸了，店員服務好，環境清潔乾淨，食物質素中上，湯底夠濃又熱，仲有石煲滾住個湯令佢無咁快涼，面條有𡁻口，軟硬適中，當然是可以揀返自己想要的口味，溏心蛋夠甜，不只是酒精味，豬肉夠滑而且夠味道。

豚骨魚介味玉沾麵.風雲丸主打豚骨魚介沾麵 麵條可選冷或熱以及份量 蔥和筍也可跟個人口味而作出調整 個人化程度很大!😌沾汁以滾熱石鍋盛載 溫度得以保存☺️就算選了冷麵 也不會令沾汁的溫度下降得快! 麵條比較粗 口感彈牙 而沾汁比較重口味 魚介味濃 個人覺得略咸 而質感比較稠 容易裹上麵條 店內的吃法說可以加上少許檸檬汁 減低膩的感覺 自己就喜歡加入了檸檬汁之後的味道😋厚厚的叉燒 脂肪比例較高 炙燒過後 香氣十足😉而半熟蛋的半熟程度還好 入味👌🏼

今日見完客經過灣仔這間風雲丸日本拉麵店, 難得下午兩點幾冇乜人在門口等，就決定入去試碗靚麵。來得風雲丸，當然要食這裏的沾麵啦， 今次試下食野菜豚角豚骨魚介沾麵和燒汁羽根餃子， 再來支日本直送信州提子梳打， 一個人食啱啱好。等了一陣， 這石窩熱騰騰的沾湯和碗拉麵便出現在眼前， 見到這濃郁及滾熱辣的沾湯， 已急不及待食起上嚟。 沾湯材料極其豐富， 除了椰菜、芽菜和葱花外， 這碗沾湯的豚肉也很特别的，是碎粒上的，沒有多餘嘅肥豬肉膏，食起上嚟啖啖肉， 湯底味道非常濃郁。 食法當然要依著店舖推介的先後次序來食， 不得不相信，冷麵食落果然有嚼勁。 只需每次一小撮麵放在熱騰騰的沾湯內幾秒， 之後加上少少檸檬汁， 味道濃得嚟食落帶有少少檸檬汁， 果然愈食愈開胃， 最後連沾湯也不放過， 飲多幾啖。 當然，沾湯內的材料我也不會放過，全部食完。超捧！至於燒汁羽根餃子， 餃子內的材料足，有豬肉碎和韭菜，因燒汁味太重， 好食得嚟但要飲好多水。最後嘆返之信州提子梳打， 味道都幾甜， 配上有氣嘅梳打， 食完沾麵後再飲， 果然是不錯的配搭。

跟朋友在會展那邊參加完EVENT, 因為想食沾麵結果一路從會展那邊走過來了, 跟著GOOGLE MAP 走了幾條街, 路程還在可接受範圍。因為我地兩個都唔算太肚餓,係到煩惱緊要點幾多野食之際, 竟然見到200g的並盛、300g的大盛和400g的特盛都唔洗再加錢啊, 份量不同但價錢卻是一樣的，這不是超抵食嗎?! 所以我們點了碗沾麵SHARE，再叫個餃子食~~餃子很好食啊!值得再行過黎幫襯多一次!麵質超好食!很合我心水!!!

次次行過都好多人排隊, 今次專登平日12點半前入坐, 就唔洗等位。叫左個豚骨魚介味玉麵。麵有分幾個分量 並盛 200g , 大盛 300g , 特盛 400 g 及 富士山盛 800g 。 只有富士山盛要加$45 , 其餘三個分量不用加錢。如果兩個人建議叫富士山盛兩個人share 會比較化算。而且麵有得選擇冷或溫  天氣再熱d 可以試下冷既。講返碗麵 個湯好濃豚骨同魚既味道。沾麵一般都係偏重。呢次亦都唔例外。但風雲丸有附上新鮮檸檬一舊 , 我加左d 落沾麵汁到 , 食落有少少清新檸檬味。將d麵一束束夾落熱辣辣的沾麵汁度慢慢嘆 唔怕d麵浸到淋曬  麵既質地適中有咬口。糖心蛋好蛋香味。咬一口再汁d 落沾麵汁上起 , 味道提升。

自從去年看營養師要禁食拉麵後，我基本上沒有踏足任何一間拉麵店（好像），當今年要減肥的時間又差不多到了！便去之前一直想吃的「風雲丸」試試看🤪星期六下午茶時間來說，還有點滿座，我們被安排到角落位置。可以自行選取自己喜愛的配搭。桌上還有不同的醬汁，說明了他們的豚肉是用了低溫慢火浸煮超過十小時的，是很用心的製作！豚骨魚介味玉沾麵  ＄93選了溫熱基本沾麵配有300g大盛的麵，走蔥、走荀，份量也是很多，有一大大塊厚肉及溫泉蛋。而溫泉蛋放到最後才吃，咬一口，蛋汁依然流出，不會因為放在溫熱麵上太久而熟透辛辣豚骨魚介沾麵 ＄93另一款我們也試了沾麵，跟剛剛哪款一樣，但少了隻溫泉蛋。辣味非常足夠，不吃辣的不要去試，因真的很辣🌶湯味比想像中濃郁，麵沾到湯底是黏住的，有一點油膩但又十分滋味😋唐揚炸雞 ＄35 （五件）炸雞外脆內軟，吃落不會太像雪藏雞，每件都有一定的份量。香鬆飯 ＄20其實每次吃沾麵都會叫多碗飯放進剩餘的湯底，一來不想浪費，二來想吃盡湯底的精華😍不過這一次湯有點多🙈

灣仔愈開愈多拉面店 沾面店今次就試下風雲丸店面裝修好突岀搭電車經過或者平時行過都一定會望到佢午市早少少到等一陣就入到去入到去飲杯冰水先跟住嗌左碗沾面上面有豬肉 蛋 同荀面量仲可以根據自己食量去揀碗汁既份量好足夠 亦到好夠味下次再試下其他款式先

星期日訓到兩三點先起身，同朋友就約咗去灣仔一間日式沾麵店食野喇一入門口就見到掛住一個個既紅色同白色燈籠，好有日本風情，而且都幾光猛比人感覺好整潔！同朋友嗌咗兩碗一樣既石燒農厚豚骨魚介味玉沾麵，不過除咗麵可以選擇冷或者滑之外，麵既份量都可以揀。朋友大食啲就揀咗特盛，我就揀返正常份量啦！第一次食沾麵，見到啲沾麵汁滾滾下熱辣辣覺得幾得意，不過最開心既都係隻蛋係流心嫁！沾麵既食法就係一啖啖咁將啲麵點落啲汁到食，沾麵汁比較’結’身，可以癡住每條麵呀同埋食落好香濃豬骨湯味又有魚香，唔同平時食既拉麵咁嚟嚟去去都差唔多咁以前一直都冇機會食沾麵，真係覺得相逢恨晚呀，一定會再嚟食

昨天午餐去灣仔, 經過此店剛巧有位便入座.沒有什麼概念便問問服務生有什麼推介, 叫了一份濃味沾麵, 冷麺上!來的時候湯是超滾, 將麵沾上湯, 入口味道很濃很重! V good!麵口感好彈牙, 那塊厚厚既叉燒比想像見冧同好味!價格略貴但尚可接會再encore!

早排🍎👧🏽的沾麵令🍋👧🏻對沾麵心動了 所以今日👧🏻決定過海去灣仔試下好多人話好食嘅風雲丸😤試吓係咪真係咁勁先🤔－－－－－－－－－🔥石燒濃厚魚介味玉沾麵($93)有四個份量可以選擇.✔️分別係200g 300g 400g (不需額外加錢)💰同800g(+$45).✔️仲有温麵同埋冷麵可以選擇. 今次👧🏻揀咗300g同冷麵 冷麵口感彈牙☺️有嚼勁 好掛湯🍜湯用石鍋上 咋咋聲😆好吸引🤤 平時食嘅沾麵會越食越咸 今次就冇乜 麵配上溏心蛋 🥚筍🥩同一大塊舊叉燒 賣相雖然吸引 蛋夠流心 叉燒肥瘦平均😛 有厚度 可惜兩者都唔太入味🤭.－－－－－－－－－大胃王👧🏻下次會揀400g麵🤩因為食完還是有點餓😅但是對於一般女生來說 300g應該都足夠 挺欣賞餐廳提供不同份量給客人選擇😙因為這樣可以減少浪費🤑.後記***大頭蝦👧🏻漏左成個電單車頭盔系餐廳🏍好彩職員好好保管 先攞得反🙈而且他們態度都不錯喔👍🏻👍🏻

行經灣仔正值午膳時間, 見到馬路旁邊有一間好有氣勢的日本拉麵館叫”風雲”, 霎時覺得自己飢腸轆轆, 係時候要食嘢醫肚了, 即然在拉麵館旁邊就一於入去食拉麵啦!我叫了一碗辛辣豚骨魚介拉麵, 落order時有得俾你選少蔥/走蔥, 麵硬/軟, 我喜歡食硬身D的麵條, 所以我選硬身麵, 好快, 一碗紅紅地色的辛辣拉麵來到我面前,豌面上面放了好多蔥, 好香, 蔥香味夾住豬骨湯的香濃味道, 聞到都食指大動, 挑一著拉麵吮一聲送入口, D拉麵硬度剛剛好, 有咬口, 我鍾意, 雖然是辛辣湯底, 但卻不是太辣, 但是非常香濃, 伴住D麵一齊食, 非常惹味! 仲有厚厚的一塊豚肉, 好厚好林, 肥瘦相間, 肥嗰部份入口即溶, 瘦嗰部份很林很入味, 豬肉香味濃郁,一著拉麵, 一啖豬肉, 一匙湯, 仲有些香蔥, 哇! 味道好夾好好味! 估唔到灣仔有間咁好食的拉麵店, 下次經過灣仔我會再入來食, 好味道!