青悅 (已結業)

晚餐叫咗碗喇沙濛粉，開頭都覺得幾好食到最後先至發現碗湯入邊有小強，好過份！上野餐廳豁免左收費，但係都想話比人哋知等大家有個警戒，可想言之餐廳衛生情況，希望佢哋有改善，依家諗返起都上作嘔🤮

味道中規中矩啦，即刻炸起，個個人認為份量小得不合理。這個豬扒幾若味，肉質是軟身的，頗易入口。想狠狠地批評這個沙律。一點也不開胃。主要原因是醬汁太過重，好咸又好甜，完全失去沙律的原義。另外說好的帶子是細細粒的樣子，什麼味也沒有，個人認為用2粒大小小嘅撐住個場都足夠，最重要是有點帶子味嘛。。。基本上呢碟嘢個味就係個醬，我差點連西柚的清甜都感受不到。幾好啊呢個，面頭的蔥有炒香過

之前青衣2期還沒開的時候,常常來這家吃泰國口味的越南菜.味道真的不錯,只是服務就比較一般.環境比較昏暗.有提供BB櫈同餐具.豬頸肉炒飯,豬頸肉很爽口!不過還是菠蘿🍍飯比較好吃,炒飯比較多料.海鮮喇沙,最好吃湯底夠濃,料都好足,有帶子,蝦,豆腐朴,蘿蔔絲,魷魚,肉扎等等..一個人吃超級飽!翡翠炒馬拉盞,必點的菜.咖啡沙冰,冰唔系沙,是碎冰,有D失望!還是點水果汁好喝很多,起碼吃到果肉.總結來說,偶爾來吃吃是可以,選人少的時間比較好,不然會很趕,有點催.

係青衣城等位食飯閒閒地都要等半個鐘呢間餐廳上菜上得好快所以想唔洗點等位的話呢間一定係首選繁忙時間都唔會要等好耐每次黎到都覺得佢隻碟好靚架食物方面 都分得幾仔細今次就試左香茅豬扒撈檬印象中好似第一次係到食豬扒豬扒分量都唔少不過可惜肉質非常硬無咩肉味加上個底都煎得比較燶所以食落都有D苦反而朋友食蓄茄湯檬就好好味有濃郁既蕃茄味 D湯都唔水非常之醒胃除此之外我地仲叫左個咖哩煲都幾足料架可惜我地叫左麵如果唔係叫兩個飯送汁仲正呀最後啲汁都食唔哂打包返屋企送飯食先

10/5/18 12:10到青悅午飯點了7個午餐一個飯餐六個河粉，但上了6個餐之後就漏單，只係生牛肉湯河一碗，由12:30催；12:40催；12:50催；1:00催回覆只係話 「好多單做緊請等等⋯⋯」、「得、得、得、入去廚房睇睇」頂不住1:13 結帳及取消個湯河！埋單時1:17上了碗生牛肉湯河，但我們都離開。今次食物味道真的淡了，無論湯底或豬扒可以不用叫，前科餐飲熱檸茶個茶底怪怪地有漂白水味，當然今次熱檸水就算啦。平日午市都咁晚市點去食呀🤔？！

朋友生日，原本想訂位，但訂完後，再回電告知當日不能預訂，只能walk in，有些亂！到了當日，點了朋友老公下樓取票，我們看情況才決定下去吃，還是外賣。第二三張8人枱，要等一小時，所以還是外賣。冬陰公湯 - 倒瀉了半碗。但我們費事再下去換，也就罷了！味道一般。不換也罷！炒金邊粉 - 太甜，又爛，味道不佳，剩一大半沒人吃。青咖哩雞肉 - ok！咖哩蜆 - 好吃！可惜漏了買蒜茸包！炒河 - 還可以。軟殼蟹米紙卷 - 軟殼蟹真的太軟殼，不脆！燒豬頸肉 - 肉不錯，點的是普通撈檬汁。火車頭 - 我沒試，不知味道如何。

自今年開始, 餐廳運作突然變得好亂門口長期無人派飛, 偶然有職員出黎派發, 但態度極為惡劣,好似施捨你咁就算比你”乞”到入去,你有你舉手搵人, d 員工就好似當你透明, 當你平常有積福，有人應你，只都總是回你一句: 轉頭幫你，但唔知係咪我見識少, 唔知道有d人個頭大到要轉成年囉, 好不容易落到單 , 你以為一切安好, 少年你太年輕了, d單通常要追兩次先會有野食，如果你太怕羞, 請不要去依間鋪, 我驚你會餓食論食物係ok gei, 不過服務九流其實如果無心做, 不如關門啦, 如果真係有心做， 老板請正視問題, 提升自己同員工質素, 最少去返2017水平

好日唔入黎青衣，我地黎到呢間位於青衣城嘅越南菜 ，因為食lunch 時間，見都好似有唔小人等位 。諗住ok ，所以試一下我地叫左一個越南火車頭湯粉,另一個就叫左海鮮喇沙湯河，等左一陣。兩碗野好快黎。我食嘅海鮮喇沙除左一隻蝦同幾料好食嘅帶子仔 ，仲有幾片小魷魚，跟住就係全豆卜。湯底係好甜。比較奇怪。因為食喇沙係辣同椰香多。所以真係好麻麻。另外一個火車頭就以為冇乜特別，點知食到尾先黎個Big surprise 你 。 居然有隻小強游水 ！ 真係嚇死人。 服務員即刻同我地sorry 同cancel 左呢碗野 。 但永不會再幫襯！🤮🤮🤮🤮🤮🤮🤮

去迪士尼前嘆返個下午茶先入場青衣城食最方便見到呢度環境好清幽，係個咁舒服嘅環境下食個下午茶特別爽睇睇餐牌先點完餐，職員就拎碟配料嚟炭燒豬肉撈檬，好香BBQ味，好下次嚟會再食呢個火車頭湯河，有生牛肉、牛腩、牛筋、牛丸、牛栢葉，牛魔王嘅我真係好啱食，不過真係堅飽，好大碗呀

今晚由九龍入左青衣，上網見到呢間餐廳裝修同出品都幾靚，所以決定去試下。九點到達嘅時候，客人唔多，眼見有4個侍應，但個個都好忙，忙住收工咁。被安排入座門口嘅一張圓桌，我們要求坐梳化，侍應馬上黑面，話嗰邊已經收左，我嚇親。我明白大家都想準時收工，你收咗一邊地方，你可以安排未收嗰邊比我啫，而且唔需要係面上寫住趕收工咁嘅樣。入坐後，另外一個侍應遞上餐牌，然後講左句我地十點半閂曬門。我唔明白佢嘅意思，問左句表示不明白什麼意思，佢講啫係閂曬門囉。我諗佢地幾趕時間都好，清晰簡單話比客知幾點最後落單，可以用餐到幾點就可以，我諗客人唔需要知道你地員工幾點離開曬舖。九點十五分。食物好快上枱，從未熟嘅串燒可以見到全店嘅趕收工文化。唔熟未又要浪費時間煮過，真係唔明白。味道ok。未到十點，我們離開。ps地下好污糟。

大年初二，原來很多餐廳也有開放，無奈地因病了所以要吃清淡一點。今次挑選了越南餐廳試試。餐廳設計以藍綠色為主調，像是新派的設計，迎合年輕人口味。餐廳菜式種類很多，如有小食、紫米卷、咖喱、地道小菜、碳烤、飯麵等。順化鮮蕃茄牛腩湯檬上菜時被嚇呆了，這個番茄湯真的很「番茄」，不說以為是芡汁，由於湯碗設計比較高身，完全見不到檸粉。沒想到份量是頗多的！湯底鮮茄味非常濃郁，但質感不會太濃稠，再配上牛腩令湯底更增鮮味。而且檬粉已吸收了湯底的精髓，吃下是有淡淡番茄牛腩味，而且牛腩也比較軟身，口感不錯！青咖喱荔枝豬頸肉煲這裏的咖喱會以鍋座熱，令人在寒冷天氣下吃到熱哄哄的咖喱。青咖喱口感不錯，帶有椰汁及微辣的味道，而且質感不會太稀，可以掛上蒜蓉包。蒜蓉包賣相吸引，而且十分鬆軟脆口！整體來說食物味道不錯，但奇怪的是餐廳的侍應都非常忙碌，而且是迫不及待地收拾每一張餐枱，務求令餐廳整潔。

經常要來往機場和葵涌，偶爾都需要係青衣城解決肚餓的問題。今次選擇了泰國菜（因為最少人等😂😂😂）。點左豬頸肉，好一般，唔夠熱之餘，口感亦唔爽。飯可能食開日本米，呢度既泰國米太硬😂😂甜品都好一般，特別係個雪糕，有點不倫不類😐

三個人食，叫左三個送一個飯一份法包，賣單4xx。平均每人1xx，食得好飽，d野食都值呢個價錢。咖喱軟殼蟹d咖喱好味，所以後加一份法包沾d咖喱黎食，正呀。軟殼蟹就差緊d，炸得唔夠脆口，淋淋地，個人唔太鍾意。冬陰功炒飯比我想像中辣，因為本人唔食得辣的，d飯炒到一粒粒分開曬既，係正常既炒飯，味道都唔算鹹，因為d辣味已經蓋過曬炭燒豬頸肉一定要食豬頸肉半肥瘦正，咬落唔會痴牙，而且加埋個醬汁，真係好食！炒通菜就正常水準。總括黎講，每人1xx食餐飯夠值啦，而且室內環境都優雅，空曠，台上面既餐具設計別緻，見到d靚嘢心情都靚d。

久違了越南菜，可惜軟腳蟹米卷只吃到炸粉，咖哩牛腩煲又是冷冰冰。失望！只是牛肉河粉可以一提蒜蓉包幾好味，但又是冷冰冰。伙記好盡力，但是好似好疲累，冇乜笑容。這間公司不知如何管理的😞

是咁的。我地一行三人想坐底食少少野。傾下計。去左呢間lime搵位。都一陣先有。我朋友要等泊車。所以好遲入黎。得我地兩個先。我地兩個就梗係等埋佢先叫野食啦。好正常姐。個一個(好似係,除非唔係)captain 已經係咁比面色我地睇。又望住晒。又係咁問叫野食未。食完(野食ok)。傾多兩句計。佢就係咁同佢啲同事望住我地咬耳仔。唔知佢講乜但係唔舒服。一陣之後仲問我地埋得單未。你估去左澳牛咩～ 話晒都係餐廳, 咁樣點會有下次....