青悅 (已結業)

漫長的假期，其中一樣消遣娛樂，便是吃。跟娘親大人往青衣城閒逛，突然想吃泰國菜，但商場中另一家的服務和食物品質已被我列入黑名單，所以便選擇這家。一如既往，空間位置還是很少，很有壓迫感，特別是顧客滿座時，也份外嘈吵。這裏的菜式名號屬越南菜，實則是泰國菜越南菜並存，而味道算是不過不失。牛油果芒果軟殼蟹米紙卷，軟殼蟹沒有鬆脆，略嫌韌性十足。馬拉盞炒蓮藕苗，對我來說很新奇，第一次品嚐。即使配上較濃味的馬拉盞，蓮藕苗還是沒有太多味道，但水分充足，實屬健康，甚至是減肥的好菜蔬。大頭蝦冬蔭功湯，娘親大人最滿意的菜式，也是我吃泰國菜的必然選擇。味道配合恰當，不會偏重酸、辣或咸，香茅味十足，更有蠟燭暖湯，很貼心。最後當然有菠蘿炒飯，炒飯粒粒乾身，配料也豐富，味道咸淡適中。總括來說，只有環境真的讓我感到不快，因為實在太局促太嘈。若要再度光顧，可能要避開午餐晚餐的高峰時段，但菜式、味道和價錢也真的是這商場中不錯之選。環境：1牛油果芒果軟殼蟹米紙卷：3馬拉盞炒蓮藕苗：4（喜歡健康菜蔬口感的說）大頭蝦冬蔭功湯：4.5菠蘿炒飯：4侍應/服務：3價錢：4

幾年先會黎一次青衣，今日因為約左Best friends去迪迪尼，所以近近地係青衣食D野先入去。最近真係成日食越南&泰國菜，但好似食極都唔厭。今日見呢度唔洗等位，所以試試。真心，整體都好正！好想市區都有呢間餐廳！雖然價錢有點點貴，但環境同食物都勁OK友人勁想食菠蘿炒飯，所以點左呢個。真係大讚呀！勁多海鮮，大蝦、魷魚等，夠新鮮同爽口。個人鍾情菠蘿呢個炒米粉好特別，米粉用幼粉、軟硬度剛剛好，唔太油。豬頸肉好香同質感唔錯。再來一個炒椰菜苗，成餐飯都好滿足！

一家人一早就到青衣城血拼💪提早到了餐廳睇下可唔可以book位，可惜只接受walk-in😢職員話6點半前黎最穩陣啦。我地就準時6點半到，以經要等位了!!安排了卡位，坐位都算舒適啊! 👍足料，中辣湯底清甜，小朋友👶食得好開心味道雖然不叫太正宗，但都好食，唔會太辣有椰香。馬拉盞味道真係好正!好少地方有翡翠苗食，好清新脆身但份量較少叫左6隻，但份量大到嚇親，韓式炸雞既size，好抵食!必叫!!呢個價錢呢個質素真係超班，佢既秘製醬汁真係好好味.有大量肉鬆，蝦醬不會太咸，好味!🐆🐆🐆🐆🐆🐆🐆🐆🐆🐆🐆🐆🐆🐆🐆 一家人一齊棒住個肚走，一行6人，$1000都不用，食物質素比想像好，就算等左半小時也十分值得啦! 下次一定會再黎，但真係要再早d，因為真係好多人，哈哈🙌

在呢間越南餐廳開業初期曾光顧過一次, 但當時經驗不是太好, 所以其後一直都無將佢放在考慮之列, 是晚我同大食男友係青衣城行來行去..諗來諗去..又唔想食上海野..又怕小龍包太多..終於大食男友提議再試一試呢間越南餐廳；我地叫了一個香茅豬扒撈檬同牛柳粒紅飯;香茅豬扒肉質鬆軟而且炸得好香, 但味道鹹左少少； 牛柳粒紅飯令我有點意外, 牛柳粒肉夠嫩, 咬時有點似食緊肉眼扒, 飯可以一粒粒清晰可見又爽口並沒有一舊舊, 而且茄汁平均分佈在每粒飯上👍🏻只是員工們可能要熟少少書...因為當大食男友問有無紅飯時, 姐姐竟然不知咩叫紅飯🙄

一間垃圾餐廳, 食剩少少已經問你仲要唔要, 佢好似睇住你搬嘢一飲完即刻收杯收埋枱墊嗰張紙, 意思即係叫你快啲走, 如果你想坐得耐千祈唔好去呢一間餐廳, 食物就一般冇乜特別

因為返工關係，青衣好多地方都食過lu。而青悅係唯一一間我喺青衣城食極都唔會食厭嘅餐廳。點解？除咗價錢比較公道之外（$50-60），食物水準都好高。好似推介友人食嘅炭燒豬扒飯同辣炒牛河😍 豬扒好大件，雖然厚切但火喉到位，依然啖啖嫩肉，整得出色；而個河啱啱炒起即上枱，嗰陣油香味真係...卡路里算什麼？真係隔住個mon都流口水🤤 馬拉盞炒通菜同樣出色 夠香辣！基本上呢間嘢嘅嘢食就係信心嘅保證 ☝🏻☺️。又一餐。

今日跟2位朋友仔來到青衣城睇戲，順道喺呢度吃晚飯，整個商場食肆都充滿人潮，看到青悅等待的人較少就決定呢間，等了一會可以入座了。原來店內是爆場的，超多人。環境裝潢非常華麗，本以為食物價格應該不便宜，誰知一看之下，食物價格適中跟呢2位朋友仔吃泰國菜，習慣一定會點咖哩&蒜蓉包，所以特意點了咖喱牛腩煲再另加$18跟蒜蓉包～牛腩軟腍又不會癡牙，又不辣，蒜蓉包沾上咖哩絕配，一人一塊真係不夠喉想不到這個炭燒香茅豬頸肉份量十足，一整碟滿滿的，肉質軟腍，呈粉紅色，十分香口朋友仔最愛泰式鳳爪，點左越式酸辣雞絲鳳爪，我吃了一口實在太辣了，最後交給吃得辣的朋友仔吃吧，哈哈！馬拉盞炒通菜有點油膩，但通菜炒得很爽口，很惹味～軟殼蟹海鮮炒飯雖材料十足，但飯底比較淋身，而且味道較淡，最後我們需要加上咖哩汁拌飯～喜歡喝許留山的芒椰汁，必定會愛喝這杯粒粒芒椰冰，濃郁的椰汁味，芒果又甜，好好飲

吃什麼好呢？要決定吃什麼，是一件苦差。住在地鐵沿線，要方便的話，在那些所謂的大商場，吃來吃去都是那些。這晚到青衣城，一家三口，三人對吃沒什麼意見，決定了某間後，女兒又謂不好，想起越南菜，問她喜歡與否，她點頭，便到了「青悅越南料理」。門前那黑臉帶位小姐，問其取票，她便黑著臉給我票，等了接近二十分鐘，終可進入，店內燈光幽暗，卻沒有壓迫感。細看餐牌點菜，怎麼越南料理猶如泰菜似的，有冬蔭公湯亦有魚爐！冬蔭公湯不就是泰國菜嗎？怎麼是出現在越南料理店中！不明！「大頭蝦冬蔭公湯」，大頭蝦肉竟算爽口，湯味豐富，最初幾口甜酸辣平均，但越飲越酸，整體是不錯。「扎肉肉碎蒸粉包」，沒味的，蘸醬後亦不覺好吃，中環的「明珠越南餐廳」比這個好吃百倍。「蒜蓉炒椰菜苗」，稍油膩，但蒜蓉炒得頗香口，菜亦不硬，熟程度準繩，不錯吃！「鮮蝦扎肉炒越南粉絲」，粉絲是粗身的，根本就似是米線的透明版，說是炒，吃落就不覺得是炒，吃到的是濕膩的感覺，偏鹹，蝦算爽口，但蝦味欠奉，整體極普通。「湄公河古法明爐河魚」，河魚是鱸魚來，魚是細條，那麼細條竟收$178元，真貴！魚的背部部份魚肉有霉的跡象，魚味欠奉，幸河魚的泥味除掉，酸酸味味的湯很吸

Lime 淨係睇果名，我就覺得依間餐廳唔錯。😘😘我同屋企人叫得都多野食。其中兩個令我深刻-分別係原個菠蘿炒飯&豬頸肉豬頸肉撈檬。菠蘿好甜，豬頸肉好好味，因為係炭燒。大家去到青衣城可試。

呢度d食物味道不錯，但之前每次光顧，都覺得d店員服務態度好差。但上星期同K先生去食完之後，服務態度不錯，d店員幾有禮貎，食物都keep到水準。我地點咗海鮮椰皇飯，味道不錯，很香濃椰汁味炒飯，很多海鮮配料，而且份量很多。又靚又好食另外泰式炒金粉都不錯，炒得很香，而且有很多配料，上面那層薄薄蛋皮幾好食。

係青衣城如果買外賣，呢間係我既首選，一：係可以打定電話叫野食，轉頭拎二：即使去到先買，通常15分鐘就有得拎三：唔收Packing Fee （以往都會外賣下3樓間Thai菜，可惜晚市無湯粉面類，食物又愈黎愈差，又會逐個袋同盒計錢）咁岩約左人係青衣城，就入左黎食。晚上7點幾兩個人唔洗等位直入（唔知好事定壞事啦）叫左個熟牛肉湯河，有碗生芽菜同辣椒粒送上黎。牛肉大約有6-7小片，味道正常唔肥，河粉屬幼身一類，偏硬，未必個個喜歡，但我自己幾鐘意。相比份量偏少既河粉，湯底就顯得多，湯頭入口味道較濃惜偏油膩。生芽菜就唔建議放湯啦，太大陣青草味，放落去不但提唔到味，仲搞到味道更怪。香茅豬扒燒得唔錯，肉味濃兼入口有焦香。豬扒算大件，伴以香蔥同蒜片，味道更豐富。墨魚炸蝦餅，一客4件，大大件熱辣辣。炸得唔算多油，入口彈牙，食到細細粒既墨魚，內有蔥茜粒，讚之前係呢間都食過d伏野，食得多左就知邊幾樣係可Encore，就呢幾樣野給予好評。服務方面：每個人入黎果時佢地都會齊聲講歡迎光臨，但聽得多覺得煩。服務一般，有走單到，追完單佢地都會同你交待下，唔會走左去唔見影。

星期二和朋友經過，見有呢間越南菜，唔算多人，就入去試試;野食整體水準都可以，不過係餐廳不算很忙之下，啲員工都係木口木面冇丁點笑容，我們需要取些餐具，故意四處張望，但啲員工都好似故意睇你唔到咁，唔舉手都唔會過來;另外有一樣幾令人反感嘅事，就係員工經常係餐廳內大叫(1號出，23出)等用詞，我估計應該是收銀處在裡面，向收銀員叫邊張檯埋單吧;但係咁樣係餐廳內大叫法其實係好騷擾客人用餐，我相信連茶餐廳都唔會咁做吧，更何況呢度係青衣城這個高級商場內呢！

以前食過覺得好，今次一入來已是9:30pm，一個似係高級少少的男侍應話四人枱唔可以坐，另一張話分枱就得。最後咪要推返埋，枱細放不落五樣食物。根本咁夜都冇乜客啦！咁緊張！牛肉粉、蝦餅都好食；飯就陣臭味！魷魚極差！又辣！又乾！黑晒邊！要用水浸！浸完水全部有黑點同紅色油！仲$78 加一！10:10pm 加完水又即刻收杯水，問都無問！趕收工都禮貌啲啦！以前覺得這店算很好的！喜歡來吃！經過今次就唔想再來，店員和食物都差咗！加埋支酒要$415！極乾唔食得！

Happy Friday 就同家人打算到青衣城食飯，睇吓想食啲唔同嘅嘢就見到有間越南菜，門口已經有好多人等位，我哋等左大約45分鐘先有得入座。鋪頭比較細所以座位唔多坐得比較迫，枱嘅size亦都比較細所以叫咗啲餸菜都冇位放。鮮蕃茄牛腩煲跟法包：蕃茄牛腩煲上枱時連埋一個爐，個汁係好好味嘅不過呢就唔係好濃嘅蕃茄味，牛腩比較說亦都比較少入邊仲有幾片月桂葉如果牛腩多番少少會比較好，而家咁樣就有啲唔係好抵，可以加＄18跟三片法包，其實係有蒜蓉嘅蒜蓉包點到人都入邊嘅汁嚟食係好好味。馬拉盞炒椰菜苗：份量都唔係話好少，但係馬拉盞嘅味就唔太重，不過個味道都幾惹味。越南春卷：其實個價錢來講呢啲春卷又太少嘅， ＄56兩條春卷切開一半，春卷嘅味道係幾好但係入邊嘅餡就已經散晒，不過包埋啲生菜同紫蘇葉食即係點埋個越式嘅魚露係好好味。希望豬頸肉米紙卷：呢個係完全抵食食晒成舊都唔覺得入邊有豬頸肉，係一粒都食唔出只係食到好多菜同埋一片嘅芒果。如果佢可以加多番少少豬頸肉咁就會覺得抵少少。大蝦蓮藕苗沙律：呢個菜係我全晚最欣賞嘅菜，比起出邊嘅越式菜譜係比較少見，酸酸地嘅蓮藕苗好爽口，比起食一片片嘅蓮藕有另外一種神奇嘅感覺，就好

今天过来青衣城買有机食物回去，顺便行下，肚好饿，见到旁边的青悦装修很小清新风格，就吃个饭回家唔使再煮客人礼拜天都有关系差唔多要爆枱咁，先叫了个帶子柚子沙律作前菜。、份量就普通唔会太多。，有虾帶子。虾都几甜而带子就一般，柚子如果可以再多点酸点更喜欢，可能是酱油太重就发觉唔太出柚子的重要式牛油果軟殼蟹米紙卷，个头都几大配菜都有几款，不过包的一夹就散很完整。 軟殼蟹炸的脆度适中马拉盞通菜 炒的很好，很入味。汁咸度够酱汁浓郁最爱。。