青悅 (已結業)

三個人食，叫左三個送一個飯一份法包，賣單4xx。平均每人1xx，食得好飽，d野食都值呢個價錢。咖喱軟殼蟹d咖喱好味，所以後加一份法包沾d咖喱黎食，正呀。軟殼蟹就差緊d，炸得唔夠脆口，淋淋地，個人唔太鍾意。冬陰功炒飯比我想像中辣，因為本人唔食得辣的，d飯炒到一粒粒分開曬既，係正常既炒飯，味道都唔算鹹，因為d辣味已經蓋過曬炭燒豬頸肉一定要食豬頸肉半肥瘦正，咬落唔會痴牙，而且加埋個醬汁，真係好食！炒通菜就正常水準。總括黎講，每人1xx食餐飯夠值啦，而且室內環境都優雅，空曠，台上面既餐具設計別緻，見到d靚嘢心情都靚d。