青悅 (已結業)

晚飯時間位於青衣城嘅呢一間越南菜竟然唔洗等位，二話不說即刻入去食晚餐。叫咗菠蘿炒飯同火車頭，餐廳分拆左好多張二人台出嚟，上菜亂晒，要客人講返嗰碟餸係佢😅又有侍應火速將碟野擺落檯，客人嗌住佢，但已經走咗😂要客人畀返另一個客人🙄火車頭味道一般，普普通通。菠蘿炒飯整得唔錯，好有菠蘿味，但落左少少香料，味道比較特別，同食開嘅唔同。重點都係要講返個甜品🤭芒果糯米飯賣相係冇乜特別，食落先知伏。糯米飯無味，椰汁好淡，芒果肉竟然有薄荷葉加青檸嘅味道，食落真係好奇怪，好似將個芒果浸左落去一杯青檸水再拎返出嚟上碟咁。

蕃茄蟹肉豬肉串湯檬，平時食開冇寫明係跟豬肉串，今次食，菜單寫明有豬肉串，黎到冇，仲諗住豬肉串另分開上，問返侍應先話今日冇貨，比左扎肉代替，得嗰兩片，我話下，咁應該唔會一串豬肉串變兩片扎肉呀，佢話豬肉串既話都係得兩粒，下，兩粒都叫一串，咁樣完全唔符合商品條例，落單果陣唔知都算，入埋單都冇通知，解釋完仲要道歉都冇句，就咁行開左，服務真係好差，話得事嗰個行埋黎都做唔到野，點樣教到其他下屬，真係黑人問號，以前都成日黎食，今次之後咁既服務都唔想再黎食

有左app拎飛之後，食野等位方面真係方便唔少!這間餐廳都有用，係app到等完一輪終於叫我地，話執緊枱又再等左10分鐘... 幸好野食唔錯!!!男朋友叫左個火車頭湯河，牛肉好入味，湯濃而不膩~~我就點左個西貢鮮蕃茄蟹肉豬肉串湯檬，茄湯好濃，d檬粉(係散左d)吸哂好好食蟹肉都係真蟹肉唔係蟹柳，諗番起好似無豬肉串得扎肉...米子卷係我地食泰越野必點既小食~點左黑豚肉蜜桃水果米子卷，不負所望!!夾花生醬係我第一次見既配搭，點知好夾花生又好脆! 本身米子卷口感層次已經好豐富，加埋這個醬就更加正~雖然安排有點不周到少少扣分，但整體都好唔錯!!

同事提議去青衣食lunch，所以一行人就去左探索新地方，結果就相中呢間越南野。光線充足地方都尚算寬敞，係商場入面所以好易揾。叫左雞絲喇沙，湯頭味道幾好，雞絲就略嫌唔夠絲，份量只係普通，唔多，算係合格。

本來想試2期Mexx lemxxgraxx , 不過見人太多，過左黎呢邊，唔洗等位就入去試吓。。。芒果軟殼蟹紙米卷：紙米卷皮薄，芒果配軟殼蟹一定係絕配，軟殼蟹炸得脆口唔多油，香料配搭得宜熟牛肉河粉：熟牛肉冇肥肉位抵讚，不過牛肉偏少，清湯底唔會太油海鮮叻沙湯河: 叻沙湯底椰汁味唔算濃，辣味適中，海鮮份量好少，煮得過左火食到好細粒餐廳環境：枱子鋪得滿滿的，客人行入位子嘅位置好狹窄，侍應上菜時，亦要小心翼翼，免得撞到顧客

My friend and I went here for lunch for the first time today. The restaurant was really cold to start with so better remember to bring a jacket or blanket. We order pho with pork chop and chicken laksa, which also include two cups of hot drinks in the lunch set. The laksa came incredibly slow, which i recalled that i have waited for at least 20 mins. However, the pho and laksa tasted good and the size was decent.

睇戲前得30分鐘時間食tea，呢間餐廳唔使等位，唔使諗就入去食。估唔到食物質素比之前好左，原本仲怕食物出得慢趕唔切睇戲，幸好都唔係好耐就出來。總括來講，食物質素很好，價錢合理，又唔使排好耐隊，是不錯的選擇，推介!

近年比較看重儀式感，母親節當然要為媽媽花點心思，送花煮飯全日相伴；而嫂晚上沒有空，約好來個午飯慶祝。 自此店重新裝修過後都未曾光顧，中午十二時左右人未算多，餐桌餐椅大張，坐得舒服但排得密密麻麻；餐牌沒換新，早已被翻得殘缺不堪，在光鮮的舖頭裡顯得有點突兀。 芒果龍脷柳米紙卷 $68 魚柳炸過香脆可口，捲著沙律菜、芒果和九層搭同吃，清新開胃。 炭燒沙爹(4串) $70 雞肉和豬頸肉燒得焦香，醃得入味又不柴，那帶有濃濃花生香氣的沙爹汁調味得宜，平日不愛醬料的我也忍不住蘸了幾次。 清炒蓮藕苗 $70 從未聽過吃過蓮藕苗，起初以為會和蕃薯苗一樣是葉類植物，上桌時方知原來是迷你蓮藕，甚為可愛。蓮藕苗爽口有汁，通窿的可當飲管使用，和雙親玩得不亦樂乎。 蛋包海鮮金邊粉 $82 面頭放上兩隻大蝦賣相吸引，金邊粉炒得乾身夠鑊氣，配上蛋絲、豆干、芽菜等配料，飽肚 河內燒春雞釀香茅黃薑飯 $178 原隻上的燒雞製作需時，切開時內裡仍在冒煙；雞肉外皮薄脆，貼心的去了骨，肉質嫩滑，黃薑飯吸盡油香，惹味非常。 人均消費百三元，食物好像比以往做得更美味用心，多謝嫂的午餐，再次祝母親大人母親節

同朋友去迪士尼之前係青衣城食飯見到呢間排隊唔算耐就決定呢間朋友嗌咗個蕃茄雞肉麵，試咗一啖，覺得好普通我就嗌咗個火車頭越南河，好足料，而且味道不錯兩個麵既份量都好大，朋友同我都食唔曬另外再嗌咗牛油果軟殻蟹紙米卷同椰汁西米露甜點，不過不失

幾年前已經吃過一次記得味道不錯的🤤朋友說想吃越南菜因為沒有分店的關係所以就專程到青衣"炭燒香茅豬扒配濱海"🐷豬扒口感軟熟 又juicy濱海像濛粉用生菜張豬扒濱海包在一起感覺清新"牛柳粒紅飯"🐮牛柳軟熟不奀 但醬汁濃味吃不到肉的味道"馬拉盞棷茶苗"🌶香香辣辣 十分野味惹味份量都ok "牛油果椰香沙冰"有驚喜的沙冰🥑🥥有牛油果味 棷香味濃郁 但稍稍蓋過了牛油果的味不錯的越南餐廳如果有地點方便的分店就更好了😬

食親越南嘢都有感味覺被衝擊，呢間都係其一！呢類卷物係越南菜賣點，唔同料撈埋，夾埋個汁真係想當正！最緊要係有埋菜另一個係濱海，其實唔係好肯定係咩黎，似米粉咁，同啲肉撈埋了幾夾！其實佢仲有好多嘢試，可recall!

這裡有午市套餐點了一個A03 火車頭湯河， 有生牛肉，還有牛腩、牛筋、 牛丸、牛柏葉。河粉滑湯底清甜，生牛肉片香滑， 牛腩軟熟， 牛筋軟綿 ， 牛丸爽口， 但牛柏葉要咬好耐都覺得韌， 如果薄切會好些。另外再點一個E03 越南海鮮炒金邊粉， 有蝦、 魷魚、 帶子， 好爽口的芥蘭，配搭一齊 ， 好合口味。加配上湯浸通菜， 都好味！加配越色春卷， 配有生菜、爽爽的椰菜絲 、酸酸地的甘筍、蘿蔔絲， 不錯。午餐牌都有幾類選擇:湯河粉、炭燒飯類、咖哩類、 特色青悦湯河 、撈檬凍食、 飯類、蔬菜等。餐廳服務及環境都滿意。

我哋九個人一張枱，所以早早就book咗枱，啱啱好餐廳又有張大枱可以容納到我哋，真係太好啦。我哋叫咗米紙卷，椰汁海鮮飯同埋菠蘿海鮮飯，炸雞翼同埋青咖喱煲。其實佢好多菜都幾好食，尤其係佢個青咖喱同埋炸雞翼，燒菠蘿就當然冇得輸啦。可能我自己對椰子味麻麻地，佢個椰子海鮮飯實在太椰汁，我諗有啲人應該會好鍾意。後尾因為我哋唔係好夠食，我哋又追加左個燒雞，泰國燒雞相對來講就比較乾，所以個汁可以多d，咁樣就會balance返。

今日lunch time想食好嘢, 過嚟咗青越肚食, 平時食蟹肉蕃茄湯比較鹹 今次改改口味轉食青咖哩豬頸肉 雖然睇落去唔係好吸引嘅顏色,, 椰汁味比較重, 冇乜咖哩味 但都畀我食曬都曬啲汁🙈 而且佢有個荔枝喺入面嘅, 都有少少特別喇.... 但而家午餐冇得叫熱奶茶需要加錢😢

今日同太太及小朋友係青衣城食飯，見其他食肆都要排大隊，所以去左間越南野度食，貪佢等一張枱就到我地拎完飛等叫number，叫到我地時，話兩大一細，門口個呀姐已經西面。入到去叫野食之後既情況先犀利，個冬蔭功湯又漏單，碟蒜蓉炒菜啲菜硬到好似生咁，又無比碟又無未碗，食晒野等個湯黎，上個湯比唔比匙羹，搞到要係咁舉手搵侍應，啲侍應又唔係點應你，真係吹漲，個服務真係差到不得了......食完見到小朋友對腳多左好多紅點一粒粒，都唔知係咪被蚤咬個湯同炒飯just ok，但以呢個價錢，咁既質素其實好普通，碟菜垃圾。配埋咁既service同埋侍應面口同態度，同埋個衛生情況，真係唔會再去呢間，甚至其他分店，好差既一次晚飯經歷