青悅 (已結業)

今晚由九龍入左青衣，上網見到呢間餐廳裝修同出品都幾靚，所以決定去試下。九點到達嘅時候，客人唔多，眼見有4個侍應，但個個都好忙，忙住收工咁。被安排入座門口嘅一張圓桌，我們要求坐梳化，侍應馬上黑面，話嗰邊已經收左，我嚇親。我明白大家都想準時收工，你收咗一邊地方，你可以安排未收嗰邊比我啫，而且唔需要係面上寫住趕收工咁嘅樣。入坐後，另外一個侍應遞上餐牌，然後講左句我地十點半閂曬門。我唔明白佢嘅意思，問左句表示不明白什麼意思，佢講啫係閂曬門囉。我諗佢地幾趕時間都好，清晰簡單話比客知幾點最後落單，可以用餐到幾點就可以，我諗客人唔需要知道你地員工幾點離開曬舖。九點十五分。食物好快上枱，從未熟嘅串燒可以見到全店嘅趕收工文化。唔熟未又要浪費時間煮過，真係唔明白。味道ok。未到十點，我們離開。ps地下好污糟。